الثلاثاء، 29 أبريل 2008

علمتنى الحياه

علمتنى الحياه ان كل شىء فى اوله صعب .. لكن مع الوقت كل شىء يمر والامواج العاليه تهدأ
_علمتنى ان الفراق قاتل ولكن..مع مرور الايام يصبح مجرد ذكرى لجراح والام .
_والخيانه علقم امر من المر.. الا اننا يجب ان نستمر فى الحياه ..
ربما نغلق باب صديق خائن او صديقه خائنه .. ولكننا نفتح ابواب لاصدقاء جدد لتستمر الحياه .
_ المرض الم ومعاناه ولكنه ايضا ينتهى اما بالشفاء او بالموت ..فلا شىء يستمر الا لا منتهاه .
_من يقع يقف مره اخرى ليستمر ..
فلا بد للحياه ان تستمر ..
ما دمنا نحيا ونتنفس .. فعلينا الاستمرار .

حتى الموت وفقدان اغلى حبيب يبكيك يضنيك يؤلمك الام غير محتمله وتشعر بنيران مولعه بصدرك لكنك تسرع لمنقذك الواحد الاحد من بيده كل الامر ..تضرع اليه ليلهمك الصبر ..
وسبحان الله مع الوقت تهدأ النيران المشتعله وتتحول الالام المميته لبلسم دعاء للحبيب الراحل وتجد سلواك فى ذكرياتكم الجميله وتجد نفسك تتحدث عنه وتحكى لكل من تعرف او لا تعرف ..
ولكنك تريد ان تستمر فتتحول الالام والجراح الى ذكريات مدفونه بداخلك لا يراها غيرك .

فبعد الليل يأتى الصباح .. فاذا جاء الصباح انتظرنا الليل اللذى لا بد ان يأتى بعده مره اخرى الصباح .. وهكذا الحياه لا بد لها ان تستمر .
علمتنى الحياه اخر ما علمتنى .. ان ارادة الانسان هى التى تبقيه وان اليأس هو اول طريق للنهايه..
فأنه لا ييأس من رحمة الله سوى القوم الكافرون .. وما دمنا مؤمنين ونعلم ان الله رؤف بالعباد فلا بد ان نحيا ونستمر ولا نخشى الا الله
لانه وحده القادر وحده بيده الامر وحده ووحده فقط .. و ماذا نخشى وهو اقرب الينا من حبل وريدنا وهو احن من الأم على طفلها الرضيع
هو الحنان المنان الذى ابدا لن يضيعنا ..
فلنلجأ له وله وحده وهذا هو اهم درس علمته لى الحياه .. الله ثم الله ثم الله
لا اله الا الله .. محمد رسول الله والحمد لله .

____________________________________________________________________

احبائى فى الله ما زال التوقيع على الرابط ادناه فى البوست اللى فات مطلوب نتمنى ان يوفق الله صاحب مدونه قولا سديدا فى ما بدأه لنصره الاسلام والرسول المصطفى ولندعو جميعا معه كل بقدر استطاعته حتى ينصرنا الله جميعا و ينصر الاسلام بتا .. وفقنا الله.
جزاه الله وجزاكم خيرا .

هناك 51 تعليقًا:

just me يقول...

علمتنى ان الفراق قاتل ولكن..مع مرور الايام يصبح مجرد ذكرى لجراح والام .
----------------------

اصعب حاجه فى الدنيا الفراق لانه مش بايدنا

وكده كده لازم نفارق

غيرنا هيفارقونا واحنا هنفارق غيرنا

بس بجد زى مانتى قلتى لا نيأس من رحمه الله

just me يقول...

علمتنى ان الفراق قاتل ولكن..مع مرور الايام يصبح مجرد ذكرى لجراح والام .
-------------------------------


الفراق مكتوب سواء احنا لاللى بنفارق او غيرنا

وبجد بالرغم من انه صعب جدااااااااا بس ده قدر

غني يابهيه يقول...

مساء الخير

من بهيه لروفى
فعلا كل شىء فى اوله صعب مهما كان

حسبي الله ونعم الوكيل يقول...

اللهم يقوى إيمانك هذه هى الحياة وسنتها .

رئـــــيسـة حزب الأحلام يقول...

السلام عليكم
كلمات رائعة وتعبيرات جميلة تحياتى لكى

rovy يقول...

لست ادرى
اسعدنى مرورك فى المدونه واهلا بيكى
عندك حق الفراق قدر ولكن رحمه الله هى التى تجعلنا نكمل المسيره .
نورتى يا قمر
تحياتى
rovy

ghoneem يقول...

اهلاً بيكي

علمتني كلماتك نصائح غالية ودروس مهمة اتمني من قلبي ان يفهمها جيداً

بوست متميز ربنا يجازيكي به خيراً

تحياتي

بالتوفيق.........

rovy يقول...

غنى يا بهيه
مساء الفل على عيون بهيه
واهلا بيك ..
خالص تقديرى وتحياتى
rovy

rovy يقول...

حسبى الله ونعم الوكيل
اهلا بيكى ونورتينى ..
اللهم قوى ايماننا جميعا ..
اشكرك ولكى خالص تحياتى

rovy

rovy يقول...

رئيسة حزب الاحلام
منورانى دايما .. اشكر تعليقك الرقيق
وفقك الله دائما ولكى خالص التقدير

تحياتى

rovy

rovy يقول...

ghoneem
اهلا بيك دائما ..
اشكرك بجد على تعليقك المتميز واحساسك بالكلمات .. وفقك الله ودمت بخير

خالص تقديرى وتحياتى

rovy

Eldebug يقول...

فلنلجأ له وله وحده وهذا هو اهم درس علمته لى الحياه .. الله ثم الله ثم الله

فعلا اهم درس فى الحياة ... لان فيه حل كل مسألة

جزاكى الله كل خير

rovy يقول...

eldebug
سعيده بمرورك
اؤكد لك انه كما رددت هذا والله اهم ما علمته لى الحياه .
واشكر الله كثيرا لانى تعلمته لانى منذ تعلمت الدرس وانا تصغر امامى اى مشكله مهما كبر حجمها وتتضائل امامى الاحزان . فالحمد لله
اتمنى ان يمنحك الله السعاده وان يوفقك دائما.
لك خالص تقديرى وتحياتى

rovy

امل يقول...

عارفة لما الواحد يمر بتجارب صعبة وبعدين ربنا يفرج عنه وقتها بس بيحس كأن مفيش حاجة وحشه مرت بيه وبيوقن ان رحمة ربنا قريبة قوي
ربنا يكرمك على موضوعاتك الجميلة

rovy يقول...

اختى الحبيبه امل
ربنا يكرمك على تعليقاتك الجميله ويبارك فيكى .
اكيد رحمه ربنا كبيره قوى والحمد لله ان سبقت رحمته عدله ..
اشكرك ولكى خالص تحياتى

rovy

الربان يقول...

تحياتي

موضوع جميل...ودعوة للتأمل و كأنك تقولي : لا تحزن.

نعم الحياة متغيرة...و التغير من سننها
ولو التغير و التغيير ما شعرنا بجمالها

و كل شوكة نشاكها نؤجر عليها باذن الله.

و لا تفرح بما أتاك و لا تحزن علي ما فاتك...و تلك الايام ندوالها بين الناس

و اهم شيء كما ذكرتي حضرتك هو الا نيأس من روح الله...فأنه لا يياس من روحه الا القوم الكافرون.

تحياتي و تقديري

Unknown يقول...

علمتنى الحياة انى سأظل اتعلم الى ان اموت
وان كل شئ بالحياة صعب فى الاول
لكن الله يهبنا نعمة النسيان لنبقى على عقولنا

اللهم اخرجنامنها سالمين

بالتوفيق اختى روفى

Amany Y. El-Saeed يقول...

روفي...
أد إيه بوست جميل و يبعث في النفس الرضا و الهدوء

سعدت بقراءته فعلا

rovy يقول...

الربان
اشكرك على هذا التعليق المتميز . طبعا اسعدنى مرورك وسوف انتظره دائما
خالص تقديرى وتحياتى

rovy

rovy يقول...

نهر الحب
اللهم امين يا اختى اللهم اخرجنا منها سالمين واحسن ختامنا .. لكى كل الشكر والتقدير . اتمنى ان يمن الله عليكى بالسعاده دائما وفقك الله ورعاك .
تقديرى وتحياتى

rovy

rovy يقول...

امانى
سعدت اكثر بزيارتك .. اشكرك لتعليقك الرقيق .واتمنى ان تدوم الموده .

خالص تقديرى
تحياتى
rovy

Desert cat يقول...

فعلا
فلا نيأس وعلينا بالاستمرار

namer يقول...

كلمات جميلة لمست اوتار القلب لدى ربنا يوفقك اتمنى تشرفينى
وربنا يديم التواصل

rovy يقول...

desert cat
اهلا بأحلى قطه نورتينى وعلى فكره انا كنت ناويه ازورك بس انتى سبقتينى .
اجمل امنياتى لكى وان شاء الله الود متصل ..
خالص تقديرى وتحياتى

rovy

rovy يقول...

namer
شرفنى مرورك وحاولت ان ازور مدونتك بس كان بيطلع لى تحذير بشأن المحتوى ورغم انى عطيت استمرار لكن لم استطع الدخول لمدونتك .. يا ريت تحاول تضبطها وان شاء الله استطيع زيارتك قريبا ..
اشكرك لتعليقك الجميل واتمنى زيارتك فى اقرب وقت .. وفقك الله
تحياتى

rovy

بنات صاحبة الجلالة يقول...

علمتنى ان الفراق قاتل ولكن مع مرور الايام يصبح مجرد ذكرى لجراح والام

صحيح الفراق بيكون غصب عن الانسان بس مع مرور الوقت صعب يبقي ذكري الفراق صعب وخصوصا لو كان فراق اعز الناس

بجد انتي رائعه وكلماتك جميلة اوي

لكي تحياتنا

Gannah يقول...

كل يوم فى حياتنا هو درس جديد نتعلم فيه و نظل نتعلم حتى يأذن لنا الله بالرحيل و فى النهاية الرضا بقضاء الله و قدره هو خير معين لنا و ان كنا احيانا نجاهد انفسنا حتى نصل اليه. كما تقولين لا يأس من رحمة الله
شكرا لك على تذكيرنا بهذه المعانى الجميلة و اعاننا الله على دروس الحياة التى لا نتعلمها احيانا الا بثمن باهظ
تحياتى

rovy يقول...

بنات صاحبة الجلاله
بجد انتم الاروع .. اشكركم على تعليقكم الرقيق والمتميز و اتمنى ان اراكم دائما منورين المدونه .
وفقكم الله ودمتم بخير
خالص تقديرى وتحياتى

rovy

rovy يقول...

gannah
اكيد احيانا بندفع ثمن باهظ لنتعلم ولكن احيانا يصادفنا اشخاص يدفعون هم الثمن ونتعلم نحن اذا استطعنا وفهمنا .. اتمنى ان نتفهم فلسفة الحياه لنتحمل الامها وان نعى ان الامر كله بيد الله لنشعر بالامان ..
ادامك الله بخير دائما ومنورانا دايما
لكى خالص تقديرى و تحياتى
rovy

تــــ(حـنة)ــــر يقول...

أهم حاجة انك تكونى تعلمتى الدرس كويس
الحمد لله

mostafa rayan يقول...

هذه دعوةجميلةمنك للتفاؤل ومواصلة الحياة
بارك الله لك

rovy يقول...

تمر حنا
اشكر مرورك وتعليقك الذى اسعدنى
حاولت الدخول الى مدونتك ولم استطع
ارجو فتح المجال لزياره المدونين .
وفقك الله
تحياتى
rovy

rovy يقول...

mostafarayan
هلا بيك ويارب نقدر كلنا نتفائل ونغير نبرة الحزن اللى ملأت ايامنا ..
وفقك الله ولك خالص تقديرى
تحياتى

rovy

Unknown يقول...

انا حقيقي مبهور
لدرجه مخلياني مش قادر اعبر
تفكيرك عالي وتعبيرك عن اللي جواكي جميل اوي
ربنل يبارك فيكي يارب
ري اول زياره ليا للمدونه دي
ان شاء الله مش هتكون الاخيره ربنا يوفقك دايما

اتمني تشرفيني في المدونه

bar2ash

rovy يقول...

bar2ash
مش عارفه اقولك ايه بجد كلامك اخجلنى وياريت اكون فعلا بأستحق الكلام الحلو والكبير ده .. اشكرك جدا وحالا حأكون فى مدونتك .
خالص شكرى وتقديرى
تحياتى

rovy

jasmin يقول...

كلماتك حلوة اوى بجد..يا رب كل الي كل الناس تشوفها..و تبقى احلى مدونة فى المدونات كلها
ابنتك:ياسمين

موناليزا يقول...

ما اجمل ان تعطى للاخرين خبراتك من الحياة على طبق من ذهب والاجمل ان يتعظ الاخرين وليعلموا انهم لن يعيشوا حتى يمروا بكل هذه التجارب
ربنا يبارك فيكى

shaimaa samir يقول...

تعلمنا الحياة كثيرا
ولكن العاقل من يتعلم
بوست رائع

rovy يقول...

ياسمينه حبيبتى
ربنا يخليكى يا رب ليه وما يحرمنيش منك ابدا يارب وتفضلى دايما احلى ياسمينه فى بستان حياتى . حفظك الرحمن ورعاك .. ووفقك فى كل خطواتك ..امين
ودمتى واخوتك وبنات المسلميين والمؤمنين سالميين .
لكى حبى واغلى تحيه
rovy

rovy يقول...

اختى الغاليه موناليزا
بارك الله فيكى ودايما منورانى بتعليقك المتميز ويارب فعلا نتعلم من دروسنا ومننساش فالمؤمن لا يقع فى جحر مرتين .
وفقك الله ولك خالص تقديرى
تحياتى

rovy

rovy يقول...

الفنانه شيماء
اسعدنى مرورك وتشريفك اللى عرفنى بفنانه جميله مثلك ادام الله تواصلنا
اشكر تعليقك الرقيق ولكى خالص تقديرى
تحياتى
rovy

Unknown يقول...

والله منا عارف اقولك ايه
المره دي مش هعلق علي جمال مدونتك لانه امر مفروغ منه
لكن هعلق علي اللي كتبتيه في مدونتي
اللي بجد شجعني جدا وعطاني ثقه اكتر وفرق معايا اوي
انا هكررها تاني انا والله مبهور بيكي فعلا
واتمني تشوفي مدونتي علطول


ربنا يوفقك من كل قلبي بقولهالك والله

bar2ash

Esraa Hamed يقول...

بداية انا سعيدة جدااا بنعرفتي مدونتك حقا الراااائعة

لا شيء يستمر الا لمنهاه

اعجبتني تلك الكلمة جداااااااااا
مدونتك فعلا رااائعة و كلماتك اروع

تحياتي ليكي يا قمرة

rovy يقول...

bra2ash
اشكرك جدا على كلمتاتك الرقيقه وايضا على ثقتك برأيى برغم من انى لست كاتبه مشهوره فانا مجرد مدونه احاول ان اكتب ما احسه فى اى مجال وكل مجال . و كل ما ارجوه منك ان تستمر فى موهبتك وابداعك لانك حقا موهوب وانا لن اقول سوى ما احسست به بمنتهى الصدق .. وفقك الله
خالص تقديرى وامتنانى
تحياتى
rovy

rovy يقول...

esraa hamed
صدقينى انا سعدت اكثر بتشريفك لى ..
اشكرك على تعليقك الرقيق اللى اكيد مش ارق منك .. واتمنى ان تودينى دائما ويكون الود متواصل .
اهديكى اجمل الامانى كما اهديتنى احلى الكلمات .. تحياتى

rovy

ولد مصري يقول...

أولا أعتذر بشدة على التأخير في التعليق ان شاء المرة الجاية هصلي الفجر وهتلاقيني واقف قدام البلوج حاكم كل البوستات بتاعتك بتكون في الوقت ده

ثانيا كالعادة استمتعت بالقراءة وشعرت بالهدوء والسكينة اللي دايما بحس بيهم لما بادخل عندك .. ما أجمل أن يتعلم الانسان من تجاربه في الحياة وان يُشرك الآخرين معه في هذه التجارب

تقبلي تحياتي

rovy يقول...

walad masry
ايه الحكايه كنت مستنى العزومه علشان تزورنا على كل حال الحمد لله انك بخير
ياريت ماتتأخرش علينا تانى بجد انا بأقلق لما بلاقى اصدقاء لا بيكتبوا ولا بيزورونى وبحس انى عاوزه اطمئن عليهم .
اشكرك على تعليقك الجميل واللى المفروض يغفرلك تأخيرك .. ودمت بخير .
خالص تقديرى وتحياتى
rovy

ياسر يقول...

السلام عليكم ورحمة الله وبركاته
مجرد ذكرى لجراح والام
والله ياrovy
المقال دة حفظتة بجد من
كثرة قراتي لي محبتش
او خوفت اتكلم او اكتب
عن الفراق والبعد لما فية
من مرارة وعذاب وقمة اللام
والجراح
المهم انا عاجز تماما عن الشكر
لسؤالك الكريم وانا مؤقتا معنديش
جديد بس بحاول مكتبش دلوقتي
هتكون اكتر كلماتي حزينة ومؤلمة
ومش هيبقي انا علي الناس
مع الغلاء والفساد خليهم يفرفشوا
شوية
فائق احترامي وتحياتي
لكي قلما وكلمات

rovy يقول...

اخى الفاضل ياسر
انا سعيده لأنك بخير واسفه لو كانت كتابتى عن الفراق قد المتك والله انا قصدت ان اخفف عن كل مكروب او مجروح ليعلم انه لن يبقى له فى الامه سوى التوجه للرحمن ولن ينقذه سوى رحمه الله سبحان وتعالى وده لانى جربت بجدواستطعت ان اتخطى كثيرا من المحن بفضل لجؤى لله وحده و صدقنى كل شىء فى اوله صعب لكن يمكننا الاستمرار حتى مع وجود ذكري لجراح .. اتمنى ان يمن الله عليك بالسعاده وان تطيب جراحك و ربنا يقوى ايمانك ويوفقك ويرعاك .
اتمنى ان لا تتأخرعلينا مرة اخرى .
ودمت بخير
تحياتى
rovy

nado يقول...

مقال هايل ياروفى كتابه مش حبر وبس لا ده دمنا ونفسنا ال منناال رايح مننا بكره الموضوع مش شوية تجارب لا الموضوع اكبر ده تاريخ البيرسمه الزمن على ملامحنا على صرختنا لا وعلى فرحتنا وعلى ال جاى مقال رائع بجد يارب يوصل لكل الناس

rovy يقول...

nado
اشكرك حبيبة قلبى كلامك وتعليقك رقيق زيك .
دمتى بخير وسعاده وربنا يخليكى ليا
rovy