الخميس، 26 يونيو، 2008

ليه بقينا بنظلم بعض ...


ليه احساسنا ببعض يضيع .... .... ليه القلب الشارى يبيع

ليه بنظلم من غير ما نفكر .... .... و بنحكم من غير ما نقدر

ليه بقينا بنظلم بعض ........ انانيين ولا نوفى بوعد

ليه الناس الغاليه بترخص

واللى ما يسوا بقوا غالين ....

ايه اللى بيحصل فيكى يا دنيا

وليه انقلبت الموازيين ....

الصوره الحلوه نشوهها

و الوحشه نملاها تزيين ....

قلبى بيبكى و كله انيين

بات فى ضلوعى خايف و حزين

قلبى اطمن عمرى ما حأضعف

عمرى ما اكون زى التانين ....

عمرى فى يوم ما ابيع الغالى

ولا يوم انسى الوعد الغالى

عمرى ما انسى فى يوم اصحابى


كانوا معايا او كانوا غايبين

يمكن يئسوا ... و يمكن ينسوا

بس ياريت يفضلوا فاكرين



عل العشره الغاليه يا قلبى انا وانت اكيد باقين

لا عمرى ابيع اصحابى ولا يوم انسى الحنين

ولا ابدا ممكن يجى يوم ابيع فيه عشرة سنين

نفسى الناس تفهم وتراعى

بس يا قلبى تكلم مين ........!!!!!!!!!!!!

=============================

السبت، 21 يونيو، 2008

ستبقى كلماتى .....

اعلم انى يوما ما سأرحل .. وستبقى كلماتى
اعلم انى يوما ما سأمضى .. و تتوقف محطاتى
وستكون شاهدا لى او علي .. حين مماتى
لذا سامحونى اذا تأخرت .... .... اعذرونى اذا تعثرت
او ربما احترت و انتظرت ..
فقد لا اجد ما احس به .. او ربما احسست و خشيت
أتراه صدق احساسى ؟؟
تتعثر احيانا كلماتى و لكن ابدا لا يتعثر احساسى
اعود الملم اشلاء الكلمه و بقايا كلماتى
لتسطر سطور حقى و ثباتى
كلماتى صدقا .. كانت حبا او ربما عشقا
او كانت لوجه الله خالصة و فى حبه قد كانت اسمى واغلى كلماتى
او ربما كانت نصحا او كانت لطفا .... لصديق تواسيه كلماتى
انى احب ان احب الكلمه .... واستشعر كلماتى

فلتحيوا معى بين سطورى .... وتزينوا بأرائكم امسياتى
سطروا معى سطور حق فهى الابقى .... وهى ما يزين حياتكم وحياتى

==========================================

==========================================




الأربعاء، 11 يونيو، 2008

تاج احبابى ساره البحر و لعلها خير



الحقيقه التاج ده جالى من الحبيبه لعلها خير من فتره و انا طلبت منها ااجله شويه ..

ولما جالى تانى من صغيرتى الحبيبه ساره اليحر حسيت انى لازم اجاوب و طبعا

حيكون من الجميلتين ساره البحر ولعلها خير واللى بأشكرهم من كل قلبى و بحبهم جدا

---------------------------------------------------------

بسم الله الرحمن الرحيم

السؤال الاول : اذكر خمس احلام على الاقل تخص ماضيك وتحلم بها بتغير اشياء ماذا ستعدل وماذا ستترك ؟

الحقيقه انا زمان حلمت بحاجات كثير لكن زواجى المبكر جدا ألغى وغير حاجات كثير خصوصا انى تزوجت فى عمر ساره البحر تقريبا .. وما تسألونيش ليه وازاى لكن فعلا هو النصيب .. والحمد لله .

المهم انى حلمت اكون صحفيه او كاتبه مشهوره ويمكن اديبه كمان !!

اكيد لو رجع بيه الوقت حأحاول احقق حلمى وحتمسك بيه لأنى حتى الان لم اكف عن الكتابه حتى لو كان مصير كتاباتى درج المكتب .

تانى حلم انى اكون مرشده سياحيه او مضيفه ..

الحلم ده كمان لو اتتنى فرصه لتحقيقه اكيد كنت حأكون سعيده لأنى بأحب السفر و الرحلات وما زلت .

حلمت انى احج مع ابى وامى ولكن الوقت لم ينتظر وشاء امر الله ان يتوفى والدى قبل ان يحج .

اتمنى الان ان احج مع امى وزوجى ان شاء الله

حلمت ان يرزقنى الله بولد ليعوضنى عدم وجود اخ ولد لى ..

لكن الحمد لله على نعمة رزقه لى ببناتى و نور عينى ربنا ما يحرمنى منهم ابدا

اخيرا وعندما حملت فى مريم ولم اكن اعلم بنت ام ولد كانت مأساه فلسطين و الشهيد الصغير الدره تملأ قلبى حزنا

فتمنيت ان يمن الله علي بولد اربيه ليكون بطلا و يسترد حقوق شهدائنا وا طفالنا و شعوبنا او على الاقل يكون واحدا من جيش يحرر الارض ويعيد لبلادنا المجد .وكنت كثيرا ما اقرأ سوره ال عمران واردد قول السيده العذراء مريم : رب انى نذرت لك ما فى بطنى محررا فتقبل منى انك انت السميع العليم ..

فلما ولدت مريم وجدتنى وانا ما زلت فى تأثير البنج اردد ربى انى وضعتها انثى والله اعلم بما وضعت وليس الذكر كالانثى وانى سميتها مريم وانى اعيذها و ذريتها من الشيطان الرجيم .. ثم كان وسميتها مريم والحمد لله .

---------------------------------------------------------------------------------

السؤال الثانى .. اذكر خمس احلام تخص مستقبلك ؟؟

اتمنى ان يوفقنى الله فى تربية بناتى وان يعيننى على ذلك .. وان يحققوا احلامهم وييسر الرحمن امورهم .

2-اتمنى ان ييسر لى الرحمن ان احج وان ازور قبر الرسول عليه افضل الصلاة والسلام .

3- اتمنى ان يمكننى الله من ان اكون عبدا مطيعا وان افعل كل ما يجعله راضيا عنى ..

4-اتمنى ان استطيع ان احج لأبى و ان تحج معى امى الحبيبه و طبعا زوجى حيكون معايا ان شاء الله .

5- احلم بان يأتى من يوحد العرب و ينصر الامه بأمر الله

واحلم ان يحسن الله خاتمتى وان يرزقنى الجنه بجوار الحبيب المصطفى عليه افضل الصلاة والسلام .

وان يكون معى فى الجنه ابى الحبيب وجميع اهلى واحبائى .. اللهم امين .

------------------------------------------------------------------------------------------------

السؤال الثالث : اذكر شخصين على الاقل متواجدين الان فى حياتك وكنت تتمنى وجودهم قبل الان بزمن ..

بنتهى الامانه اصدقائى المدونين وخصوصا اختى الحبيبه جنه ( لولاكى يا جارتى ) و اختى الحبيبه موناليزا .. واخى الفاضل ياسر ....

ومى ( مدينة الملائكه ) وطبعا مش حأقدر اعدد اسماء كل اصدقائى واحبائى فى الله اللى بجد حبيتهم قوى ووجودهم فى حياتى اعطى لها طعم واحساس جميل .. ربنا يخليهم كلهم ليا ياااارب .

-----------------------------------------------------------------------------------------------

السؤال الرابع : اذكر شخصين على الاقل غير متواجدين الان فى حياتك وكنت تود وجودهم فى حياتك وحياة اولادك مستقبلا ...

1- اكيد ابى الحبيب اللى مفتقداه جدا جدا .. الله يرحمه

2-ناس كثير حبيتهم وفرقتنا الايام لكن الحمد لله معظم اصدقائى الحقيقين لسه موجودين فى حياتى ولو كان لقائنا عبر النت _ سميه وفاطمه وسوزان دى الوحيده اللى لسه فى مصر .. اللى مفتقداها فعلا ونفسى اعرف اى حاجه عنها فهى صديقتنا نجوى .. حقيقى نفسى اشوفها و اطمن عليها يااارب تكون بخير .

------------------------------------------------------------------------------------------------

السؤال الخامس تهدى التاج ده لمين ؟؟

والله بجد انا مش فاكره مين اللى لسه ما اخذش التاج ياريت اللى معندوش التاج وحيأخذه يبقى يقولى ..

وان شاء الله تأخذوه كلكم .. احبكم جميعا فى الله .

==========================================

==============================

الاثنين، 2 يونيو، 2008

اللهم انى احمدك واشكر فضلك كثيرا


كنت اتحدث اليوم مع صديقه لى تقيم فى الخارج ووجدتها فى حالة انهيار تام وبعد انزعاجى بدأت افهم انها حزينه من اجل صديقه اخرى لها كانت تقيم معها فى الغربه وقد كانت فى اجازه فى مصر هى وزوجها واولادها الخمسه و قد تعرضم جميعا لحادث مروع اليم ومات اطفالها الخمسه و هى لم تعلم بعد وحالتها ما زالت خطيره وزوجها المسكين لم يفق بعد من غيبوبته .


لا اقصد ان اجعلكم تتألمون معى ولكنى قصدت ان اجعل كل منا يشعر بمدى نعمة الله عليه ويشكره كثيرا ..


الله الذى انعم علينا بكل شىء ونحن لا نستطيع حتى ان نفعل كل ما اراده منا ونطمع فى رحمته الواسعه فيرحمنا سبحانه ..


اعطانا الكثير من النعم ونحن اذا حدث لنا اى شىء تافه وبرغم استمرار حياتنا وحياة احبائنا لا نشعر بقيمه ما نحن فيه ولا نشكره كما يجب ان نشكره عز و جل ..


الهى يا ارحم الراحمين نعمك عليا لا تعد ولا تحصى


غفرانك لم اقصد ابدا ان انكرها حين اشعر ببعض الالم او المراره


فلك وحدك سبحانك اعترف بذنوبى وضعفى ....... اعترف بأنى قد اعمانى زمانى القاسى


فلم اعد افرق بين قريب وبعيد اخطأت حين شعرت بالالم والظلم .. وضاع من حياتى احساسى بالعدل


اخطأت حين لم اشعر بحجم نعمتك وعطاياك ......


فلتعفو وتصفح عن عبدك المسكين ... ولتجير من ابتليته فى مصيبته وتخلف له خيرا منها


احمدك ربى واشكر فضلك العظيم .......... واترجاك واتضرع الى رحمتك ان تديم نعمتك عليا بل نعمك الكثيره


اترجاك يا عفو يا كريم ان لا تحرمنى من احبابى ابدا ما حييت وان تجعلهم لى قرة عين وان تلهمنى حسن البصيره


ولتعفوا عنا جميعا وتغفر لنا ولا تصيبنا فى احبابنا ولا تؤلم الهى يا رحيم قلوبنا ... اللهم ............امين


انى قد طمعت فى رحمتك وكرمك فأمنحنى اياهم ............ ومن غيرك يستطيع سبحانك


لا اله الا انت لا اله الا انت لا اله الا انت .........سبحانك