الأربعاء، 21 يناير 2009

معا.. من اجل النصر و العزه










تقابلت معها صدفه .. كنت لم اراها من زمن .. كانت صديقة دراسه و كانت من الاصدقاء المقربين لقلبى برغم انها مسيحيه



نعم هى مسيحيه و هى انسانه قلبها كبير و تعرف معنى الصداقه و كم من مرات وقفت بجوارى بحب و شهامه و انسانيه



سلمت علي بحراره و اخذت تذكرنى بايام الدراسه و البنات و المدرسين و أخذنا نتحدث فى اشياء كثيره ثم انتقل الحديث الى غزه فوجدت عينيها تترقرق بالدموع



نعم بكيت مثلما نبكى جميعا لما نراه .. و اخذت تسألنى الى متى يجب ان نصمت ولما و لماذا لا نفعل شىء ايجابى لنردع به الصهاينه



واذ بى ابتسم برغم هذا الحديث المؤلم عن غزه و الضحايا .. تعجبت منى و سألتنى فى حيره لماذا تبتسمين ؟؟؟



فأجبتها سامحينى لم اقصد ان ابتسم من الالام بالطبع و لكنى ابتسم لأنى سعيده بكى لم اكن اتوقع ان تتأثرى الى هذا الحد بما يحدث فى غزه

اجابتنى و لما .. و قبل ان اجيبها سارعت تقول لى .. اه فهمت .. لأنى مسيحيه أليس كذلك ؟؟


لا يا صديقتى الحبيبه لم ولن اقصد ان اقلل من انسانيتك .. فسامحينى .. قلت لها هذا و انا اشعر بالخجل من نفسى و من ابتسامتى البلهاء



نظرت لى نظرة عتاب كم نظرتها لى ايام صداقتنا الجميله بالمدرسه .. ثم قالت لى اسمعينى كويس .. احنا عرب وده و طنا حتى لو كنا مسيحين .. احنا مش صليبين و الدليل ان جيش صلاح الدين اللى حرر القدس زمان كان فيه مسيحين ابطال ضحوا بحياتهم علشان يرجعوا القدس لأهلها و لنا .. امثال عيسى العوام .. مضبوط ..



اكملت ابتسامتى البلهاء فى خجل و قلت لها نعم و لكن كنت اظن ان الهم همنا فقط اقصد .. فأكملت تقصدى كمسلمين



اسمعينى .. احنا بشر كلنا بشر فينا الخير و فينا الشرير .. فينا المخلص و فينا الغادر



احكمى عليا كأنسان و لا تجعلى دينى يحكم عليا ما دمت اؤمن بالله و رسله و ملائكته و اليوم الاخر فأرجوكى يا صديقتى الحبيبه دعى ما اختلفنا فيه لله يفصل فيه يوم القيامه كما قال ..



و صدقينى لن نقوى و لن تحرر ارضنا ما داموا استطاعوا ان يفرقونا و يمزقونا ما بين فتح و حماس و ما بين مسلمين و مسيحين



كلنا واحد و قضيتنا و احده و لن نخطوا نحو النصر الى اذا تحررنا من قيود التفرقه التى قيدنا به العدو على مدى سنين و هو يخطط و يعمل


لتحقيق اكبر اهدافه ليضعفنا انها الوقيعه .. فرق تسد .. لا يجب ان نمكنهم من ذلك فلنتوحد جميعا و نحارب الظلم و نقاوم ما خططوا له



تمسكوا بأسلامكم و تعاليمه السمحه و سنتمسك بتعاليم ديننا المتسامحه ايضا و لنبحث عن النقاط المشتركه بيننا و نترك كما قلت لكى ما اختلفنا فيه ليفصل فيه الله يوم القيامه اليس هذا ما كتب فى القرأن ؟؟



اجبتها بكل الحب و الاحساس بالأمل فى غد مشرق تشرق علينا به شمس الوحده الوطنيه .. نعم صديقتى الغاليه



سنعيد توحد الهلال و الصليب كما فعل اجدادنا و زعيمنا الراحل سعد زغلول .. و سنتمسك كمسلمين بديننا الحنيف



وتمسكنا به لا يعنى ان لا نرى سوانا بالعكس فالاسلام دين البشريه كلها و قد اوصانا بالتقارب و التعارف ..



اوصانا بحسن المعامله و ان نقول لأهل الكتاب تعالوا لنتفق على ما نتفق عليه ان لا اله الا الله و ان نؤمن برسله و كتبه و ملائكته و اليوم الاخر .. و لندع ما اختلفنا فيه فلا نتناقش به و لا نسمح لأحد ان يوسع الفجوه بيننا و قد امرنا الله سبحانه ان نترك ما اختلفنا فيه ليفصل فيه سبحانه بيننا يوم القيامه ..




تركتها بعد ان سلمت عليها بكل حب و مضيت فى طريقى و انا اتسائل ماذا يحدث لو فكرنا جميعا هكذا ..






بالتأكيد سوف تتغير اشياء كثيره اولها ان نكون اقوى و ان لا يحاول العدو ان يضعفنا من الداخل






نحن نطالب فتح و حماس بالمصالحه و نطالب الدول العربيه و الاسلاميه ايضا بأن تكون على كلمة و قلب رجل واحد






فكيف سيكون هذا اذا لم نتوحد نحن كوطن واحد .. فلنعود اخوه .. ارجوكم من اجل بلادنا و من اجل تحقيق احلامنا و من اجل ان يكون الانسان انسان ..و ينتصر الحق و تعلو رايات نصرنا ..








اعلم ان هناك من سيختلف معى و كل ما ارجوه ان لا تجعلوا الخلاف يفسد للود قضيه و ان نتحاور بتقدم و حضاره و انسانيه


و ان نكون جميعا معا .. من اجل النصر و العزه .. و كرامة الانسان ..





















هناك 44 تعليقًا:

بنوتة يقول...

أحييكي جدا على البوست ده وعلى فكرة بجد احنا في مصر مفيش فرق بين نسلم ومسيحى واحنا كمسلمين أمرنا الرسول بحسن المعاملة ليهم فقد قال "استوصوا بالاقباط خيرا فانهم أهل ذمة ورحم"
والحمدلله نادر جدا لما تسمعي عن مشكلة بسبب الديانة وعشان كده ربنا قال "ادخلوا مصر ان شاء الله امنين"
لانها امنت من الصراعات الطائفية والفتن على عكس لبنا مثلا او العراق بين السنة والشيعة ربنا يرحمهم وينور بصيرتهم هما وفتح وحماس
دى نعمة بجد هدية من ربنا لمصر
طولت عليكى وتحياتى ليكى

موناليزا يقول...

روفى الغالية
كلنا إنسان
ولخصتى ما اردت ان اعلق به باختيارك لهذا العنوان المعبر
دمتى ودودة ومحبة للاخرين

Gannah يقول...

روفى
يعنى كلامك منصف جدااا
طبعا قضايا التحرير لا يمكن تصنيف الناس فيها وبيكون الهدف اهم بكتير من الخلافات ومش ممكن نوصله واحنا مختلفين لا خلاف بين الفصائل ولا بين مسلم ومسيحى
طبعا فيه ناس متعصبة على الجانبين لكنه برضه فيه ناس زيك وزى صديقتك عاقلين
ومسألة غزة مسألة انسانية فى المقام الأول
مصر حقيقى مش ناقصة فرقة
ياريت نجتمع على اهداف واحدة
ياريت
تحياتى

دعاء مواجهات يقول...

من وجهة نظرى ان كلامك هو الصح والى مفروض يكون ومفيش مجال ف الازمات للتفرقة الحكاية مش ناقصة بجد

----------------

شوقتينى لتورتة الجيللى بتاعتك..

بيس

ياسر يقول...

السلام عليكم

اختي الكريمة روفي

صدقيني كلنا في الاول والاخر مصريين
ابناء وطن واحد وفي الثورة كانوا بيهتفوا
عاش الهلال مع الصليب
كلنا عرب مسلم ومسيحي
ولازم ولابد نحقق وحدتنا العربية هما الاوربيين
احسن منا لما عملوا الاتحاد الاوربي لية منخدش
منهم مرة واحدة حاجة صح ونعمل الاتحاد العربي
جيش وعملة وشعب واحد لية؟؟

غد مشرق تشرق علينا به شمس الوحده الوطنيه ..
اللهم امين يارب العالمين
نحن نطالب فتح و حماس بالمصالحه؟
وبضم صوتي لصوتكم متخلوش فتنة الصهاينة تفرق
بينكم انتم اخوة ومسلمين وعرب وفلسطنين وقضيتنا واحدة

نطالب الدول العربيه و الاسلاميه ايضا
بأن تكون على كلمة و قلب رجل واحد
حلم حياتي اشوف الحلم العربي الاتحاد العربي
من وانا طفل في 4ابتدائي بحلم بالاتحاد العربي

تحياتي....

فشكووول يقول...

الجميله روفى .. كم انت رائعه
اذكر ان لى اصدقاء مسيحيين مازالوا حتى الآن وكل العلاقه بينى وبينهم منتهى الود والحب .. ولا اذكر اى تفرقه بينى وبينهم او بينهم وبينى ولا حتى نتذكر انى مسلم او انهم مسيحيون الا عندما نذهب الى المسجد الو الكنيسه وهناك اسماء استطيع ان اذكرها الان ولكن لانه لا مناسبه لذكرها فلا داعى لان احد لن يعرفهم او يعرفنى
المسلمين والمسيحين عاشوا فى نسيج واحد منذ جاء عمرو بن العاص ولم نختلف ولم نتفرق الا هذه الايام ولا ادرى لماذا .. اذكر كان زميلا لى فى الجيش ايام اكتوبر المجيد وكان مكانيه بجانبى ولا كنا ولا كان يجول بخاطرنا انه مسيحى او انى مسلم .. ان علاقتنا ببعض علاقه قويه وراسيه وعميقه عمق التاريخ .. المشكله يا بنيتى فى العلاقه بينا وبين بعض اقصد المسلمين.. ان بأسنا بيننا شديد .. لقد انقسمنا بين سنى وشيعى , اخوان مسلمين والآخرين كفره .. جماعات تكفير وتهجير .. وانت تعرفين الباقى
متى نأتى كلنا الى كلمة سواء؟
تحياتى

كيكى عوووووو يقول...

مين هيختلف معاكى اساسا!!!
استغربت اوى من كلمة حد هيختلف معاكى
لية بقى فى بينا حد بيعامل التانى على دينة وعلى جنسة ولونة!!!
احنا بشر
بشر فى البداية والنهاية!!
لو اتصالحنا وبقينا ايد واحدة بغض النظر عن العرق والون والديانة هيفرق كتير اوى
**روفى فى حوارك دة جبتى كل شئ للى بيدور فى دماغ ناس معينة ومش لقية كلام غير كلام اختم بى
تمسكوا بأسلامكم و تعاليمه السمحه و سنتمسك بتعاليم ديننا المتسامحه ايضا و لنبحث عن النقاط المشتركه بيننا و نترك كما قلت لكى ما اختلفنا فيه ليفصل فيه الله يوم القيامه اليس هذا ما كتب فى القرأن ؟؟
ليفصل الله بيننا***
والله احيكى على الحوار دة
******************
الا قوليلى اخبار المكرونة اية؟؟؟
ماشى ماشى
شوفتى فوق فى التعليق كنت بكلم فى اية وخلتينى فى الاخر اكلم فى اية اصلى حاسة ان طعمها كان حلوةاوى
اةةةةةةةةةة بالهنا بقى
عووووووووووووووووووووووو

KHALED يقول...

ليت كل البشر يتعاملون بنفس التسامح
لأختلف وجة الأرض

تحية خاصة لإختيارك موضوع مهم

جنّي يقول...

السلام عليكم

جميل البوست جدا بس ياريت يكون معظم النصارى فاهمين الكلام دا .. وايضا ياريت فتح وقادتها يفهموا الكلام دا في عز الضرب والقصف نجد عباس يقول كلام غير مسؤول عن المقاومة كما سخر من قبل من اسلحتهم ولا زال رجال عباس يهاجمون رجال حماس الشرفاء الأطهار بكلام السفهاء .. حماس لم ترفض المصالحة ولكنها ترفض الاستسلام والتآمر وسرقة اموال الشعب الفلسطيني .. حماس تقبل المصالحة على الثوابت الفلسطينية وحماية القضية الفلسطينية وليس الاستسلام للعدو اليهودي بلا قيد ولا شرط .. حماس تريد عودة الحكومة الشرعية بقيادة الرجل الشريف طاهر اليد اسماعيل هنية ..
للأسف لقد اظهر رجال فتح عداوة لا تقل شراسة عن عداوة اليهود من قبل معركة الفرقان واثناء المعركة وبعد المعركة .. هؤلاء الناس فقدوا شرعيتهم بعدما كشفهم الشعب الفلسطيني على حقيقتهم ..

شكرا

rovy يقول...

بنوته

اشكرك واحيكى على تفكيرك هذا و ياريت كل مصر بتفكر زيك ..
اعزك الله واعز بك الاسلام
الحمد لله اكيد احنا لسه فينا الخير لكن ده ما يمنعش من وجود متطرفين فى الجانبين مع كل الاسف .. ربنا يهديهم و يهدينا جميع لما يحب و يرضى
مفيش تطويل ولا حاجه ولو طولتى فاهلا بكى طولى براحتك ..
دمتى بكل الخير
تحياتى

=============================================

موناليزا

اختى الغاليه الحبيبه
جميل جدا ما بدأت به تعليقك كلنا انسان ..
سعدت جدا بتعليقك وسعدت اكثر لأحساسك بمعنى العنوان و تفهمك ..
دمتى لى اخت صغيره و حنونه
اعزك الرحمن ورزقك كل السعاده
ودى وتحياتى

rovy يقول...

Gannah
جنه الحبيبه
الله عليكى حبيبتنى و على حكمتك
كلامك اسعدنى و ياريت كل الناس بتفكر زيك ياريت ..

دمتى انسانه جميله جدا كما عرفتك
و اخت لى حنونه و حبيبه فى الله

حفظك الرحمن من كل سؤ
تحياتى

=======================================

دعاء مواجهات

جميله يا دعاء حقا ..
حقيقى انا سعيده بيكى و بتفكيرك
ربنا يكرمك و يكثر من امثالك يارب
الحمد لله و لله كل الحمد لأننا بنقدر و نفكر صح رغم كل التشوش اللى حوالينا

بالنسبه للتورته يارب فعلا اقدر اذوقهالك قريب
وكمان ياريت اشوفك .. ان شاء الله ربنا يسهل و تدبر
بيس يا قمر

عاشقة القمر يقول...

ازيك ياروفي معليش علي تقصير والله مشغوله اوي انا مش بيسكن في العاصمه هي من 8 ساعات راحيه فراح بنت خالي
بجهاز ي حاجاتي عقبال تفرحي بامريم
بقوليك
مثل بعد الشر انو مصر حصل في الحرب معقوله اهسكتوا مسحين لا اكيد اهحاربوا
ايضا في مسحين في فلسطين اكيد يدفعوا عن بلدهم
يعني هم زينا بس اختلف دين فقط

doctor mohamad يقول...

حقيقة : أثار كلامك ف نفسى نقطتين أردت أن أقولهما و حين قرأت التعليقات وجدت أن "جنى" قد سبقنى لواحدة منهما و قد كفى و وفى .. و أحسن إذ قال .. أما الثانية فإن صلاح الدين يوسف بن نجم الدين أيوب و الذى ذكرتيه بموضوعك و الذى قاتل معه عيسى العوام _ صلاح الدين لم يكن عربيا و لم يجاهد تحت راية العرب _ بل كانت قضيته إسلامية بل إن صلاح الدين نفسه كان كرديا ، و عيسى العوام كان يقاتل تحت راية إسلامية و لم ينكرها _ و حين دخل عمرو بن العاص مصر أعاد الأقباط من الأماكن النائية ليمارسوا شعائرهم _ بعد الإضطهاد الرومانى لهم _ إذ لا إكراه ف الدين و ليحدثنا عن هذه الفترة "فشكول" مشكورا فهو أعلم منى _ _ تحياتى لكى يا أم مريم.

ولد مصري يقول...

يقول الله سبحانه وتعالى في صورة الممتحنة "لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم والله يحب المقسطين"

مادام بنتكلم في الانسانية والأخلاق والمعاملات يبقى الموضوع سيان مسلم زي مسيحي بس برضه ياريت ماننساش قضية الولاء والبراء

تحياتي

mohra يقول...

جميله التدوينه و انت اجمل يا روفى

الربان يقول...

تحياتي

بوست جميل...و فعلا لابد ان نتعامل مع الاخر علي اساس انسانيته و ليس ديانته
طالما انه لم يتعرض لديني بسوء...

تحياتي و تقديري

كلنا مقاومة يقول...

السلام عليكم

ليسوا سواء

كما وصفهم الله ,,فمثر بابا الفاتيكان السابق كان رجلا محبا للسلام أما الحالي فأكثر من مرة يظهر حقده على الاسلام !!!

الاسلام يأمرنا ويعلمنا أن نحسن معاملة الغير طالما لا يعتدي علينا ويأمرنا بعدم الاعتداء لأن الله لا يحب المعتدين
وأى انسان يحب الخير والحق لا بد أن تجديه يدافع عن الحق مهما كانت عقيدته

فليسوا سواء

ومع كل احترامنا للآخر وحريته في اختيار عقيدته ومع كل المعاملة الحسنة التي يجب أن نتعامل بها لكن في اطار لا افراط ولا تفريط

ونسأل الله أن يحفظ شعب هذا البلد من الفتن فيكفيه ما يلاقيه

وجزاك الله خيرا على طرحك للموضوع من الناحية الانسانية

Abd-Alrahman يقول...

تحياتي اختي الكريمة
علي كلماتك المسطرة بنور
جزالكي الله خيرا وجعلها في ميزان حسناتك
اللهم انصرنا علي عدوك وعدونا


علي فكرة انا كتبت بوست جديد اخيرا النهاردة
ومستني رايك بقي
مش كل مرة تيجي مش تلاقي بوست
لالا المرة ي في واحد جديد
ههههههههههه
مستنيكي

تحياتي

zOzO يقول...

وحشاااااااااااني مووووووووووووت
وميرسي بجد لسؤالك المستمر

بالنسبه للبوست
احييكي عليك
تسلم ايديك
دمتي بخير وفي حفظ الله

سمكه واحده يقول...

اولا
عامله ايه واخبارك ايه اسال الله ان تكوني في افضل واحسن حال انتي وعائلتك الكريمه

ثانيا اتفق معاكي من الاول الي الاخر
وبحيكي بجد علي البوست والكلام الرائع ده ياريت كلنا نفكر التفكير الراقي ده بجد كانت حجات كتير هتتغير
ربنا يصلح احوال مصر والعرب كلها اللهم امين
لكي مني كل الود

عابد الرحمن يقول...

قال رسول الله صلى الله عليه وسلم

استوصوا باقباط مصر خيرا فإن لنا منهم نسباً وصهرا

صدق رسول الله

هكذا اوصانا الرسول بالنصاري

فماذا ننتظر ؟؟

عاشــــــ النقاب ـقــــة"نونو" يقول...

السلام عليكم
حبيبتي طبعا الوحدة ضرورية لان الصهيوني ماشي بطرسيقة فرق تسد
ياريت فعلا يكون دة الحقيقي
وحدتنا وتعاملنا مع اهل الكتاب زي ما اسلامنا وصانا ونبينا بيديهم حقوقهم وبتكفل لهم معاملة طيبة
صح ؟
لكن الصورة
ولا ايه رايك
تقبل الله منا ومنكم صالح الاعمال
تحياتي

الازهرى يقول...

عندما ثار موضوع الفرقة من قبل
تناقشت فيه مع احد اساتذتى
فاخبرنى بان الرمال التى روت سيناء وحررتها لم تعرف الفرق
والبطولات التى تحققت فى بوسعيد لم يسع احد لتفضيل احداها على الاخرى من منطلق الدين
وطننا واحد وعدونا واحد ولغتنا واحدة ومصيبتنا واحدة
ان دخلوا فلن يفرقوا وان تماسكنا لم يتمكنوا

اتمنى ان نفسد خطة عدونا "فرق تسد"

تحياتى دوما

rovy يقول...

عادل
عليكم السلام ورحمة الله و بركاته اخى الكريم
سعدت برأيك و تعليقك الكريم و الواعى حقا ..
اما حلمك اخى الفاضل فهو حلمنا جميعا
كم اتمنى ان احيا انا اسضا الى ان ارى هذا الحلم يتحقق ..
ادعوا الرحمن ان يحقق حلمنا المشترك
حلم الوحده العربيه و عزه الاسلام و قوته

دمت اخى الفاضل بكل الخير

تحياتى

=========================================
fashkool

استاذى و اخى الفاضل

حقيقى سيادتك اللى رائع فعلا
سعدت جدا بتعليقك و بتفكيرك
ليت كل الناس مثلك اكيد كانت حاجات كثير حتتغير .. كم اتمنى ان يأتى اليوم الذى تعود فيه برائتنا و حبنا لبعض و امتزاج جميع فئات شعبنا و ان لا نختلق مشاكلنا و لا نبحث عن ما يفرقنا بل نقترب و نتعارف كما امرنا الله و نبتعد عن التعصب و التطرف اللذان تسببوا فى ضياعنا ..
ياريت نقدر نرجع و نأتى الى كلمة سواء

خالص تقديرى و تحياتى

rovy يقول...

كيكى

اهلا اختى الحبيبه
و الله يا كيكى فى ناس اختلفت مع الاسف
و اكيد ده طبيعى لأن التطرف موجود فى الطرفين ..
سعدت بتعليقك و خصوصا الحوار اللى عجبك ..
ياريت الناس كلها تستوعبه مثلك حبيبتى

اما عن المكرونه فهى ما زالت تنتظرك
حتقبليها امتى يا ترى ؟
دمتى بكل الود فى حفظ الله
تحياتى

rovy يقول...

khaled

بل ليت كل الناس مثلك يا فنان
يقدرون معنى الاخاء و المحبه و يشعرون بعظمة التسامح و الموده ..
سعدت كثيرا بتعليقك .. رزقك الرحمن كل السعاده .

خالص تقديرى و تحياتى

rovy يقول...

جنى
عليكم السلام و رحمة الله و بركاته

اشكرك كثيرا اخى الفاضل و اسعدنى رأيك وتعليقك حقا ..
اكيد فيه نصارى فاهمين بس مع الاسف مش كلهم طبعا و ده لأن التطرف موجود فى الطرفين
اما عن عباس و حكومته فكم اتمنى ان يستوعب الدرس و يفيق و يتنحى بشرف عن الرئاسه و لكن .. كم نتمنى فى هذا الزمن و تبقى امنياتنا مجرد امنيات
اسجل ايضا تقديرى و احترامى لحماس و للمقاومه و لكل انسان شريف يدافع عن وطنه بشرف و بساله ,,
و لك اخى الفاضل خالص التقدير و التحيه

rovy يقول...

عاشقة القمر
ازيك انتى يا قمر وحشانى
الف مبروك حبيبتى لبنت خالتك و يارب عقبالك .. يارب
اسعدنى تعليقك و تفهمك للموضوع

دمتى بكل الخير و الود
تحياتى

فشكووول يقول...

العزيزه روفى .. تحياتى
اسعدنى جدا تعليقك
اتمنى ان تكون قد اعجبتك التدوينه
واكون عند حسن ظنك
تحياتى

كلنا مقاومة يقول...

السلام عليكم

برجاء المرور على المدونة للاطلاع على اسئلة المسابقة والمشاركة ان أمكن

الوردة البيضا يقول...

العزيزة روفي
أنا سعيدة جدا جدا بالموضوع اللي اخترتيه للبوست ده، وسعيدة أكتر بطريقة صياغتك له بشكل غاية في الرقة والعذوبة.
تحياتي لك ولصديقتك، ولكل صديقاتنا وجيراننا وأهلنا وأخواننا المسيحيين... شركاءنا في الوطن الغالي مصر

دمت بكل الحب

mohamed يقول...

rovy
-------
الاخت الغاليه
سيدى رسول الله لم يفرق بين الناس فى المعامله على اساسا الدين ابدا بل أنه
قال من أذى ذميا كنت خصيمه يوم القيامه
أختى الغاليه
كلنا بشر خلقهم الله تعالى
وما يختص بالعقيده فهو شأن خاص بالله وحده
فما النفع فى مسلم لايتبع منهج الاسلام
حمل الاسم ولم يفعل الواجب
الاخت المسيحيه أخت مصريه لها الحق عند كل مسلم مثلك تماما بل اسمحى لى أن لها حق عندى يزيد عنك لآنها فى حماية دين التسامح وفى رقبتنا نكرمها ونحافظ عليها هكذا أمر الله وهكذا امر الرسول
تحياتى وأحترامى لكى وشرفينى بالزياره

حـــــدوتـــــة يقول...

السلام عليكم

اختى الغاليه اخبارك ايه
انا عارف انى مقصر معاكى بس والله غصب عنى
عموما انا قولت اتطمن عليكى

سلالالالالالالالالالالالالالالالالالالالام

موناليزا يقول...

روفى ياجميلة مختفية بقى لك كام يوم
لعل المانع خير
طمنينى عليكى حبيبتى

غير معرف يقول...

فينك؟؟؟
عووو

غير معرف يقول...

أفضل شي بهاي الدنية الصداقة، يلي منكتشفهى بعد فترى من التعارف:)

rovy يقول...

doctor mohamad
اخى الفاضل اسعدنى تعليقك جدا و اعتذر ايضا عن تأخيرى فى الرد لظروف خاصه ..
حقيقى اعلم ان هناك متطرفين فى الجانبين و ادعوا الرحمن ان يهدينا جميعا
اما ان صلاح الدين كان يحارب تحت راية الاسلام فهذا ايضا حق و لكنه اعترف بحقوق المسيحين و حريتهم و عيسى العوام و من مثله شارك معه عن حب و اقتناع ان الحق معه و هذا ما اتمناه من وحدتنا و احلم به ..
خالص شكرى و تقديرى لك
تقبل تحياتى

==========================================
ولد مصرى

نعم اخى الكريم نحن نتحدث عن انسانيتنا و عن وحدتنا من اجل ان نكون اقوى ولا يفرقنا و يضعفنا اعدائنا الخبثاء
اسعدنى رأيك اخى المصرى
دمت بكل خير
تحياتى

rovy يقول...

مهره

انتى الاجمل يا ارق دكتوره
كل الشكر و التقدير لكى اختى الغاليه

تحياتى

================================================
الربان

اشكرك اخى الربان واسعدنى رأيك حقا
دمت بكل خير
تقديرى و تحياتى

=========================================

كلنا مقاومه

اختى الغاليه

اسعدنى رأيك كثيرا و كل الحق فيما قلتى نعم فليسوا سواء و نحن ايضا ليسوا سواء فمنا من يعلم دينه حقا و منا من هو مسلم اسم فقط مع كل اسفى
و لكننا فى النهايه كما قلتى نريد الوحده تحت راية الاسلام ولن تكون الا عندما يقتنعون بحب المسلمين لهم و تعاملهم معهم بالحسنى و يشعرون بالامان
و يستشعرون سماحة الاسلام و انه الدين الذى انزله الرحمن للعالمين و الناس كافة و امرنا بحسن معاملة اهل الكتاب ما داموا لم يحاربونا و لم يمسونا بسؤ
و اننا ابناء وطن واحد و عدونا واحد
حفظنا الرحمن من الفتنه وحفظ بلادنا

كل الشكر و التقدير
تحياتى

rovy يقول...

عبد الرحمن

اشكرك كثيرا اخى الكريم على كلماتك التى تسعدنى دائما و حمد لله على سلامتك ويارب تكون الامتحانات عدت بكل خير و بالنجاح يارب

دمت بكل الخير فى حفظ الرحمن

تحياتى

=============================================

زوزو

زوزو الجميله الرقيقه وحشااااانى جدااااا
سعدت بتعليقك و يارب دايما اطمن عليكى و تسلمى لى يا قمر

ودى و تحياتى

==========================================

سمكه واحده

انا الحمد لله اختى الغاليه و اسرتى ايضا لله كل الحمد و يارب تكونى انتى و اسرتك و جميع احبابك بكل الخير دائما و كل الشكر لسؤالك الغالى ..
بجد انا سعيده جدا بيكى و برأيك و تعليقك
ربنا يكرمك و يجازيكى كل الخير
دمتى بكل الود والخير

تحياتى

rovy يقول...

عابد الرحمن

نعم اخى الفاضل هكذا وصانا الرسول صلى الله عليه وسلم ليتنا نفعل كل ما اوصانا به لأصبحنا افضل و اقوى الامم

خالص التقدير و التحيه

==============================================

عاشقة التقاب نونو
اختى الغاليه حقيقى اسعدنى رأيك وتعليقك و ايضا تفهمك جزاكى الله كل الخير..
بالنسبه للصوره بيتهيألى تقصدى الصوره اللى اتشالت صح !!
ولا قصدك حاجه تانيه ؟
ربنا يكرمك و يبارك فيكى
خالص تقديرى و تحياتى

==============================================

الازهرى

اهلا اخى الازهرى سعيده جدا برأيك وتعليقك الكريم و اتمنى مثلك ان نفسد خطة الصهاينه فرق تسد .. ربنا ينصرنا عليهم يارب
ربنا يقدرنا ونكون دايما يد واحده اولاد وطن واحد فى وجه اعدائنا الخبثاء

دمت بكل الخير

تقديرى و تحياتى

rovy يقول...

فشكول
استاذى الفاضل
اكرمك الرحمن انا التى اتمنى ان اكون عند حسن ظنك اخى الكريم ..
اشكرك جدا على تعليقك الكريم و على المجهود الذى تبذله فى مدونتك لتمدنا بمعلومات مهمه و قيمه جدا فلك جزيل الشكر

خالص تقديرى و تحياتى

===========================================

كلنا مقاومه

كم كنت اتمنى المشاركه ان شاء الله تتعوض المره القادمه .. بعد الاجازه ..
وفقكم الرحمن و بارككم
تحياتى

===========================================

rovy يقول...

الورده اليضاء
اكثر الرحمن من امثالك اختى العزيزه
انا ايضا سعيده بكى جدا جدا و بتفكيرك و وعيك و رقتك ..

تحياتى لكى و لأحساسك الراقى

دمتى بكل الخير
تحياتى

============================================

محمد

اخى الفاضل الكريم

اسعدنى جدا تعليقك و اعجبنى ايضا
جميل جدا تفكيرك و ياريت كل الناس بتفكر بمثل تفكيرك و لها حكمتك..
شرفنى جدا وجودك و اتمنى دوام التواصل

دمت بكل الخير فى حفظ الله
تقديرى و تحياتى

rovy يقول...

حدوته

الف حمد لله على سلامتك اخى الفاضل و اعتذر عن تأخيرى فى الرد على تعليقك انا ايضا لظروف خاصه ابعدتنى الايام الماضيه قليلا ..

نورت التدوين
تحياتى

===========================================

موناليزا

ربنا ما يحرمنى منك ابدا ابدا اختى الحبيبه ..
باحبك جدااا

===========================================

غير معرف

كده يا كيكى فكرانى مش حاعرفك
ربنا ما يحرمنى من سؤالك عليا ابدا حبيبتى .. انا رديت عليكى على الاميل اوف لاين
عوووووووووو

rovy يقول...

جومانا
اهلا بيكى فى اول زياره و يارب يديم التواصل ..
اسعدتنى زيارتك

تحياتى