الجمعة، 12 ديسمبر، 2008

اين انتم يا رجال الوطن ؟؟؟



اين فيكم الرجال ..؟؟


اين من صنعوا المحال ..؟؟


اين من عبروا القنال ؟؟


اين فيكم من قال بلدى فداكى نفسى و فداكى ولدى ؟


اين انتم ياااارجال ؟؟


لماذا اصبح حقا وجودكم شىء محال ..؟؟


لماذا ماتت البطوله و دفنت راية الأبطال ..؟؟


اين من كان يفدينى بنفسه و يدافع عن شرفى بروحه ؟؟


لماذا الان يا عمرى و يا أبتى و يا ولدى .. ما عدت اشعر بالامان ..!!!


اين عيونك التى كانت ترعانى لا تعرينى ..؟؟


اين قلبك الذى كان دوما يحتوينى ..؟؟


بالأمس كان وجودك فى الطرقات يطمئننى


لماذا اصبح الان يخيفنى بل يرعبنى و يبكينى ..


اين يداك التى كانت عنى تدافع ؟؟ لماذا اليوم هى كالسكين تقطعنى و تفنينى


اين انتم ياااارجال الوطن ..؟؟


اشتاقت كل نساء الوطن لكم و لوجودكم


فيا اخى و يا ابى و يا حبيب العمر و يا ولدى ..


قد كنت دوما بحكمتك تهدينى .... و بشهامتك و نخوتك حقا تفدينى


كان وجودك يسعدنى و يطمئننى .. و مسك عطرك فى الطرقات يؤنسنى


الان اصبحت اخافك .. بعد ان نسيت انى ابنة وطنك


انى اختك و حبيبتك و ربما امك او ابنتك ..


نسيت فتعديت و نسيت ايضا شهامتك


سامحنى ايضا لو تسائلت بألم اين رجولتك


سامحنى حقا لا اقصد الاهانه فأنت عندى غال و افديك بعمرى لو تعود و يعود معك زمن الرجال


فكم اشتاق لأن تعود


جميعنا نناشدك ان تعود


فلتعودوا رجالا فكم اشتقنا نحن ايضا ان نعود نساءا


و لكن كيف ؟؟ و انت تأبى ان تعود


تأخذك الملذات .. و تضيعك الطرقات و تضيعنا معك .. و يضيع حلم الرجل الشرقى ..


كنت دوما اجمل حقيقه فلماذا اصبح حتى الحلم بك محال ..


ما زلت ارجوك كى تعود


ليعود معك الامل و الامن و الامان


يعود الحب و النصر و عمق الايمان


نعم يا زينة الرجال .. بعودتك .. سنحقق معا المحال


اللهى يا ارحم الراحمين اهدى رجال وطنى اجمعين


اعد الينا الامن و الامان .. و منهم اخرج ثانية صلاح الدين ..


........ .. ... امين






هناك 44 تعليقًا:

الازهرى يقول...

احجز اول تعليق
وبعد القراءة اعود من جديد

Khaled يقول...

لسة الرجالة موجودة ماختفوش زى ماوصلك الأحساس العام إللى واصل للناس كلها للأسف

المشكلة إننا فى عهد من أسوأ العهود إللى مرت بيها مصر .. يمكن بيخلينى أتحسر على عهد محمد على إللى خلى مصر كيان قوى و بنالها جيش و أسطول و خرج ولادها يتعلموا و يرجعوا يعلمو .. مش دلوقتى الولاد بتتمنى تهرب و ماترجعش ..

ربنا يسامحة السادات على المعاهدة إللى خلت رجال الصاعقة يربوا نحل و فراخ و يزرعوا موالح و مصانع الطيرات إللى بقت بتعمل بوتاجازات بدل ماتحاول تعمل طيارة ولا مصانع السلاح و الزخيرة إللى بقت بتعمل سمنة صناعى و رحلات حج و عمرة للموظفين إللى فيها بدل القاعدة من غير شغلة ولا مشغلة
و بأسم السلام بقينا فى أستسلام ..

و أخيرا عايز أقول المثل المشهور
إذا كان رب البيت بالدف ........
للأسف إحنا بقينا ثقافة شعبان عبد الرحيم و الحمار إللى بيحب الحمار

بوست جميل بس يبكى

تقبلى تحياتى

منى يقول...

للاسف حقيقه مؤلمه
ادعو الله ان يعود الرجال والنساء برا من جديد
تحياتى

doctor mohamad يقول...

أخخخ .. هو احنا طفشنا م البلد من شوية يا أم ياسمين!! ما هو م الإشاعات اللى بتطلع علينا !! بقى البلد مافيهاش رجالة؟! .. الحمد لله أنا بره البلد .. أنا سبت البلد و كان فيها شوية رجالة .. >إبتسامة يغشاها الشجن< .. بس صحيح _عندك حق _ موضوعك يثير الشجن .. لكنى بأسأل معاكى بشمولية أكتر .. أين أنتم يا أبناء الوطن .. رجالا و نساء .. بنينا و بنات .. ف"الأم مدرسة إذا أعددتها .. أعددت شعبا طيب الأعراق" .. و لو فيه خلل _ حتى بفرض إن الخلل ف الرجال دون النساء_ فانظر للمدرسة الأولى و المربية الحقيقية ، ألا و هى الأم .. والمرأة ثلاثة أرباع المجتمع .. عموما .. ع رأى المثل "لا تعاتبنى و لا اعاتبك ، الهم طايلنى و طايلك" .. و إذا كنتى تريدى تعديل خلل فالأولى توجيه الرساله "للأم" "للأب" "للبنت""الولد""للرجل" "للمرأة" .. باختصار.. "للمجتمع" ..لكن فعلا ف الختام أود شكرك ع صدق شعورك و حلاوة تعبيرك ..

doctor mohamad يقول...

أخخخ .. هو احنا طفشنا م البلد من شوية يا أم ياسمين!! ما هو م الإشاعات اللى بتطلع علينا !! بقى البلد مافيهاش رجالة؟! .. الحمد لله أنا بره البلد .. أنا سبت البلد و كان فيها شوية رجالة .. >إبتسامة يغشاها الشجن< .. بس صحيح _عندك حق _ موضوعك يثير الشجن .. لكنى بأسأل معاكى بشمولية أكتر .. أين أنتم يا أبناء الوطن .. رجالا و نساء .. بنينا و بنات .. ف"الأم مدرسة إذا أعددتها .. أعددت شعبا طيب الأعراق" .. و لو فيه خلل _ حتى بفرض إن الخلل ف الرجال دون النساء_ فانظر للمدرسة الأولى و المربية الحقيقية ، ألا و هى الأم .. والمرأة ثلاثة أرباع المجتمع .. عموما .. ع رأى المثل "لا تعاتبنى و لا اعاتبك ، الهم طايلنى و طايلك" .. و إذا كنتى تريدى تعديل خلل فالأولى توجيه الرساله "للأم" "للأب" "للبنت""الولد""للرجل" "للمرأة" .. باختصار.. "للمجتمع" ..لكن فعلا ف الختام أود شكرك ع صدق شعورك و حلاوة تعبيرك ..

موناليزا يقول...

الله عليكى ياغالية
ايه الحلاوة دى
ليتهم يسمعون
ليتهم يدركون
ليتهم يرجعون
دام قلمك يمتعنا

جنّي يقول...

السلام عليكم

ما شاء الله جميلة قوي وتساؤلات رائعة وانا معاكي بقول آمين ..

ويارب يكون بجوار هؤلاء الرجال نساء بنفس المواصفات وتعينه وتشد من ازره ..

تحيتي

Walad_Masry يقول...

معاكي حق في كل كلمة قلتيها

هرمونات الذكورة بتنأح عليا بس مش عارف أدافع لأن كلامك كله صح

للاسف ان النخوة انعدمت والاخلاق انتحرت والرجولة لم يبقى لها وجود ولو عايزة تعرفي ايه السبب هقولك عليه

هما اللي عملوا فينا كده ربونا على الرعب من كل حاجة امشي في حالك وربي عيالك نشروا في الاعلام التعذيب والبهدلة اللي في السجون وبالتالي كل واحد بقى يمشي جنب الحيط وللاسف لما بتجيله فرصه ينتقم بينتقم من اي شخص ضعيف بيلاقيه قصاده وطبعا الشخص الضعيف ده بيكون طفل او انثى

كمان غياب الدين وده العامل الاساسي ومع غيابه صرنا كالانعام بل ربما أضل وأصبحنا في غابه يتصارع فيها الجميع من أجل البقاء حتى وان كان على حساب الضعفاء

سلمت يداكي

وتقبلي خالص تحياتي

حـــــدوتـــــة يقول...

السلام عليكم

اختى الغالية بالرغم من قسوة الكلمات
إلا انها حقيقيه وواقعيه
بس انتى وكل اللى هيقرأ البوست لازم يعرف حاجة مهمه

وهى ان الرجوله دى مش حاجة بيتخلق بيها الذكر وبعدين بيتخلى عنها بمزاجه

دى عادات وقيم وتربية واخلاق وثقافه مجتمع بأكمله
والرجوله اختفت مع اختفاء حاجات كتير غيرها
قوليلى انتى امتى اخر مرة سمعتى فيها
كلمه النخوه
كلمه الشهامه
كلمه العزه
قوليلى انتى فين الحاجات دى وانا اقولك فين الرجوله

اطلع راجل ازاى وانا متربى من صغرى على انى امشى جنب الحيط
اوى تتكلم فى السياسة قدام حد احنا ملناش دعوة بالحاجات دى
لو شوفت خناقة ابعد عنها احنا مش قد بهدله الاقسام
ابقى راجل ازاى وانا عندى 30 سنة ومش قادر اتجوز ويادوب بصرف على نفسى بالعافية

معلش انا طولت عليكى بس انتى جيتى على الجرح

سلالالالالالالالالالالالالالالالالالالالالالالالالالام

kochia يقول...

عزيزتي
لست ادري هل فعلا هذا الكلام صحيح ؟؟
اين الرجال
او اين الرجال في الرجال ؟؟
فقد الرجل الكثير علي فترات زمنية لم يبقي فيه الا قليل الرجولة ولم يبقي فيهم الا قليل الرجال
لست ادري السبب لكنها ظاهرة فعلا
ربما قلة الدين ؟؟
ربما انتشار الصفات السلبية بالمجتمع زادت وطغت ؟؟
ربما لانعدام الاهداف لديهم ؟
ربما لانتشار اخلاق الزحام ؟؟
العديد من الاسباب المحتملة ..

قد نحتاج الي حرب جديدة حتي نجلو الصدأ عن الرجال الحقيقيون ....

حنين.. يقول...

للا سف هو دا الحالنعم يا زينة الرجال .. بعودتك .. سنحقق معا المحال

اللهى يا ارحم الراحمين اهدى رجال وطنى اجمعين

اعد الينا الامن و الامان .. و منهم اخرج ثانية صلاح الدين ..
امين امين امين
حنين
دمتى سالمه

نهر الحب يقول...

الرجالة موجودين شفتى منتظر ؟
الصحفى اللى ضرب بوش
يعنى الرجالة موجودة منتظرة فقط قائد

هى فوضى يقول...

للاسف ادى حال
رجالتنا
تراجعوا الى الوراء بشكل وحش اوى

ghoneem يقول...

احم احم

ممكن أدخل ولا ممنوع ولا ايه النظام
بوست محرج جدا جدا علي فكرة وحسيت ان الكلام نازل علي دماغي زي القنابل

ولا نقول زي الجزم بعد كدة
بس أهو منتظر ده مثلا راجل وعمل حركة حلوة يعني
بس طبعا مش هية دي الرجولة المقصودة

ربنا ان شاء الله يرزقنا بصلاح كصلاح الدين ويرد اليه مردا جميلا

كلمات جميلة ودمتي بخير

تحياتي

بالتوفيق......................

كيكى يقول...

والله ياروفى ما اعرفرف همة فين احتمال وراء البنزينة
!!!!!
يمكن عايزين صحوة مش عارفة!!!
*****************************
وحشااااااااااااااااااانى بجد اوى اوى
والله العظيم انتى ومريومة والله بفكر فيكوا كتير اوى اوى
فينك
يارب خيررررررررررررر
وحشتينى كتير
عووووووووووووووووووو

norahaty يقول...

السلام عليكم ورحمة
الله تعالى وبركاته
وللاسف الشديد يقولون عليها
عولمة بها لن يبقى شىء على حاله
وكأن البلاد اوانى مستطرقة الجيد يأخذ من السىءوالعكس ايضا حتى لن تبقى لدولة تميزها فى شىء ابدا

rovy يقول...

الازهرى
اخى الازهرى ما زلت انتظر عودتك
ادعوا الرحمن ان يكون ما اخرك خيرا

تحياتى

==================================================
khaled

اعلم اخى الفاضل ان الرجال ما زالوا موجودين ولله الحمد ولكن مع الاسف قد قلوا كثيرا فنحن فى زمن كثر فيه الذكور وقل فيه الرجال ..
احساسنا بالامان لم يعد موجود و الاخلاق لم يعد لها وجود و كلمة الشهامه و النخوه و الرجوله اندثرت و اصبحت فى قاموس ذكريات كلماتنا و لكنى ما زلت اأمل بعوده الرجوله لكل شبابنا
ما زلت احلم بأن يفيقوا جميعا من غيبوبة المخدرات و ضياع الفضائيات
و احساس الذل و الضعف الذى تحول الى بجاحة و قوة على اى مخلوق اضعف بعد ان ماتت القيم و ضاعت المبادىء
لا اريد ان اطيل عليك اكثر من هذا
اشكرك كل الشكر و اؤكد لك ان وجودك و وجود امثالك الكرام هم الامل لنا فى ان الرجوله ما تزال باقيه و لكنى ادعوا الرحمن ان تعود لسابق عهدها بين شبابنا و جميع رجالنا ..
تحياتى

rovy يقول...

منى

نعم اختى الحبيبه انها مؤلمه جدا تلك الحقيقه و ياارب يقبل دعوتك و دعواتنا جميعا

كل الشكر لمرورك العطر الذى يسعدنى حقا ..

تحياتى

==================================================
doctor mohamad

اخى الكريم
عندك حق اكيد للام دور لكن لا تنكر ابدا ان الدور الرئيسى فى تعليم الرجوله لأى صبى فى الصغر هو الأب
او الخال و العم و غيرهم ممن يؤثرون فى شخصية الطفل و لكن اذا ضاعوا هؤلاء فى منتصف الطريق و لم تتوج رجولتهم بعد ان قتلها ضياعهم امام الفضائيات او غيبوبه المخدرات او ربما الانشغال بالعمل ليل نهار و هؤلاء معذورين نوعا ما فى ظل ما نعانيه من معيشة صعبه و ايضا من هاجر و ترك ابناؤه لا يربطهم بهم سوا ان يرسل لهم المال و غيرها من اسباب اضاعتهم فاضاعونا معهم و ضاع الجميع .. و لكنى اتفق معك ان المجتمع كله فى حاجه الى تعاون من اجل عودة النخوه و الشهامه و الرجوله لاولادنا و شبابنا اللى الأمل فيهم و بهم و قادر ربنا يهديهم و يبارك فيهم
اشكرك اخى الفاضل و لك خالص التقدير و التحيه

rovy يقول...

موناليزا

الحبيبه الجميله موناليزا
اشكر احساسك الراقى الذى يحس و يستشعر
و يدرك و يتذوق
ادعوا الرحمن معكى اختى الغاليه ان يسمعون فيدركون ليرجعون ..
بارك الرحمن فيكى و طمنى عليكى دائما ياارب
دمتى لى اخت غاليه حبيبه فى الله

===========================================
جنى

اخى الفاضل

اشكرك كثيرا و ادعوا الرحمن ان يتقبل دعائنا جميعا ..

ادعوه ايضا ان يوجد النساء التى تعين و تشد من ازر الرجال و ياارب يتقبل

كل الشكر و الامتنان و التقدير

تحياتى

مجداوية يقول...

السلام عليكم

أخونا الكريم الطائر الحزين كان عامل مناقصة توريد رجال لمصر ومعرفناش رست على مين !!!
أنا قلتله أن العطا حيرسي على النساء
لكن فيه ناس وعدوا بعمل طلبية مستقبلية تستلميها بعد حوالى كده 50 ستين سبعين قولي ميت سنة !!!

لكن عشان الحق هو طبعا فيه رجالة رجالة ومش الكل من النوع المضروب لكن الأصل فى المشكلة دي
المرأة

فهى التى تربى النوعين
وزيادة المضروب لأن المرأة مضروبة والاعلام والتعليم مضروب

عايزة الكل يرجع صح الصح صلحي التعليم والاعلام
بمعنى
صلحي النظام
وأعدى المرأة للقيام بدورها الرئيسي فى التربية
ولأن هذا يقترب من المستحيل الآن
فأنا بأقول نستنى الطلبية المستقبلية
وعشان هى بعيدة شويتين
يبقى ان شاء الله نشوفها بقى
فى الجنة ونعيمها

وهو المطلوب اثباته

:)
:)

وبعيدا عن هذا التفاؤل الفظيع
كلامك رائع وأسلوب جميل يقطر احساسا وألما وشوقا للاصلاح

بنات صاحبة الجلالة يقول...

حبيبتي صباح الفل ازيك عاملة اية

انا قريت ردك وبعتلك فعلا رسالة علي ميلك وسبتلك فيها رقم موبايلي وحتى عملتلك اضافة علي ماسنجر جوجول ابقي شوفيها وعموما برضوا هسبلك ميلي تاني في رسالة قديمة اوكي

في رعاية الله ياحبتتي

سمكه وحده يقول...

اللهم امين
الله بجد تحفه وجميله وتسلم ايدك وقلمك
ماشاء الله والله روعه
فعلا اين انتم بجد كلها جميله والاحساس رائع
دمتي مبدعه ومتغبيش علينا كتير
بجد بجد ربنا يجزيكي كل خير ويبارك فيكي
تحياتي
سمكه

Gannah يقول...

روفى حبيبتى
قلتى فصدقتى
لا أعرف ما الذى حدث
ولكن الامان اصبح مفقودا
والرجال حدثت لهم تغيرات كثيرة ولكن انا عندى اعتقاد اننا احد اسباب هذه التغيرات لاننا اصبحنا نعتمد على انفسنا اكثر من اللازم و اصبحنا نتعامل بنديه فشعر الرجل اننا فى غنى عنه
ناهيك عن المهانه التى نعرض انفسنا لها بالكليبات والاعلانات والملابس التى تفضح اكثر مما تستر
فاصبحنا سلعة رخيصة
وهذا لا يعفى الرجال الذين غابت عنهم النخوة والشهامة -الا من رحم ربى-
موضوع شائك واحيى شجاعتك فى طرحه
دمتى بخير يا اجمل الاصدقاء
تحياتى

إبن آدم يقول...

إن شاء الله سنعود ..

الصورة البني اللي في السايد بار اللي مكتوب عليها "كفاني عزاً أنك ربي" عاجباني ، وعاوز أحطها في السايد بار عندي شايفها جميلة وممكن تليق عندي

ممكن آخدها !

أ / أحمد عبد المنعم يقول...

بسم الله الرحمن الرحيم
إن كنت تشتاقين للشهامة فنحن الجنود النشامى
إن كنت تشتاقين للرجولة فنحن صناع البطولة
إن كنت تشتاقين للمروءة فهى فى سلوكنا مقروءة
إن كنت تشتاقين للأحزان فهى بالجبين تزدان
إن كنت تشتاقين لفكرة فدققى النظر تدركى العبرة
إن كان ما تريدن شىء فى نفسك فبوحى به صراحة لا تدارينه خلف أسئلة إجاباتها واضحة أخرجى ما فى نفسك بوضوح أطلقى العنان للسانك كى يبوح
نحن رجال الأمة قل عددنا أو كثر إن غابت عينك عنا فارفعى صوتك ننهمر
( لا يظنن أحد أن هذا شعر أو حتى شبيهه )

kemet يقول...

السلام عليكم ورحمة الله وبركاته

آمين

ليس لدي الكثير لقوله لكن ربنا يستر

تحياتي
الي اللقاء

كيكى يقول...

فينك النت برضة
طمنينى؟
عوووووووووو

الازهرى يقول...

العزيزة روفى

اعتذر عن التأخير ولكنها امور الحيلة كما تعلمين
وشكرا على دعاؤك الجميل

الرجال موجودون و والنساء ايضا
ولكن ضيع الهوية والهدف هو ما اخفاهم عن الاتظار
كما ان وجود البقعة السوداء المتمثلة فى الاشباه تحجب الكثير من الاشياء الجميلة

تحياتى واعنذارى ثانية

Beram ElMasry يقول...

الاخت العزيزة . rovy يقول...
وعليكم السلام ورحمة الله
شكرا اولا على الزيارة وتكرمك بالتعليق
( ابتسامته البلهاء و اؤكد لكل من يقللون من بطولة الزيدى انهم حقا لايعون الحقيقه )
صدقت فيما ذهبت اليه ، ان مافعله الزيدى شئ عظيم وكان من الممكن ان يفعله كثيرون لو اتيحت لهم الفرصة ولكن الاتباع كرهوا ان يهان سيدهم وبالجزمة
( فلتعودوا رجالا فكم اشتقنا نحن ايضا ان نعود نساءا )
كلام موجع ومرارته زائدة لا يستشعرها غير من لديهم بقية من نخوة ورجولة
تحيلتى لك ولا تحرمى مدونتى زيارتك

عادل يقول...

السلام عليكم
اختي الفاضلة
اين فينا الرجال نحن الرجال؟؟؟
الرجل او الاغلابية مننا بسآلة السؤال دة او
شبية بسؤالك يقوليا الرجل رجل والست ست
دون اقناع او توصيل المعلومة الرجل دلوقتي من وجهة
نظرالاغلبية منا كا رجال بفرد قوتة وسيطرتة ورائية علي المرآة
من عبروا القتال او للقتال؟؟؟
مكنشي دة بقا حال فلسطين وغزة واهالينا هناك
اين فيكم من قال بلدى فداكى نفسى و فداكى ولدى ؟
دة ايام جدودنا ووالدينا رحمة الله عليهم
اين انتم يارجال؟موجودين بس في بيوتهم
وعلي زواجتهم وبس ضرب واهانة واستعراض قوتة
لماذا الان يا عمرى و يا أبتى و يا ولدى .. ما عدت اشعر بالامان ..!!!
للاسف دي حقيقة كل واحد بيقول يلاا نفسي عندي عيال عاوز اربيهم
نفسي ثم نفسي والبعد عن دينا وحب المال
الان اصبحت اخافك .. بعد ان نسيت انى ابنة وطنك
انى اختك و حبيبتك و ربما امك او ابنتك
لو كل راجل فينا بص للجملة دي وحللها
انى اختك و حبيبتك و ربما امك او ابنتك
كان زمانا اخوات وكا اعضاء الجسد الواحد
و يضيع حلم الرجل الشرقى ..
هعلق علي دي اقول اية بس مش عاوز مهاجمة
بس فعلاا الرجل الشرقي شرقي علي زوجتة واختة وبنتة
وبس اما لنفسة فا من داخلة اكثر من الاوربيين الله المستعان
اعد الينا الامن و الامان .. و منهم اخرج ثانية صلاح الدين ..........
اللهم امين يارب العالمين..
اتمني اكون احسنت التعليق من وجهة نظري
واسف علي تاخيري بس والله ظروف شغلي
واعياد الميلاد هنا والثلوج ضغطة وقتي جدا
تقبلي اعتذاري
تحياتي

غني يابهيه يقول...

مش أوى كده يعنى

بعيدا عن اسلوبك الجميل وتعبيرك عن احساسك بعدم وجودنا

بس انا شايف ان الموضوع مش اسود اوى كده
بس ده مش معناه ان الكل كويس ولا حتى الكل وحش
فى كده وفى كده
بس هما محتاجين مسانده
وهاختم واقوووول
وراء كل رجل عظيم ...... امرأه


تحيات بهيه

كيكى يقول...

ياروفى انتى فين ما النت رجع اهوا
يارب تكونى بخير انتى ومريومة
عووووووو

الربان يقول...

تحياتي...
في رأيي ان الموضوع ذو شقين.

الاول يتعلق بالرجل نفسه..الذي تاه و فقد صوابه، الا من رحم ربي، وذلك نتيجة افتقاده للمعني الصحيح لمفهوم الدين...

الثاني يتعلق بالمرأة نفسها، فقد جعلت
من جسدها سلعة، الا من رحم ربي ، فتظهر كاسية عارية بالشارع و في حركات
مثيرة في الافلام و الاعلانات و الاغاني...


لكنني اختي العزيزة اري ايضا اننا ما
زلنا بخير...بالرغم من اختفاء الكثير من
مفاهيم الرجولة الحقيقية...الا اننا ما زلنا بخير....

تحياتي و تقديري

بسبوسة يقول...

فى ..المنفى
دومتى بكل خير

rovy يقول...

اولا باعتذر للجمبع لانى اتأخرت فى ردى على التعليقات
معلش سامحونى البرد استلمنا بالدور فى البيت و الحمد لله ختم بى ..

===================================================
walad_masry

اولا باشكرك جدا لتفهمك لقصدى و انا احمد الله انه ما زال هناك رجال امثالك يشعرون و يعون فالرجوله ما زالت موجوده ما دام هناك رجال يعترفون و لا يتوارون وراء الشعارات الكاذبه ..
اكيد كل الاسباب اللى ذكرتها صحيحه
ادعوا الرحمن ان يحيى المعنى الحقيقى للرجوله فى كل شبابنا
اشكرك جدا اخى الفاضل
تقبل خالص التقدير و التحيه

============================================
حدوته

وعليكم السلام و رحمة الله و بركاته
اخى الفاضل اعتذر عن قسوة كلماتى التى هى نابعه من حبى لوطنى و حسرة فى قلبى على ما اصبح عليه حال رجالنا و خصوصا رجل الشارع العادى الذى كان يتميز بالنخوه و الشهامه و لكنى ايضا شعرت بالارتياح بعد ان قرأت تعليقات معظم الاخوه الرجال حقا و اشعرونى انهم حقا رجال يعون و يفهمون و يتألمون معى على حال شبابنا و رجال الامه الا من رحم ربى ..
عندك حق فى كل ما ذكرت و سامحنى اذا كنت جيت على الجرح كما ذكرت
اؤكد لك انك اكيد طلعت راجل رغم كل ما ذكرت فيكفينى ان تكون رجلا صادقا
متفهما و انسان حقا تشعرتى بانسانيتك التى هى جزء من رجولتك فى كل ما تكتب ..
ادعوا الرحمن ان يعينك و ان يرزقك كل السعاده معلش انت لسه صغير و طول ما فيه صبر و ايمان و كفاح حتقدر ..
لا داعى لاعتذارك عن التطويل فكل كلمه قلتها اما حق و اما احساس كبير بالمسؤليه .. سلمك الله

دمت فى رعاية الرحمن

خالص التحيه

rovy يقول...

kochia

اختى العزيزه صدقتى فيما قلتى ..
حقيقى وضعتى اسباب كلها حقيقيه تضاف لاسباب اخرى ايضا و لا يسعنا الا ان ندعوا الرحمن و لكننا ايضا يجب ان نحاول لاستعادة رجالنا فهم املنا
ربنا يهديهم و يهدينا ايضا لنقوم بادوارنا كى يعودوا ..
دمتى بكل خير و سعاده
تحياتى

=============================================
حنين
ازيك يا حنين كانت وحشانى طلتك الجميله

اللهم امين اختى الحبيبه
دمتى بكل خير فى حفظ الله

تحياتى

=============================================
نهر الحب
اكيد عندك حق هما اكيد لسه موجودين
ما دام هناك منتظر يمكن لو شفته قبل ماانزل البوست كنت حأعيد التفكير ربنا يسلمه
بس انا قصدت الرجوله فى التعامل مع الاضعف و مع الانثى و مع المواقف عموما
اختى الحبيبه اكيد انتى كمان نفسك تحسى بالامان فى كل مكان و ده مش حيحصل الا لما تعود النخوه و الشهامه و الرجوله

دمتى بكل خير
تحياتى

rovy يقول...

هى فوضى

تعم اختى العزيزه للاسف
ربنا يهديهم ياارب

نورتينى
دمتى بكل خير و فى رعاية الله

تحياتى
==================================================
ghoneem

اهلا و سهلا اخى الفاضل
اكيد انت لا تحتاج الى استأذان للدخول
اعتذر بشده عن اى احراج سببه لك البوست و لو دل هذا على شىء فانما يدل على رجوله حقيقيه تعى و تستشعر
و اكرر اخى الفاضل انى اعلم واكيده من وجود رجال حقيقيون و لكنى قصدت انهم قلوا جدا حتى اصبحنا نبحث عنهم
اشكرك جدا لتفهمك البوست و اهلا بك فى اى وقت فمرورك حقا يسعدنى و يشرفنى
لا اخفى عليك انك و بعض الاخوه جعلتونى ابتسم و ربما اضحك و لكنى فى النهايه سعدت كثيرا بكم سلمكم الرحمن وحفظكم
دمت بكل خير
خالص تقديرى و تحياتى

============================================

كيكى
اختى الحبيبه
يعنى هو احتمال برضه
ارائك دايما فى الجول يا قمر

انت كمان وحشانى جدااااااا
حاولى تكلمينى قريب
دمتى بكل ود و خير
تحياتى

rovy يقول...

norahaty

و عليكم السلام و رحمة الله و بركاته اختى الغاليه ..
فعلا صدقتى العولمه اصبحت كالغول المخيف الذى يقتلنا و يمحو ملامحنا يوما بعد يوم ..
سلمتى لى و اشكر مشاركتك البناءه دائما
دمتى بكل خير

تحياتى

==========================================
مجداويه

و عليكم السلام و رحمة الله و بركاته اختى الحبيبه ..

ربنا ما يحرمنا من خفة ظلك بجد حلوه قوى حكاية المناقصه دى و جميل تنبؤك بأن ترسوا على النساء ..
اما عن الطلبيه فياريت نلحق نحجز

و لكن فعلا انتى عندك حق اكيد التقصير من الطرفين واكيد للمرأه دور لازم تعملوا علشان ترجع تشعر بالامان لنفسها و لاولادها
بس يارب ده مايكنش مستحيل فى ظل كل ما ذكرتى بس والله انا عندى امل و الدليل انى عملت البوست ده .. مين عارف ربنا كريم ..
اشكرك يا غاليه على احساسك بكلماتى
ربنا ما يحرمنى منك ابدا

دمتى بكل ود و خير

تحياتى

==========================================
بنات صاحبة الجلاله

صباحك ورد و فل و ياسمين يا قمر
الحمد لله تم التواصل و ربنا يديمه

حفظكى الرحمن و رعاكى و دمتى بكل خير

تحياتى
================================================

سمكه وحده

اللهم امين اختى الغاليه
الله يكرمك و يبارك فيكى حقيقى باشكرك جدا على احساسك بالكلمات و جزاكى الرحمن كل الخير على دعائك لى .. ربنا يسعدك و يكرمك ياارب و يبارك فيكى

دمتى بكل خير فى حفظ الله

تحياتى

rovy يقول...

Gannah

اختى الغاليه نعم ضاع الامان ..
عندك حق طبعا ان للمرأه دور اكيد فيما حدث و لكن الاسباب كثيره جدا
و لكن الحمد لله انه برغم ان الصوره تبدو سيئه للغايه ما زال هناك رجالا و لو قلوا كثيرا و لكنهم موجودين و الامل فيهم و فينا ايضا لنقوم بادوارنا ..
ربنا يهدينا جميعا للحق ..
اشكرك غاليتى لكلماتك الرقيقه مثلك
احمد الله ان لى صديقة مثلك بل اخت و حبيبه فى الله ..
دمتى بكل ود و خير
وحشااااااانى

================================================

ابن ادم

مرحبا بك اخى الفاضل فى اول زياره و التى اتمنى دوامها ..
الصوره تحت امرك و اشكر لك ذوقك الرفيع ..

دمت بكل خير
تحياتى

=============================================
ا/ احمد عبد المنعم

اخى الكريم الرجوله افعال قبل كل شىء و قد افتقدنا الكثير منها و لا يمكن ان لا تكون قد شعرت بأن الرجوله الحقيقيه اندثرت و توارت و الاسباب كثيره و انا لا اقول انها اختفت فما زال هناك رجالا حقا و لكنهم قلوا و قل ايضا من يعى ان الرجوله فعل و ليس قول ..

ان كان ما تريدين شىء فى نفسك فبوحى به لا تدارينه خلف اسئله اجابتها واضحة اخرجى ما فى نفسك بوضوح اطلقى العنان للسانك كى يبوح ..!!!!!!!!!

لا ادرى حقيقة ماذا تقصد من تلك الكلمات اتمنى ان توضح لى انت ماذا تريد ان تقول فانا واضحه كوضوح الشمس و البوست كلماته واضحة جدا لا يوجد به شىء غامض .. ؟؟؟
اتمنى ان احصل على اجابه منك ماذا قصدت انت بتلك الكلمات و هل قرأت البوست كله و فهمت ما اعنيه ؟؟؟

اتمنى ان تأتينى اجابتك لأنى حقا حائره من كلماتك ..

تحياتى

rovy يقول...

kemet

اللهم امين حقا ..
نورتينى اختى الكريمه
و حقا صدقت ربنا يستر

دمتى بكل خير

تحياتى

================================================

كيكى

انتى اللى فين يا قمر انا اخذت دور برد كده بس الحمد لله ..
وحشااااااانى يارب تنكلم قريب

دمتى بكل ود فى حفظ الله

=================================================
الازهرى

لا داعى للاعتذار اخى الفاضل المهم انك بخير و الف حمدا لله على سلامتك ..
صدقت فيما قلت و اكيد باتفق معاك فى كل ما ذكرته ..
دمت بكل خير فى حقظ الله

تحياتى

rovy يقول...

Bearm ElMasry

اهلا بك اخى الفاضل سعدت بتشريفك و بتعليقك المتميز ..

يشرفتى و يسعدنى التواصل و ادعوا الرحمن ان يديمه
دمت بكل خير فى حفظ الله

تحياتى

================================================

عادل

اخى الفاضل تسعدنى دائما بتواجدك و تعليقك ..

جميل ما كتبت و قد صدقت فى كل ما قلت
ادعوا الرحمن ان يحيى النخوه و الشهامه فى رجالنا جميعا
اكيد ما حدش يقدر يهاجمك فيما ذكرته لأن فعلا اصبح رجالا كثيرة لا يرون من الرجوله الا كما ذكرت على زوجته و اخته و بنته الا من رحم ربى طبعا ..
اكيد احسنت التعليق كعادتك ..

لا داعى للاعتذار فانا اكيده انك لن تتأخر عن اخوتك الا للشديد القوى
ربنا يعينك و كل عام وانت بخير

دمت بكل خيرا
تحياتى

rovy يقول...

غنى يا بهيه

اولا حمد لله على سلامتك فينك من زمان ؟
من قال اخى الفاضل اننى لا اشعر بوجودكم فالرجال الحقيقين ما زالوا موجودين و لكنهم قلو جدا مع الاسف ولكنى متفقه معك فى كل ما قد ذكرت

دمت بكل خير

تحياتى

====================================================

كيكى

كيكى الجميله بجد ربنا يخليكى ليه يا قمر ..
عووووووو
اجمل تحيه لاجمل صبيه

rovy يقول...

الربان

سيدى الفاضل اهلا بك و بارائك المتميزه دائما ..
اكيد انا باتفق مع حضرتك فى كل ما ذكرت ..
دمت بكل خير
خالص تقديرى و تحياتى

rovy يقول...

بسبوسه

اهلا بكى و شكرا لزيارتك الكريمه

دمتى بكل خير

تحياتى