السبت، 21 يونيو، 2008

ستبقى كلماتى .....

اعلم انى يوما ما سأرحل .. وستبقى كلماتى
اعلم انى يوما ما سأمضى .. و تتوقف محطاتى
وستكون شاهدا لى او علي .. حين مماتى
لذا سامحونى اذا تأخرت .... .... اعذرونى اذا تعثرت
او ربما احترت و انتظرت ..
فقد لا اجد ما احس به .. او ربما احسست و خشيت
أتراه صدق احساسى ؟؟
تتعثر احيانا كلماتى و لكن ابدا لا يتعثر احساسى
اعود الملم اشلاء الكلمه و بقايا كلماتى
لتسطر سطور حقى و ثباتى
كلماتى صدقا .. كانت حبا او ربما عشقا
او كانت لوجه الله خالصة و فى حبه قد كانت اسمى واغلى كلماتى
او ربما كانت نصحا او كانت لطفا .... لصديق تواسيه كلماتى
انى احب ان احب الكلمه .... واستشعر كلماتى

فلتحيوا معى بين سطورى .... وتزينوا بأرائكم امسياتى
سطروا معى سطور حق فهى الابقى .... وهى ما يزين حياتكم وحياتى

==========================================

==========================================




هناك 77 تعليقًا:

حاجات جوايا يقول...

السلام عليكم ورحمة الله وبركاته

صدقتى حبيبتى
"وما من كاتب إلا سيبلى ويُبقى الدهر ما كتبت يداه"

فلنجعل كلماتنا صدقة جارية على أرواحنا تنفعنا يوم الحساب

دمتى مؤمنة حبيبتى

" اتمنى اكون اول رد "

سالى

Walad_Masry يقول...

ربنا سبحانه وتعالي يديلك طولة العمر وتكوني دايما في طاعته

فعلا مهم جدا إن الواحد لما يكتب يكتب اللي هوه حسه مدام لا يغضب به الله ودايما يفتكر إن كل حرف كتبه ربنا هيسأله عليه ولازم يكون عنده رد

بوست جميل كالعادة وجالي نفس الإحساس بتاع كل مرة .... الهدوء

تحياتي

الربان يقول...

تحياتي

ما شاء الله....رغم انك مقلة في موضوعاتك الا انك دائما ما تهلي علينا بكل ما هو جميل رقيق.

ما أجمل كلماتك...و عباراتك...

الكلمة لها مفعول السحر...سلبا او ايجابا....و يكفي ان نعلم ان حياتنا تتوقف احيانا علي كلمة...ومن هنا كانت اهميتها في حياتنا...

تحياتي و تقديري

ياسر يقول...

السلام عليكم ورحمة الله وبركاته
يارب اكون اول تعليق
اذيك يا روفي
هقراء وارجع


تحياتي

ياسر يقول...

اختي العزيزة الغالية
ولما الرحيل ولماذا تتوقف المحطات
العمر لحظة ويكفي الرحيل داخل رحيل
بجد زعلت منك او علي .. حين مماتي
ربنا يديكي طولت العمر وتكوني جدة وتشوفي
اولااد اولااد اولاادك يارب...............
السماح بس احنا بنقلق عليكي
ودي اجمل حاجة فيكي انك بتكتبي بي
احساسك ..........
فعلاا ساعات كتير بتتعثر الكلمات
والانسان منا بيحاول يجمعة كا اشلاء
كلماتك كلها صدق بلاا نقاش ........اوجدل
بصراحة وبدون اي مجاملة كل سطر في مدونتك
ساعات كتير بيريحني نفسيا واحس ان الدنيا ليسة
بخير ومنها المحبة في الله واشرف الخلق سيدنا محمد
صلي الله علية وسلم....والنصيحة والمشورة في امور
الدنيا سواء المقاطعة او الغاز واسرائيل ربنا يجعلة في ميزان
حسناتك يارب
لصديق تواسيه كلماتي...بجد الله يرضي عليكي
نحنا جميعا او انا شخصيا مدونتك عندي ذات قيمة
لاا تقدر يكفيني بحس اني مع اهلي بين سطورها
يكفيني ساعات كتير بتنور لي طريقي وتخرجني من حزني
واسمحيلي كل بوستاتك عندي مكنة تصوير متوصلة بالجهاز
بخرجهم كلهم واحفظهم في دوسية خاص بيا بعد ازنك طبعا
كل الود والمحبة اختي الفاضلة في الله ورسولة الكريم
تحياتي

سنووايت يقول...

نعم يا روفي
الكلمات هي الابقي منا نحن
دعوة جميلة منك بان نتخير ما تكتبه ايدينا لانها ستبقي بقاء الزمن

اطال الله في عمرك والهمك بكلمات جميلة تبقي بقاء الزمن

"اني احب ان احب الكلمة"
جميلة الجملة دي

كيكى يقول...

عوووووووووووووووووووووو
روفى انا جيت............
هييييييييييييييييييييييية
ايييييييييييييية ياحبيبتى مالك...
لية كدة ياروفى متزعلنى...
البوست هايل جداااااااااااااا فى الكلمات..انا بكلم على الاحساس
ان شاء الله تعيشى لغيط فلسطين ما تحرر
على كدة هتعيشى العمر كلوا ياروفى...
ربنا يديك الصحة يارب.....
ام بخصوص بناتك ربنا معاهم..ياررررررررب وهجيبوا امتياز..
ونبى ابقى خلى مريومة لم تكبر شوية تقولى خلتو...
دومتى بالف صحة وخيررررررررررررر
حبيبة قلبى روفى....اةةةةةةةةة صحيح تعالى شوفى برعى حصلوا ايييييييية

موناليزا يقول...

ونِعم ماكتبتى حبيبتى
فلنشعر بكلماتنا اولا ونفكر فى تاثيرها على الاخرين
ولتعلمى حبيبتى ان كلماتك بلسم للكثيرين ولذلك لايحتملون التأخير فالتمسى لاحبتك المعذرة
ربنا يبارك فى عمرك ويجعل كلماتك فى ميزان حسناتك

سوسا ومودى يقول...

بجد كلامك جميييل أوى
وتحسى كده أنه مليان حب ورومانسيه وشجن
والواحد والله بيستمتع بمجرد قراءه كلماتك
المرتبه
ربنا يسعدك ياااارب ويديلك طوووول العمر ويبارك فى عمرك يا رب

sendrlla يقول...

مش مهم ان الواحد يكتب
المهم انك تكتبى سطر له بصمه وكلمه ليها عنى وحروف لا يمكن محوه ووضع غيره
الاهم هو الاحساس الخارج من الكلمة
تحياتى

zOzO يقول...

كالعادع رقيقه وجميله

بجد حلوووووووو

وانتي وحشاااااني

والنت عندي بعافيه شويتين

ادعيله

صحفية روشة يقول...

انت قولت كلمة ممكن تعبر عن كل المدونين
يوما ما سارحل وستبقى كلماتى
دى انا حسيت بيها اوى
__________________________________
ميفوتكش البوست الجديد (الفرح اسلامى نص ونص)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

امل يقول...

السلام عليكم ورحمة الله وبركاته
اعلم انى يوما ما سأرحل .. وستبقى كلماتى
لذا سامحونى اذا تأخرت ....
فقد لا اجد ما احس به ..
هذه هي نفس الكلمات التي بداخلي
عبرت عنها برقة كعادتك
اذاق الله قلبك حلاوة الايمان وجعل
كلماتك مخلصة دائما ..
تحياتي وحبي في الله

rovy يقول...

حاجات جوايا
اد ايه انتى شفافه يا سالى انت قعلا اول رد و اشكرك جدا على كلماتك الرقيقه خبيبتى .
كل الود و التقدير
دمت بخير و ايمان فى حفظ الرحمن
تحياتى

==========================================
walad masry
اشكرك لهذه الدعوه الغاليه اخى الفاضل
ولك مثلها ان شاء الرحمن .. جزاك الله خيرا .
اتمنى دوام احساسك بالهدؤ كلما تفضلت بزيارتى و ان اظل عند حسن ظنك و ظن الاصدقاء بى ..واشكر كلماتك الرقيقه .
كل الشكر والامتنان
تحياتى

===============================================

الربان

كل الشكر لك سيدى الربان على تلك الكلمات الرقيقه و الطيبه و على هذا التشجيع المدعم لى ..
اتمنى ان يوفقنى الله و ان استحق تلك الكلمات الغاليه .. وفقك الله و رعاك .
دمت بخير فى رعاية الله و حفظه
خالص تقديرى و تحياتى

rovy

rovy يقول...

ياسر
اخى الفاضل الكريم تأسرنى كلماتك دائما ولا اجد ردا يوفيك حقك ..
اسفه لو فكرتك بالرحيل لكنى قصدت رحيلنا عن العالم و من منا لن يرحل ابدا احسن الله ختامنا جميعا و هداك للحق دائما ..
يسعدنى و يشرفنى اعتزازك بمدونتى و كتاباتى المتواضعه .. فلك كل الشكر و التقدير والامتنان ..
سعدت كثيرا لاحساسك وانت تقرأ فى مدونتى بأنك بين اهلك كما ذكرت .. يا ريت اقدر فعلا اخفف عنك احساس الغربه .
اشكرك لحفظك للمدونه .. و ده شىء بجد اسعدنى جدا ..
دمت بخير اخى العزيز
فى حفظ الله و رعايته ان شاء الله
كل الشكر و التقدير
تحياتى

=============================================
سنووايت

دائما انتى رقيقه حتى فى تعليقك و دعواتك
التى ارجو الله ان يتقبلها و لكى مثلها ان شاء الرحمن .. جزاكى الله كل خيرا .
كل الشكر والود والتقدير اختى الحبيبه
دمت بخير فى رعاية الرحمن
تحياتى

=============================================
كيكى
اختى الحبيبه ربنا يخليكى ليه و دايما منورانى و بتسعديتى بكلماتك الطيبه اللى مليانه حب و ود حقيقى بأحسهم
والله انتى كمان غاليه عندى و دايما بأفتكرك وادعيلك ..
اشكرك لدعواتك الغاليه ربنا يتقبلها ياارب و يجازيكى مثلها و يرزقك السعاده فى الدارين .
مريومه طبعا يشرفها و يسعدها يا قمر تبقى خالتو ..
رزقك الرحمن الصحه و السعاده و العمر المديد السعيد .. كل الود والتقدير
دمتى بخير و دمتى صديقه و حبيبه غاليه
تحياتى
rovy

rovy يقول...

موناليزا
اختى الحبيبه الغاليه
لكى كل الشكر على حسن ظنك بى جعلنى الله استحقه .. يااارب .
اشكر كلماتك الطيبه و تعليقك الرقيق و دعواتك الغاليه التى ارجو ان يتقبلها الله وان يجازيكى مثلها و اكثر و ان يرزقكى سعادة الدارين ..
جزاكى الله كل الخير
كل الود و التقدير
تحياتى

========================================

سوسا و مودى

لكى كل الشكر والتقدبر اختى الكريمه
على كلماتك الطيبه و دعواتك العزيزه الغاليه تقبلها الرحمن ولكى مثلها ان شاء الله وجزاكى الله خيرا .
و بجد انتى كلامك حبيبتى اجمل و اجمل
دمتى بخير فى رعاية الله و حفظه
تحياتى

rovy

blue-wave يقول...

ربنا يكرمك بجد مش لاقى كلمه تانيه

rovy يقول...

sendrlla
جميله قوى كلماتك فى التعليق و بتدل اد ايه انتى جميله وشفافه و احساسك عالى
اشكر مرورك و تعليقك الكريم
تحياتى

==============================================

zozo

كالعاده انتى ايضا كلماتك رقيقه مثلك
و اشكرك جدا حبيبتى والف سلامه على النت يااارب يفضل تمام علشان مانتحرمش منك .. ربنا يحفظك و يوفقك
انتى كمان وحشااانى جداااا .
دمت بخير و سعاده
كل الود .. تحياتى
=================================================
صحفيه روشه

اهلا بيكى .. نورتينى
تسلمى ويسلم احساسك سااارب
اكيد مش حيفوتنى البوست الجديد عندك ان شاء الله ..
دمت بخير و دام التواصل
تقديرى و تحياتى

===============================================
امل

ربنا يخليكى يا اجمل امل و تبقى لى دائما كلماتك الجميله و دعواتك الغاليه ..
اللهم تقبلها و لكى مثلها ان شاء الرحمن .. جزاكى الله خيرا و وفقك دائما
دمت بخير .. حفظك الرحمن و رعاكى
كل الود و التقدير
تحياتى

rovy

rovy يقول...

blue-wave
اكرمك الله اخى الكريم و تقبل دعائك و جزاك عنه كل خير ان شاء الرحمن ..
سعدت بمرورك العطر
تقديرى وتحياتى
rovy

Heart Whispers يقول...

صدقتي ...
وكثيرا ما تكون بداخلنا العديد من الكلمات الأحاسيس المشاعر والتي أحيانا لا نستطيع أن نعبر عنها بالكتابه
دمتي وكلماتك رقيقه ومرهفه الإحساس

كيكى يقول...

روفى مالك بجد....انتى مضايقة من حاجة...مش عارفة لييية حسيت فى تعليقك عندى.....انك مضايقة...او زعلانة....او شايلة هم حاجة كبيررررررررة اوووى...بجد مش عارفة اقولك اييييييييية...بس انا حاسة بيكى اوووى..اتمنى يكون احساسى خاطئ يارب...بقى حد عندو البنات الى زى العسل وبالذات مريومة الى هتقولى ياخلتو...ومدونين حلوين وبيحبوكى كدة...ويزعل برضوا...ولا انا لوحدى....دى انتى اختى وروحى..مترديش تقولى كل المدونين اخواتى وبحبهم فى الله..اة انا عارفة انك بتحبيهم موووووووت...بس معلش نحن نختلف عن الاخرون...ههههههههههههه
تبسم ونبى

رئـــــيسـة حزب الأحلام يقول...

كلمات جميله
وبها الكثير من الاحاسيس الجميله
وليتنا نعلم اننا فى يوم ما سنرحل ونترك كل شئ ولن تتبقى سوى اعمالنا
تحياتى لكى اختى روقى

عروسة ننوسة يقول...

اولا بشكرك على السؤال جدا ربنا يديم الحب بينا يارب.....انا اصلى مشغولة جدا فى تحضير الرساله بتاعتى وان شاء الله قريب هكتب الجديد....اما بالنسبه للبوست بتاعك هايا كلماتك دايما رقيقه جدا تشعر الشخص بالحنين والدفء
تحياتى

كاتب مصري يقول...

تحيتي لك
أشكرك كل الشكر على المرور بمدونة حملة قلم وورقة وأتمنى أن لا تتجاهلي المدونة الأصلية فهي الأساسا وما فيها نبض قلمي لكن الثانية فهي بحر للجميع..
قريبا ستجدي أحد تدويناتك في صفحة مدونة الحملة..
أشكرك على تلبية الدعوة السريعة فأنت أول عضوة في الحملة..

ادم المصرى يقول...

جزاكى الله خيرا على البوست الرائع بجد ربنا يبارك فى اديكى ويجلعها تقودك الى الجنه بأذن الله ما من رجعل فعلا شيئ فالله الا وكان لهو سندا عند وفاته جزاكى الله الف خير

Ghada & Rofayda يقول...

الكلمةنور
ودليل تتبعه الأمة
وبعض الكلمات قبور
وبعض الكلمات قلاع شامخة يعتصم بها النبل البشري
إن الكلمة مسؤولية
الكلمة فرقان بين نبي وبغي
بالكلمة تنكشف الغمة
الكلمة زلزلت الظالم
الكلمة حصن الحرية

تحيااااااتي

دمت بخير.......

nado يقول...

ليه كده يا روفى ليه الحزن ده اه اكيد كلنا ماشين منها بس مش ديه النهايه ربنا قال فى كتابه انا عند ظن عبدى بى ...... يعنى اكيد ربنا حنين علينا قوى .... ومش عايزنا نخاف منه على اد منحبه كل حاجه مننا هاتكون موجده ..... تعرفى كتير بحس قوى ان مش الموت النهايه دى بدايه وساعات بحس ان الحلم هو الخقيقه الوحيده وان الحياه هى الحلم بحبك قوى قوى قوى وبعد الشر عليك من اى حزن الله محبه وحنان وانا حاسه نو بيحبك قوىىىىىىىىىىىىىىىى ذى ماكل الّى يعرفك يحبك اموووووووووووووووووووووووووووووووووووووووووووووووووووووووووووووووووووووووووووووووووووووه

doctor mohamad يقول...

أم ياسمين:أعجبنى ف كتابتك محاولاتك الجادة للوقوف على صدق خاطرك و دبيب مشاعرك .. فى حين إن كتير من الناس بيرصوا كلام مذوق جنب بعض .. من خلال كلامك أكاد أشعر بحرارة صدق ما تقوليه .. و أحب كثيرا بداية و مقدمة و صدر موضوعك.."ربما احترت و انتظرت..أو ربما أحسست و خشيت".. أحسنتى روفى.

HANY YASSIN يقول...

السلام عليكم

اعلم انى يوما ما سأمضى .. و تتوقف محطاتى

هذه نهايتنا جميعاً
لذا فعلينا ان نبقى باشياء جميلة كى يتذكرنا الناس بالخير

نص جميل ولغة شاعرية ممتعة
تحياتى
هانى يس

ghoneem يقول...

اهلأ بيكي

هو بالفعل لقاء الأحبة وكلماتك حقاً تحمل كل الحب والود

أحييكي علي كتابتك ودعوتك لأن نشعر بما نكتب وتكتبي
جميل أن تصبح كلامتك لله وفي حب الله وف المواساة وفي النصح

بجد بوست جااااااامد ودايماًللأمام

تحياتي وخالص دعائي

بالتوفيق.................

Miss. Sosa يقول...

السلام عليكم

على فكرة انا كنت جاية اقولك انك وحشتيني اوي وانك شخصية شفافة وجميلة
على فكرة ده مش مديح لاني خايبة جدا فى المجاملات بس ده اللي بشعره فعلا من خلال تعليقاتك ولما قريت البوست أكد لى حدسي انتي فعلا شخصية جميلة ورقيقة

ياريت كلنا مانقولش ولا نعمل الا كل ماهو جميل ونحب لبعض الخير ونشد بايد بعض علشان ربنا يكرمنا جميعا .

تقبلي تحياتي وتقديري

nour shahen يقول...

ما شاء الله عليكى
احاسيس رائعه وجميله وكلمات بسيطه تصيب القلب تماما
وتتركنا في حيره من امرنا
اين ومتى ستتركنا نحن ايضا محطاتنا
يا رب تكون اخر محطه عند باب الجنه
تقبلى تحياتى واعجابى

zOzO يقول...

ازيك ياروفي
كلماتك والله زي بلسم لينا كلنا
وكلنا بنستمتع بيها
ربنا يبارك ف عمرك يارب
ويعطيكي علي قد نيتك اللي هي خير اكيد
ويخليكي لينا
كلنا بنحبك


تحياتي ودعواتي كتير

Gannah يقول...

روفى
جميلة الروح والكلمات
أشكرك على سؤالك عنى واعذرينى لتأخرى فى التعليق
لا أدرى لماذا تسيطر عليك فكرة الرحيل...لا شك أن تذكر الموت يرقق القلوب ولكن ذكره فى بوستاتك يشعرنى بأن بداخلك كم هائل من الشجن ...على أية حال ربنا يبارك فى عمرك ويحفظك الى أن ترى أحفاد مريم
فكرة البوست رائعة لانها بكلمات صادقة بسيطة تحدد ماذا يجب أن نكتب والا كنا من الأخسرين أعمالا الذين ضل سيعهم فى الحياة الدنيا وهم يحسبون أنهم يحسنون صنعا... ولا أحد منا يريد أن يكون كذلك
كلماتك جعلتى أعيد تفكير فيما أكتب ...هل هى كلمات حق هل فيها صدق هل وهل وهل؟؟؟؟
أشكرك لهذه التذكرة ولا شك بأنك من أصحاب الكلمة الهادفة الصادقة التى تعرف الطريق الى العقل والقلب
أدام الله علينا محبتنا فى الله
تحياتى

!!! عارفة ... مش عارف ليه يقول...

دوماً موضوعاتك تحمل روحاً إيمانية
تنثر فيضها على
جموع المعلقين حالة
من الصفاء الصوفي

حفظ الله لنا قلمك المبدع

ساره البحر يقول...

يا سلام ياروفي على كلماك بجد بتسحريني قدام الشاشه
وبفضل اقراء كلماتك مرتين وتلاته كمان
ربنا يخليكي لينا ولبناتك ويطول في عمرك يارب يا حبيبتي

مشتاق لله يقول...

مهما تعثرت الكلمات لاتبالي لكن احرصي ان لايتعثر احاساسك ابدا لانه يكلف الكثير واقلها فقدان الاصدقاء -لك السلام

rara يقول...

روفى
ربنا يكرمك بطولة العمر ان شاء الله
ونشوف منك أجمل الكلمات فأنكى تكتبى أجمل ماتشعرى به وماأجمل الكلمات الصادقة عندما تخرج من القلب فأنها توصل الى القلب
وفقكى الله دائما وتمتعى قرائك بأجمل ما تكتبين

تحياتى

rovy يقول...

heart wispers
اشكرك لمرورك العطر وكلماتك الجميله
دمت بخير و دام التواصل
تقديرى و تحياتى

================================================
كيكى
انا بخير بس ما بنكرش انك حساسه و شفافه جدا ..
ربنا يحميكى
دمتى بخير و فى حفظ الرحمن
تحياتى
==============================================
رئيسه حزب الاحلام

اشكرك بجد كلماتك طيبه و جميله مثلك
دمتى بخير و سعاده و دام التواصل اختى الكريمه .. جزاكى الله خيرا ..
كل الود والتقدير

تحياتى
==========================================

عروسه ننوسه

لا شكر على واجب اختى الكريمه
ربنا يوفقك ان شاء الله فى الرساله و يارب ييسر لكى كل الامور و ابقى طمنينى عليكى ..
اشكرك لكلماتك الطيبه و مرورك العطر
دمت بخير فى حفظ الله و رعايته
تحياتى
rovy

مدينه الملائكه يقول...

ماما روفي عارفه اني ندله واسمحيلي اقولك ماما لانك حنينه وجميله زي ماما بس كدا هكبرك خليكي اختي الكبيرة انتي وبنت النيل اخواتي فعلا ربنا يخليكو ليا يا رب معلش اتاخرت عليكي كتير بس والله يعني ظروف انتي عارفه مش يشغلني عنك الا الشديد القوي
البوست جميل وفعلا الي بيدوم هي الكلمه الطيبه والسمعه الحسنه
وانتي انسانه جميله ويتمثل فيكي كل شئ جميل وحشتيني مووووووت

مي

rovy يقول...

كاتب مصرى
وفقك الله و يسر لك الامور
اشكرك لمرورك و تعليقك الكريم
دمت بخير و ان شاء الرحمن التواصل دائم .
تحياتى

============================================
ادم المصرى

شكرا لك .. لكلماتك الطيبه و دعواتك الغاليه تقبلها الرحمن و لك مثلها ان شاء الله .. جزاك الله خيرا اخى الفاضل .
تقديرى و تحياتى

============================================
ghada & rofayda

اهلا بيكم و بجد نورتونى
كلمات جميله و حكيمه تعبر عن شخصية من كتبتها ..
دمت بخير ودام التواصل ان شاء الله
خالص تقديرى و تحياتى

===========================================

nado
ختى الحبيبه انا مش حزينه ولا حاجه بس صدقينى هو ده الواقع ..
ياريت كل واحد بيكتب كلمه يبقى عارف كويس ان كل كلمه حيحاسب عليها و ان ممكن كلمه يقولها او يكتبهاتكون سبب دخوله الجنه ..
دمت بخير حبيبتى فى حفظ الله و رعايته
rovy

أم أحمد المصرية يقول...

صديقتي الحبيبة
لقد عبرت باسلو رائع عن معاني كثيرا ما تجول بخاطري
جعل الله ما نكتب جميعا في ميزان حسناتنا

bar2ash يقول...

بسم الله ماشاء الله

كلمات معبره جميله رقيقه حساسه

حاسس اني مهما علقت مش قادر اديها حقها

بس بجد يسلم قلمك يا فنانه

تحياتي ليكي

PrInCeSS BeRy يقول...

روفى ازيك وحشتينى كتير يا صاحبة الكلمة الصادقة والرائعة يسلم قلملك وتسلم كلماتك الجميلة

لست أدرى يقول...

كلنا نعلم اننا راحلون
بس بجد حضرتك عبرتى عن ده بكلام راااااااائع
يارب نرحل ونحن على دينا

كاتب مصري يقول...

السادة أعضاء الحملة الكرام..بيان من إدارة الحملة..تقرر نشر تدوينات خاصة بأعضاء الحملة الكرام تكون غير منشورة على مدوناتهم يتم نشرها على صفحة مدونة الحملة فقط منسوبة لإسم صاحبها..ويمكن للسادة الأعضاء وضع رابط لهذه التدوينات على مدوناتهم..راسلوا الحملة بتدويناتكم على العنوان البريدي التالي:ebrahem.aladawy@gmail.com..كل الود..
أنتظرك

amal يقول...

عندك حق فعلا
مش باقى غير العمل والكلمه الطيبه
جزاكى الله كل الخير ووفقكى لما يحب ويرضى

rovy يقول...

doctor mohamad

اهلا يا دكتور .. نورتنى
اشكرك جدا على كلامك الطيب و يا رب اكون كده فعلا ..
اسعدتنى زيارتك و تعليقك الكريم
خالص تقديرى و تحياتى

===========================================

hany yassin

اشكر مرورك و تعليقك الكريم اللى دايما بيسعدنى ..
دمت بخير فى حفظ الله و رعايته
ودام التواصل ان شاء الله
تقديرى و تحياتى

==============================================
ghoneem

شكرا لكلماتك الطيبه و الكريمه واتمنى ان يظل لقائى بكل الاصدقاء لقاء حب فى الله .. و ان تجمعنا دائما الكلمه الطيبه و الصادقه ..
دمت بكل خير و فى حفظ الرحمن و رعايته
تقديرى و تحياتى

=========================================
miss sosa

حقيقى انت كمان بتوحشينى و فعلا والله من الاصدقاء اللى حسيت بهم و بلاقى نفسى عاوزه اطمن عليكى من خلال كل جديد بتكتبيه ..
اشكرك جدا على كلامك و حسن ظنك بيه يااارب اكون استحقه ..
دمت بخير اختى الحبيبه اكرمك الله و حقق لكى كل الخير وكل ما تتمنيه .. امين

كل الود و التقدبر
تحياتى
rovy

rovy يقول...

nour shahen
اهلا بيكى .. نورتينى
اسعدنى مرورك الكريم و كلامك الجميل و الرقيق ..
اسعدك الله و تقبل دعائك وجزاكى خيرا ان شاء الله .. وجعل لقاءنا على باب الجنه .. لتكون اخر محطاتنا .. اللهم امين .
شكرا لكى .. دمت بخير ودام التواصل

تحياتى

===============================================

zozo

اهلا بيكى حبيبتى ..
انا كمان بحبك قوى .. ربنا يكرمك .. بجد انتى رقيقه و حلوه قوى .. يارب يحفظك و يسعدك و دايما اطمن عليكى ..
اشكرك لكلامك الرقيق و فقك الله دائما .

كل الود و التقدير

تحياتى

=============================================

rovy يقول...

gannah

اختى الحبيبه اشكرك جدا لاحساسك المرهف واحساسك بكلماتى وده مش جديد عليكى فقد عاهدتك انسانه حساسه و رومانسيه ومليانه حب وحنان ..

تقبل الله دعواتك الغاليه و لكى مثلها يااارب و جزاكى الله كل خير و اكرمك و رزقك سعادة الدارين .

دمت بخير و سعاده و امل
احبك فى الله

تقديرى وتحياتى

=================================================

عارفه... مش عارف ليه

كل الشكر و التقدير لمرورك العطر و تعليقك الكريم بكلماتك الطيبه ..

دمت بخير ودام التواصل

تقديرى وتحياتى

===========================================
ساره البحر

ادعوا الله ان يحميكى و ان توفقى دائما
حماكى الرحمن و حفظك ..
اشكرك حبيبتى لكلماتك الرقيقه و دعواتك الغاليه لكى مثلها ان شاء الرحمن و جزاكى اللهكل خير ..

دمت بخير و سعاده يااارب

تحياتى

==============================================

مشتاق لله

كل الشكر والتقدير لكلماتك الطيبه و نصيحتك الغاليه ..
دمت بخير ودام التواصل ان شاء الرحمن

خالص تقديرى و تحياتى

rovy

rovy يقول...

rara

اشكرك حبيبتى لكلماتك الطيبه و دعواتك الغاليه .. ادعوا الله ان يتقبلها و لكى مثلها ان شاء الله وجزاكى الله خيرا ..

ادام الله الود و التواصل
ودمت بخير و سعاده

تقديرى وتحياتى

============================================

مدينة الملائكه

وحشانى يا مى ..
ربنا يطمنى عليكى يااارب واسمع عنك كل خير ..
اشكرك حبيبتى على كلماتك الجميله و الرقيقه ..
سعيده انك حسانى ام و اخت .. ادام الله ودنا .. و دمت بخير و كل السعاده

تحياتى

============================================

ام احمد المصريه

سعدت صديقتى الكريمه بمرورك العطر و كلماتك الطيبه و اتمنى ان تظل كلماتنا
للحق و بالحق وان يجعلها الله فى ميزان حسناتنا ..

دمت بخير فى حفظ الله و رعايته
خالص تقديرى و امتنانى
تحياتى

===========================================

bar2ash

اشكرك لكلماتك الجميله و تعليقك الكريم

دام التواصل و دامت زياراتك الكريمه و كلماتك الطيبه ..

دمت بخير و سعاده فى حفظ الله

تقديرى وتحياتى

============================================

princess bery

انتى كمان وحشانى يا قمر ..
ربنا ما يحرمنيش من سؤالك ..
اشكرك حبيبتى .. دمت بخير و سعاده
تقديرى و تحياتى

rovy

rovy يقول...

لست ادرى

اللهم امين .. تقبل الله دعوتك الكريمه لنا جميعا يااارب ..

اشكر مرورك العطر و كلماتك الطيبه
خالص تقديرى وتحياتى

==============================================

كاتب مصرى

اشكرك و لكن مش عار فه لماذا لا تختار احدى البوستات القديمه التى لم تأخذ حقها فى النشر ..

خالص الشكر و التقدير
تحياتى

================================================

amal

اشكرك يا امل لكلماتك الطيبه ..
واشكر لكى مرورك الكريم ..
دمت بخير ودام التواصل ان شاء الله\

تحياتى

rovy

تــــــــــ(حـنة)ـــــــر يقول...

ابكانى ما كتبتى ولا يوجد معى ما استطيع كتابته .
فدائما ما اكتب فى المدونة واتخيل يوم الرحيل ومن يدخلها بعد رحيلى .
ولكن كثيرا ما اقول التفاؤل افضل تريق
احيانا الله ووهبنا حسن الخاتمة
تحياتى

أحمــــد يقول...

بسم الله الرحمن الرحيم
بصراحة أنا كنت أزورك لدعوتك إلى زيارة مدونى لكن قابلنى لام رائع يجب الوقوف عنده لذا أعد بالعودة إن شاء الله للتعليق على هذا الأسلوب الرائع
http://ommee.blogspot.com

rovy يقول...

تمر حنه
احزنى انى تسببت فى بكائك ولكنها دموع الخشوع وان شاء الله تكون فى ميزان حسناتك .. ولكنى اعتذر بشده لتسببى بها
اطال الله عمرك و اكرمك و رزقكى سعادة الدارين و وفقكى الى ما يحب و يرضى ..
رزقكى الله عمرا مديدا سعيدا . امين

تقديرى و تحياتى

rovy

shaimaa elgarhy يقول...

الله عليكى ياروفى ياحبى

والله وحشتينى...

قولتى الحق ...كلامك معبر جداً وصادق وعذب

لتانى مرةبقولك انتى فعلا شخصيه جميله ولاااااااازم تتحبى

كل تحياتى وتقديرى

دمتى بكل خير يا أحلى روفى

كيكى يقول...

عووووووووووووووووووووووو انا جيت اتخديتى
................................
عاملة ايييييييييييييييييييييية ياقمر يارب تكونى دايما بخيررررررررررررررررررر...واتمنى ان الشعور الى كان عندك راح..واحساس الحزن.....انتى دايما واحشنى...وازى مريومة...قوللها خلتو كيكى بتبوسك بوسة اقد كدةةةةةةةةةةةةةةةةةةةةةةةةة....يارب تكونى بخير وصحة وسعادة
الهم ما امين يارب

rovy يقول...

احمد
اشكرك كثيرا لدعوتى ..
واشكر كلماتك الرقيقه و انتظر زيارتك
تحياتى

rovy

=====================================
shaimaa elgarhy

ربنا يخليكى حبيبتى .. بجد مرورك وكلماتك و احساسك فعلا بيسعدونى
جزاكى الله خيرا
دمتى بخير و سعاده و وفقكى الرحمن و حفظكى.
كل الود والتقدير
تحياتى
rovy

rovy يقول...

كيكى
بتوحشيييييييييينى كثييييير
بجد انتى لكى حضور خاص وجميل جدا ..
ربنا يخليكى وما يحرمنيش من سؤالك عنى .. انا الحمد لله بخير .. ربنا يحفظك و يحميكى .
مريومه بتسلم عليكى ...
كل الود والتقدير
سلااااااام
rovy

love River يقول...

اه الكلمة اما لنا او علينا
اللهم ارزقنا الاخلاص فى القول والعمل
وارزقنا محبة خالصة فيك يارب العالمين
ما شاء الله دائما تأثيرنى بسحر كلمتك
احبك فى الله

ياسر يقول...

اختي العزيزة
انا بخير والحمد لله وطمنيني
لو النتيجة ظهرت
وعملت زيك خصوصية في التعليقات
علشان بتجيني بعض المضايقات

semsem يقول...

ماشاء الله عليكى
ربنا يديكى العمر طبعا
وجميل اوى احساسك بالمسئوليه
القلم امانه بجد
جزاك الله خيرا
اختك ف الله

أمل فتحى عزت يقول...

السلام عليكم
بكل الحب والاحترام ادعوك لمتابعة الحلقة الرابعة من حكاية عمى رمزى وعم عمارة فى الحارة تعالوا نسمع ونشوف العفاريت بتقول ايه عن الحارة
مع خالص تحياتى

مجداوية يقول...

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن باذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460




http://la3lahakhier-2.blogspot.com/

bar2ash يقول...

اعلم انى يوما ما سأرحل

ليه كده ياروفي
وليه طول البوست كانت كلماتي وكانت وكانت

ارجوكي سيبك من اللهجه دي

احنا عايزينك انتي وكلماتك مترحليش وتسيبيلنا كلماتك

عايز المره الجايه بوست كله يوية يفتح النفس ع الاجازة


انا عارف اني مقصر معاكي والله بس سامحيني

وان شاء الله هزورك كتير الايام الجايه بس هتعزميني علي ايه لما اشوفك بقي كريمه ولا .......


تقبلي مروري

صالح سعيد يقول...

اسلوبك جميل بجد
تسلم ايدك
كلامك واقعى جدا
ربنا يزيدك ويوفقك
اول زيارة لمدونتك ولن تكون الاخيره
تقبلى تحياتى

كاشف الاوهام يقول...
أزال أحد مشرفي المدونة هذا التعليق.
كيكى يقول...

عووووووووووووووووووووووو انا جيت اتخديتى
.............................
صاحية بفكر فيكى قلت اعدى وامسى
على نور عينى مريومة عاملة ايييييييييييية
ان شاء الله بناتك يجيبوا اعلى التقديرات والناس كلها يااااااااااارب...
بتوحشينىىىىىىىىىىىىىىىىىىىىىىىىىى
علطولللللللللللللللللللللللللل
ربنا يسعدك ويبسطك دينا واخرة يارب
وان شاء الله متكنش فى حاجة وحشة شغالة بالك يارب يريح بالك على طولللللللللللللل

rovy يقول...

love river

ازيك يا نهر .. اتمنى ان تكونى فى احسن حال واشكرك جدا على كلامك الجميل و احساسك الغالى ربنا يكرمك ويبارك فيكى يااارب .
انا ايضا احبك فى الله اختى الغاليه
كل ودى و تقديرى

ملحوظه : على فكره يا نهر توقيعك ده ما بعرفش ادخل بيه لمدونتك خالص ..
يا ريت تشوفى السبب ..

تحياتى
rovy

rovy يقول...

ياسر
انا بخير و الحمد لله
اشكر سؤالك و اهتمامك
جزاك الله خيرا
تحياتى

========================================
semsem

سعدت بزيارتك و تعليقك .. اشكرك كل الشكر لكلماتك الرقيقه و الطيبه .
جزاكى الله خيرا
دمت بخير و دام التواصل

تحياتى

===============================================
امل فتحى عزت

اشكر دعوتك الكريمه لى
وفقكى الله .. دمت بخير و دام التواصل

تقديرى و تحياتى

rovy

rovy يقول...

مجداويه

اختى الكريمه وحشتنى طلتك العطره الكريمه

اتمنى اكيد التواصل معكم سأحاول عن طريق البلوج لانى لا اجيد التعامل مع الفيس بوك رغم ان لى حساب به .
اشكرك كل الشكر
تقديرى امتنانى
rovy

rovy يقول...

bar2ash

اخى الفاضل كانت كلماتى مجرد تذكره لا اكثر و لكنى الان اشعر بحاله اتمنى ان تزول سريعا .. دعواتك .
اشكرك كل الشكر لمرورك و تعليقك الكريم ..
دمت بخير و دام التواصل
تقديرى و تحياتى

===========================================

صالح سعيد

اهلا بك اخى الكريم سعدت بزيارتك
واشكرك كثيرا لتعليقك الكريم و كلامك الطيب ..
دمت بخير و دام التواصل ان شاء الله
كل الشكر و الامتنان
تقديرى و تحياتى
rovy

rovy يقول...

كيكى
حبيبه قلبى صح النوم يا قمر ربنا يحميكى يا رب ..
بجد مش عارفه اقولك ايه على شعورك الجميل ده و احساسك اللى بجد انا مش لاقيه تعبير يوفيكى حقك .
ربنا ما يحرمنى منك ابدا
احبك فى الله
تحياتى
rovy

ادم المصري يقول...

انا فاكر اني علقت ع البوست دا بس مايمنعش اني اعلق تاني
.
.
ياريت والله كل منا وهو بيكتب وهو بيشتغل يكون عارف انه راحل
.
.
وان اللي هيبقي هو عمله بس
.
.
تحياتي ليكي
ادم المصري

بنات صاحبة الجلالة يقول...

حبيتتي روفي اللي اكتشفت انها بلدياتي ازيك الاول ياقمر مرسي علي سؤالك عليا متحرمش منك يارب

كلمات بصراحة روعه جدا بالرغم من انها حزينة بس حقا تستحق التصفيق الحاد دا راي فيكي من زمان ان احساسك عالي بجد مشاء الله عليكي حلو اوي

تحياتي ياقمر اختك ريمو

rovy يقول...

ادم المصرى
اسعدنى تعليقك الكريم حتى لو كنت علقت على البوست قبل كده فأهلا بك دائما
اشكرك كثيرا على كل كلماتك الرقيقه

تقديرى و تحياتى

rovy

rovy يقول...

بنات صاحبة الجلاله

ريمو حبيبتى الف حمد الله على سلامتك بجد كنتى وحشاااانى جدااا ..
ربنا يكرمك و ما يحرمنيش من كلامك الحلو ده ابدا يااارب ..

و طبعا ان سعيده جدا انك طلعتى اسكندرانيه و ان شاء اللف الظروف تسمح و نتقابل فى اقرب فرصه ..

كل الود والتقدير

تحياتى

rovy