السبت، 27 ديسمبر، 2008

لحد امتى يا فلسطين ؟؟؟






لحد امتى يا فلسطين؟؟؟




لحد امتى تصرخى .. تتألمى و يموتوا فيكى اهلنا و لحد امتى نقول صابرين




نصرخ معاكى بقلبنا و مفيش حد سامع لنا نصرخ نقول فداكى روحنا كلنا




لكن ياناس بنكلم مين !!!




لحد امتى فيكى الاطفال ماسكه الحجار تصرخ فى وجه المعتدى الجبار




واحنا هنا متكلفتين شايفين , سامعين , بس ليه حاسين اننا فعلا عاجزين




لحد امتى يا فلسطين ؟؟؟




لحد امتى دمك يسيل .. جيل بيسلم ألم و ظلم و موت لجيل




و ليه يا عرب ساكتين و ليه صابرين و ازاى قادرين




و ارجع و اقول بنكلم مين !!!




لأصرخ بأعلى الصوت و أنادى ياكل اهلى و يا كل بلادى




اخواتكم بيموتوا و الدور عليكم صدقونى لو حتفضلوا ساكتين




و ليه نستنى صلاح الدين !!!




كلنا لازم نكون من اليوم صلاح الدين




كل واحد فينا يقوم و يقول فداكى يا فلسطين




لحد امتى يا فلسطين ؟؟؟




تتألمى و تنزفى و ليه الفرقه تدمرك و تضعفك




وليه ولادك اتقسموا و بالفراق يضعفوا




ياريتهم كانوا اتعلموا من اللى فات و اتوحدوا




و لحد امتى متقسمين ؟؟؟




لحد امتى الكل صامت .. الكل خايف طب ليه و من مين




ده العمر واحد و الرب واحد و الموت طايلنا لو كنا فين




فداكى روحنا يا فلسطين فداكى روحنا لو طايلين
فداكى روحنا يا فلسطين




هناك 38 تعليقًا:

حـــــدوتـــــة يقول...

السلام عليكم

لحد ما يظهر الرجاله اللى كنتى بتدورى عليهم من كام بوست

حاليا ليس لدينا سوى البكاء والدعاء

سلالالالالالالالالالالالالالالالالالالالالام

Gannah يقول...

أختى الحبيبة روفى
المشاهد من غزة مؤلمة جدااا
واحساسنا بالعجز مؤسف
عندك حق فعلا..احنا بنكلم مين؟؟؟
الواحد مش عارف
الحكام فى ناحية والشعوب فى ناحية أخرى
حصار غزة مستمر والآن المذبحة مستمرة بعد حصار قاسى
حسبنا الله ونعم الوكيل
تحياتى لقلمك الراقى

موناليزا يقول...

إلى أن يقضى الله امرا كان مفعولا
أختى الحبيبة حقا لا أجد كلمات توصف شعورى بما أشاهده او أقرأه لدى الكثير من المدونات(أعزهم الله)
ولكننى سأفعل مثلما اقترحت اختنا الحبيبة"منى-أحاسيس" فى بوستها الاخير
بأن نتوحد جميعا للدعاء لهم فى صلاة الفجر
لعل هذه الغمة تنزاح
اللهم انصر الاسلام واعز المسلمين فى كل مكان
وحسبنا الله ونعم الوكيل

كيكى يقول...

أأأأأأأأأأأأأأأأأاااه
انا مش عارفة لحد امتى احنا هنكلم وندعى ونعمل مظاهرات ووووووو الخ؟
نفسى مرة اشوف حل عملى
لحد امتى يافلسطين؟؟؟
*********************
روفى وحشانى جداااا ومحتاجكى جانبى ادعيلى امانة عليكى ياروفى
ادعيلى انا بتفائلة بيكى اوى
وحشتينى مريومة ازيها؟
عوووووووووووووووووووو

جنّي يقول...

السلام عليكم

كان الله مع اهل غزة وليغفرالله لنا تقصيرنا معهم ..

كل من له عينان يرى التواطؤ الكريه من حكومة فاسدة وحزب فاسد .. اما وانه قد خدع رئيس اكبر دولة اسلامية .. فهو غير كفيل بحكمنا .. نتحدث عن تواطؤ رئيس جاهل وحزب فاسد وحكومة اقرب الى الصهيونية ..ان لم تكن كذلك ..
اما حماس فيكفيها فخرا انها لم تستسلم كما استسلم غيرها .. لم تسرق اموال الشعب الفلسطيني كما فعل غيرها ..
حماس التي قدمت فخر شبابها شهداء في ساحة الجهاد والزود عن شرف الامة العربية والاسلامية ..
حماس العزة والكرامة والشرف ..
ولكن ماذا نحن فاعلون ؟

اقول لا للوقفات والاستنكارات ولكن اجمعوا المال والمؤن والسلاح وليفعل كل منا ما يستطيع لايصال المال والمؤن والسلاح لاهل غزة ..

ويارجال سيناء الشرفاء قوموا بايصال المال والمؤن والسلاح لاخوانكم في غزة الصامدة..

ولعنة الله على الكلب الذي استقبل العاهرة اليهودية للتواطؤ لضرب غزة ..

وحسبنا الله ونعم الوكيل

Walad_Masry يقول...

للأسف مصصمة إنك تسألي أسئلة مالهاش إجابة

وللأسف كمان إن إجابة الأسئلة كلها واحدة

لحد ما نرجع تاني لدينا وإيمانا بربنا سبحانه وتعالى يزيد لدرجة توصلنا إننا نستاهل نصرة ربنا لينا

"كان حقا علينا نصر المؤمنين"

"إن الله يدافع عن الذين آمنوا"

لما نوصل للدرجة دي هتلاقي إجابة لكل أسئلتك

بوست رائع كالعادة

خالص تحياتي

romansy يقول...

لحد ما يجى صلاح الدين
ولا صاحب دين


حسبنا الله ونعم الوكيل

Khaled يقول...

بصرف النظر عن تحفظى على موضوع فلسطين بالكامل لان الموضوع لة ابعاد كثيرة
بس عجبنى جدا الكلام الموزون

فياليت صلاح الدين يسمع ندائنا

عادل يقول...

لحد امتي يافلسطين؟؟؟؟؟
لحد ما نكون امة ورجل واحد
لغاية ما يخرج الغضب العربي البركان
المدفون في صدور اجدادنا من 1948
لحد ما نبطل نشوف في وسائل الاعلام ونبكي
واهو اديحنا بندعيلهم تفتكري ياروفي دة كفاية
تفتكري فلسطين من اسوء الي اسوء ولاا انا بس
بيتهيآئلي تفتكري الصبر دة كفاية ملوش اخر وتفتكري
صمتنا دة مش هيكون لية عواقب علي فلسطين
والامة كلها
ولية العرب ساكتين عشان خايفين كل واحد بيقول
نفسي ثم نفسي والا لفوق بيقول مملكتي ثم مملكتي
ولية صابرين دة مش صبر دة خوف او تؤاطئ
و ارجع و اقول بنكلم مين !!!
اوليمرت وعد وهينفذ ان الحرب مفتوحة لية لانة
متاكد اننا هنشوف في التليفزيون ونبكي وبس
كلنا لازم نكون من اليوم صلاح الدين ...
ودة هو الا هيحرر فلسطين نكون صلاح الدين
تتألمى و تنزفى و ليه الفرقه تدمرك و تضعفك
علشان ضميرنا في سكون في الا مبلااة
بيتي وعيالي ياعم انا يعني الا هحرر فلسطين
وكلنا نقول زية وكلنا نقول يلاا نفسي
ياريتهم كانوا اتعلموا من اللى فات و اتوحدوا
عبدالناصر الله يرحمة قال اتفق العرب علي الاا يتفقوا
و لحد امتى متقسمين ؟؟؟علشان بعاد عن دينا قبل كل شي
لحد امتى الكل صامت ......سؤال محيرني وفينة المجتمع الدولي
الكل خايف طب ليه و من مين هو فعلاا الكل خايف من ماما اسرائيل
لان اسرائيل الفتاة المدلله لي امريكا واظن فيلم العراق كان درس لكل
عربي حر يستنكر الظلم والاستعباد والبطش والعجرفة الاسرائلية الهمجية
ده العمر واحد و الرب واحد و الموت طايلنا لو كنا فين
ومين يعرف ان العمر واحد كلة بيحب المال واتعموا واتغاضوا علي
الجرح العربي الآلم العربي تغاضوا عن الدم العربي واتعودا علي نزيفة
لااحول ولاا قوة الاا بالله العلي العظيم احنا جرالنا اية اتعمينا قلوبنا ماتت
واية ولية ولامتي هنسكت ليسة هنستنا اية اكتر من تقطيع الاطفال والنساء والشيوخ 301شهيد 800مصاب واكيد كلها اصابة اعاقة لية رخصنا
دمنا وارواحنا وارضنا وعرضنا فية اية اكتر من الا احنا وصلنا لة دة
دمنا بقي مية قلوبنا اتحجرت عقولنا اتلهت بملااذ الدنيا
اسف ياروفي

منى يقول...

فداكى روحنا لو طايلين
ما اقسى الشعور بالعجز
تتمنى ان تمد يد العون
ولكن الف حاجز والف سد
يا الله اعنا والطف بهم وبنا

Beram ElMasry يقول...

rovy
وعليكم السلام ورحمة الله وبكاته
( و لكنها لن تطيب الجراح هذه المره الالم يزداد )
الجراح مفتوحة ولن تندمل الا برحمة من الله وهداية لنا لنرى الطريق الصحيح واسال الله السلامة
كل سنة وانت سالمة غانمة
خالص تحياتى

أحــوال الهـوي يقول...

لحد امتي
سؤال اجابته تحتاج لمعجزة
و لا نملك سوي الدعاء

تحياتي

Rania يقول...

اسئله كتيرة و بنسالها لنفسنا فى اليوم ميت مرة و اجابتها مش موجودة
مؤلم اووووى الاحساس بالعجز
مش عرافين نعمل حاجة
نفدى بفلسطين مين هيسمح بده
ملناش غري التبرعات و الدعى
ملناش غيرهم
و ربنا الاكبر
الى هينصرنا ان شاء الله
مبيرضاش بالظلم
و احنا من الظلم تعبنا

لنا الله

kemet يقول...

السلام عليكم ورحمة الله وبركاته

لحد امتى ؟؟؟؟!
يمكن لحد مانملك قوتنا
يمكن لحد ما بإيدنانقرر مصيرنا
يمكن لحد ..........مش عارفة امتى ؟!!!!!!!

تحياتي
الى اللقاء

!!! عارفة ... مش عارف ليه يقول...

جنوب لبنان اتحرر علشان في ديمقراطية
سمحت بوجود حزب الله

وسوريا مقدرتش تحرر الجولان
علشان مفيش ديمقراطية

الحل إننا نتصلح من جوه
علشان نقدر نحرر برررره

شكراً جزيلاً يا روفي
وليد

القلم السكندري يقول...

لحد امتي يافلسطين؟؟



لحد ما توجد ثلة مؤمنة تبيع نفسها لله.. وتصفع وجوه الخونة وتدوسهم بنعالها ثم تمضي علي جثثهم وموانعهم إلي اليهود



كلمات جميلة


لكِ موفور التحية

عاشقة القمر يقول...

لي حاكم العرب نايمون واعرب نايمون ليس لديهم شعور ولا احساس مش عارفه هل يقوم متيمن غفوتهم ماذا تفعل لهم مسيرات لي اهل غزه هم عايزين العرب يتحدوا نحرر القدس بس مش عارفه متي يقمون من غفواتهم



شكرا علي سؤالك عني هو ظروف الدنيا

ghorBty يقول...

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

Hu-man يقول...

هو الموضوع ده أخره إيه
مش عارفين فعلاً لحد إمتى
بس ممكن لحد مانقف كلنا وقفه واحده ضد الظلم

حسن محمد توفيق يقول...

العزيزة

rovy

الجرح غائر .. الصدور تضيق .. والحناجر بحت

ولا من مجيب

اين الخطا ؟

حسبى الله ونعم الوكيل

كاتب مصري يقول...

لحد لما ربنا يأذن بالنصر يا روفي
كإنك طولتي الغيبة مش كده
يلا ربنا يوفقك
مودتي وكل سنة وانت بألف خير

حتى تشرق الشمس يقول...

السلام عليكم ورحمة الله وبركاتة
هى المشكلة انهم خيفين من امريكا واسرائيل ...
مش وخدين بالهم ان الدور علينا لو متحدناش وبقينا زى صلاح الدين
بجد كلام جميل
جزاكى الله خيرا
دومتى بالف ود

PrInCeSS BeRy يقول...

روفىىىىىىىىى وحشانى موووووووت عاملة اية يارب تكونى بخير

لا يسعنا الا اننا ندعى حسبى الله ونعم الوكيل


وربنا يتولاهم ويتولانا وينتقم من قاتلى الابرياء

rovy يقول...

حدوته

اخى الفاضل
ادعوا الرحمن ان يبعث فى رجال الامه القوه و يحيى بهم الاراده و النخوه و ينقذ اهل فلسطين و يحفظهم و يعينهم على ما هم به ..
دمت بكل خير
تقديرى و تحياتى

==================

أ / أحمد عبد المنعم يقول...

بسم الله الرحمن الرحيم
أدعوك لزيارة مدونة
أين ابتسامتك ؟
http://gazaa2009.blogspot.com

محمد يقول...

الايصرخ الطفل عند ميلاده
الاتتألم الام عند الوضع

من الالم العظبم
ومن الصرخه الصادره من القلب


يبزغ النور والحق

وستنتصر فلسطين

rovy يقول...

جنه
اختى الحبيبه اتألم من المشاهد يعجز الكلام و تعجز الكتابه عن التعبير
و الى متى ؟؟ لن يسعنا الا ان نقول حسبنا الله و نعم اوكيل
تحياتى و ودى لكى غاليتى

====================================================
موناليزا

صدقتى حبيبتى و أدعوا الرحمن ان يكون امره بالفرج قريبا جدا
اللهم تقبل دعائك و دعاء كل المسلمين
حسبنا الله ونعم الوكيل

خالص مودتى و تحياتى

================================================
كيكى

وحشانى حبيبتى يا رب تكونى بكل خير دائما
انا كمان زيك نفسى فى اى تحرك اجابى
اعاننا الرحمن لما فيه الخير
ربنا يكرمك ياارب و يطمنى عليكى
يارب يا حبيبتى يسعدك و يحفظك
طمنينى عليكى
تحياتى

rovy يقول...

جنى

و عليكم السلام و رحمة الله و بركاته

ادعو الرحمن ان ينصرهم و يعينهم و يهدينا جميعا للحق و يجمع شمل الامه ياارب و ينصرنا و ما هو على الرحمن ببعيد
نعم يا ليت كل منا يفعل كل ما يسطيع فهم فى اشد الحاجه لنا و ليس لمجرد كلمات

و حسبنا الله و نعم الوكيل

===============================================
ولد مصرى
نعم مصممه على الاسئله و عندى كل الامل ان اجد لها جواب عن قريب
نعم اخى الفاضل صدقت فى اننا يجب ان نعود لتعاليم ديننا الحق و ايماننا الصادق و نعم نحن من قصرنا و لكن الله هو الرحمن الغفور و الحمد لله لانه ارحم رحيم و عفو و كريم
ان شاء الله الفرج قريب
خالص تحياتى

============================================
رومنسى
سيكون كل منا صلاح الدين و عندها سيكون النصر باذن الله قريب

ونعم بالله حسبنا الله و نعم الوكيل

تحياتى

=====================================================
خالد
اخى الفنان اين انت ؟؟؟
اشتقنا للوحاتك الرائعه و كتاباتك البديعه .. ادعوا الرحمن ان لا يطول الغياب .
و نعم ليت صلاح الدين يسمع
وليت كل منا يكون صلاح الدين
خالص نحياتى

rovy يقول...

عادل

اخى عادل انت فين ؟؟
ليه شيلت البوستات من مدونتك ؟
طبعا عندك حق لحد ما نكون امه و رجل واحد يارب يكون ده قريب و يارب نقدر نأخذ خطوات اجابيه اكثر من الدعاء و الصوم ربنا يهدينا جميعا للحق و الخير
ادعوا الرحمن ان نفيق جميعا من ملاذ الدنيا و ان نتوحد و نرد الظلم على الظالم يا رب
لا اجد الان كلمات سوى حسبنا الله و نعم الوكيل

دمت بخير
تحياتى

==========================================
منى
اللهم امين اختى الحبيبه
ربنا يلطف بهم و بنا ياارب
و حسبنا الله و نعم الوكيل

دمتى بكل خير فى حفظ الله

تقديرى و تحياتى

=-===========================================
بيرم المصرى
كل عام وانت بخير اخى الفاضل
ادعوا الرحمن ان يكون عام نصر لنا و هزيمة كبرى لاعدائنا
و يارب يطيب جراحنا و يحقن دماء اخواتنا و اطفالنا فى فلسطين الحبيبه يارب
خالص تحياتى

rovy يقول...

احوال الهوى

نعم هى معجزه الان و لكنها ليس ببعيده اخى الفاضل على الرحمن
تقبل الرحمن دعائك و دعائنا جميعا و نصر اخواننا الفلسطنين و نصرنا معهم على العدو اللئيم

خالص تقديرى و تحياتى

===============================================
رنيا
نعم اختى العزيزه احساس مؤلم جدا عجزنا و نحن نرى و نسمع كل يوم الام اخواتنا و اطفالنا فى فلسطين
لهم و لنا الله حقا و من لنا غيره هو خير معين و هو ارحم الراحمين

خالص تحياتى

=================================================
كيميت
ليتنا نعرف اختى العزيزه الى متى ؟؟
و لكن ما من شىء بعيد على الله
لنا و لهم الله و حسبنا الله و نعم الوكيل

تحياتى

=

rovy يقول...

عارفه... مش عارف ليه !!!
شكرا لك يا اخى وليد
ندعوا الرحمن ان ينصر اخواتنا فى فلسطين فالهجوم البرى قد بدأ
و لا ملجأ لنا الان الا ان ندعوا الرحمن
و حسبنا الله و نعم الوكيل

دمت بكل خير
خالص تحياتى
================================================
القلم السكندرى

ادعوا الرحمن ان توجد هذه الثله قريبا جدا و ان ينصرنا الرحمن و يعيننا و يخفف الام اطفالنا و اخواننا بغزه ..
يا رب استجب ..
اشكرك اخى الفاضل
خالص تقديرى و تحياتى

==============================================
عاشقة القمر

احمد الله انك بخير غاليتى
ادعوا الرحمن معكى ان نفيق جميعا من غفوتنا يارب قريبا ..
و حسبنا الله و هو خير معين

خالص تحياتى

===================================================
غربتى

صلى الله على سيدنا محمد و على اله و صحبه وسلم
نعم صدقت و ندعوا الرحمن ان يعيننا جميعا لما فيه الخير و الحق

تحياتى

rovy يقول...

Hu-man

نعم اخى الفاضل صدقت
لحد ما نقف كلنا وقفه واحده ضد الظلم

اللهم ما اعيننا و وحدنا يا الله

تحياتى

================================================
حسن محمد توفيق

حمد الله على سلامتك استاذى الفاضل
نعم هذا شعورنا جميعا جرح غائر و الام لا حد له الصدور تضيق و الخناجر بحت و ما من مجيب و لكن .. لنا و لهم الله الذى لن يضيع عباده المخلصين ابدا
و حسبنا الله و نعم الوكيل
تحياتى

===============================================
كاتب مصرى
اهلا بك اخى الكريم
ادعو الله ان يكون النصر قريبا
و حسبنا الله و نعم الوكيل
سامحنى لو انشغلت قليلا و لكنك ايضا انشغلت عنا كثيرا ..
ادام الله التواصل
و فقك الله و بارك لك و كل عام وانت بخير

تحياتى

rovy يقول...

حتى تشرق الشمس
عليكم السلام و رحمة الله و بركاته
اهلا بيكى اختى الكريمه
ادعوا الله ان ينصرنا و يثبتنا و يعين اخواننا فى غزه يارب
جزاكى الرحمن كل خير يا رب

تحياتى

=================================================
برنسيس بيرى

اهلا اختى الحبيبه بجد وحشانى
نعم كلنا ندعوا الله و يا رب يستجب لنا يارب ..
دمتى بكل خير

خالص مودتى

rovy يقول...

ا/ احمد عبد المنعم
اشكر لك دعوتك الكريمه

تحياتى

==============================================

محمد

نعم اخى الفاضل ستنتصر فلسطين ان شاء الله
لأن الحق معنا و لن يضيعنا الله ابدا ان شاء الله ..
و حسبنا الله و نعم الوكيل

اشكرك و دمت بكل الخير
تحياتى

عاشــــــ النقاب ـقــــة"نونو" يقول...

ربنا موجود وكبير وهينصر المجاهدين والمسلمين في كل مكان باذن الله
روحي شوفي التدوينة الاخيرة عندي

rovy يقول...

عاشقة النقاب نونو
معكى كل الحق نعم ان نصر الله لقريب ان شاء الله

دمتى بكل الخير و دمتى سالمه دوما

تحياتى

TeVa يقول...

مش كتير ...



بس لازم نبقى ايد واحدة قبل دا ما يحصل.

ربنا يرد المسلمين لدينه ردا جميل

آمين يارب

الكلام مؤثر جدا بجد

بارك الله فيكم

rovy يقول...

teva
نعم اخى الفاضل ان شاء الله مش كثير
ربنا يوفقنا و يوحدنا و يعينا على نصره الحق و دين الحق و ان شاء الرحمن النصر قريب و لكنه لن يأتى الا اذا توحدنا حقا و كان هدفنا واحد و عرفنا جميعا ان عدونا واحد و انننا معا حقا سنقهره و يكون النصر لنا ان شاء الله

اشكرك كثيرا لمشاركتك الطيبه اخى الفاضل
دمت بكل خير
خالص التحيه