الثلاثاء، 8 أبريل 2008

انى اكره هدا الرجل


حين يحولنى لمجرد لعبه يلهو بها حين يشاء .. فانى اكرهه

حين يرانى دميه جميله لا يعلم محتواها .. فانى اكرهه

حين يجعل خطواتى تتوه .. وحين يغلق امامى نافده الضوء

وعندما تخنقنى انانيته .. وتؤلمنى اكاديبه .. فانى حقا اكرهه


اه فؤادى اعلم انك اكبر من ان تكره

واعلم كم وددت الحب .. فكيف تكره؟؟ إإإإ

لكننا قد اتعبنا هدا الهوى واضنانا

ووجدتنى قد اجبرنى لاتعلم كيف اكره

نعم اكرهك يا من تمنيتك الحبيب

اكره خداعك وكدبك .. اكره انانيتك وضعفك

فقوتك فى حبك وعطائك واحترامك لى

لكنك تراها فى قهرك وسجنك وخداعك

اه يا من تمنيتك حبيب كم اكره ضعفك حين تكدب

وانا اعلم بكدبك واضحك منك وعليك .. وربما على نفسى

وكم اكره انانيتك حين لا تريد لى الحياه وكأنى خلقت فقط لأسعدك

لم يعرف قلبى يوم ان يكره ولكنك استطعت ان تعلمه وقد برعت

علمته واول ما علمته كان كرهك يا من احببت

علمتنى كيف اطوى جراحى وارحل بعيدا عنك ادا جرحت

علمتنى ان لا انتظر من قاتلى دواء وان لا اسال كم اعطيت

علمتنى ان تاخد وتاخد متى شئت ولاترى حقوق لى ولو سالت

وعلمتنى اخر ما علمتنى .. ان اكرهك .. لأصرخ باعلى صوت عله يصل اليك

بل اتمنى ان يصل صوتى الى العالم بأكمله ليعلم .... انى اكرهك

انى اكره فيك .. هدا الرجل

فانى اكره هدا الرجل .. اكره هدا الرجل

هناك 61 تعليقًا:

موناليزا يقول...

بضم صوتى لصوتك وانا كمان بكرهه
اللى ذى ده خسارة ان حد يحبه بس للاسف بنعرف ده متأخر
كلمات جميلة ومصداقيتها تزيد قيمتها
خالص تقديرى

rovy يقول...

monaliza
انا سعيده بتشريفك مدونتى وباحساسك
بالكلمات ..
خالص تقديرى وتحياتى

rovy

Gannah يقول...

Rovy
كلمات معبرة يستحقها كل رجل من هذه النوعية و لكن اعتقد ان من الصعب جدا ان يتحول الحب الا كره و لكن قد يتحول الى ذكرى مؤلمه لا يداويها الا الوقت ككل الاحزان.
المشكله فينا كبنات اننا نأخذ الموضوع بمنتهى الجدية و نجعله قضية عمرنا بينما بعض الرجال لا يعرفون المعنى اصلا..وقانا الله شرهم و شر الحب و سنينه

rovy يقول...

gannah
اهلا بيكى وبتعليقاتك الجميله
اكيد القلب اللى يحب ما يعرفش
يكره لكن ممكن يبعد وممكن ينسى..
على كل انا قصدت كره الافعال او كره الشخصيه اللى بالشكل ده .
وهو احساس ما فى لحظه ما احتاج انى احسه فكتبته .. بس صدقينى انا عمرى ما عرفت اكره حتى الناس اللى ممكن يكونوا جرحونى وده شئ بيسعدنى وبحمد ربنا عليه .
اشكرك ولكى خالص تقديرى ويارب تكونى دايما بخير .

rovy

مشتاق لله يقول...

اختي اتمني ان يرزقك الله بزوج ينسيك هذا الرجل -لك السلام

rovy يقول...
أزال المؤلف هذا التعليق.
rovy يقول...

مشتاق لله
اولا اهلا ومرحبا بك فى مدونتى المتواضعه..
عاوزه اقولك ان الشاعر او الكاتب
ممكن يحس باحساس ما فى وقت ما ويعبر عنه ..او يعبر عن حد تانى قريب او صديق او حتى عن نفسه بس ده مش معناه
انى باتكلم عن زوجى ثم انى انهيت كلامى ب .. انى اكره هدا الرجل فيك!!
وعلى فكره احساسى ده بتحس به معظم النساء العرب لأن الرجل الشرقى هو هو
واشكرك جدا على دعائك ولو انه اتأخر شويه لأنى بالفعل زوجه
لك خالص تقديرى واحتامى
ووفقك الله

rovy

Unknown يقول...

كلنا نكرهه لستى وحدك
انها شرقية التفكير
عنتيرية الرجل الشرقى التى تتحكم به
لتسيطر حتى على حبه
ثقافة سى السيد


انى ايضا اكرهه
وابحث عن رجل اخر
يحمل احساسيس نزارية
بين جوانحة


مدونة رقيقة
دمتى بود

di el2mr يقول...

كلماتك حلوة قووووووووى
بجد اسلوبك جميل جدا

انا كمان بضم صوتى لصوتك
اكيد كلنا بنكره الراجل اللى بالشكل ده

rovy يقول...

نهر الحب
شرفتينى واهلا بيكى ..
اشكرك على تعليقك الراقى واحساسك
اتمنى ان تجدى الرجل الحقيقى الذى يجعلك
تحبيه بحق ويكون لكى الحبيب والصديق والامان وكل ماتتمنيه ..
وفقك الله ورعاك

rovy

rovy يقول...

Di el2mr
اهلا بيكى واسعدنى تعليقك وكلامك الرقيق ..
اشكرك بجد ويارب يوفقك وتنالى ما تتمنيه دائما ..

وفقك الله ورعاك
ولكى خالص تحياتى

rovy

المـــفـــــــقــــــــوعـــــة مــرارتـهــا يقول...

لو كنتي حقاً طويتي هذه الصفحة المؤلمة من حياتك وكرهتيه فأنسيه وأنسي حتي انكي اصبحتي تكرهيه فهو أو غيره لا يستحق منك ان تعيشي حالة الكراهية التي ستؤذيكي أنتي وتؤذي أحاسيسك المرهفة
تحياتي

rovy يقول...

مفقوعه مرارتى من حماتى
اهلا بتشريفك لمدونتى ..
والله انا عمرى ما كرهت حد ومره اخرى بأكد انى قصدت انى اكره تلك الافعال
واكره هده الانانيه والنرجسيه وليس الشخص او اى شخص ومش لازم يكون الشخص ده موجود فى حياتى انا ممكن اكون بأعبر عن احساس صديقه او حالة مرت بحياتى ..
بس المهم ان كلنا اتفقنا على ان هده الشخصيه مكروهه ..
اشكر مرورك وتعليقك ..وربنا يوفقك..
خالص تقديرى وتحياتى

rovy

ولد مصري يقول...

أنا مش عارف ايه الشوطة اللي جت في كل المدونات من الرجالة.

مش عارف ليه حاسس ان فيه ايدي خفيه ورا الكلام ده يمكن تكون الحكومة عشان تنسي الناس موضوع الاضراب.

إسمحولي أترافع عن الراجل الغلبان اللي دائما بتصوروه انه بني آدم معندوش دم أو إنسان بلا مشاعر وأحيان كتيرة كمان بتشيلوا منه الانسانية أو بتعتبرة إنسان الغاب طويل الناب.

يا جماعة النفر مننا مالوش مطالب كتيرة كل اللي عاوزه بيت مريح وزوجة حسنة المظهر مطيعة سامعين مطيعة يقولها يمين يبقى يمين شمال يبقى شمال ماهو كمان مينفعش يبقى طافح الكوته في شغله وطلعان عينه وبعدين يرجع البيت تطلع عينه التانية ويبقى من غير عنين خالص طب دول حتى بيقولوا نص العمى ولا العمى كله يعني كفاية عين واحدة تطلع في الشغل والمطلوب من الزوجة إنها تطبطب على عينه اللي طالعة وتدلع في عينه التانية اللي مش طالعة عشان الحياة تستمر.

على اي حال ده مايمنعش إني فعلا استمتعت بقراءة البوست الجميل ده والكلمات الرائعة والاحساس المرهف اللى فعلا كان هيخلي الدمعة تفر من عيني لولا اني فاهم حركاتكن دي كويس وتبقى الواحدة منكن مطلعة عين الغلبان مننا وتفقعه بيتين شعر رثاء تخلي اللى ما يشتري يتفرج.

معلش سامحوني أنا عارف اني مدب وكلامي دبش بس ده جمال البلوجات انك تكتب اللى انت عاوزه ولو معجبكمش صاحب البلوج والقراء سهل انه يتحذف وعلى فكرة أنا مش هزعل لو اتحذف اهم حاجة إني اعبر عن اللى في الجمجمة برحتي.

تحياتي

rovy يقول...

ولد مصرى
كالعاده خلتنى اضحك ولو انى حأقوله للمره الميه يا ناس يا هوو انا مش بهاجم الرجل لكن انا بأقول ان الانسان
اللى بالشكل ده مكروه وانا ما بتكلمش بصفه شحصيه انا حسيت الموضوع
من انسانه عزيزه عليه وعشت احساسها وحبيت اعبر بلسانها واى شاعر او حتى كاتب او مجرد انسان بيحب يكتب لو حس بحد بيكتب اللى حاسه وبعدين ليه الهجوم ده كله هو انت تقبل ان الراجل يكون بالشكل ده وده للمره الالف مش معناه كره للرجل بالعكس انا اللى علمنى احب واسامح واعطى كان بابا الله يرحمه يعنى رجل والرجل له احترامنا وحبنا بس يكون زى ما قال ربنا يحتوي المرأه ويساعدها ويفرح لنجاحها و يحترمها ويعرف ان الحب عطاء مش انانيه ..
بس انا عارفه ان الرجل الشرقى دايما
ما بيعترفش بحقوق زوجته ولكن يتكلم حلو قوى ويقول ..!!!
على كل حال برضه شرفتنا وانستنا وكفايه انك بحفة دمك ضحكتنا ..
وبعدها للمره المليووون انا مش ضد الرجل عموما اللى قرأ البوست كويس
حيحس انى بأكره الافعال مش الشخص ..
وحقيقى انا شخصيا مفيش عداوه بينى وبين الرجل بس الرجل اللى بجد ..
طبعا فاهمنى .. واتمنى ان اللى حيقروا البوست يفهموا صح ..

لك خالص تحياتى

rovy

ولد مصري يقول...

أبلة روفي

معلش استحميليني شوية

يعني انتي مسمية البوست بتاعك "اني اكره هذا الجل"

وعمالة تلعني سلسفين جدوده من أول كلمة وفقعاه مقدمة ما يعلم بيها الا ربنا

ده عملني لعبة
وعملني دمية
وبيكعبلني وانا ماشية ومابيخلنيش أبص من الشباك

الخ الخ الخ

وبعد كل ده تقولي برئ يا بيه أنا ماكنش قصدي ده انا بس بهزر

بصراحة ده كتير كتير قوي كمان

rovy يقول...

ولد مصرى
والله حرام انا لو فى محكمه كان زمانها اتنورت ..
انا تانى بأقول انا بأكره الصنف ده من الرجال وبعدين مش علشان انت رجل
شويه وحتعملهالى قضيه رأى عام ..
انا كلامى واضح جدا بس للى عاوز يشوفه
وبعدين انا ما جبتش سيره شبابيك ولا غيره انا كنت بأصف الرجل اللى بيكره لامرأته ان تتقدم او تكون عضو نافع فى المجتمع او يكون لها هوايات او اهتمامات
وده نوع مع الاسف موجود بس مش معنى كده انى اكون هده المرأه او ان زوجى هذا الرجل ..من حق الكاتب انه يحس بالحاله ويعيشها ويعبر عنها والا كانت حتبقى مصيبه لكل الكتاب ..
يارب اتفهم صح ولك خالص الاحترام والتقدير .
rovy

ولد مصري يقول...

أنا رأيي نحول أوراقك لفضيلة المفتي !!

بصراحة البوست جميل أينعم انا خدتني الجلالة واتحمأت حبتين عشان جينات الذكورة اللي في دمي بس بصراحة المكابرة ممنهاش فايدة كلامك صح نوعية الرجالة اللى من الصنف ده ماتستهلش ان الواحد يقف معاها.

تحياتي

rovy يقول...

ولد مصرى
الحمد لله الف حمد وشكر ..
ظهر الحق وزهق الباطل ..
اشكرك الف شكر وربنا يخليك ..
انا سعيده انك فهمت البوست وحسيت به
اشكرك جزيلا ولك خالص الاحترام والتقدير

rovy

امل يقول...

انا معاكي في كل كلمة قولتيها

ربنا يرزقك خير ويفرح قلبك

وان شاء الله الود متصل

mostafa rayan يقول...

لو كانت كلماتك هذه عن قصة حقيقة
فأنا اعتقد انك مازلت تحبيه
في كل الأحوال هوني عليكي يا عزيزتي
ولاتجعلي الكراهية تدمر حياتك

rovy يقول...

امل

شرفتينى بزيارتك وتعليقك الجميل
اشكرك وربنا يديم الود والاتصال

خالص تقديرى وتحياتى

rovy

rovy يقول...

mostafarayan

سعدت بمرورك وتشريفك ..
القصه مجرد احساس عابر وانا اود ان اؤكد انى عمرى ما عرفت اكره وان المقصود هو كره الافعال والشخصيه اللى بالشكل ده مش الشخص نفسه..
ياريت تقرأ التعليقات اللى كتبها لى
الولد المصرى وردى عليه حتفهم انا قصدت ايه ..
اشكرك وارجو ان اراك دائما واقرأ تعليقاتك .. لك خالص تقديرى واحترامى

تحياتى

rovy

رئـــــيسـة حزب الأحلام يقول...

السلام عليكم
اللى يكرهك اكرهية وتحياتى لكى

rovy يقول...

رئيسه حزب الاحلام
اهلا بيكي ونورتينى
والله انا قصدي كره تصرفات مثل هدا الرجل ولا انتى رأيك ايه ..
اشكر مرورك واتمنى دوام التواصل
تحياتى

rovy

فتاه حالمه يقول...

ياااااااااااااااااااه لو اقدر اكرهه قد منتي بتقولي تخيلي انك تحسي بالكره والحب في نفس الوقت انا كدا مهما حسيت بكرهي ليه بردو بحبه قد جروحي بكرهه وقد العالم بحبه يمكن بحبه قد مبكرهه ودة الي بيقتلني ابدعتي بجد نفسي من كتر ما مشعري متنتقضه اني اطعن قلبي الي بيحبه وبيكرهه والله لو اقدر ومكنش حرام كنت عملتها من عذابي تحياتي ليكي ولمشاعرك اللهم ما دوي جروحنا

واحد من البلد دى يقول...

أشكر لكى مرورك الكريم لمدونتى..أما تعليقى على البوست ..فهو معاناة العاشقة الحقة....لأننى قرأت وراء كل كلمة (أكرهك)....ألف كلمة (أحبك)...فاحرصى دائما على عدم المباشرة فى الصور...لأن الشعر ..أساسه الخيال ...أحييكى على إبداعك...

zOzO يقول...

كلنا بنضم صوتنا ليكي


وطالما هو كده يبقي انتي لازم تكرهيه زي ما قولتي

هو مش يستاهلك انتي تستاهلي واحد احسن منه مليون مره

بجد


كلماتك حلوه اوي ما شاء الله


دمتي مبدعه
تحياتي

rovy يقول...

قلب الشبح
اهلا بيكى وانا سعيده بتشريفك للمدونه
عاوزه اقولك ان الحب الحقيقى بيفضل جوانا ودايما فى الامنا بيطبطب علينا
حتى لو كان هو اللى جرحنا ..
ولكن انا قصدت فى البوست انى اقول لكل رجل انه ممكن بتصرفاته وانانيته وكذبه
وحاجات كثير بيعملها بعض الرجال فكرينها شطاره انه كده بيحول اجمل حب لكره وبعد وجفا وان ده حرام ..
اتمنى ان يطيب الرحمن جراحك وتسعدى بالحب
الحقيقى .. حفظك الله ورعاك

تحياتى وتقديرى لكى

rovy

rovy يقول...

واحد من البلد دى
اشكر مرورك وتشريفك وانا بجد سعيده بتعليقك و بنصيحتك بس انا عاوزه اقولك انى ساعات بحس انى عاوزه اكتب حاجه و انى لو مكتبتهاش زى ما انا حساها مش حتطلع تانى .. لكن اكيد حاعمل بنصيحتك واخذ بالى ..
ويا رب تتكرر الزياره و النقد البناء الغالى ..
حقيقى سعدت بكلامك ولك خالص تقديرى واحترامى ..

تحياتى

rovy

rovy يقول...

zozo
طبعا انا بأرحب بيكى وباشكرك على كلامك الحلو واحساسك الجميل ..
ووالله كل بنت او سيده بتحب بجد وبأخلاص تستاهل رجل احسن من كده زى ما قلتى ويارب بس صوتنا يوصل لنوعيه هؤلاء الرجال قبل ما يفوت الاوان وساعتها حيعرفوا انهم هما كمان خسروا
لان الحب الحقيقى بيعيش بالعطاء والوفاء والصدق مش بالفهلوه او القهر
زى ما بعضهم فاكر ..
سعدت جدا بمرورك ويارب يدوم اللقا بنا
خالص تحياتى وتقديرى

rovy

واحد من البلد دى يقول...

الغالية..ROVY...أنا لم أقصد بتعليقى أن أنتقدك..على العكس..أنا قصد
ت إمتداح أسلوبك فى عدم المباشرة..وطلبت منكى الحفاظ عليه لجمال ذلك الأسلوب...فإننى لست بالتميز الذى يتيح لى إنتقاد الآخرين ..فى الوقت الذى فيه من هم أفضل منى كثيرا ملتزمين الصمت..أرجو المعذرة على سوء الفهم..شكرا

rovy يقول...

عزيزى ابن بلدى
واحد من البلددى ..
انا لو ما كنتش حسيت اد ايه انت فنان وموهوب ماكنتش طلبت رأيك صدقنى
رأيك اسعدنى وكفايه انى حسيت بانك اهتميت ودلوقت انا سعيده اكثر بتعليقك لانك انسان قبل ما تكون فنان
وكمان متواضع جدا لان كل ما كتبته بيقول انك حقيقى شاعر كبير وموهوب
كلامك شجعنى انى استمر خصوصا ان بعض الاصدقاء نصحونى انى مااكتبش اشعارى
او كتاباتى فى مدونتى لانه مش مضمونه
بس انا ماكنش قدامى حاجه تانيه حلمت كثير وكتبت كثير وكل اللى كتبته كان مصيره درجى علشان كده طلبت رأيك ..
اسفه لو طولت عليك وانا بجد بأشكرك وبأحييك ..ودمت بخير .
خالص تقديرى وتحياتى

rovy

dr. Ahmed Sakr يقول...

بصراحة أنا شايف أنك متحاملة عليه قوى

يمكن علشان معرفتش القصة ولكن لازم تعذرية وتحاولى تشوفى الأسباب اللى جعلته يفعل معكى هذه الأمور

وربنا يثبت قلبك على الإيمان أختى

rovy يقول...

الخشرى
نورت المدونه واهلا بيك ..
والله انا مش متحامله على اى حد انا بس بأرفض تصرفات واشياء معينه بيعملها بعض الرجال بصفتنا فى مجتمع شرقى او لان احيانا البعض بيكون انانى
ولو قرأت التعليقات السابقه خصوصا اللى من ولد مصرى و ردى عليه حتفهم قصدى على كل حال شرفتنى واتمنى تكرر زيارتك ..
تحياتى وخالص تقديرى

rovy

rona يقول...

انا سعيده جدا ياروفى انك نورتينى عشان اشوف مدونتك الجميله
وانا كمان بكره هذا الرجل بكره تحطيم طموحى واكره ابقى صوره جميله بس للفرجه واكره الانانيه واكره ضعف الرجل عندما لا يستطيع الحفاظ على من يحب اذا كان يحبها بجد اصلا

سابرينا يقول...

صعب ان نلأقي من نحب.....عكس توقعاتنا
وأن نكتشف ذلك بعد فواااااات الأوان!

ياسر يقول...

سيدتي الفاضلة
ليست كل الرجال واحد
مثل الستات ايضا ليست واحدة
فرجل مثل هذا قلبة متحجر بل
اعتقد قلبة قد مات فهناك رجال
بقلوب اطفال رضيعة قلوب كلها احاسيس
ومشاعر قلوب اذا سمعت اغاني او موسيقي
حزينة تبكي وهناك ايضا قلوب ستات والعياذ
باللة اصعب من قلب اسد تهجر وقت ما شاءت
تبكي وتحطم القلوب وقت ما ارادت سيدتي
ان القلوب في اجسامنا البشرية ليست فقط
لضخ الدم بل للا حساس والحب والمشاعر
ومن فينا استخدم قلبة لضخ الدم فقط ليس
لة عيش بين البشر وادعوة الي الذهاب الي
الغابة ومعلش اسف طولت عليكي برغي كتير
دومتي بخير سيدتي ولكي من فائق التقدير
وتحياتي لكي ولقلمك وكلماتك حروفا وكلمات
وسطورا

rovy يقول...

rona
انا اسعد بتشريفك لمدونتى واشكرك على تعليقك الرقيق واتمنى ان تنالى كل ما تتمنيه وان تحققى طموحاتك وان يكون الرجل فى حياتك عطاء وكريم و ان لا يكون ابدا مثل تلك الشخصيه بالبوست
خالص تحياتى و تقديرى

rovy

rovy يقول...

sabrina
اسعدنى مرورك للمدونه
اتمنى ان تجدى الحب الحقيقى فى حياتك ..
وان يرزقك الله بالزوج الصالح الذى يستطيع اسعادك ..
وفقك الله ..
خالص تحياتى
rovy

rovy يقول...

ياسر
اخى الفاضل ..
اسعدنى كثيرا تشريفك للمدونه كما اسعدتنى كلماتك الرقيقه والحكيمه
اعلم ان معك كل الحق فيما قلته ..
وفقك الله ورعاك وارجو ان لا تعتذر ابدا للاطاله فكلماتك كلها حكمه واحساس راقى نحتاج اليه كثيرا فى زماننا هذا..
خالص تقديرى واحترامى
تحياتى
rovy

بنات صاحبة الجلالة يقول...

كلماتك رائعه وجميلة بالرغم من انها مؤلمة كم قاسي هذا الاحساس ان يحب الرجل وقتما يحلو له ليس عابئا بمشاعر حبيته

تسلم ايديكي على الكلمات الرائعه

rovy يقول...

بنات صاحبه الجلاله
تسلموا و اشكركم لمروركم الكريم فى المدونه ويارب اكون باستحق الكلام الحلو ده .
يارب تكونوا دايما بخير ودام الود ان شاء الله .

خالص تقديرى وتحياتى

rovy

ghoneem يقول...

اهلاً بيكي

انا عجبني جداً البوست ده فكان لازم اعلق عليه هنا

انا كمان لازم اقول اني بكره هذا الرجل وكل رجل من مثل هذا الفصيل

ربنا يرزقك وبنات المسلمين بزوج صالح كريم علي خلق

تحياتي

بالتوفيق..........

rovy يقول...

ghoneem
انا سعيده جدا لان البوست ده عجبك ..
اشكرك لتعليقك الجميل وكلماتك الراقيه
واحساسك العالى .
دمت بخير ووفقك الله
تحياتى وتقديرى

rovy

Eldebug يقول...

قمة التحدى هى عندما تجعلى الناس يشتاقون لحديثك عن الملل ....او يحبون حديثك عن الكراهية ...بيتهيالى انتى نجحتى فى التحدى ده

اسف ان ردى جه متاخر اوى...

rovy يقول...

eldebug
نورت يا فيلسوف وطبعا اكيد تعليقك تعليق فيلسوف ..
حقيقى بأشكرك على تعليقك الرقيق والمتميز ويارب تنورنى دايما..
دمت بخير ووفقك الله
لك خالص تقديرى واحترامى
تحياتى

rovy

ياسر يقول...

rovy
يوجد في زماننا هذا بعض
الشباب او البنات اللهم ما
اكفينا شرهم متخصصين
في حرق والتلاعب بقلوب
البشر واعتقد ان شباب
او بنات زي دول لاا يستحقوا
العيش بين البشر ماذا بربحوا
بالتلااعب بالقلوب
وهذة موجودة اكتر بين الرجال
في عصر النت والموبايل
تحياتي
ياسر

rovy يقول...

ياسر
طبعا انا معاك فى كل كلمه وربنا يكفينا شر من يتلاعب بقلوب ومشاعر الناس وصدقنى زى مافيه دول فيه ناس تانيه ممكن تضحى بروحها علشان احبابها . بس انا هنا كنت باتكلم عن صفة الحبيب اوالزوج الانانى واللى بيرفض تفوق زوجته عليه فى اى مجال وكمان بيغير منها وكل اللى عاوزه زوجه جميله وبس تنفذ اوامره وتحقق احلامه هو و ليس لديها اى طموح او امال شخصيه .
اشكرك جدا لانك نموذج للرجل الشرقى الاصيل . هكذا شعرت من كلماتك وكتاباتك .
ربنا يوفقك وتجد السعاده التى ايضا شعرت انك تبحث عنها .
اجمل امنياتى ووفقك الله
تحياتى
rovy

nado يقول...

شوفتى ان احساس ال بيكتب مش لازم يكون عنه بالعكس انا راى ان ربنا ادنا الحواس دى عشلن نحس بيها للاخرين لو حتى من خلال خيلنا ممكن اشوف بعينه ال حد تانى مش شايفه هى دى ميزة النعمه ال ربنا ادهلنا انا سعيده لانى حاسه انك بتطورى وطلعتى فعلا بره السجن متستغربيش ساعات كتير بيدنا ممكن نسجن نفسنا عشان غيرنا لكن بنكتشف اننا اكتر حد ظلامنا هو حقنا

nado يقول...

شوفتى ان احساس ال بيكتب مش لازم يكون عنه بالعكس انا راى ان ربنا ادنا الحواس دى عشلن نحس بيها للاخرين لو حتى من خلال خيلنا ممكن اشوف بعينه ال حد تانى مش شايفه هى دى ميزة النعمه ال ربنا ادهلنا انا سعيده لانى حاسه انك بتطورى وطلعتى فعلا بره السجن متستغربيش ساعات كتير بيدنا ممكن نسجن نفسنا عشان غيرنا لكن بنكتشف اننا اكتر حد ظلامنا هو حقنا

rovy يقول...

nado
شكرك على تعليقك المتميز بس صدقينى انا عمرى ما سجنت قلمى يمكن سجنت احلامى وامنياتى الشخصيه لكن عمر قلمى ما اتسجن ابدا ولا بطل يكتب لما كان بيحس انه عاوز يكتب ..
تحياتى لكى و ربنا ما يحرمناش ابدا من بعض ..
ودمت بخير وسعاده
rovy

ولد مصري يقول...

على فكرة فيه بوستات جديدة في يوميات وهمسات وعباد الرحمن نتمنى نتشرف برأيك فيهم

تحياتي وشكرا مقدما

rovy يقول...

walad masry
انا اللى حقيقى باشكرك جدا جدا على هذه الدعوه الكريمه .

خالص تحياتى لك ولاختى جنه
ووفقكم الله دائما

rovy

ياسر يقول...

rovy
لو تكلمنا وبكل صراحة
عن المراة والرجل الشرقي
والعادات والتقاليد الا يتمتع
بها بعض الرجال منا صراحة
وبكل وضوح الله يكون في عون
ستاتهم لانة ميعتبرش لاا زوج ولاا
حبيب المدير بتاعة ولاا رئيسة في
منكد علية عشتة يروح يفضي الهم
دة في زوجتة ودي موجودة عندنا كتير
مش قادر افهم صراحة اي مشكلة للزوج
بيفضي شحنة الغل والهم الا فية في
الزوجة وفي بعض الازواج بيغيروا جدا
من زوجاتهم لايحبها يكونة لها اي راي
ميحبش تكون متفوقة علية في اي حاجة
والمشكلة عندنا في مجتمعنا ان بعض
الرجال بيفكروا غلط ان مثلاا الست دي
تزوجتها انا هو الامر الناهي فيها دون اي
مراعة لاا لشعورها او عواطفها كبشر لحم ودم
وممكن ام الزوج تكون مشاركة في ارئها اكتر منها في
بيتها يعني
الام اسمع يابني مراتك متخرجش من البيت
الابن حاضر يا ماما متخرجش
يعني وبالذات يا جماعة مشكلة
ان الراجل بتزوج ويخلي مراتة ويسافر
برة الا اية بيدور علي اكل عيشة مثلاا
والزوجة بقي حماتها تتحكم فيها شوية
اخواتة شوية ولااد اخواتة شوية
بتكون عبدة ومش زوجة ودي
بتمر بة فعلاا وحدة عندنا في العائلة
كل الا في البيت مستعبدنها من يوم
ما سي السيد جالوا عقد عمل برة
ومستحملة حتي سف التراب
علشان خاطر بنتها نوارة عمر وحيات
ما متها وهقول اية بس
غير ربنا يسامحة
الاخت العزيزةrovy
فائق احترامي وتحياتي
واسف علي التاخير واللة
بس موضوع البنت قربتي
دي شغلني جدا وربنا يصبرها
ولما تصلي قيام اليل ادعيلها ياrovy
هيا وبنتها

ياسر يقول...

وانشاء الله سبحانة وتعالي
اول ما اتمكن من مسك الماوس
كويس في ايدي لان معنديش
عربي في الجهاز ساقوم بنشر
قصتها لتكون درسا لكل فتاة قبل
فوات الاوان وتتوخي الحظر قبل
اختيار عريس الغفلة او فارس كوابيسها
وعظة لكل زوج يظلم زوجتة
مع فائق احترامي وتحياتي
واسف علي التطويل
ياسر

rovy يقول...

اخى الفاضل ياسرانامشغوله دلوقت جداومش قادره اركزالموضوع محتاج انى اقرأه بتركيز اوعدك بأن اعاود قرأته ثم كتابة التعليق فى اقرب فرصه
خالص تقديرى وتحياتى
rovy

rovy يقول...

yaser
I am so sorry
hasel moshkela fe al board 3andy wmsh 3arfa a3lk .. awl ma aslaho fih kalam keteer fe modo3 aribtak lazm haktbo
please tab3ny
by
rovy

ياسر يقول...

http://www.dorar.net/keyboard.htm
دي كيبورد للا خوة والاخوات الا معندهمش
عربي في الاجهزة بتاعتهم زي حالااتي
بفتح الموقع دة واكتب بالماوس
واعمل كوبي هيا متعبة جدا
بس نعمل اية علشان نكتب عربي

rovy يقول...

اخى الكريم ياسر
حزنت كثيرا لقرأتى حكاية قريبتك واتمنى ان يفك الله كربها ويقويها .
بس من غير زعل زمان كان جدتى بتقول مثل : ايه فرعنك يا فرعون قال ما لقيتش حد يلمنى .
يعنى كان لازم قريبتك تأخذ موقف ولازم حد من اهلها يقف جنبها وتأخذ حقها وتضع النقط فوق الحروف ولا تجعل احد من اهله يستعبدها ده مش من حقهم وهى لازم تعمل لنفسها شخصيه معاهم بس بحكمه تعرف امتى تسامح وامتى ترفض الاهانه وتقول لا . ياريت حد عاقل وكبير فى العيله يتدخل ويتكلم مع زوجها ليحسن معاملتها وكمان يفهمه انه لو مش قادر يحافظ على كرامه زوجته ويبعد اهانات اهله عنها يبقى تقعد عند اهلها طول ما هو مسافر وهما ملهمش دعوه بيها خالص صدقنى الموضوع محتاج لموقف لكن بحكمه .. يارب يطمنك عليها ويهديها ويهدى لها زوجها وابقى طمنى عليها
خالص تحياتى
rovy

ياسر يقول...

السلام عليكم ورحمة الله وبركاته
العزيزة والاخت روفي
بالنسبة للبنت الا حكيت عليها
انا بالفعل ما نمتش امبارح وكتبت
وبكل صراحة تاريخ حياتها لمدة23سنة
وقلت استيشرها قبل النشر رفضت بشدة
واتنرفذت بصراحة ولقيت حالتها النفسية صفر
ومقدرش ازعلها وانشر حاجة زي دي دون ارادتها
انا بس كنت عاوز اخد راي الاخوة والاخوات العقلاء
من المدونين لعل الله يكون هما عندهم اراء او حل
للبنت دي لكن محبتش هيا معلشي الله يسامحها
زي ما هيا سامحة في حقوقها وانشاء الله تعالي اطمنك عليها
اما بالنسبة للنت ومدونتي انتي والاخت Gannahعندكم
صعوبة في دخول المدونة بتاعتي او بعض المدونين
اعتقد والله اعلم من سرعة خط النت بتاعكم اعتقد
انا عندي 18جيجا وساعات بتكون في مشاكل من
الخدمة بتاع المدونات نفسها في مصر معرفش
نظام النت اية عمري ما جلست علي النت في
مصر حاولت مرة وبصراحة ما حبتش اكررها
من صعوبة خطوط النت ساعة علشان يفتح موقع
مع تحياتي وفائق احترامي وتقديري
ياسر