الجمعة، 24 أكتوبر 2008

صديقتى الحبيبه .....



وسط الزحمه ووسط التوهه ناديتك





صديقه و حبيبه و احن حضن لقيتك





اوعدينى تفضلى لى و يبقى حضنى هو بيتك





اوعدينى مهما كان بنا بلاد و لو طالت المسافات





يبقى فيه بينا ميعاد رغم البعاد وترجعيلى ..




لو يوم دنيتك ضاقت عليكى تلجألى




و لو يوم لقيت الاه خنقانى افتحيلى





و مهما نسيتنا السنين او ضاع فى السكة الحنين





فى قلوبنا لازم فيه مكان احن لك و تحنى لى





اوعى الزمان ينسيكى اسمى





ولا المكان يبعدك عن ذكرى





خايفه الزمان يغيرك و يبعدك





و تطول ما بينا المسافات





خايفه اشتاق لبسمتك و لكلمتك و انادى لك ما تسمعينى





و خايفه برضه دنيتى تتوهنى و ابعد واتوه





باحلفك لو بعدت او مره تهت عن سكتى لتنادينى





اوعى اتوه و تسبينى ولا منى تزعلى و تهجرينى





بينا ميعاد فى دنيتنا و فى اخرتنا برضه ميعادنا مستنيكى و مستنينى ..





ما دمنا على حبه اجتمعنا برحمته الله وعدنا بجنته ايديك فى ايدى و اسمحى لى ..





و اوعى تنسى او لو نسيت انا تسيبينى ..





احلفى لى تبقى دايما قريبه و لو وقعت تسندينى





و لو انتى تهتى او تعبتى تلجألى و تنادينى ..




يا هدية الرحمن ليه .. ياترى على العهد باقيه و توعدينى .......

هناك 77 تعليقًا:

موناليزا يقول...

روفى الغالية
مين ممكن تحبيها الحب ده كله وماتكونش بتبادلك نفس الشعور
مين ممكن تسمع الكلام الجميل ده وماتقولكيش
على الذكرى انا وياكى ورب الكون ما انساكى
حبيبتى الغالية من يجمعهم الله على حبه لايفرقهم مكان
دام قلمك الراقى يمتعنا ودمتى لنا اختا نحبها وتحبنا فى الله
اللهم اجمعنا تحت ظل عرش الرحمن فى يوم لا ظل فيه الا ظله

الازهرى يقول...

العزيزة روفى

الانحناء احتراما
هو اقل ما يكون لهذه الصداقة العظيمة


ادامها الله دوما بينكما على الخير

تحياتى

Unknown يقول...

روفى
السلام عليكم ورحمة الله وبركاتة
ازيك يا روفى
ادام الله الحب والود بينكما
عارفة اكيد المشاعر متبادلة ربنا
يوفقكم ويعينكم على طاعتة
تحياتى لك اختى الغالية

Unknown يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

حبيبة الروح يقول...

جميله بجد يا مامتي بس تفتكري في صداقه بالشكل ده للاسف انا حظي مع الصديقات المخلصين قليل جدا بس الحمد لله بحمد ربنا علي بعض صديقات زيك طبعا يا ماما يا حبيبتي وكيكي وحبيبه انتم اصدقائي من عالم التدوين وليه صديقه بجد واحده من خارج عالم التدوين ربنا يباركلي فيكم باذن الله وده يكفيني والحمد لله
ابدعتي يا ماما

مي

*الطالبة عفو الله *زوزو يقول...

روفي جبيبتي

كتبت فأبدعت

كلمات رائعة ومشاعر أروع

سلمت يمناك يا غالية

الحب في الله شيء عظيم فعلا

و ما يقدره الا من لمس حلاوته

و للاسف اختفى في وقتنا الحالي بين زحمة الحياة و صحبة المصلحة

صديقتي الحبيبة اقولك ايه و انتي كل ما ليا
و اقولك ايه هداني ربي بهدية
يا اجمل حاجة جوايا ايمانك وحده دة كفايا
صبرت كتير قابلت كتير لقيتك انتي دنيايا
و مين غيرك بيفهمني على طاعة و بيعيني يا نعمة ربي في الدنيا
ولو تاخذي السنين مني ما هو مين غير ما تتمني عشانك عمري في التانية

ربنا يبارك فيك حبيبتي و يسعدم و يحفظلك صحبتك

في امان الله

ن يقول...

السلام عليكم ورحمة من الله وبركاته
أختى العزيزة أدعوك لأفتتاح مدونتى الجديدة (ن) أرجو أن تشاركينا الرأى لربما نصل الى الحقيقة
مع خالص تحياتى

Gannah يقول...

روفى
وحشانى جدااااااااااا
تصورى مش لاقية كلام أعلق بيه
الصداقة نعمة جليلة وهى من الأشياء التى تعين على الاستمرار فى الحياة رغم كل الصعاب
لا تدها مسافات ولا تقف امامها عوائق
وتصقلها المشكلات لان الشدة تظهر الصديق الحقيقى
جزا الله المصائب عنى كل خير
عرفت بها عدوى من صديقى
انت ممن أعتز بصداقتهم و أتصور أن البعد قد زادك منى قربا
فما ان احتاج الى ان أتحدث إلى نفسى فاننى اتحدث اليك
أدام الله المودة بينك وبين كل أصدقائك وجعلهم قادرين على أن يبادلوكى ودا بود ووفاء بوفاء
أرجو ان تكون مريم بخير
سلامى للبنات
تحياتى

كيكى عوووووو يقول...

وحشانى يا روفى اوى
يااااااااااااااااااااااااااة
على المشاعر الحلوة دى..
بجد مش قادرة اقولك غير يا بختها وربنا يحفظكم ويخليكم لبعض
واكيد هى على العهد
......................
مريومة ازيها وحشانى اوى ربنا يحفظها ويسعدها
عووووووووووووووووووووووووووو

mohra يقول...

ما ارق كلماتك و ما اصدقها
ادعو الله الا يفرقك عن احبابك يوما
عبرتى عن مشاعر كثيره لا يسعفنى لسانى بصياغتها
تحياتى

mohamed ghalia يقول...

أختى العزيزة
حتما بعد تلك الكلمات لابد ان تكون على وعدها بالوفاء
تحياتى للكلمات الرائعة وبمعنى الصداقة فى كلماتك
دمتى بود وفى سعادة
حضرتك ليكى تاج هدية عندى ياريت تقبلية وتجاوبى عليه
تحياتى

ahmed_k يقول...

الصداقه والخوه في الله
محفوظه بحفظ من كان مسببها,
فهي التي تكون بلا مصلحه
فهي الأقدر على الصمود والإستمرار,
حتى وأن خفتت مع مرور الأيام
فلابد ان يأتي اليوم الذي تنفض فيه غبارها وتحيامن جديد

تقبلي خالص تحياتي

☼♫♪ عمــاد الدين يــوسف ☼♫♪ يقول...

ياريت يكون كل الاصدقاء بالإحساس الدافئ ده

بجد تسلم اديكي

تحياتي وتقبلي دعوتي لزيارتي

حبيبة الروح يقول...

ماما يا ماما
هههههههه
ازيك انا جيت افرحك اني فتحت المدونه تاني يا ريت تنوريني تاني
مي

ن يقول...

إعلان هام
إنتظرونا فى الرد على القمص زكريا بطرس ..فيما يخص شن حملته المشهورة على القرآن الكريم وسيرة الرسول صلى الله عليه وسلم .. ستكون هناك إجابات دقيقة بإذن الله على بعض الشبهات التى زعم أنه أمسكها من القرآن الكريم كتاب الله الأمر هام ونريد مشاركتكم
فهذا كتاب الله والامر ليس متروكاً لما يندرجون تحت مُسمى رجال الدين وحسب فالدين دين المسلمون جميعاً وعليهم المشاركة الفعلية والرد العقلانى المستنير .. سنجتهد قدر المستطاع فهذه رسالتنا جميعاً

Radwa يقول...


روفى
تفتكرى مشاعرك صادقه
لسه فى صداقة بالشكل دا
بجد لو فى حاولى بكل الطرق انك تحافظى عليها
تحياتى للصداقتكو الجميله واتمنى دوامها
على فكره كلماتك جميله اوى ومؤثرة انا كنت هعيط يا بنتى والله
..................
سندريلا

مجداوية يقول...

السلام عليكم

جميل جدا انك تقولى لمن تحبى أنى أحبك وانى أحتاجك وجميلة كلماتك الصادقة
لكن نصيحة من أخت محبة لك فى الله أتركى مسافة قليلة
مسافة من التوقع ليس للغدر ولا لسوء النية فالمسلم دائما يحسن الظن ولكن مسافة من تغير الأحوال وتغير القلوب
هذه المسافة تقيكى من الألم ومن قسوة تقبل هذا التغير الى حد كبير
أنا لى صديقات وأخوات فى الله منذ 25 سنة وهناك أخريات كانوا أقرب من أخوتى فى الدم ولا أعلم الآن عنهن شيئا !!!!!
فليس لها قاعدة

أدعو الله أن يديم صداقتكما ويحميكما من تقلب القلوب والأحوال انه القادر على كل شىء

rovy يقول...

موناليزا

اختى الحبيبه الغاليه

كلامك دايما جميل و مريح ربنا يكرمك
اتمنى ان تكونى من احبابى الذين جمعنى الرحمن بهم على حبه و ان نجتمع سويا و الحبيبه جنه تحت ظل عرش الرحمن فى يوم لا ظل فيه الا ظله ..

سبحان من جمعنا بغير ميعاد و الف بين قلوبنا و جعل ارواحنا تتعانق و نشعر ببعضنا حقا ..
ادعوه ان يجمعنا و لا يفرقنا ابدا
و ان نجتمع دائما على حبه و طاعته .. امين ..
خالص ودى و تقديرى

==================================================

الازهرى

كل الاحترام لك اخى الفاضل على هذا الاحساس و الكلام الطيب ..

ادام الله الاخوه فى الله
ودمت بكل خير ..

تحياتى

============================================

نهر الحب
وعليكم السلام و رحمة الله و بركاته اختى الحبيبه نهر .
ازيك انتى غاليتى .. يارب تكونى فى احسن حال ..
اشكرك لكلامك الجميل و يا رب يوفقنا جميعا على طاعته ..
دمت بكل خير و ادامك الرحمن نهرا من الحب و العطاء كما عاهدتك

تحياتى

rovy يقول...

مدينة الملائكه

ازيك يا مى
اكيد حبيبتى لسه فينا الخير و لسه فيه اخلاص و حب فى الله دون اى غرض شخصى ..
الحمد لله انه انعم عليكى باصدقاء
ادعوا الله ان يديم نعمته عليكى و ان تدوم صداقتك بمن يستحقوها حقا ..

دمتى بخير فى حفظ الله
تحياتى

=============================================
الطالبه عفو الله

حقيقى باشكرك جدا لاحساسك بالكلمات و لكلماتك التى اسعدتنى كثيرا ..

ادامك الرحمن لى اخت و حبيبه فى الله

و دمت بكل خير

تحياتى

=-===============================================
ن

و عليكم السلام و رحمة الله و بركاته يا امل ..
ازيك وحشااانا ..

اكيد اسعدنى مشاركتى معكى اختى الكريمه
كل التقدير لكى و لمجهوداتك
تحياتى

rovy يقول...

gannah

اختى الحبيبه و هدية الرحمن لى
تعلمين مدى تقديرى لكى فلا اجد اكثر مما ذكرته فى البوست لاهديه لكى ..

ادامك الله لى اخت و صديقه و حبيبه فى الله ..

ادعوا الله كما دعت موناليزا الحبيبه ودعوت معها ان يظلنا انا وانتى و موناليزا ايضا تحت ظل عرش الرحمن فى يوم لا ظل فيه الا ظله ..

الله يسلمك حبيبتى دائما
مريم الحمد لله بس ادعيلها لانى زعلانه علشانها من ساعة ما راحت المدرسه كل شويه تعبانه و صعبانه عليا من كميه المضاد الحيوى اللى بيكتبها لها الدكتور كل شويه .. ربنا يشفيها ياارب و يخليها لى .. و يشفى جميع مرضانا ..

==============================================

ن

عليكم السلام و رحمة الله و بركاته

اسعدتنى دعوتك و احيكى على غيرتكى المعهوده على الاسلام اختى الفاضله

تحياتى

==============================================

كيكى

كييييييييكى انتى فييييييييين
بجد فعلا وحشاااااااانى طلتك الجميله المرحه .. بلاش تغيبى تانى كده ..
الله يخليكى حبيبتى و يارب يتقبل منكى و يحفظك و يخلى لك احبابك ايضا ..
مريومه بتسلم اكيد على احلى كيكى و على فكره هى شافت عيد ميلادك و بتقولك كل سنه وانتى طيبه يا كيكى ز اسمك حلو اوى و عاجبها ..

ودى و تحياتى


ودى و تحياتى

rovy يقول...

mohra

ازيك يا مهره ..
ما ارقك انتى اختى الحبيبه و ما اجمل كلماتك ..

اشكرك لكلماتك الجميله العطره التى اسعدتينى بها و بمرورك العطر الذى دائما ما يسعدنى ..

دمت بكل خير

خالص تقديرى و ودى و تحياتى

==================================================

mohamed ghalia

اخى الفاضل اشكر مرورك العطر و تعليقك الكريم الذى حقا اسعدنى ..

التاج انا باشكرك اكيد عليه و ان شاء الله ربنا يعينى و اقدر اجاوبه فى اقرب وقت ان شاء الله ..

تقديرى و تحياتى


===================================================
ahmed_k
اهلا اخى الكريم بك

اشكر مرورك و تعليقك العطر و حقا اخى ما ذكرت ..
الصداقه التى بلا مصلحه هى الاقدر على الصمود ..
حفظك الرحمن و متعك بصحبه صالحه

تقديرى و تحياتى

سمكه واحده يقول...

كلامك جميييييييييييل وحسيته جدا لان ليا صديقه ومسافره ربنا يرجعها بالسلامه بجد مفيش احلي من الحب في الله سبحانه وتعالي
وصحبه الاصدقاء ومش اي اصدقاء الاوفياء
اللهم ارزقك الصحبه الصالحه
تحياتي لشخصك الرائع
سمكه

منى يقول...

بحب جمه وموناليزا اوى لما لقيتك صاحبتحهم قلت اكيد جميله زيهم وجيت ازورك لقيتنى بحبك من اول زياره
اد ايه كلماتك صادقه وتدخل القلب بسرعه
يارب انتى واصحابك وكل حبايبك دايما بكل خير ووفا وود
تحياتى

بنات صاحبة الجلالة يقول...

الله عليكي ياروفي والله تسلم ايديكي

كلمات في منتهي الروعه احساس جميل اوي بالصداقة ومدي ارتباط الانسان باعز صديق له تعرفي يمكن انا خايفة اني انا وحبايب قلبي جوجو وسمسم نفترق بعد جواز كل واحدة فينا بس عمر الصداقة الحقيقة ماتروح ابدا صحيح مشاغل الحياة بتلهي الانسان عن حاجات كتير اوي كلماتك بجد حركت جواي مشاعر لاني في يوم من الايام الظروف والزحمة دي كانت سبب في ابتعاد اعز صديقاتي ربنا يوفقها في حياتها يارب

ويخليكي لينا ياجمل صديقة احببتها من كل قلبي دون ان اراكي
المرة دي سلامي للقمر هدير علشان متزعلش بس معلش والله مكنتش اعرف بوجودها وطبعا متسنيش بتوسلي ياسمين ومرات ابني طبعا مريومتي حبتتي

خالص تحياتي وحبي

Maha Shahen يقول...

ياااه يا روفى على الروعه في الكلمات
تصدقى انى دايما بقول ان الصداقه لازمها حب قوى لتعيش وتستمر حب صافى
وترجع الناس تشككنى فى اعتقادى
بس بالفعل أحنا مش مجانين الصداقه هى حب لشخص تانى بدون أغراض
شخص يعينى على الجاى ويقوينى على فات

ربنا يديم المحبه بين قلوب كل الاصدقاء ويديم علينا حب أصحابنا ومساندتهم لينا
ويجمعنا يوم الوعد يوم لا ظل الا ظله

ربنا يبارك فيكى ودايما منوره مدونتك بحروفك اللى زى الشمس بتدفينا وتنور لينا الطريق

مصطفى محمود يقول...

ربنا يجمع بينكم على خير
ويجعل حبكم في الله سبب في دخولكم الجنة
آمين يارب

rovy يقول...

عماد الدين يوسف

نورتنى يا عماد و اشكرك على كلامك الرقيق الجميل ده ..

اكيد يشرفنى زيارتك

دمت بخير

تحياتى

===============================================
حبيبة الروح

مبروك يا مى رجوعك بالسلامه للتدوين و مبروك المدونه الجديده ..

الف حمد الله على السلامه يا قمر

===============================================

ن

يسر الله لكى الامور اختى الكريمه و جعل ما تفعلين فى ميزان حسناتك

تحياتى

===========================================
sendrlla

انا معاكى اننا ممكن بنصدم فى ناس كثير حبناهم فى حياتنا لكن صدقينى دى مش بتكون نهايه الكون .. ما دامت نيتنا صافيه و بنعامل الله سبحانه و تعال اكيد بيعوضنا خير و بنقابل الاصدقاء اللى بيكونوا فعلا يستاهلوا مشاعرنا الصادقه و بيكونوا بجد هديه من ربنا لينا و لازم فعلا لو لقيناهم نحافظ عليهم ..
اكرمكى الله اختى الحبيبه و رزقكى دائما بالصحبه الصالحة و الاصدقاء المخلصين الاوفياء ..

اشكرك لكلامك الجميل و احساسك الراقى

تحياتى

rovy يقول...

مجداويه

اختى الحبيبه الحكيمه مجداويه

حاسه بكلامك قوى و باشكرك على نصائحك الغاليه دائما انا كمان كان عندى اصدقاء غاليين عليا جدا لكن الزمان فرقنا و لما اجتمعنا تانى كنت فاكره اننا ممكن نرجع زى زمان لكن لقيت ان البعد و انشغالنا فى حياتنا بيغيرنا و بيقى صعب نرجع تانى و باعذرهم لان الدنيا شغلتهم و كمان صديقه كنت باعتبرها اخت من اخواتى و كمان المقربه اكثر منهم .. لكن مع الاسف الزمن اثبت لى انى كنت مخطئه و انها عمرها ما حبتنى لوجه الله و اتخلت عنى فى اشد حاجتى لها يوم وفاة احب الناس لقلبى ..ابى رحمه الله .. لم اجدها جنبى و مع ذلك عندما اعتذرت بعدها سامحتها و لم يمضى الكثير حتى اصبحت اخذ منها الالم تلو الاخر حتى افقت على انها ممكن ان تكون اى شىء الا ان تكون صديقه ..
حكيت لك كثير معلش حسيت ان كلامك فكرنى بحاجات عاوزه احكيها لك ..
لكن صدقينى اتعشم الان كل الخير فى من احسست تجاههم بهذه المشاعر تعرفي ليه
لانى ببساطه احببتهم فى الله و احبونى بدون اى غرض و لان ارواحنا اجتمعت حتى من قبل ان نلتقى .. و لان من يجتمع على حب الله لن يفترق ابدا ان شاء الله ..

اسعدك الرحمن و جمعك دائما مع احبابك على خير و على حبه سبحانه ..

دمتى لى اخت و حبيبه فى الله

ودى و تحياتى

Rania Lelah يقول...

جميله اوى كلماتك و احاساك دة
بجد رائع

ربنا يخليكوا لبعض دايما

تحياتى

كيكى عوووووو يقول...

مريومة بجد بنفسها!!!
مش مصدقة انا بحلم اكيد
انا جاية اطمن عليها هى عاملة اية؟
وكويسة فى المدرسة يارب تكون بخير وانتى كمان دومتى فى حفظ الرحمن
اموااة
عووووووووووووووو

الجواز و سنينه يقول...

روفى
ايه الاحاسيس العاليه دى
و الله مش عارفه اقولك ايه
بس بجد ما شاء الله عليكى

KHALED يقول...

أية الرقى فى المشاعر دة ..
كلامك حسسنى قد أية بافتقد أصدقائى

تقبلى تحياتى

KHALED يقول...

أة نسيت .......

ورد أبيض كتير

zOzO يقول...

ما دمنا على حبه اجتمعنا برحمته الله وعدنا بجنته ايديك فى ايدى و اسمحى لى ..


فعلا دي اهم حاجه بين اي صديقين
البوست حلو ما شاء الله

ربنا يخليها ليكي ياررب ومش يحرمك منها
ويبارك ليكي في عمرها


جيت اسلم بس علي احلي روفي
وحشااااااااني بجد اوي
معلش مش بدخل كتير بس

دمتي بخير في حفظ الله دايما

امل يقول...

السلام عليكم ورحمة الله وبركاته
حبيبتي روفي وأنا بقرأ الكلام ده اتمنيت اني أكون الصديقة دي اللي تلاقي اللي يحبها بالطريقة دي ربنا يديم صداقتكم ياااارب ويجعلكم ممن يظلهم الله في ظله يوم لا ظل الا ظله

غير معرف يقول...

جميل جدا احييكى

حاجات جوايا يقول...

اختى الحبيبة
وحشتينى يا قمر
ايه الكلام الجميل اوووووى ده
ما شاء الله لا قوة إلا بالله
ربنا يحفظ صداقتكم ويحقق ظن كل منكن فى الأخرى

دمتى أختى الحبيبة فى حفظ الله

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملةعلي مدونتك البنر علي مدونتي

Unknown يقول...

روفى ياحبى
انتى معنا بقلبك فلا تقلقى
ربنا ان شاء الله يكتب لك الاجر
لكن لو ممكن ادعى لنا نقدر نعمل شئ ان شاء الله واليوم كمان ينجح
وجزاكى الله خيرا يا قلبى

Unknown يقول...
أزال أحد مشرفي المدونة هذا التعليق.
Unknown يقول...

السلام عليكم
ورحمة الله تعالى وبركاته
روفى الجميلة
أم ياسمين
كلام جميل اوى
يعبر عن روح جميلة

جنّي يقول...

رب أخ لم تلده امك ..

ما اجمل الأخوة في الله ولله ..

ومن منا لا يحب ان يستظل في ظل الرحمن ..

كلماتك جميلة واجمل ما فيها معانيها المفعمة بالحب والاخوة ..

بارك الله فيكي

Unknown يقول...

السلام عليكم


روفي اختي الكبيره


بجد مش قادر اقول غير حاجه واحده بس


(يابختها)



تعرفي انا لو اعرفها اكيد هبلغها اد ايه انتي بتحبيها
بجد ربي يخليكوا لبعض ومايحرمكوا من بعض لحد متجوزي ولادها وهي تجوز ولادك واولاد ولادك ويرزقكم الصحة والعافيه يارب


اخوكي

برقش

rovy يقول...

سمكه وحده

اشكرك حبيبتى لمشاعرك الجميله و الرقيقه مثلك و يا رب يرجع صديقتك بالسلامه و تلتقون على الخير ان شاء الله

اكرمكى الرحمن و رزقكى دائما بالصحبه الصالحة غاليتى ..

دمتى بكل خير

تحياتى

===============================================

منى

اهلا اهلا بالحبيبه حبيبه احبابى ..

ربنا يكرمك ياارب .. واشكرك لرقتك و كلامك الطيب اختى الكريمه و اسعدتنى كثيرا زيارتكى واتمنى دوام التواصل ان شاء الله ..

دمتى بكل خير فى حفظ الرحمن

تقديرى و امتنانى
تحياتى

=============================================

rovy يقول...

بنات صاحبة الجلاله

ريمو الحبيبه ..

الله يخليكى و يكرمك على الكلام الجميل و اللى كثير عليا ده ..
ربنا ما يحرمك من جوجو و سمسم ابدا و لا يحرمنا منكم كلكم ياارب ..
الصداقه الحقيقيه مش ممكن تضيع فى الزحمه بالعكس دى بتقوى اكثر و حتى لو تهنا شويه لازم بنحن لأصدقائنا و بندور عليهم .. يا رب يديم علينا جميعا الصحبه الصالحه ..
كلامك ليه اسعدنى جدا بجد و حقيقى فرحت لأنك اعتبرتينى صديقه حتى و ان لم ترينى و لم اراكى و لكن ارواحنا تلاقت اكيد و صدقينى صداقتك تشرفنى و تسعدنى جدا ..
انا ايضا احببتك فى الله كثيرا
ادعوا الرحمن ان تكونى دائما فى احسن حال و ان يرزقكى كل السعاده ..

سلامى لحبايبنا جوجو و سمسم

دمتم جميعا بخير فى حفظ الرحمن
ودى و تحياتى

rovy يقول...

nour shahen

نور الحبيبه ازيك .. يا رب تكونى بخير
اوعى تشكى فى احساسك ابدا و اكيد فيه ناس تستاهل اننا نحبها و نحافظ على ودها و صداقتنا بها و ده لاننا محتاجينهم مش لاى غرض الا اننا حبناهم فى الله و صحبتهم صالحه و حاسين بينا ..
لكن ده مش معناه ان كل الناس حلوه .. مع الاسف اكيد فيه ناس متعرفش تصادق لوجه الله و بتدور على مصلحتها و بس .. لو قابلناهم ما نزعلش لان هى دى الدنيا ابيض و اسود و كمان الوان .. المهم ان يكون عندنا الحكمه و التأنى فى الحكم على الاشخاص ..

كلامك اسعدنى جدا و بجد كثير عليا ياارب يقدرنى و اكون باستحقه ..

ربنا يكرمك و يسعدك و يرزقكى الصحبه الصالحه و يبارك فيكى و فى اصدقائك ..

تحياتى

===================================================

teva

اشكرك اخى الكريم و ادعوا الله ان يتقبل دعوتك الكريمه و يجازيك كل الخير و لك مثلها ان شاء الله ..

دمت بكل خير
تحياتى

===============================================

rania

اهلا يا رانيا

الله يخليكى و يكرمك و يرزقك الصحبه الصالحه ..

نورتينى حبيبتى
دمت بكل خير

تقديرى و تحياتى

rovy يقول...

كيكى

وحشااانى
مريومه بتسلم عليكى يا قمر بس هى مزعلانى لانها تعبانه شويه و ملغبطانى و واخده كل وقتى بجد مش لاقيه اى وقت لاى حاجه من ساعة ما دخلت المدرسه و هى كل شويه تعبانه و الظاهر انها ضعيفة و اى شوية برد بيسخنوها .. ربنا يستر .. ادعيلها ..
ان شاء الله تشوفيها و تشوفك قريب ..

دمتى بكل خير و حب فى حفظ الله

ودى و تحياتى

=============================================

الجواز و سنينه

الله يخليكى و يكرمك ياارب

اسعدنى مرورك العطر و تعليقك الكريم

كل الامتنان و التقدير

تحياتى

================================================

khaled

الله يخليك و يكرمك
كلامك اسعدنى كثيرا و خصوصا انه من فنان كبير زيك ..

اشكرك كثيرا على الورد الابيض
انا فعلا احبه كثيرا ..

كل الشكر و التقدير
دمت بخير تحياتى

rovy يقول...

zozo

ازيك يا زوزو

واحشانى كثير جداااا.. يارب تكونى بخير

الله يخليكى و يكرمك و يوفقك ياارب

يارب يرزقك الصحبه الصالحة و يحفظك

دمتى بالف خير حبيبتى

تحياتى

================================================

كيكى عوووووو يقول...

وحشتينى وربنا يعينك على مشغوليتك الكتير والله حاسة بيكى
مريومة ازيها؟
ربنا يخليكى ويحميكى
اموااااااة
عوووووووووووووووووووو

مجداوية يقول...

السلام عليكم


أنا صلحت صفتى مع رفقة عمر عشان أظهر فى الريدر وبالفعل تم اصلاح العيب وظهرت المدونة على الريدر بس اظاهر انها ضربت عندك وكان ده السايد افكت
:):)
أنا معرفش ايه سبب عدم ظهورها عندك بس أحيانا بيحصل ده عندى لبعض المدونات وزى ما العيب ما بيظهر فجأة وبدون أسباب بيختفى برضه فجأة وبدون أسباب
يمكن تكونى عملتى حاجة من عندك؟؟
لو كنت بتستحدمى الريدر ضيفينى عليه
وأنا عطيت ايميلى لموناليزا ( أمة الله ) على الياهو عشان تدهولك لو الهوت معصلج هو كمان !!!

فى انتظار تشريفك لأن التدوينة الجديدة مكتوبة مخصوص لأهل الأسكندرية
متتأخريش والجيش قالك اتصرف
اتصرفى بقى

nado يقول...

الصداقه اغلى شىء فى الدنيا هى اللى بتخلى الانسان يتنفس الحياه بطريقه مختلفه هى مفتاح السعاده ولو ضاع تبقى الحياه مالاش اى طعم حاجه كده ذى الدم لما يجرى فى العروق ويارب دائما ياارق من العصافير تحضنى الصدق مابين كفوفك وبين قلبك الكبير يتولد تهر العطاء اللى مابيخلص
دومتى محبوبه يااجمل حبيبه

ghoneem يقول...

السلام عليكم

أخبار حضرتك ايه وأحبائك يارب تكونو بخير وفي أتم صحة ان شاء الله

أعتذر لغيابي الفترة السابقة وأعتذر مقدما لأي غيابات أخري لأنشغالي وظروف عملي

ألمهم تسلم ايدك كلمات جميلة ومشاعر راقية وصداقة ندعو لك أن تدوم وتستمر علي ما هي عليه من صدق واخلاص

أجمل ما يجده الشخص في هذه الدنيا هو الصديق المخلص

كلماتك جميلة وحذاري ثم حذاري أسمع ان كلماتك أخدها عمرو دياب يغنيها
أنا حذرت أهو
هههههههههههههههههههههههههههه

طبعا بهزر معاكي
انت اللي جبتيه لنفسك بقي معلش

تحياتي وطبعا أشكرك جدا لدام زيارتك وتشريفك

بالتوفيق.......................

shaimaa samir يقول...

الحب فى الله

اعظم حب

يتغلغل
ويبقى باذنه تعالى
لانه له وحده تعالى

احبك فى الله

اهديكى اياها

مع ان تدعى لى بالخير

افتقدك

دعاء مواجهات يقول...

الصداقه اروع لاعلاقات الانسانيه

واعتقدها اصدقها ايضا

ربنا يخليكوا لبعض

تحياتى ومودتى

منى يقول...

عرفت انا مريم تعبانه
الف سلامه عليها ربنا يعافيها ويبارك لك فيها
ابقى طمنينا

PrInCeSS BeRy يقول...

حببيتى ما اجمل الكلمات لما بتكون عن الصداقة والحب الحقيقى فى الحياة هوة الصداقة انا بقدرها جدا لان اصحابى مهمين اوى فى حياتى ربنا يخلليك اصحابك ويخليكى ليا

موناليزا يقول...

روفى ياجميلة
ايه الغيبة دى كلها
لعل المانع خير
طمنينى عليكى ويارب تكونى انتى والبنات بخير

ياسر يقول...

اختي الفاضلة روفي
بعتذر علي التاخير في الزيارة
مش جديد عليكي الابداع والنصيحة
في كلماتك ومقالااتك
وياريت فعلاا كل الاصدقاء
يكون عندهم الاحساس الموجودبمقالك
تجاة اصدقائهم
بجد تسلم ايدك
فا انتي قولتي بكلماتك
انها هدية من الرحمن واجمل
شي في مقالااتك انك دائما
تذكري الله سبحانة وتعالي
فائق احترامي وتحياتي وتقديري

خالوا عادل

كيكى عوووووو يقول...

اية بقى فينك ياروفى
النت برضة
؟
اممممممممممممممممممم
يارب خير وحشتينى
ومريومة كمان
عوووووووووووووووووووو

doctor mohamad يقول...

أم ياسمين :بعد قراءتى لما فاتنى .. بوست مريومه بيغمرنا بالسعادة ربنا يخليهالك .. سؤال: ممكن أحجز من دلوقت؟ >إبتسامة< .. و بوست مرمر و الحجات عجبنى جدا إيرادك للخلجات النفسية بصدق للصراع الذى ينتاب الفتاة ف مثل هذا الموقف .. أما بالنسبة لصديقتك الحبيبة فرأيى المتواضع أن هذا النص من أجمل ما كتبت ى يا أم ياسمين _ و خصوصا هذه المقطوعة :"إوعدينى تفضلى لى _ و يبقى حضنى هو بيتك _إوعدينى _ مهما كان بينا بلاد _ لو طالت المسافات _ يبقى فيه بينا معاد _ رغم البعاد _ و ترجعيلى " جميل جميل.

rovy يقول...

السلام عليكم جميعا
اعتذر للجميع عن ردى عن التعليقات الان و اشكر كل من سأل و اهتم لغيابى
مريم تعبانه كنا فاكرين انها نازله شعبيه و بعد اسبوع من العلاج اكتشفنا انها الحمى .. اسأل الرحمن ان يشفيها سريعا و ا سألكم الدعاء لها ..

لن استطيع الدخول مره اخرى قبل ان اطمئن عليها تماما ..

تحياتى للجميع

دعوة للأمل يقول...

كلامك جميل و رائع الاحساس

تحياتى لكى

Unknown يقول...

السلام عليكم ورحمة
الله تعالى وبركاته
ادعو لها ولكل مريض
بالشفاء التام شفاءاً
لا يغادر سقماً إن شاء الله

RaRa يقول...

وحشاااااااااانى اوى اوى اوى
اخبارك ايه يارب تكونى بخير
كلماتك جميلة اوووووى
وان شاء الله تبقو دايما متعاهدين
وقريبيبن من بعض
اجمل حاجة فى الدنيا
الصداقه اللى بجد
ربنا يوفقك دايما

مجداوية يقول...

السلام عليكم

كيف حالك أختى الحبيبة
طالت غيبتك
طمنينا عليكم

kh يقول...

ربنا يبارك فيكم

يمكن وراسلتنا على تلك المدونه

http://successka.blogspot.com/

دعاء مواجهات يقول...

حمدالله على سلامة مريم اختى العزيزة

وربنا يارب يتمم شفائها على خير

ديما منورانى

حبيبة الروح يقول...

ماما طبعا انا اسفه ومش ليا وش بالنسبه لسوالي عليكي هنا في المدونه
بس ديمن كنت بكتبلك علي الميل
سلامته مريم الف سلام
وبجد والله حتي اسالي كيكي انا كنت في فتره مش
طبيعيه وانتي عارفه الموضوع وكان خلاص انتي فهماني
عموما انا اسفه جدا
والف سلامه علي مريم
وربنا يخليهالك
سلام

حاجات جوايا يقول...

السلام عليكم أختى الحبيبة
سلامة مريم ألف سلامة
ربنا يشفيها ويعافيها ويطمنكوا عليها


أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها

مستنينك تطمنينا عليها وترجعيلنا بالسلامة

ياسر يقول...

اختي الكريمة روفي

الف سلامة علي مريومة

ربنا يشفيها يارب ويتم شفاها
كدا والله قلقتني ياروفي طمنينا عليها
ربنا يباركلك فيها ويتم شفاها يارب

خالوا عادل

همس يقول...

ياااااااااااه يا روفى

كلامك حلو اوى

ومين اللى تسمع الكلام دا وما تقدره

بجد بجد رائع فى التعبير وفى الحب

ماشاء الله عليكى

وبرنا يبارك فى اصحابك

ويدوم الود والمحبه بنكم

تحياتى

!!! عارفة ... مش عارف ليه يقول...

الحمد لله على إني من زوار مدونتك
لأنها نعمة أشعر بها كلما أتيت إلى هنا
ربما استحضرني معنى شعرت به الأن
وهو أن مدونتك "الدين الحياة" فهي مدونة دينية بروح عصرية بعيدة عن أي تعصبات فقط أُناس مؤمنون يحيون حياتهم

تقبلي تحياتي
وأعتذر عن التأخير
وشكراً جزيلاً على سؤالك
وليد

rovy يقول...

اصدقائى و اخواتى فى الله
السلام عليكم جميعا و رحمة الله و بركاته
اولا اود ان اشكركم جميعا و اشكر كل من اهتم و سأل عنى فى غيابى او عن مريم حين علم بمرضها و الان هى و الحمد لله بخير و لله كل الحمد والشكر ..
اعدكم بالرد فى اقرب وقت على تعليقاتكم و ارجوا ان تلتمسوا لى العذر فى تأخيرى ..
اشكركم مره اخرى كل الشكر و الامتنان والتقدير لكلم جميعا ..
تحياتى

rovy يقول...

اخواتى فى الله كنت وعدتكم بالرد على تعليقاتكم و لكنى الان اجد ان التعليقات الحديثه اولى بالرد لذلك رأيت ان اشكركم مره اخرى جميعا ..
و ان شاء الرحمن يدوم تواصلنا فى التعليقات القادمه ..

كل الشكر و الامتنان لكل من علق فى هذا البوست و اعتذر بشده لعدم ردى لكل تعليق منكم على حده

تحياتى

غير معرف يقول...

مش بقولك ياروفى طول عمرك صديقه صدوقه ..بس صدقينى عمرها متشوف الحب والصدق الى فيه دا ومش ممكن تكون اكتر منك كمان .. انتى طول عمرك تجننى بمشاعرك الرقيقه واحساسك العالى بكل الى حوليكى ..بس مين فيهم المتوجه ليها الرساله دى

rovy يقول...

الغير معرف
بيتهيألى كده انك سميه حبيبة قلبى لو كان صح ياريت تقوليلى ..
عاوزه اقولك انى بحبك و بأحب كل اصحابى الحقيقين و بالنسبه لبوست اسئلة فى النفس تحيرنى دى مجرد مشاعر حسيت بها و السبب حأكتبه فى ردى على التعليقات فى البوست .. ياريت تتابعيها ..
اشكرك حبيبتى و ربنا ما يحرمنى منك ابدا
تحياتى

فطامي يقول...

والله العضيم كلاااااام فضييييع مشكووره على ها الكلااام الحلوو والله مدري كيف اوصف شعوري تجااه ها الكلاام الي يشرح الصدر الله يوفقك يا رب