الأربعاء، 28 مايو، 2008

عذرا صديقتى ....


عذرا صديقتى ..

وعدتك بالابتسامه.....فبحثت عنها كثيرا كى اوفى بوعدى

لكنى ابدا لم اجدها ..

وكيف اجدها وقد ضاعت فى زمن الضياع


تاهت فى سكة الاوجاع

بحثت وبحثت ...... كتبت وكتبت


فوجدتنى اكتب سراب .....

كلام لا روح فيه ... مجرد كلام دون احساس

وعدت ابحث من جديد ..

وتسألت ؟؟؟؟

ماذا يحدث لى .......؟؟؟؟؟

فما زال المكان هو المكان ولم يختلف الزمان وما زال الحلم فى الامكان

فلما لا اشعر بالأمان ............

أتاهت مركبى فى بحر بلا شطأن .........

انى ابحث عن شاطئى ...........

احلم بالعوده الي نفسى .......... احلم بالامل والامان

صديقتى الحبيبه

قد ارهقنى وعدى .. ابدا لم اخلف وعدا مهما كان

فماذا افعل ؟؟؟؟ فى سكون الليل وحدى اسأل

وبدأ شعاع الفجر يحتضن المكان ........

كم احب بزوغ الفجر .... يشعرنى دائما بالامل .....ويعود بى لاجمل ذكريات فى عمر كان ...
فأجدنى ابتسم .........نعم صديقتى الحبيبه .....ما زال الحلم بالامكان ....
وكيف لا ..........وقد عرفت طريق الامل منذ عرفت طريق القرأن ..............
كيف لا ابتسم وقد اهدانى الكريم العطوف الرحمن ..................
كل هذه النعم لى .... وغيرى يحيا فى حرمان ...............
عرفت طريق ربى فعرفت طريق الامل والامان .......... وغيرى تائه ما زال ضائع لا يعرف الايمان
الهى....
يا احب الاحبه............. واقرب قريب
اذا تاهت خطوتى اهدينى بقدرتك اذا ضاعت بسمتى امنحنى رحمتك
الهى......
احبك ولأنى احبك احببت عبادك احببت كل ما وهبتنى اياه
احببت الحياه لأنها منحه منك لى احببت الامل الذى زرعته فى قلبى
منذ عرفت طريقى اليك عرفت طريق الامل والحياه
سبحانك ربى........... فالأن وفيت بوعدى...
فلتبتسمى صديقتى الحبيبه معى .....لأنى الأن ابتسم......
وانتظر ابتسامتك .........فلا تحرمينى منها ولتحى معى وتسعدى بالحياه
ورددى معى ..... الحمد لله .........الحمد لله .
-----------------------------------------------------------------------------------
-------------------------------------------------------------------------------





هناك 66 تعليقًا:

mostafarayan يقول...

تحياتي لهذا البوست الجميل

bar2ash يقول...

اجمل rovy في العالم

ياريتك كنتي تطلبي الابتسامه من الكل
هي صديقتك بس اللي تبتسم
وانا مينفعش
والله كان نفسي تطلبيها من الكل كلنا محتاجينها خصوصا ان سب الابتسامه الرضا والقناعه وهداية ربنا
الله عليكي
يسلم قلمك
او صوابعك بما اننا عالنت



ووالله فعلا تسامحيني عشان امتحاناتي واطمني علي اخوكي وحش (احم) الحمد لله يعني

دعواتك ياقمر

سلام

.:.-=- ELGaZaLy-=-.:. يقول...

فلتبتسمى صديقتى الحبيبه معى .....لأنى الأن ابتسم......
وانتظر ابتسامتك .........فلا تحرمينى منها ولتحى معى وتسعدى بالحياه
ورددى معى ..... الحمد لله .........الحمد لله
--------------------------------

جميلة اوى بجد يا rovy

وجميلة دعوتك لان تبتسم صديقتك وهعتبرها دعوة للجميع
احساسك رائع بجد
جميع ما ابدعتى بحق...

ياسر يقول...

يا روفي
مش جديد عليكي انك تحبي
تشوفي كل اصدقاءك مبتسمين
ومش جديد انك تحاولي تسعدي
كل من حولك انا بصراحة واحد من
الناس الا فعلاا بتسعدهم مدونتك
وكلماتك ودعاءك وكتير جدا لما اكون
مضايق بلجاء لمدونتك حتي لو معلقتش
برتاح نفسيا وبحس ان الدنيا ليسة
فيها خير والله ادام الله سبحانة وتعالي
الود والاخوية في الله
فائق تقديري واحترامي لكي ولكلماتك
تحياتي اختي الفاضلة

رئـــــيسـة حزب الأحلام يقول...

ونعم بالله
ربنا يرزقنا حبه وحب من احبه
يااااااااااااااااارب امين
فعلا القرب من الله يجلب الطمانينة الى النفس ويهديها
تحياتى لكى

Desert cat يقول...

روفى كلماتك جميلة وفيها شعور بروحانية عاليه جدا
يارب دايما فى سعادة وراحة نفسية
تحياتى

واحد من البلد دى يقول...

الله أكبر
جميلة آوى الخاتمة.
و رددى معى الحمدلله الحمد لله
رزقكى الله دائما نعمة حمده و شكره على جزيل عطاياه..
أنا حاعتبر البوست ده عودة رسمية من حالة القتوم النفسى التى أوحى لنا بها البوست اللى فات ..
علشان كده حاقول لحضرتك.
عودا حميدا
دمتى بكل خير

امل يقول...

السلاااام عليكم
الهى....يا احب الاحبه......
كلمات روووووووووعة
انا فى الاول اتخضيت وقلت يا خبر مش لاقية الابتسامة ليه وبعدين
بدأ شعاع الفجر يحتضن المكان ........
وبدأت كلمات الامل تشع معه
بوست رقيـــــــــق جدا
ربنا يفرح قلبك ويخلي الابتسامة دايما
على وجهك...ابتسامة من القلب :) :)
خالص تحياتي وحبي وابتساماتي

fahd يقول...

قليلا ما تأثرني قصيدة كهذه

قصيده ارضاها كاحساس وكفكر وبناء

تسلم ايديك

تحدثتني عن مشاعر بشرية نعيشها ولا نعرف كي نعبر عنها

وعبرتي عنها ببراعة

عبرتي كيف نسعد حين يتحتضن الفجر المكان

جزاكم الله خيرا

انتظر المزيد

rovy يقول...

mostafarayan
تحياتى و امتنانى لمرورك الكريم
دمت بخير .. اشكرك

=============================================

bar2ash

ماشى .. كلامك الحلو نسانى غيابك و كمان عذراك علشان الامتحانات ربنا معاك يااارب .
اليوم بعد ما صليت الفجر رايحه اقفل الكمبيوتر لمحت تعليق قلت مين اللى صاحى يصلى معايا الفجر وانبسطت اوى لما لقيتك ودعيتلك والله بجد ربنا معاك و ان شاء الله تنجح بتقدير امتياز ..
طبعا الابتسامه بأتمناها لكل اصدقائى وان شاء الله تكون اكيد منهم .
دمت بخير و ان شاء الله تبقى تطمنى عليك .

تحياتى
rovy

rovy يقول...

elgazaly

اشكرك بجد كلامك دايما بيشجعنى و يارب اكون بأستحقه .
دعوة الابتسامه اكيد للجميع ويارب تبتسم دايما وربنا يسعد كل ايامك .
كل الشكر والامتنان
دمت بخير و سعاده وابتسامه
تحياتى

rovy يقول...

ياسر
اخى الفاضل الكريم
دايما بتأسرنى بكرمك وكلامك ربنا يخليك
وانا سعيده قوى ان بقى عندى اخ زيك
انت فعلا انسان بجد ونعم الاخ .
اتمنى ان تكون بخير .. و كذلك والدتك الغاليه واخواتك يارب يخليك لهم ويخليهم لك .
دمت بكل خير وسعاده
خالص تقديرى وتحياتى
rovy

rovy يقول...

رئيسة حزب الاحلام
اميييين يارب ولك مثل دعوتك الجميله
وربنا ما يحرمنيش من دعواتك الجميله
وتعليقك الكريم .
كل الود والتقدير
تحياتى
===============================================
desert cat
اشكرك حبيبتى .. بارك الله لكى وفيكى
يارب دايما منورانى
تحياتى

==========

rovy يقول...

واحد من البلدى
الحمدلله ويا رب اكون قدرت اوفى بوعدى
اشكرك جدا على كلامك الطيب و تعليقك الكريم ودعوتك الحلوه بجد يارب يرزقنا جميعا نعمة حمده وشكره .
خالص تقديرى .. كل الشكر والامتنان .

تحياتى

rovy يقول...

امل
ازيك يا حبيبتى وليه كسلانه اليومين دول .
ربنا يخليكى على كلامك اللى دايما احلى من السكر .
يارب يتقبل دعوتك الجميله ويجازيكى مثلها ان شاء الله .
كل ودى وتقديرى
دمت بخير وسعاده ويااارب احل ابتسامه
تحياتى

rovy

rovy يقول...

fahd
سلم مرورك الكريم .. وكل الشكر لتعليقك الكريم .
لا اجد ردا لكلماتك الكريمه .. اتمنى ان استحق حقا تشجيعك وكرمك .
شرفتنى واهلا بك ويارب يدوم التواصل
خالص تقديرى و تحياتى

rovy

HANY YASSIN يقول...

السلام عليكم
كلماتك حساسة جداً وطبيعية جداً وفى منتهى الواقعية
للاسف هذه هى الحقيقة
تحياتى
هانى يس

ADAM يقول...

رغم إنك قولتي صديقتي

مقولتيش صديقي

بس الحمد لله على كل شيء

وتحياتي


آدم

كيكى يقول...

روفى.....حبيبتى...والله بفكر فيكى وانا فى لجنة.....انتى مش ممكن..انا بقيت اتفئال بيكى بطريقة مش ممكنة...انا النهاردة حليت كنت داخلة وانا حاسة انى شايلها....والله اول ماجيت فتحت الكمبيوتر علشان اقولك..كان النت فاصل....روفى انت مش ممكنة بجد...اسبوع والنتيجة تتطلع...عندى سلق بيض....روفى اخر مش ممكنة....سلميلى مووووووووووت على بناتك...يارب بالنجاح.....مش ممكنة..متعرفيش اد اييية انا مبسوطة

karim يقول...

السلام عليكم
الصراحه الموضوع بجد حلو.......و لو مش حسين ان لسه فى بكره مش هنعرف نعيش انهارده....تحياتى

بنت النيل يقول...

rovy
عايزة اقولك
عذرا صديقتى
على تاخيرى فى التعليق

على فكرة احساس عالى جدا
والخاتمة جميلة بقول الحمد الله
الله عليكى بجد
لكى منى الف تحية
بنت النيل

كيكى يقول...

الحمد الله على كل شى

rovy يقول...

hany yassin
اشكر مرورك وتعليقك الكريم ..
وارجوا ان لا تأسف على واقع من الممكن تغيره ان شاء الله .
دمت بخير وسعاده
تحياتى

==============================================
adam
اهلا بك و بمرورك الكريم..
اتمنى الابتسامه لجميع الناس و لكل الاصدقاء و انت منهم ان شاء الله .
دمت بخير و ابتسامه
تحيانى

==========================================
كيكى

الحمد لله و يا رب تفرحينا اول ما تطلع النتيجه ..
سعيده من اجلك وسعيده لأنك طمنتينى ..
ربنا معاكى وياااارب تنجحى بنقدير كويس قوى ..
اجازه سعيده ممتعه و مثمره ان شاء الله .

تحياتى

rovy
==========================================

rovy يقول...

karim
اهلا بك .. اشكر مرورك الكريم وتعليقك الواعى . . اكيد لازم يكون فيه بكره علشان نعيش النهارضه .
نورتنى
دمت بخير و سعاده
نخيانى
==============================================


بنت النيل

ازيك وحشتينى واوعى تعتذرى على تأخيرك انا عارفه اننا لما بنغيب على بعض اكيد بيكون مش مقصود ..
اشكرك بجد كلامك دايما حلو قوى ورقيق قوى قوى زيك .

يااارب تكونى دايما بخير و سعاده و يهديكى الرحمن اجمل ابتسامه .
كل الود والتقدير

تحياتى

rovy

===========================

gannah يقول...

ما اجمل وارق كلماتك عن الصداقة...تحياتى لكى

الربان يقول...

تحياتي

ما اجمل الحوار القائم ...و ما اعذب الكلمات....و مشاعر آمنه مطمئنه بحب الله...

الدنيا بدون ايمان قاسية اشد القسوة
و بدون ان يكون حب الله هادي لنا...ستظل مركبنا بدون شطآن....

تحياتي و تقديري و شكري لحضرتك.

دمت بالف خير

Gannah يقول...

الأمل و الابتسامة و ما زال الحلم بالإمكان
منذ الأمس يلح على خاطرى حديث رسول الله صلى الله عليه و سلم الذى قال فيه فيما معناه: عجبا لامر المؤمن ان امره كله خير ..إن كان سراء شكر فكان خيرا له و إن كان ضراء صبر فكان خيرا له
اللهم اجعلنا منهم آمين
جميل جدا يا روفى و انا ابتسمت ابتسامة عريضة جدا و نفسى جو الأمل يتنقل الى كل المدونات ان شاء الله
يارب البنات يكونوا عملوا كويس فى الامتحانات..ربنا يفرحك بيهم
:)))))))))))))))))))))))
انى احبك فى الله
تحياتى

ساره البحر يقول...

روفي انتي بجد انسانه جميله ونقيه اوي من جواكي
ربنا يسعدك يارب زي نيتك لانك تسعدي صديقتك
انا بجد معنديش كلام بعد كلامك المفعم بالحب الخالص النقي
دومتي بخير دايما يارب

ghoneem يقول...

اهلاً بيكي

دائماً ما يجذبني لكتاباتك هو ماأجده فيها من صدق المشاعر والأحاسيس

البوست ده بجد متدفق وإعتذارك لصديقتك جميل بجد والأجمل دعوتها للإبتسامة

وأنا أضم صوتي إليك وأدعوها معكي للإبتسامة ...لن يعطينا القوة بعد الله إلا الإبتسامة والأمل في ماهو قادم

أضم صوتي لحضرتك وأقول لك
لا تكتبي الا ما تحسي به ..هذا مايعطي لمواضيعك القوة

تحياتي وتمنياتي لحضرتك وكل أحبابك بكل الخير

بالتوفيق..............

مشتاق لله يقول...

يوما ما اتمني من الروح ان تجد نسمة الفرح حتي في بسمة طفل شارد في شوارع المدينة الكبيرة التي لاتعرفنا

حبيبـــــــة القمـــــر يقول...

حدثتني نفسي بكلمات الامل
فهمست بداخلي كاذبه ...

تذكرت همومي واحزاني ..
فوليت .. هاربه

تعثرت ببضع كلمات
كتبتها نفس صافيه

فوجدتني ابتسم بداخلي

ليتني هي


غاليتي روفي
كلماتك غاليه.. غاليه
دمتي في حفظ الله

rovy يقول...

gannah
اشكر مرورك وتعليقك الكريم
دمت بخير ويااارب يدوم التواصل
خالص تقديرى و تحياتى

=========================================
الربان

دايما كلماتك الغاليه تأسرنى بكرمك فلا اجد ردا يوفيك حقك ولا املك سوى ان اشكرك .. كل الشكر والامتنان لك ولمرورك العطر .
دمت بخير وسعاده
تحياتى
rovy

rovy يقول...

gannah
اختى الحبيبه .. دكتوره جنه
الحمد لله على ابتسامتك الغاليه وعلى احساسك الجميل بالامل ..
اتمنى ان تكونى فى احسن حال وان يمن الله عليكى دائما بكل سعاده وامان وامل
البنات الحمد لله بخير حبيبتى وقربوا يخلصوا ان شاء الله امتحانات بس ياريت تدعيلهم وما تنسيهمش ف دعاكى .
ربنا يكرمك ويبارك لكى فى كل احبائك
دمت بخير ودمتى صديقه عزيزه حبيبه
احبك فى الله
وسبحان من يجمع قلوب حتى ولو لم نجتمع
او نرى بعض انى احبك لاحساسى بروحك الصافيه وانسانيتك العاليه وصفائك
اللهم دام علينا ودنا
تحياتى
rovy

rovy يقول...

ساره البحر
حبيبتى انتى اللى اكيد اجمل واجمل لأنك بتحسى دايما بكل جميل ولانى حسيت اد ايه انتى رقيقه .. ربنا يحفظك ويوفقك ويمنحك احلى ابتسامه وكل السعاده .
دمت بخير و سعاده
تحياتى

==========================================

ghoneem
اهلا بك

دايما احساسك عالى ولا تترك شيئا الا وتشعر به .. احييك عل احساسك وشفافيتك .. واشكر مرورك العطر و تعليقك الكريم
يااارب تكون الامتحانات ماشيه كويس و ربنا معاك و بالتوفيق ان شاء الله .
دمت بخير وسعاده
تحياتى rovy
==============================================

rovy يقول...

مشتاق لله
تحياتى لك .. وادعوا الله ان يمنحك كل الرضا والسعاده و ان تبتسم دائما ففى الابتسامه دائما سحرا لا يغلبه شيطان .. ربنا يوفقك ويحميك ويحفظك .
دمت بكل الخير والسعاده
تحياتى
===============================================

حبيبة القمر

حبيبتى الغاليه
دامت لى كلماتك الجميله واحساسك المرهف
ورزقك الله كل السعاده ومنحك اجمل ابتسامه .
دمت بخير وسعاده وابتسامه
تحياتى

rovy

monaliza يقول...

الحمدلله الذى وهبنى اياكى
سلمت يداكى حبيبتى وها انا الان ابتسم
دعواتى لكى ياغالية بالسعادة الابدية ورضا الرحمن حتى تفوزى بجنة عرضها السماوات والارض

دعاء مواجهات يقول...

كل مرة بتثبتى رقتك

اكتر واكتر بجد

ربنا يريحك ويقربلك كل حاجة وكل حد بعيد عند ويهديلك نفسك يارب

تقبلى تحيااتى

rara يقول...

مساء الخير
كلمات جميلة وتستحق التهنئة

تحياتى

rara يقول...

مساء الخير
كلمات جميلة وتستحق التهنئة

تحياتى

PrInCeSS BeRy يقول...

بوست جميل اوى بجد واجمل ما فيها الابتسامة لانها مثل الصمت بتعبر اكثر من الكلام تسلمى بجد

المتحرش بها يقول...

ولا اروع بجد
اتحفتينى

بنات صاحبة الجلالة يقول...

القمر روفي

بجد هايل البوست دا والحمد لله الحمد لله علي كل حال ويارب الابتسامة لا تفارقك ولا تفارق كل اصحابك يارب ويسعد ايامك كلماتك رقيقة اوي علي فكرة تسلم ايديكي ياقمر

نهر الحب يقول...

روفى
كالعادة بوست جميل
الابتسامة فى عيون وعلى شفاه كل من حولك
الله عليك روفى


كل الود لك

Eldebug يقول...

اهوه انا محتاج ابتسملى كل يوم نص ساعة كده قبل الفجر ... ربنا يباركلك يارب

الحمد لله

ادم المصرى يقول...

البوست دا لزيز جدا جدا جدا اتمنى المزيد والتئلق فييييييه دائمااااا

doctor mohamad يقول...

روفى.. يجوز لى الأن .. و الأن فقط أن أضع نقطة فوق حرفك الثانى .. )روقى(.. فالآن.. و الآن فقط )روقتى(.. فروقنا معك .. بعدما أرقتى وأرقنا معك.. و الآن.. و الآن فقط ترقرقت كلماتك الرقيقة فى فمك.. بعدما ترقرقت الدمعة من قبل .. فى عينيك.. و انمحت.

كيكى يقول...

ازيك ياروفى وحشتينى والله...بناتك عاملين ايييييييييييييييية..خلصوا امتحانات ولا لسة....ربنا معانا كلنا...باى ياحبى

gannah يقول...

فين الجديد....انا بتابع اهو؟

ياسر يقول...

السلام عليكم ورحمة الله وبركاته
جيت وفتشت المدونة حرف حرف فين
الجديد بقي لازم نشوف جديدك علشان
نطمن عليكي والاخوات مفيش بينهم
شكر بس فعلاا اي بوست ليكي بيعبر
عنك ونعم الاخت رب اخ لم تلدة امك

فائق احترامي وتقديري اختي الفاضلة

rovy يقول...

monaliza
اختى الحبيبه سعدت كثيرا بأبتسامتك الغاليه ربنا ما يحرمناش منها ابدا
دعوتك جميله قوى ربنا يتقبلها ويرزقك مثلها ان شاء الله وربنا يجمعنا فى الجنه ويجعلنا اهل لها
.... امين
كل الود اختى الحبيبه والتقدير
دمت بخير ودامت لنا بسمتك ياااارب
rovy

rovy يقول...

دعاء مواجهات
اشكرك جدا واكيد حبيبتى انتى الارق ..
ربنا يخليكى ويتقبل دعوتك ويرزقك مثلها .
دمت بخير ودام التواصل
كل الود والتقدير
تحياتى

================================================

rara

ساء الفل حبيبتى .. اشكرك كثيرا ودام مرورك العطر .
تقديرى وتحياتى

===========================================
princees pery

اشكر مرورك الكريم العطر و كلناتك الرقيقه مثلك .
كل الود والتقدير ودمت بخير وسعاده
تحياتى

==============================================

المتحرش بها

اشكرك كثيرا واتمنى دوام التواصل .
تحياتى

rovy

rovy يقول...

بنات صاحبة الجلاله

ارق تحيه لأرق بنات .. ربنا يخليكوا ودايما تزورونى وتشجعونى بكلامكم الجميل اللى اكيد زيكم .
كل ودى وامتنانى
تحياتى

================================================
نهر الحب

وانتى كالعاده مرورك عطر واسلوبك رقيق .. اشكرك ويارب يرزقك احلى ابتسامه .
دمت بخير وسعاده
تحياتى
rovy

rovy يقول...

eldebug
يارب تبتسم دايما نص ساعة مش كفايه ربنا يرزقك بالسعاده والابتسامه و يوفقك .
اشكر مرورك الكريم .. ودام التواصل
تحياتى

=============================================

ادم المصرى

اشكرك جدا جدا .. واتمنى دوام التواصل
دمت بخير وسعاده وابتسامه
تحياتى

===========================================

doctor mohamed

يارب تروق دايما وتفرح وربنا يرزقك السعاده والفرحه دائما ان شاء الله
اشكرك ولك خالص تقديرى وتحياتى
دمت بخير وسعاده

rovy

rovy يقول...

كيكى

انتى كمان وحشتينى .. البنات بخير حبيبتى وربنا معاكم كلكم يااارب .

دمت بخير فى رعاية الرحمن
تحياتى

============================================

gannah

معلش امتحانات البنات معطلانى شويه هانت .. دعواتك حبيبتى .. اشكر اهتمامك . ادام الله تواصلنا
تحياتى

===========================================

rovy يقول...

ياسر
صدقت اخى الفاضل رب اخ لم تلده امك
وانت نعم الاخ ونعم الانسان ..
خالص تقديرى وامتنانى
تحياتى
rovy

rovy يقول...

ياسر
صدقت اخى الفاضل رب اخ لم تلده امك
وانت نعم الاخ ونعم الانسان ..
خالص تقديرى وامتنانى
تحياتى
rovy

Sally يقول...

ما اجملك حبيبتى
أنها اجمل دعوة للابتسام
الابتسام من قلب مؤمن محب لله ولرسوله وللمؤمنين
الابتسام من قلب مطمئن بالإيمان

فلتبتسمى دائما
ولنبتسم معكِ

دمتى بخير أختى
سالى

مجداوية يقول...

السلام عليكم

فترة انقطاعى عن الكتابة وقبلها قصرت مع الكثرين وانت منهم عزيزتى فارجو ان تسامحينى
فلم اشاركك شجونك واحمد الله انى اشاركك الآن ابتسامتك الشاكرة لله
فالحمد لله

أدام الله ابتسامتك بدوام تذكر النعم وان تعدوا نعمة الله لا تحصوها فهذا برهان وتأكيد على دوام ابتسامتك

فالحمد لله فى البأساء والضراء وفى السراء
الحمد لله

rovy يقول...

sally
متعك الله اختى الحبيبه بالسعاده وجعل لكى احلى ابتسامه ..
اشكرك كثيرا على مرورك و تعليقك الكريم
دمت بخير وسعاده و ابتسامه
تحياتى

==============================================

مجداويه

اختى الحبيبه
انا التى قصرت فى حقك فعندما قرأت تعليقك عند الاخ الفاضل ابا خطاب
كان يجب ان اسأل عنكى لكنى تأخرت
فأعذرينى بالامس منعتنى ظروف و اليوم قد سبقتينى بكرمك فأرجوا ان تعذريتى
والحمد لله على عودتك الحميده الينا بعد عودة اخونا الفاضل ابا خطاب .
دمت بخير
خالص تقديرى وتحياتى
rovy

غير معرف يقول...

حقيقى جميله ياروفى بس دا مش جديد عليكى انا اعرفك كدا من ايام مدرستنا الجميله ..وحشتينى موت

غير معرف يقول...

جميل ياروفى كلامك ..مش جديد عليكى طول عمرك انت رقيقه ..من ايام مدرستنا الجميله ايام ياروفى ابقى احكى عنها . .... وحشتينى موت

rovy يقول...

سمسم حبيتى ربنا يخليكى ليا يارب وما يحرمنيش منك ابدا ولا من صداقتنا الجميله و ربنا يحميكى ويوفقك دايما يا رب .ويخليلك زوجك واولادك و يسعدك معاهم وبيهم دايما .
انتى نسيتى تضعى توقيعك حبيبتى بس طبعا مش محتاجه له لانى لازم اعرفك .
ياارب تنورينى دايما ..
اااااحبك جدا جدا
دمتى بخير وسعاده و هناء
كل الود .. والتقدير
تحياتى
rovy

بنات صاحبة الجلالة يقول...

جوجو
روفى الجميله بجد البوست دة ماثر فيه جداوكلمات رقيقه زيك وتحياتى ليكى والحمد لله على كل شيء بس انا مش عارفه اخمن اسمك مفيش اختيارات اواستعانه بصديق

rovy يقول...

ربنا يخليكى يا جوجو شوفى لسه مى ( مدينة الملائكه ) مكلمانى على الايميل والحقيقه هى خمنت صح و انا طلبت منها ما تقولش لحد لانى قررت اعمل مسابقه
بس لو مصره تعرفى ابقى ابعتى لى اميلك على الياهو او الهوت وانا حاضيفك عندى واكلمك واقولك .
ربنا يخليكى على ذوقك و رقتك .
تحياتى
rovy

nonni يقول...

قى اعجزتينى عن انى اعبر عن ل اللى جوايا .انا اول مرة ازور البلوج و اول ما قريت البوست الاول مقدرتش اخر قرايتى للبوست التانى علشان اتب تعليق على البوست الاول حقيقى البلوج بتاعك اكتر من رائع.

و متذعليش انك مطلعتيش صحفية انتى احسن مدونة قريتلها لحد دلوقتى
و حقيقى بعد ما قريت البلوج اكسفت من البلوج بتاعى قولت ايه الهيافة اللى انابكتبه دى ههههههههه
ربنا يوفقك و الى الامام دائماًً.

rovy يقول...

nonni
اخجلنى تعليقك ولا اجد الرد المناسب ..
اشكرك و اتمنى ان اكون كما ترينى ..
اشكر حسن ظنك بى .. اتمنى وارجو دوام التواصل ..
خالص تقديرى و شكرى و امتنانى
تحياتى
rovy