الأربعاء، 2 أبريل، 2008

الا رسول الله 00 الا كتاب الله 00 الا اسلامنا 00 يا كل الامه 00 يا اسلاماه 0


ايوه طبعا حنقاطع وده اضعف الايمان

واكيد بايدينا نقدر نعمل حاجات كمان

لازم نقول عن دينا وسماحته للدنيا

لازم العالم يعرف الاسلام وعظمته

لازم الناس دى تعرف مين الحبيب رسولنا

وان عظمة دينا وقوته فى سماحته

اسلامنا 00 قرأنا 00 والحبيب رسولنا

لازم الصوره توصل زى ما شيفاها عيونا

مش عارفه قصرنا ولا مكتوب علينا

ولا ده ناتج لضعف صنعناه بأيدينا

غفرانك يا رحمن 00فى المحنه اهدينا

وسامحنا يا رسولنا 00 وقرب خذ بأيدينا

خجلانه من نفسى وخايفه من اللى جاى

اعظم دين يا أمه 00 هدية الرحمن لكل العالمين

لو احنا نقول دى غمه 00 اللى حيرفعها مين

الله ربى وربك ورب العالميين

الله بيختبرنا 00 احكم الحاكميين

عفوك ارجوك يا ربى يا ارحم الراحميين

وخد بأيد الأمه 00 ارفع يا رب الغمه

قوينا وارحمنا 00 واقبل منا المقاطعة

والهم كل واحد فينا ايه اللى يقدر يعمله

تاهت يارب خطاوينا00 لكن بايمانا حنهتدوا

كلاب وبتنهش فينا 00 ولو سكتنا حيفتروا

ودينا نفديه بعينينا 00 مصحفنا فى قلوبنا وحروفه فى صدورنا

وفداك ابى وامى وولدى ونفسى 00 يا سول الله 00

هناك تعليقان (2):

ياسر يقول...

rovy
السلام عليكم ورحمة الله وبركاته
عارفة انا مقيم في اوروبا
والمشكلة الكبيرة الا بشوفها
هنا من بعض الشيوخ في
المساجد للا سف الشديد
مبيقدروش يوصلوا المعلومة
من ناحية التشدد والتزمت مش
هقول في الدين حاشا للة
التذمت والتشدد في الاسلوب
الا بيوصلوا بية خطبهم او الرسالة
واللة انا بحاول بقدر ما امكن اوصل
الا ربنا يقدرني علية وشاري كتب
مترجمة باللغة الفرنسية ومش هقول
بشحتها انا بسلفها للنا س هنا يعرفوا
من هو سيدنا رسول اللة صلي اللة علية وسلم
وما هو القراءن وما هي قصص الانبياء
والحمد للة في ناس ومش كلهم
بيفهموا وبيقدروا كويس يعني اية
اسلام ويحترموا انسان مسلم
وعلي فكر في الدانمارك نفسها
في مجموعات مختلطة للدفاع
عن سيدنا رسول اللة فيها
شباب دانمراكيين الاصل
والحمد للة ويارب عين
وقوي كل مسلم علي
توصيل الرسالة علي اتم وجة
واسلوب خالي من العنصرية
والعنف امين يارب
مع فائق احترامي وتقديري لكي ولمواضعيك

rovy يقول...

ياسر
جزاك الله خيرا عل ما تقوم به لخدمة الاسلام وياريت كل مسلم يعمل اللى ربنا يقدره عليه ( لا يكلف الله نفسا الا وسعها) والحمد لله وندعوه ان يعين المسلمين ويعينك يا ياسر وربنا يهدى شيوخنا يارب الى ما فيه صالح الامه ويجعلهم يرغبوا قبل ان يرهبوا .
ربنا يوفقك ..
اشكرك ولك خالص التقدير
تحياتى

rovy