الأربعاء، 12 مارس، 2008

000 عجبى 000


اصحابنا دول يا قلبى ولا ناس تانين 00

اصحابنا صانو العشره ولا نسيوا السنين 00

ولا السنين هى اللى نسيتكم انا مين 00

اصحابى كنا وكان ما بينا عشره جميلة 00

كنا كل يوم مع بعضنا صحبه اصيله 00

لا يوم حسبنا حساب زمان يفرقنا 000

ولا يوم فى صبانا خوفنا من غدر ايامنا 00

ليه بعد الفراق وفرحتى بلقاكم0000

ليه بعد السنين ما رجعتكم فى دربى 000

القاكم ناس تانين 000 مش انتم اصحابى 00

ناس عنى غريبه 00 فين انتم يا احبابى 00

فين عشرة سنين وفين عشمنا فى بعض 00

ولا زمانا الخبيث ضيعنا خلاص فى البعد 00

اصحابى لسه الذكرى الحلوه جوايا 000

لو لسه فاكرين عشرة وسنين املنا وصبانا 000



ولاالسنين اخذتكم وفى البعد الجفا 000

وغيرتكم وغيرت احلى ما فيكم الدفا 00

ومبقاش ينفع يعود من تانى يازمانى 000

كل اللى كان مضى ولا يمكن يرجع تانى 000


وارجع واقول 00عجبى على صاحبى اللى نسانى

وانا كنت فاكره الزمان حيجمع شملنا تانى

اتارينى كنت باحلم نتلم من تانى 000

هو اللى راح يا قلبى من ممكن يرجع تانى 000؟؟؟0 وعجبى 000 !!!

ليست هناك تعليقات: