الاثنين، 20 أكتوبر، 2008

الفرصه الأخيره






وسط دوامات البحر الغادر .. و بين جنون امواجه التى ارتفعت ارتفاع شاهق رهيب ..
و وسط التيارات القويه التى لا يمكن مقاومتها .. وجدت نفسها تعجز حتى عن التنفس
بل انها عجزت عن تحريك احدى ذراعيها . . و شعرت مرمر ان هذه هى النهايه .. ترى اتكون هذه نهايتها ؟؟
ايقتلها البحر الذى كم عشقته .. و الأن .. و نادت فى صمت ربى ايمكننى ان القاك الان دون خوف او خجل ..
تعلم يا رحيم اكثر مما اعلم كم احبك و احب نبينا المصطفى .. اصلى و اصوم و ازكى .. اساعد كل من استطيع حقا مساعدته .. و لكن .. و لم تستطيع التفكير اكثر من ذلك .. و اخذت تنطق بالشهادتين .. و لكنها فجأة وجدت نفسها تصرخ ربى اعيننى .. و اذ بموجة عاليه علو شاهق تأتى من خلفها و تترك مرمر نفسها للموجة مستسلمه لما يقدره الرحمن .. فاذا بها تستشعر الرمال تحت قدميها و تعلم انها قد نجت او على الاقل فى محور الامان الان ..
تحاملت لتصل الى الشاطئ و القت بنفسها على الرمال و هى تنظر الى البحر فى رعب و تسأل ماذا اصابك فجأه و لما قد جن جنونك .. !!
نظرت مرمر الى مياه البحر التى هى حقا تعشقه فى الم و حسره .. بل فى خوف و رعب ..
كدت الأن ان اموت .. و شعرت مرمر ان ما حدث الأن هو رساله واضحة يجب ان تفهمها ..
نعم فالموت يأتى بغته .. لن ينتظر ترددها .. و تسائلت فى حيره من نفسها .. الى متى الهروب من الحقيقه ..
تعلم يا رحمن يا من لا يخفى عنك شىء عمق ايمانى و لكنك تعلم ايضا انه شىء واحد دائما ما اهرب منه و كأنى اخشاه او اتناساه .. نعم انه الحجاب .. ياااااااه .. سأضيع نفسى و كل ما افعله كى اتقرب منك ربى من اجل تلك القطعه من القماش التى ستغطى شعرى .. نعم فأنت اعلم حبيبى يا الله اننى ملتزمه جدا فى ثيابى و لكنى تعودت ان اكون جميله نعم تلك هى الحقيقه .. تعودت ان يرانى الجميع جميله و لا استطيع التنازل عن عرش جمالى و كيف اخبأ تلك الخصلات الذهبيه التى تتوجنى .. ؟؟
عادت تنظر الى مياه البحر الزرقاء و هى تبتسم فى سخرية من تفكيرها الساذج .. ثم نظرت الى السماء و وجدت عيناها تبكيان و هى تستغفر الله الرحيم .. رب العرش العظيم سبحان من له الدوام .. سبحان الله .
لن يدوم جمالى و لو طال . و لن يدوم شبابى و لن يدوم العمر و لا حتى تلك العيون التى تعودت ان ترانى جميله و كثيرا ما مدحتنى .. لن يدوم غيرك يا رحمن و لن يكون الا ما اردت ان يكون .. سبحانك ربى .. غفرانك . غفرانك ..


افاقت مرمر من افكارها و مناجاتها لله على صوت الاصدقاء و الاقارب و هم يقتربون منها فقفزت مسرعه و اخذت شالها ووضعته على رأسها و هى تمسح دموعها و تستغفر ربها .. و عندما سألتها اختها ماذا بكى اتشعرين بالبرد ؟؟
ابتسمت مرمر فى حب و حنان لأختها و قالت لها لا انى بأحسن حال و الحمد لله و لكن هكذا امرنا الله و لله الامر كله سبحانه.. ابتسمت اختها و هى تقول انه حظ منى الجميل سترتاح منكى لم يكن يؤرقها احد غيرك دائما ما كانت تغار منكى .. انظرى انها قادمه تنظر اليكى فى تعجب لأنكى تضعين الشال على رأسك ..


اقتربت منى منها و اخذت تتفحصها بعينيها كعادتها كلما رأتها .. ثم القت السلام و جلست تنظر اليها من أن لأخر دون ان تتحدث حتى قالت لها ناديه الاخت الصغرى لمرمر : باركى لمرمر لقد تحجبت فابتسمت منى فى ارتياح او هكذا صور الشيطان لمرمر و اخذت تمدح شكلها بالحجاب و تهنئها .. ثم وقفت تتمايل بشعرها الاسود كسواد الليل و هىء الشيطان الرجيم لمرمر ان قرارها هذا افسح المجال لكل من كانت تغار منها و انها قد تسرعت و لما ذلك الشال ما دامت تلبس ثياب محترمه فهذا يكفى انها تفعل كل ما امر به الرحمن و اما عن الحجاب فانه لم يأن الاوان بعد .. نعم ان الله غفور رحيم و هو اعلم بى ..


فى المساء فوجىء الجميع بمرمر فى قمة جمالها و تألقها و قد ارتدت ثياب حشمه و لكنها تؤكد على انها انثى جميله بكل ما تعنيه الكلمه .. و جعلت شعرها ينسدل فى استهتار على كتفيها و قد لمع كخصلات من ذهب تجعلها كالملكه المتوجه و ابتسمت و هى ترى النظرات حولها اما نظرات اعجاب و دهشه او نظرات حسد و حقد ..
و لكنها برغم كل هذا ظلت تشعر بمرارة فى حلقها و انقباض فى صدرها و كانت بين الحين و الحين تنظر الى السماء فتدمع عيناها و تتمتم فى صمت اللهم انى استغفرك .. اللهم ربى ارجوك ان تهدينى..
بينما كانت مرمر تتأرجح مشاعرها بين ما ترغبه نفسها المحبه للحياه و بين ما يرغبه فؤادها العاشق لله الواحد القهار ..
اذ باذان العشاء يرفع و يهتز كيانها و هى تسمع قول المؤذن الله اكبر الله اكبر فشعرت بجسدها ينتفض ..فقامت مسرعه من مجلسها و ذهبت الى الشاليه الخاص بها حيث انها كانت تقضى ايام المصيف مع عائلتها و اصدقائها .. اغتسلت مرمر و توضأت و قامت تصلى العشاء و بعد الصلاه جلست مرمر تبكى و تشعر بنفسها تلومها و تؤنبها .. و سمعت صوت ضميرها يقول لها هل انتى الان سعيده و ما تلك السعادة الزائفه التى تحرصين عليها و هل سألتى نفسك الى متى ستدوم .. ؟؟ ؟؟
اخذت مرمر تحاول ان تتوازن فى افكارها و مشاعرها المتقلبه و خرجت الى الشرفه و نظرت الى مياه البحر .. و تذكرت ما حدث لها فى الصباح شعرت بنفس الاحساس و احست بنفس الالم يعود اليها فشعرت بالخوف بل بالرعب نظرت الى السماء و هى تصرخ ربى ارجوك لا تغضب انى احبك و انت الاعلم .. ربى خذ بيدى احتاج اليك لا تتركنى احبك يا الله و لا اريد غيرك .. اعترف بغبائى و ضعفى فقد لعب بى الشيطان و خدعنى كما خدع ابى ادم و امى حواء و لكنى اتوب اليك كما تابا لك و اردد دعائهما .. ربنا ظلمنا انفسنا و ان لم تغفر لنا و ترحمنا لنكونن من الخاسرين ..
ربى اشعر ان هذه هى فرصتى الاخيره و ا عدك ان لا اضيعها .. ربى اعوذ بك من الشيطان الرجيم واعوانه و اعوذ بك من ضعف نفسى ..
ربى ارزقنى صحبة صالحة تعيننى على طاعتك و قربنى من كل ما يقربنى من رحمتك .. انى تبت اليك وانى من المسلمين ..


و فى اليوم التالى كانت قد اصرت على ان لا يثنيها شيئا عن قرارها و ان لا تضعف مهما وسوس لها الشيطان الرجيم استعانت بالذكر و التسبيح و قراءة القرأن الكريم و اخذت تردد اسم الله المعين .. و تستشعر اسمه جل جلاله الوكيل و تحس بمعنى اسمه المنتقم الجبار .. و تردد فى تحدى لضعفها انها فرصتى الاخيرة و لا .. لن اضيعها ..


و عندما اتت منى تتبختر بشعرها الاسود الناعم و تنظر اليها فى استغراب ماذا دهاكى اترتدين الحجاب بالنهار و تخلعيه بالليل .. نظرت اليها مرمر بحب و سلام و هى تردد استغفر الرحمن لا و الله لن اخلعه مرة اخرى لن استسلم بعد اليوم لوسوسة الشيطان اللعين لا اشعر بالراحة الا و انا ارتديه و ما فائدة ان يحبك العالم و يمدحك وانتى تكرهين نفسك و ضعفك و تشعرين بأنكى غير مطيعه لربك و انكى غير مطمئنه .. نظرت منى اليها فى استهتار و ربما استهزاء و هى تبتسم و تقول سنرى ..
و قبل ان يلعب الشيطان لعبته معها مرة اخرى .. اسرعت هى تقول ان شاء الرحمن سيثبتنى و يهديكى .. و الله الذى انعم عليا و هدانى لن اضيع هذه الفرصه ابدا .. ابدا و ساعتبرها فرصتى الاخيره للنجاة و لن اضيعها .. سأكون غبيه جدا اذا اضعتها .. لا و الله لن افرط بها .. اعيننى يا ارحم الراحمين و يا خير معين .. احبك يا الهى واعلم انك لن تضيعنى ابدا ..


شعرت مرمر بحلاوة الايمان و تذوقت طعمه و احست بالطمأنينه التى كم افتقدتها و تيقنت ان هناك متعه اكبر و سعاده اعمق مما كانت تعلم .. ولم يسعها امام شعورها هذا الا ان تسجد للرحمن شكرا و هى تردد الحمد لله الذى هدانا لهذا و ما كنا لنهتدى لولا ان هدانا الله .
ولكن يبقى التساؤل بداخها ترى هل حقا سأثبت ؟؟ سؤال لا يلعلمه الا الرحمن .. اللهم ثبتنا على الحق و خذ بيدنا لما تحب و ترضى و اهدينا فأنه لا يهتدى إلا من احببت سبحانك ربى لك الامر اوله و اخره ..
تمت .. و الحمد لله .

هناك 66 تعليقًا:

blue-wave يقول...

يااااااااااااة
ما اجمل القصه
بالفعل
لا شئ يضاهى حلاوة الإيمان
اللهم ارزقنا به يارب

romansy يقول...

قال تعالى فى حديث قدسى
من اجلكم سميت نفسى بالعزيز الغفار

ما اجمل التوبه عندما تكون من القلب
الحمد لله الذى هدانا لهذا وما كنا لنهتدى لولا ان هدانا الله

مدينه الملائكه يقول...

جميل يا ماما اولا اسلوبك القصصي
والاجمل الفكرة الي بتوصليها بالقصه
بجد حسيت بكل الانفعلات دي
الحمد لله الذي هدانا لهذا وما كنا لنهتدي لولا ان هدانا الله فعلا
الواحد لما بيطيع ربنا في شئ بيحس بروحانيه جميله في نفسه وهدوء جميل وطمئنينه مريحه للنفس وللروح
بجد جزاكي الله كل خير علي كتباتك الهادفه دي

مي

Esraa Hamed يقول...

القصة راااااااائعة بجد
بجد ربنا يكرمك
جزاكي الله كل خير

موناليزا يقول...

قد ايه جميلة ياروفى
فعلا للايمان لذة لن يشعر بها الا من ذاقها ومن ذاقها حقا لايمكن ان يتنازل عنها لاى سبب دنيوى
من رحمة ربنا بينا انه بيعطى لنا فرص كتييير اوى
وحقا من يهده الله فلا مضل له
سلمت يداكى تناولت موضوع هام بطريقة مبسطة واسلوب سلس
ربنا يكرمك ويوفقك دايما
ويثبتنا جميعا على الطاعة
دمتى فى رعاية الرحمن

gannah يقول...

جميلة جدااا يا روفى
معلش راحة الشغل ولما ارجع هعلق تانى
تحياتى

la3lahakhier يقول...

هذا حق
تسلم ايدك
وانا احبك فى الله اكثر

الازهرى يقول...

صديقتى العزيزة

قصة جميلة بالفعل تعكس عن روح هانئة بما هداها الله اليه

ولكن اسمحى لى ان اضيف شيئا بمناسبة الهجوم الذى يتعرض اليه الحجاب

الحجاب لي كما يتعامل معه البعض مجرد شىء تلف به الرأس ولكنهفكر كامل الاركان
فما نراه اليوم ليس معظمه حجاب صحيح
حيث نرى الفتيات تغطى شعرها وتترك الباقى اشد اغراء وعريا منه الف مرة من التلون بالملابس الضيقه والشفافة وخلافه وهو ما يتنافى مع الحجاب تماما حيث يشترط فيه ان تكون الملابس ايضا محشمة وساترة للجسم
كما ان طريقة المشى او الكلام ايضا ربما تعطى على الرغم من الحجاب ما يضيع وقاره المطلوب
ولذلك فلا بد ان نفهم فلسفة الحجاب لا ان نطبقه كما نريد

تحياتى دوما

nour shahen يقول...

القصه هايله مش عارفه ليه فكرتنى بموقف حكيته ليا واحده صحبتى برضوا كان عن الحجاب
وبأختصار
كان ليها صديقه محجبه وكانت لسه هى متحجبتش وصديقتها اهدتها الحجاب في عيد ميلادها ومن هنا صحبتى بدأت تلبس الحجاب
بحس ان بداية ارتداء الحجاب زي بداية الأسلام بالظبط
زمان كانوا بيجاهدوا علشان الأسلام والنهارده احنا بنولد مسلمين واولاد مسلمين ونقدر ننطق بأن لا اله الا الله بكل حريه

مش عارفه ليه انا بصورها بالحجاب بس في ناس بتطلع من بيت مسلم بترتدى الحجاب وهى مش مقتنعه او معتبراه زى وخلاص
مفيش أحساس بجماله ولا لبسته عن أختيار واقتناع
فعلا هو أمر من الله لا يصح اننا نكسره
بس فى فرق كبير قوى من اللي بينفذ بحب واللي بينفذ وخلاص او بينفذ عن خوف من الله عز وجل

ونقلب التعليق شوية شخصى

مش عارفه ليه بحس أنى اعرفك قبل كدا يا روفى
كأننا اتقبلنا قبل كدا وسمعت لأفكارك
مش عارفه أرسملك صوره في خيالى برغم انى حساكى قريبه قوى منى
سبحان الله
بس انا بحبك على كدا
ربنا يوفقك ودمتى لينا مبدعه وحنونه

عادل يقول...

السلام عليكم
اختي الكريمة روفي
مش جديد عليكي الاسلوب الراقي
والنصيحة وتبسيط الرسالة
وقصة جميلة جدا لما فية من
رسالة ونصيحة وتقريبا واقعية لحدا ما
اللهم اجعلها في ميزان حسناتك
اللهم قربنا منك اكثر واكثر
اللهم زيدنا طاعة وايمان
اللهم اني اتوب اليك كما تابا لك و اردد دعائهما ..
ربنا ظلمنا انفسنا و ان لم تغفر لنا و ترحمنا لنكونن من الخاسرين ..
ربى اشعر ان هذه هى فرصتى الاخيره و ا عدك ان لا اضيعها ..
ربى اعوذ بك من الشيطان الرجيم واعوانه
و اعوذ بك من ضعف نفسى
ربى ارزقنى صحبة صالحة تعيننى على طاعتك
و قربنى من كل ما يقربنى من رحمتك ..
انى تبت اليك وانى من المسلمين ..
جزاكي الله عنا كل الخير وجعلة في ميزان حسناتك
اللهم امين يارب
فائق احترامي وتقديري
خالوا
عادل

Walad_Masry يقول...

حقيقى القصة رائعة وكلماتك تم اخيارها بعناية كالعادة

الشيطان والنفس دائما ما يصورا للانسان أن في اتباع اوامر الله سبحانه وتعالى الشقاء والعكس دائما هو الصحيح فالسعادة كل السعادة في امتثال أوامر الله والشقاء كل الشقاء في الابتعاد عنها

فكم من الناس عنده كل مفاتيح المتعة ولكنه غير سعيد وكم من الناس لايملك أسباب السعادة وهو يتلذذ بها صباحا ومساءا

نعم تلك هي سنة الله في خلقه أن من إتبع أوامره نجح وفلح ومن عصاه خسر وندم

"وَمَن يُعْرِضْ عَنْ ذِكْرِي فَإنَ لَهُ مَعِيشَةً ضَنْكَا وَنَحْشُرَهُ يَوْمَ القِيامَةِ أَعْمَى"
صدق الله العظيم

دمتي مبدعة

تحياتي

PrInCeSS BeRy يقول...

روفىىىىىىىىىىى

وحشتينى يا قمر يارب تكونى بالف خير

بجد مبدعة ما شاء الله عليكى القصة حلوة او ى اوى والنسمة الايمانية الموجودة فى كلماتك تخلى اى حد يحب يقراها بجد ويستفيد منها بجد دمتى مبدعة احلى روفى فى الدنيا

الطالبة عفو الله يقول...

ما شاء الله عليك حبيبتي
كتبت فابدعت
سلمت يمناك
القصة جميلة و الاجمل المغزى منها
سبحان الله
هو الحليم الكريم الرحيم
كم يهب لنا من نعم كثيرة و فرص عديدة
اللهم لك الحمد كما ينبغي لجلالك
بارك الله فيك اخيتي

mohamed ghalia يقول...

اللهم إنى عاصيك ولكنى أحبك فأجعل محبتى لك سببا فى مغفرتك لى
قصة رائعة وجميلة قوى طريقة الوعظ عن طريق القصة
رائع ما كتبتى
دمتى بود وفى سعادة وفى متعة الطاعة
وعجلت إليك ربى لترضى
جزاكى الله خيرا

عاشــــــ النقاب ـقــــة"نونو" يقول...

الله الله الله
جمييييييلة جدا
اللهم اهدي بنات ونساء الملمين ورجالها وشبابها يارب
بارك الله فيكي حبيبتي

الربان يقول...

تحياتي

طبعا القرار ليس سهلا علي اي أنثي..ان تتخذ قرار الحجاب...لكن الله دائما ما يثبت من تعقد و تعزم علي التقرب الي الله....

الشيطان الرجيم اعازنا الله و الجميع من
همزاته...يوسوس لنا كي نخرج عن طاعة الله
و له الي ذلك منافذ كثيرة...

الحمد لله الذي و فقها و هداها...و ثبتها....ان شاء الله يكون ثوابها لدي الله وفيرا و عميما....


تحياتي و تقديري

mohamed يقول...

أنتى رائعه
أنا محمد صاحب مدونة مشاعر وأفكار
ومدونة شوبة كلام

جنّي يقول...

قصة رائعة

والكثير منا يلاطم امواج كثيرة تبعده عن الله .. والكيس الذي يتسلح بقارب النجاة .. قارب الايمان والقرب من الله ..

rovy يقول...

blue_wave

اشكرك يا دكتور و سعدت بتعليقك الكريم ..

ادعوا الحمن ان يرزقنا جميعا حلاوة الايمان ..

دمت بكل خير

تحياتى

================================================

romansy

اشكر مرورك العطر و تعليقك اكريم اخى الفاضل ..

ادعوا الرحمن الغفور ان يتغمدنا جميعا برحمته و ان يمنحك سعادة الدارين ..

تحياتى

================================================
مدينة الملائكه


اسعدنى رأيك يا مى .. ربنا يكرمك

اتمنى ان تكونى فى احسن حال و تكونى دائما بيننا و ان لا نحرم منكى ابدا

فعلا حبيبتى طاعة الرحمن هى السعادة الحقيقية التى يمكن ان يستشعرها الانسان
و ان يتذوق الطمأنينه من خلال احساسه برضا الله فسبحان الله الذى يهدى من يشاء و هو اعلم بنا جميعا..

ادعواالله ان يوفقى دائما وان يحفظكى

دمتى بكل خير فى رعاية الله

تحياتى

rovy يقول...

esraa hamed

ازيك يا اسراء

اسعدنى رأيك اختى الحبيبه
اكرمكى الرحمن واسعدك
وجزاكى كل الخير ..

تقديرى و تحياتى

============================================

موناليزا

انتى اللى جميله يا موناليزا بجد و احساسك دايما جميل ..
ربنا يكرمك حبيبتى و يثبتنا جميعا على الحق ..

اسعدنى رأيك الذى يهمنى كثيرا
سلمتى لى اخت و صديقه و جزاكى الرحمن كل الخير ..

دمتى فى رعاية الله و حفظه

ودى و تحياتى

===============================================

gannah

الله يخليكى ليه و ما يحرمنى من تشجيعك
ولو كانت جميله فعلا فالفضل بجد لتشجيعك ليه و اصرارك بانى اطول وما يهمنيش من التطويل علشان اقدر اعبر صح ..
ادامك الرحمن لى اخت و صديقه و حبيبه فى الله ..

حفظكى الله و اعانك و اسعدك

تحياتى

Gannah يقول...

روفى
قدرتى فعلا تجسدى الصراع اللى بتعانى منه بنات كتير
الموضوع مش سهل فعلا لكن مع الوقت الحجاب مش بيبقى مجرد شكل ده بيكون جزء من الشخصية
لانه بيمثل احترام الاسلام للمرأة
والحقيقة فيه غير محجبات اقل فتنه فى مظهرهم من المحجبات
لى صديقة تعانى من نفس الصراع
انسانه نقية السريرة محبة لدينها وكنت النهاردة لسه فى الروضة ودعيتلها كتير جدااااا لان كل الكلام اللى ممكن يتقال هى عارفاه لانها انسانه مؤمنه احسبها كذلك ولا ازكى على الله احداا
ومن ترك شيئا لله عوضه الله بخير منه
ربنا يجعل القصة فى ميزان حسناتك ويثبتنا جميعا على دينه ويرزقنا طاعته
بوسة لمريومة
تحياتى

نهر الحب يقول...

روفى
ازيك يا قمر يارب تكونى بخير وسعادة
اسفة على تاخرى فى الرد سمحينى
عارفة انتى جسدتى الصراع بين النفس الامارة والنفس الباحثة عن الله اللوامة
لكن الحمد لله الفطرة السليمة والصحيحة هى الفائزة
تعرفى ياروفى للايمان حلاوة لا يعرفها الا المؤمن الحق انتى وصفتى دا بجمال ورقة
جعله الله فى ميزان حسناتك
ووفقك الى ما يحبه ويرضاه
كل الود الخالص فى الله

rovy يقول...

la3lahakhier

حقيقى نورتينى ..
الله يخليكى اختى الكريمه الحبيبه و يكرمك

اسعدنى مرورك الكريم و تعليقك العطر

احبك الذى احببتنا به ان شاء الله و اسعدك سعادة الدارين ..

خالص ودى و تقديرى

تحياتى

==============================================

الازهرى

اسعدنى تعليقك اخى الكريم

اكيد عنك حق فى ان الحجاب ليس مجرد غطاء للرأس فقط و لهذا ذكرت فى القصه ان البطله ترتدى ملابس حشمه طبيعى لانها اساسا تخشى الله و لهذا كان لا بد لها ان تفهم ان الطاعه يجب ان تكون كامله
و صراعها مع نفسها ناتج عن انها تعودت ان تكون جميله و ان تكون مميزه دائما لهذا كان يجب ان تعلم ان ما ينقصها هو قطعة قماش تغطى شعرها الذى كم احبت مظهره و احبها به الناس ..
و لكنى اوافقك جدا فى ان هناك من تغطى شعرها و هى تسىء للحجاب و المحجبات ..
هداها و هدانا جميعا الرحمن و ثبتنا جميعا على الحق ..
كمان يجب ان اضيف ان الحجاب حجاب النفس و منعها عن الهوى قبل ان يكون مجرد مظهر خداع و منافق

كل الشكر لك و لارائك دائما اخى الفاضل ..
خالص تحياتى

nado يقول...

الله عليكى بجد بس تعرفى ماقدرتش احوش دموعى وتفاجاة ببتسمه على شفايفى ورعشه وضمة حنان
ويارب كلنا نكون فى حضن الرحمن وننجح بنا وبين نفسنا ونكتشف جونا كل حاجات الحلوه المدفونه ونشيل منها التراب ونحضن الخير الّى هو من ربنا
بحبك فى الله

CAIROCOMPUTER يقول...

عاوزين رايك فى بوست جديد بعنوان لعب وحب وجد وقتل
salah h: http://netonradio.blogspot.com

امل يقول...

السلام عليكم حبيبتي روفي
قصة جمييييييله جدا وفيها من العبر الكثير أعجبني كثيرا استعانتها باسم الله المعين فهو المعين لها حقا على الثبات وعلى المزيد من الطاعة وكنت أنتظر أن تتأثر بمنى بما حدث لمرمر وتصنع مثلها ولكن ربما مع مرور الايام قصة رقيقة جدا جزاك الله عليها خيرا ونفع بها ان شاء الله
كل الحب
ملحوظة : فيه واجب ليكي عندي

مجداوية يقول...

السلام عليكم

القصة جميلة جدا وأجمل ما فيها انها رجعت فى كلامها ورجعت ندمت لأن لو مكنتيش كتبتى كده كانت حتبقى قصة على هندى شوية وان كانت بتحصل لكن الأغلب ان بينشأ فيه صراع أنا الصراع بتاعى دام وأنا مرتدية الحجاب لسنين فكان صراع لخلعه مش لارتدائه وأنا كنت أول واحدة فى عيلتى كلها ألبسه ومن أوائل الناس فى مدينتى فى أواخر السبعينات لكن النفس الأمارة بالسوء بتفعل عمل الشيطان وخلعته مع برضه احتفاظى بنفس اللبس المحتشم لكن رجوعى له كان بسبب سؤال من واحد سألنى قالى انتى مسلمة ؟؟ وكان عهد منى لله ان لا الشيطان ولا نفسى حيقدروا يضيعوا هويتى تانى لأنى حسيت بالعار والخزى من الؤال ده والحمد لله انى اتسألته
ربنا بيدى فرص كتير لكن دايما فيهم فرصة أخيرة يمكن تكون التانية يمكن تكون العاشرة لكن دايما فيه فرصة أخيرة
وعشان كده لا نزيد من معاصينا على حساب حلم ورحمة ربنا بينا
فلكل مسلمة غير محجبة الحجاب الشرعى اغتنمى أى فرصة على انها آخر فرصة
سلمت يداك ويا ترى دى قصة مين ؟؟
هى قصتى وقصة فلانه وقصة ؟؟؟؟ مين ؟؟؟

عاشقة القمر يقول...

الحجاب سعادةوطمانينه وايمان واليقين لازم احد عندم يقرار يكون ايمانو قوي وعندو يقين
يقول يارب ثيبنا علي الحجاب وديني

رومانسى مشاكس يقول...

بجد اثرت مشاعري

بجد اسلوب رائع وتصوير اروع

تقبلى فائق احترامي وتقديري لشخصك المبدع

اتمنى منك المواصله

تقديرى واحترامى

رومـــــ مشاكس ـــانسى

rovy يقول...

nour shahen

اهلا يا نور .. يسعدنى دائما تواجدك و تعليقك اختى الحبيبه فى الله ..
عندك حق فعلا الحجاب فى اوله بيكون جهاد من نوع خاص جهاد مع النفس و ضد الشيطان الرجيم و وسوسته ..
ادعوا الرحمن ان يثبتنا جميعا على الحق و ان يأخذ بيدنا جميعا لطريق الهدايه
و ايضا من ترتديه خالصة لوجه الله وحده لا خوف من احد ولا ارضاء لاحد فانها تشعر بحلاوة الايمان و بيكون احساسها به مختلف تماما ..
اللهم اهدى بنات المسلمين كافة لما تحب و ترضى ..

اما عن احساسك بيه فانا بأشكرك جدا عليه و احبك فى الله اكثر و كما قلت لكى فى تعليقى عندك انه تلاقى ارواح تشعر و تحس ببعضها ..
اتمنى ان يكتب لنا المولى عز وجل لقاء قريب ان شاء الله

دمتى فى رعاية الله و حفظه

تحياتى

rovy يقول...

عادل

اخى الفاضل
مش جديد عليك ايضا تشجيعك و تعليقاتك المتميزه ..

سعيده ان القصه نالت اعجابك
اتمنى انى اكون بجد باستحق الكلام الحلو ده

جزاك الله كل الخير

و دمت لى اخ فاضلا ..

خالص شكرى و امتنانى

تحياتى

=============================================

walad_masry

اشكرك كثيرا اخى الفاضل و سعدت بتعليقك حقا ..
نعم اخى الفاضل انه الصراع الدائم بين الانسان و الشيطان و حتى مع نفسه الاماره بالسؤ احيانا كثيره و اللوامه احيانا اخرى ..
و لكنها سنة الله كما ذكرت و من اطاع الله كان له خير معين و من عصاه كانت له
معيشه ضنكا و ندم دنيا و اخره
ادعوا الرحمن ان يهدينا جميعا للحق و ان يثبتنا عليه ..

كل الشكر و التقدير

تحياتى

rovy يقول...

princess bery

انت كمان وحشااااانى يا احلى بيرى

سعيدة برأيك حبيبتى جدا ..

اشكرك كثيرا و دمت لى اخت و صديقة رقيقه و رائعه ..

دمتى بكل خير و سعاده

تقديرى و تحيااتى

rovy يقول...

الطالبه عفو الله

الله يخليكى بجد كلامك اخجلنى
سعدت كثيرا بتعليقك و سعيده ان القصه نالت اعجابك و اعجاب ناس باحترم رأيهم جدا ..

بارك الله فيكى و رزقكى كل السعاده

دمتى بخير و دمتى لى اخت و حبيبه فى الله

تحياتى

=============================================================

fashkool يقول...

روفى .. كلامك جميل وقصتك جميله .. او على الاقل لها رجلين .. مزيد من الحبكه الدراميه وتبقى تصلح لسيناريو هايل .. بس البت الجميله بطلة القصه بنت هايله .. خليكى معاها شويه وعيدى الصياغة وحتكون قصه روعه

تــــــــــ(حـنة)ـــــــر يقول...

بصراحة مش عارفه اقولك ايه
بس أولا بعتذر عن التأخير وبالغ التقصير
وثانيا ودة الأهم حاسه ان البلوج كله بقى فى حاجو جديدة رغم ان هوهو متغيرش فيه حاجة.
بس الأسلوب جديد بجد
ربنا يوفقك يارب و من نجاح لنجاح

رئـــــيسـة حزب الأحلام يقول...

ازيك ياروفى وحشانى ياقمر
بجد القصة تحفة وكتير اتعرضنا للموضوع دة وخاصة اول الحجاب وربنا يهدى الجميع
الف تحية لكى

أسير الجراح يقول...

ماما روفى



اتمنى مرورك


البوست نزل بقالة يومين


تعالى نورينى بقى



كل الود



اسير الجراح

rovy يقول...

mohamed ghalia

اشكرك كثيرا اخى الكريم لمرورك الكريم و تعليقك العطر ..

اسعدنى تعليقك و رأيك فى القصه ..

ادامك الرحمن اخا و ادام التواصل الكريم ..

جزاك الله كل الخير

خالص امتنانى و تقديرى

تحياتى

================================================

عاشقة النقاب نونو

اهلا بيكى اختى الكريمه

و الله انتى اللى جميله و اسعدنى تعليقك و رأيك كثيرا ..

بارك الله فيكى و اسعدكى و دمتى لى اخت كريمه ..

دمتى بخير فى رعاية الرحمن

تقديرى و تحياتى

=============================================
الربان

اهلا بك سيدى الربان

اسعد دائما بمرورك العطر و تعليقكم المتميز ..

اعاذنا الرحمن جميعا من الشيطان الرجيم و وسوسته و نصرنا عليه و على ضعف انفسنا و ثبتنا على الحق .. امين

دمت بكل خير و اكرمك الرحمن و بارك لك

خالص امتنانى و تقديرى


تحياتى

rovy يقول...

mohamed

اهلا بك يا محمد
اشكرك كثيرا اخى الكريم و الحمد لله ان القصه نالت اعجابكم اتمنى ان اكون حقا استحق تلك الكلمات الرائعه ..

دمت بخير فى حفظ الله

تحياتى

===================================================

جنى

اكرمك الرحمن اخى الفاضل و كل الشكر لك ولمرورك و تعليقك العطر ..

دمت بخير و فى حفظ الله

تقديرى و تحياتى

============================================

rovy يقول...

gannah

دائما تسعدينى اختى الحبيبه بتعليقك العطر و الجميل مثلك ..
حقيقى سعيده جدا برأيك و لو انى ما زلت اقول ان الفضل من بعد الله يعود اليكى اختى الحبيبه و لتشجيعك لى و ارائك الصائبه ..
اما عن صديقتك فاعتقد انها ان شاء الرحمن لن تضل طريقها ابدا اذا كانت كما وصفتيها و خصوصا ان لها صديقة مثلك اهداها لها الرحمن لتكون عونا لها و اتمنى ان يكون حبكم فى الله سبب لدخولكم الجنه ان شاء الله و ان يكون لكم هذا الحب فى الدنيا مناره و هدايه و سند ..
ادامك الرحمن لى اخت و صديقه و حبيبه فى الله ..

دمت فى حفظ الله و رعايته

ودى و تحياتى

==================================================

نهر الحب

اختى الحبيبه نهر اهلا بيكى ازيك انتى يا احلى قمر ..
ليس بين الاخوات اسف لكن اتمنى ان لا تتأخرى لانك بتوحشينى و لأن رأيك بيهمنى وكمان لأن مرورك بيطمنا عليكى ..

سعيده برأيك فى القصه و فعلا اختى الكريمه للايمان حلاوه ومذاق خاص لا يعلمها الا من اخلص لله و جاهد لرضاه

احبك فى الله

دمتى بخير

تحياتى

rovy يقول...

nado
اختى الصغيره الحبيبه

سامحينى ان كنت قد تسببت فى بكاء عيناكى الجميله و لكنها حبيبتى ايضا هى دموع الخشوع و الاحساس بعظمة الخالق و سعة رحمته ..
هداكى الرحمن للحق حبيبتى و رزقكى سعادة الدارين و حفظكى من كل سؤ ..

دمتى بكل خير و ربنا يخليكى ليه

================================================
cairocomputer

سعدت بمروركم الكريم
ادام الله التواصل و كل الشكر و التقدير لكم و للاستاذ صلاح

تحياتى

rovy يقول...

امل

عليكم السلا و رحمة الله و بركاته
اختى الحبيبه امل ..
سعدت برأيك حبيبتى اكرمك الرحمن و اعزك ..
اما عن منى فمن الصعب ان نعيش فى هذا العالم المثالى فكما توجد مرمر لا بد من وجود منى و مع ذلك فلنظل ندعوا لكل منى بالهدايه ..

جزاكى الله كل خير و حفظكى من كل سؤ

الواجب ادعيلى اقدر اعمله قريب خصوصا انه صعب شويه و طبعا باشكرك و سعيده لانك فكرتى فيه ..

دمتى بكل خير و سعاده

ودى و تحياتى

bar2ash يقول...

السلام عليكم

الرائعة دائما روفي

تعرفي كل سطر كتبتيه تخرج منه موعظة

بجد ربنا يعيننا علي النفس الامارة بالسوء
وعلي شيطانا
وعلي شياطين الانس والرفقة السيئه
ويهدينا واياكي ويثبتنا علي الحق


قصة رائعة مغزي واصل ومفهوم

انار الله بصيرتك

اخوكي

برقش

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

ذو الوجه المبتسم يقول...

القصة جميلة
واسلوبك فى الكتابة جميل
اللهم ارزقنا حلاوة الايمان
وارزقنا توبة خالصة
وارزقنا جنتك
امين يا رب

تقبلى تحياتى

بنات صاحبة الجلالة يقول...

حبيبتي وصديقتي الغالية رووفي ام مريم القمر وحشتني جدا ومتشكرة جدا لسؤالك عليا الفترة اللي فاتت دي والقصة هايلة جدا بجد ودي مش لالتزام بالحجاب بس في ناس كتير بتغلط في حياتها وبتخاف تمشي علي الطريق الصح لانها خايفة علي مصالحها وجمالها ومنظرها قدام الاخرين والشاطر بجد اللي يلحق نفسه ويعرف الطريق الصح ومهما الشيطان لعنه الله عليه حاول يثنيه علي فعل الحق مش هرتاجع لانه خلاص لازم عرف السكة كويس وللاسف في بنات كتير اوي بترفض لبس الحجاب علشان في اعتقادها ان الحجاب دا هيخفي جمالها في حين ان جمالها الحقيقي لما ترضي ربها عارفة في فنانات كتير اوي في منتهي الجمال لما لبسوا الحجاب زاود جمالا الله عليكي بجد القصة بتحمل في ثناياها الكثير تسلم ايديكي

والف سلامة وتحية لمريومة وياسمين

خالص تحياتي وتقديري

norahaty يقول...

السلام عليكم
ورحمة الله تعالى وبركاته
لن انسى ابدآ وسوسة الشيطان
لى بعد ان ارتديت حجابى لاول مرة
وقد بدأته (خطوة خطوة )حينها حتى
اعود فى كلامى بعد ذلك إذا اردت!!
اقول لكى روفى لن انسى وسوسة الشيطان
حينها بان اخلع كل هذا واعود الى ما كنت عليه(ماهو مفيش حد واخد باله!!!)لكن الحمد لله ربنا قوانى وادركت ان انا فعلت فسأندم مدى العمر.الحمد لله الحمد
لله الحمد لله لم افعل ومن حينها وانا محجبة والحمد لله .
جزاكى الله خير الجزاء
على القصة الجميلة دى
ذكرتينى بأيام بعييييدة

!!! عارفة ... مش عارف ليه يقول...

الحمد لله الذي هدانا لهذا وما كنا لنهتدي لولا أن هدانا الله

جزاك الله خير عنا جميعاً


دومتي دوماً مطمئنة
بإذن الله

وليد

PrInCeSS BeRy يقول...

ازيك يا روفى وحشتينى كتير اوىىىىىى امواة
رسائلك التى وصلت من خلال السرد جميعها تاخذنا جميعا الى الجنة ربنا يكرمك ويسعدك يارب

.:.-=- ELGaZaLy-=-.:. يقول...

ياة يا روفى جميلة بشكل....

بجد تفاصيلك رهيبة بشكل ..

استمرى بجد جميل اوى الخط دة

rovy يقول...

مجداويه

اختى الغاليه اسعدنى رأيك كثيرا جدا
وفعلا دائما يوسوس لنا الشيطان من حيث لا نشعر اعاذنا الرحمن جميعا من الشيطان الرجيم و ايضا من ضعف انفسنا ..

اما عن سؤالك .. فنعم حبيبتى هى قصتك و هى ايضا قصتى .. و .. الحمد لله و ادعوا الرحمن ان يثبتنا جميعا على الحق و ان يهدينا و جميع بنات و نساء المسلمين ..

دمتى بكل خير و دام لى تعليقك المتميز الذى اعتز به لثقتى بأنكى ابدا لن تجاملى احدا و لن تقولى الا الحق ..
اكرمكى الرحمن و اسعدكى و بارك لكى فى نسمه و بارك لها فيكى ..

خالص ودى و تقديرى
تحياتى

rovy يقول...

عاشقة القمر

اهلا بكى اختى الحبيبه
صدقتى فيما قلتى ..
جزاكى الرحمن خيرا و بارك فيكى ..

دمتى بكل خير
تحياتى

================================================
رومانسى مشاكس

اسعدنى تواجدك اخى الكريم
و كل الشكر لتعليقك الكريم و كلماتك العطره ..
يسعدنى تواصلك .. و ان شاء الرحمن يدوم التواصل اخى الفاضل ..

دمت بكل خير

تحياتى

===============================================

rovy يقول...

fashkool

سعدت بزيارتك الكريمه و تعليقك اخى الفاضل المتميز و اود ان اشكرك كثيرا لنصيحتك الغاليه ..

دمت بكل خير
خالص تقديرى و امتنانى

تحياتى

=====================================================

تمر حنه

اختى الحبيبه اهلا بكى فى اى وقت و كل وقت و لا داعى لاى اعتذار فانا اعلم ان هناك من يشغلنا جميعا .. وجودك يسعدنى و يشرفنى ..
اشكرك جدا لكلماتك الرقيقه و دعوتك الغاليه .. و ايضا احساسك المرهف ..

دمتى بكل خير

ودى و تحياتى

=============================================
رئيسه حزب الاحلام

اهلا بيكى يا احلى ريسه
بجد وحشااااانى كثير جدا ..
الله يخليكى حبيبتى .. اسعدنى رأيك وتواجدك العطر ..
دمتى بكل خير و ود
تحياتى

rovy يقول...

اسير الجراح

اخى الصغير احيك و اشكر مرورك و تواجدك و لو انى كنت اتمنى ان تعلق لى برأيك ايضا على قصتى ..

دمت بخير
تحياتى

================================================

rovy يقول...

bar2ash

اخى الفاضل كم يسعدنى تواجدك و تعليقك العطر ..
ادامك الرحمن اخا عزيزا و ادام تواصلك
اشكرك لكلماتك الطيبه و دعواتك الغاليه ادعوا الرحمن ان يتقبلها و لك مثلها ان شاء الله ..
جزاك الله خيرا و وفقك دائما ..

تقديرى و تحياتى

================================================

ذو الوجه المبتسم

اهلا بك اخى الفاضل ..
اسعدنى تواجدك و تعليقك الكريم و كل الشكر لكلماتك العطره ..
جميل جدا اسمك .. اسعدك الرحمن وجعلك بشوشا دائما ..

دمت بكل خير
تحياتى

=============================================

بنات صاحبة الجلاله


اختى الحبيبه اولا حمد لله على سلامتك
و يا رب تكونى بالف خير ..
اشكرك جدا لرأيك اللى دايما بيسعدنى
و كمان لتواجدك المتميز الذى ادعوا الرحمن ان لا افقده ابدا و ان لا تغيبى عنا ابدا ان شاء الله ..

الله يسلمك يا قمر .. ياسمين و مريم بيسلموا عليكى .. لكن هدير زعلانه و بتقولك هو دايما اللى فى النص بيتنسى ..
سلمتى يا رب من كل شر حبيبتى

ودى و تحياتى

rovy يقول...

norahaty

عليكم السلام و رحمة الله و بركاته اختى الحبيبه ..

نعم صدقتى غاليتى فللشيطان مسالك و طرق عديده و هو لا يمل ابدا و لا يتركنا الا من رحم ربى و ثبته على الحق .. ادعوه ان يثبتنا جميعا و ان يهدينا و كل بنات و نساء المسلمين ..

الحمد لله الذى هدانا لهذا ..
بارك الله فيكى و رزقكى سعادة الدارين

خالص تقديرى و امتنانى

تحياتى

==========================================

عارفه... مش عارف ليه !!!

اهلا اخى الفاضل وليد ..

نعم فلله كل الحمد والشكر ..

كل الشكر لكلماتك العطره دائما ..

جزاك الله كل الخير و دمت بكل خير

تقديرى و تحياتى

rovy يقول...

princess pery

انتى كمان وحشاااانى كثي اختى الحبيبه

الحمد لله الذى اعاننى و الهمنى فوصلت الرساله كما ذكرتى .. فلله كل الحمد و الشكر ..
ادعوا الله ان نلتقى جميعا على خير و ان تجمعنا الجنه فى الاخره كما تمنيتى ..امين

دمتى بكل خير و سعاده

ودى و تحياتى

=============================================

rovy يقول...

elgazaly

اهلا بك اخى الكريم

سعدت كثيرا بتعليقك و برأيك الذى اعتز به كثيرا خصوصا انه من كاتب نعتز به جميعا و نتوقع له ان يصبح ان شاء الله اديبا معروفا ..
حقيقى باشكرك و اسعدتنى كثيرا و ادعوا الله ان اكون عند حسن ظنك و ظن من احسن بى ..
دمت بخير و دمت لى اخا عزيزا

تقديرى و تحياتى

mohamed ghalia يقول...

أختى العزيزة ليكى تاج عندى هكون سعيد لو جاوبتى اسألته
تحياتى
فى إنتظار الإجابة
دمتى بود

دعوة للأمل يقول...

القصة بجد جميلة و فيها عبرة تحياتى لكى و بالتوفيق

rovy يقول...

mohamed ghlila

اخى الفاضل محمد
اشكرك كثيرا على التاج
ان شاء الله يقدرنى ربنا و اجاوبه فى وقت قريب

تحياتى

rovy يقول...

دعوه للامل

اشكرك كثيرا على مرورك العطر و تعليقك الكريم ..

تقديرى و تحياتى

TeVa يقول...

ما شاء الله
سردك للاجداث رائع جدا
الطريقة مؤثرة جدا

اللهم ثبتنا على دينك يارب
اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه

شكرا لك :)

rovy يقول...

teva

اخى الكريم
اشكرك كثيرا .. اسعدتنى كلماتك ..
اسعدك الرحمن و وفقك للحق دائما ..

و ثبتنا جميعا على الحق .. امين


كل الشكر لك

تحياتى

غير معرف يقول...

i love you becuse i love you very very much becuse again i love you very very much good bue my lovely

rovy يقول...

غير معرف

يا جماعه الغير معرف ده يبقى زوجى العزيز علشان بس ما حدش يفهم غلط و انا سيبت تعليقه علشان ما يزعلش بس كان لازم اوضح للجميع هو مين ..
طبعا باشكره على المشاعر الجميله دى و ربنا يديم الحب و الود بينا ..

سلاااام