الجمعة، 20 فبراير 2009

الى احب الاحبه ....


بمناسبة انى قربت اكمل عام تدوينى و اللى بدأ فى 29 فبراير 2008 ..

حبيت انزل لكم اول بوست لي .. اكيد معظمكم لم يقرأوه ..

البوست ده غالى عندى جدا مش بس لأنه اول بوست لكن كمان لأن كلماته كانت مهداه لأبى الحبيب رحمه الله



سكنت عيناك فى عينى .. من بعد رحيلك يا عمري

و سكن فؤادك فى قلبى .. يساندنى .. يساعدنى .. و يحضننى

يا اغلى الناس .. فى بعدك .. اجدك تسكن فى نفسى

يا احب الناس .. الى قلبى .. انت الان فى صدري

فى نفسى و فى قلبى .. فى روحى و فى عينى

نعم يا اغلى احبابى .. رحلت .. و لكنك ابداً لن ترحل .

هناك 65 تعليقًا:

blue-wave يقول...

ربنا يرحمه يارب
ومبروك على اتمامك عام تدوينى

عاشقة القمر يقول...

كل سنه وانتي طيبه يارب دايما تفضلي معنا في عالم تدوين

GiGi world يقول...

يارب يرحمه ومبروك اتمامك عامك التدوين وربنا يتقبل كل حاجه عملتيها السنه دى ياارق روفى

romansy يقول...

الله يرحم امواتنا جميعا واموات المسلمين
اللهم تقبل يارب العالمين

وكل سنه وانتى طيبه

موناليزا يقول...

كل سنة وانتى منورة عالم التدوين
كل سنة وانتى اختى الحبيبة فى الله
كل سنة وانتى متميزة دائما
كل سنة وانتى ومدونتك بالف خير

من خلال كلامك عن والدك رحمه الله أحببته انا ايضا ده غير انى كنت بحبه اصلا لانه السبب فى وجود روفى الغالية فى الحياة:)

ربنا يرحمه ويغفرله ويجازيه عنك كل الخير

kmt يقول...

السلام عليكم ورحمة الله وبركاته

كل يوم وانتِ طيبه

من نحبهم لا يرحلون
لانهم كما قولتي يسكنون بداخلنا

تحياتي
الى اللقاء

KHALED يقول...

رحم الله الوالد رحمة واسعة ..
ورحم أموات المسلمين أجمعين ..
أن يترك الوالد فيكى هذا الأثر الجميل فكأنة لم يرحل كما قلتى تماما

ارق تحية

الازهرى يقول...

نعم يا اغلى احبابى .. رحلت .. و لكنك ابداً لن ترحل .
رحمه الله رحمة واسعة

ومبروك علينا ان مدونة جميلة زى دى تمت سنة
ويا رب نحتفل بيها وهى عندها 100 سنة كلهم ابداع

بنوتة يقول...

السلام عليكم
كل سنة وانتى طيب
وربنا يرحم والدك ويغفر له
تحياتى ليكى

أحــوال الهـوي يقول...

لن نجد ابلغ مما تكرمت و كتبت
انا اب و استشعرت كل حرف مما كتبت
رحم الله اباك اثمرت زرعته فيك و انجب الصالحة التي ترجح ميزانه بالعمل الصالح و الدعاء المستجاب باذن الله

و مبروك عليك سنه تدوين و تميز و رقي

تحياتي

Beram ElMasry يقول...

الاخت العزيزة rovy
السلام عليكم ورحمة الله وبركاته
اسعد الله صباحك بكل الخير
اولا رحم الله اباك رحمة واسعة وادخله فسيح جناته
ثانيا عيد ميلاد سعيد لك ولمدونتك وعقبال الميلاد السبعين
لك تحياتى والسلام عليكم ، ولا سلام مع اليهود

حياه بلا عنوان يقول...

ربنا يرحمه يارب ويرحم الجميع ومبروك على اتمامك للتدوين تحياتى

كلنا مقاومة يقول...

السلام عليكم
رحم الله والدك العزيز ودائما أحباءنا لا يرحلون عنا لأننا لا ننساهم أبدا

سأكمل السنة أنا الأخرى لكن قبلك بيوم ولا أدري لماذا هذا الشهر بالذات كثير منا يكملون فيه العام الأول !!!

لكني جئت اليك بكلنا مقاومة لأشكرك على حضورك وتشجيعك رغم تحفظاتك

جزاك الله كل خير وكل عام وأنت في خير وسعادة

Kiara يقول...

كوول سنه وانتي والمدونه بخير وعيد سعيد

******

ربنا يرحم باباكى

Unknown يقول...

اللهم اغفر للمؤمنين وللمؤمنات وللمسلمين وللمسلمات الاحياء منهم والاموات انك سميع عليم مجيب الدعوات يارب العالمين .اللهم اغفر له وارحمه وارحمنا اذا ما صرنا الى ماصار اليه.
اللهم استجب وتقبل .اللهم امين .

Unknown يقول...

ووووووكل سنة ولحظة وانتى بألف خير
سبقت انا بحوالى عشرين يوماالى هذا
العالم الجميل الاسحر عالم البلوجات
والتدوين فيارب دايما منورانا
ياروفى ياجميلة
ياأم ياسمين.

ghorBty يقول...

ربنا يرحمه ويحسن اليه ويجعل الجنه مثواه

سعدنا بمدونتك ومبروك علينا

اسال الله ان تكون حجه لك وتكون في ميزان حسناتك اللهم امين

ددمت بخير وسعاده غاليتي

غربتي

محاولة لكسر الصمت يقول...

حين نحب بصدق, فإن أحباءنا لا يموتون أبدا...
.....رحم الله أباك سيدتي...

فشكووول يقول...

العزيزه روفى
تعيشى وتفتكرى .. الاب لا يعادله احد فى الدنيا
ربنا يرحمه
وكمان كل سنه وانت طيبه وتكملى 50 سنه تدوين
تحياتى

Gannah يقول...

رحمه الله رحمة واسعه وجمعك واياه فى الجنة
من أجمل المشاعر الحب بين الابناء والاباء بلنه حب خالص بعيد عن اى مصالح
مشاعرك وكلماتك جميلة
كل سنة ومدونتك تجمعنا على ود وصداقة لا تنتهى
احبك فى الله
تحياتى

ادم المصرى يقول...

افتكر ان دا كان اول احساس

يكتب او ممكن اوقل اول شعور

ليكى بأن الى بتحسيه غيرك هيحسو

ويتأسر بيه

كل سنه وانتى طيبه اكيد

بس احساسك ديما جميل ورقيق

وربنا يوفئك

rovy يقول...

blue-wave

ربنا يبارك فيك يا دكتور عمرو
اشكرك كثيرا و جزاك الرحمن كل الخير

تقديرى و تحياتى

==============================================

عاشقة القمر

كل سنه وانتى اطيب و اطيب غاليتى و يارب نفضل جميعا معا و لا ينقص منا احد .. امين
دمتى بكل ود
تحياتى

===============================================

GiGi

يارب .. امين غاليتى
الله يبارك فيكى يارب و يتقبل دعائك الغالى .. و تظلى تسعدينى بمرورك العطر و كلماتك الرقيقه مثلك ..

كل الشكر و الامتنان اختى الحبيبه

خالص تحياتى

أميرة الجنة يقول...

امى الحبيبة
ربنا يتغمده برحمته ويجعله مع الشهداء
وتفضلى فاكراه على طول
بجد بوست راااااااااااااائع
تقبلى تحياتى

حبيبة الروح يقول...

تعيشي وتفتكري
ربنا يرحمه ويرحم موتي المؤمنين جميعا
ومبروك مرور سنه علي تنويرك للبلوجر
بحبك في الله

rovy يقول...

romansy

اللهم امين اخى الكريم .. جزاك الرحمن كل الخير
و كل سنه و انت بالف خير

امتنانى و تقديرى

تحياتى دوما

====================================================

موناليزا

الله يكرمك و يعزك و ينصرك و لا يحرمنى منك ابدا يارب ..
كل سنه وانتى لى اخت و حبيبه غاليه فى الله .. كل عام وانتى بالف خير

ربنا يتقبل دعائك الغالى يارب و كل شكرى لا يكفى كلماتك الغاليه عن احب الناس لقلبى .. ادعوا الرحمن ان يعزك دائما و يرزقكى سعادة الدارين ..

خالص ودى و تحياتى

==============================================

kemet

و عليكم السلام و رحمة الله و بركاته

كل لحظه وانتى بالف خير ..

صدقتى غاليتى من نحبهم لا يرحلون ابدا لأنهم يظلوا يحيون بداخلنا الى ان نلقاهم ..

دمتى بكل الود

تحياتى

rovy يقول...

khaled

اللهم امين اخى العزيز .. كل الشكر و التقدير لك و لتعليقك الكريم دائما

نعم هو ابى الحبيب من علمنى الحياه و الحب و العطاء فكيف يمكننى للحظة ان انساه ..

ارق تحياتى و خالص تقديرى و امتنانى

===============================================

الازهرى

اللهم امين يارب ..
بارك الله فيك اخى العزيز و بارك لك و جزاك كل الخير ..
100 سنه ياااااه طب قول 50 ياريت يعنى و لو انى ساعتها حأكون شكلى صعب جداااا ..)
الله يكرمك يا اخى و لا يحرمنى من زيارتك العطره ابدا و لا من اخوتك الجميله فى الله ..

خالص تقديرى و تحياتى

==========================================

بنوته

و عليكم السلام و رحمة الله و بركاته

كل عام وانتى بالف خير و يارب يتقبل منكى دعوتك الغاليه و يجازيكى كل الخير

خالص امتنانى و تحياتى

rovy يقول...

احوال الهوى

لا اجد اخى الفاضل ما اعبر به عن شكرى و امتنانى لكلماتك و مشاعرك الراقيه

جزاك الله كل الخير و بارك لك فى اولادك و اكرمك و اكرمهم و بارك فيك دوما و فى كل احبابك ..

دمت بكل الخير فى حفظ الله و رحمته

خالص تقديرى و امتنانى

تحياتى

================================================

Beram Elmasry

عليكم السلام و رحمة الله و بركاته
استاذى و اخى الفاضل استاذ بيرم
ادعوا الرحمن ان يتقبل دعوتك الغاليه يارب و ان يجازيك كل الخير دائما و يبارك فى سيادتك و يبارك لك فى كل احبابك ..
اشكرك كثيرا و كل عام و حضرتك بالف خير

خالص تقديرى و تحياتى

==========================================

حياه بلا عنوان

اللهم امين ..
بارك الرحمن فيكى غاليتى و كل الشكر والتقدير لكلماتك العطره و مرورك الكريم

تحياتى

rovy يقول...

كلنا مقاومه

عليكم السلام و رحمة الله و بركاته اختى الغاليه ..
اللهم امين .. اكيد احبابنا يعيشون داخلنا دوما و ان رحلوا ..
واضح ان شهر فبراير عام 2008 قد امد عالم التدوين بأحبه فى الله كثيرين و سبحان الله الذى جمعنا بدون ميعاد و ادعوه ان يكون لقائنا الدائم فى الجنه ان شاء الله و ان تكون مدوناتنا جميعا حجة لنا لا علينا .. امين
لا ادرى لماذا استشعرتى فى تعليقى بكلنا مقاومه بعض التحفظ لكنى اريد ان اؤكد ايضا اننى انا التى يجب ان تشكركم على مجهودكم الرائع بالمدونه و ان اعتذر لأنشغالى الشديد الفتره السابقه .. اعاننا الرحمن جميعا لما فيه الخير ..

جزاكى الله كل الخير و بارك فيكى و كل عام وانتى ايضا بالف خير و سعادة
تحياتى

===============================================
norahaty

اللهم امين .. تقبل الرحمن دعواتك الغاليه يارب و جزاكى كل الخير اختى الحبيبه ..
وووو كل سنه و لحظه و فانتو ثانيه و انتى بالف خير .. ربنا يكرمك يارب و يعزك و لا يحرمنى من زيارتك العطره
لسه بأقول لمجداويه ان شهر فبراير 2008 جمع احباب كثيرين فى الله و سبحان من جمعنا بغير ميعاد .. ترى اهى صدفه كل الاخوات الصالحات و ربما هناك اخوه ايضا قد دخلوا الى عالم التدوين فى نفس الشهر !! سبحان عالم الغيب ..
عالم التدوين منور بيكى غاليتى
وادعوا الله ان تنوريه دائما
خالص تقديرى و امتنانى
تحياتى

==============================================

ghorBty

اللهم امين غاليتى ..
سعدت بوجودى معكم ادامكم الرحمن لى اخوه و احبه فى الله ..
اسأل الله معكى ان تكون مدوناتنا حجة لنا لا علينا و ان تكون فى ميزان حسناتنا .. امين

دمتى بكل الخير فى حفظ الله

تقديرى و تحياتى

fnoonh يقول...

اعزئك واهنئك اختي الغالية
ربنا يرحمة ويسكنه فسيح جناته


والف مبروك على اتمامك عام من التدوين

rovy يقول...

كيارا

اشكرك كثيرا غاليتى و كل سنه وانتى بالف خير ..

امين ..

تقديرى و تحياتى

الجنوبى يقول...

رحل والدك بجسده لكن اكيد متواجد داخلك رحمه الله

تقبلى مرورى

كل التحية

واحــ الفكر و القلم ــة يقول...

رحمة الله على والدك حبيبتى
غفر له الله أسكنه فسيح جناته بعفوه ورضاه

كل سنة وانتى طيبة وعقبال يارب 100 سنة تدوين بكل الخير والصحة والسعادة

Unknown يقول...

رحمه الله
واسكنه فسيح جناتة هو ووالدى
وموتى المسلمين يارب العالمين

Unknown يقول...

روفى
وحشتينى جدا
واسفة على تقصيرى فى السؤال
يارب تكونى بخير

*الطالبة عفو الله *زوزو يقول...

رحمه الله
واسكنه فسيح جناتة

محمود حافظ يقول...

كلمات رقيقة ورائعه تدل على احساس عالى صادق

نورتينى بزيارتك

التواصل يسعدنى

تحيااتى

روح شرقيه يقول...

مبروك
عقبال السنه ال 100
وانشالله ربى يرحم ال بابا ويرحم كمان كل اموات المسلمين
كا تنسى تشيلى شقفه من جاتوه المدونه
وعقبال السنه الم 100

rovy يقول...

محاوله لكسر الصمت

نعم عزيزتى صدقتى فيما قلتى فأحبائنا لا يموتون ابدا لأنهم يحيون بداخلنا الى ان نلقاهم ..

دمت فى حفظ الله

تحياتى

================================================

fashkool

استاذى و اخى الفاضل

بارك الله فيك و فى كل من تحب .. و جزاك كل الخير ..
نعم صدقت فالاب لا يعادله احد فى الدنيا رحمه الله و كل موتى المسلمين
اشكرك كثيرا و كل عام و انت بالف خير

خالص امتنانى و تقديرى
تحياتى
==========================================

!!! عارفة ... مش عارف ليه يقول...

البقاء لله

وإن شاء الله في منزلة الصديقين والشهداء


وبالفعل البوست يستحق إعادة النشر


خالص تقديري وإحترامي
وليد

رئـــــيسـة حزب الأحلام يقول...

كل عام وانتى بخير ياقمر ويارب دايما فى المقدمة
ورحم الله والدك الغالى
تحياتى

doctor mohamad يقول...

رحم الله الوالد ، و مبارك أول سنة تدوين ،عقبال ال100.. قرأت البوست الماضى .. كنت لازم أعلق ع حاجة عجبتنى فيه جدا .. تلقائية إنفعالاتك و انسيابية مشاعرك .. بجد أحسنتى.

PrInCeSS BeRy يقول...

روفىىىىىىىى وحشتينى يا حبيبتى كتير يارب تكونى بخير وكل سنة وانتى بخير التدوين كسب احسن انسانة بجد ولة الرحمة يارب يا اغلى الناس .. فى بعدك .. اجدك تسكن فى نفسى

تحياتى لاجمل روفى

shaimaa samir يقول...

حبيبتى
افتقدك
كيف بناتك
وفقت دوما
ورحم الله والدك
واموات المسلمين

ذو النون المصري يقول...

مبروك لمرور عام كامل علي التدوين

غير معرف يقول...

رحم الله والدك ورحمابي ورحم كل موتى المسلمين
ورحم الاحياء فهم احق الناس بالرحمة
لك كل الود والتحية

غير معرف يقول...

مبروك عامك التدويني الاول

Rania Lelah يقول...

مبروك علينا
و على مدونتك
و رحم الله اباك

ghoneem يقول...

بعد التحية

دوما تبقين في خير وتتذكرين أحبابك ولا تنسي أبدا الدعاء لهم وأن يتغمدهم الله برحمته وأن يبدلهم دارا والها خيرا مما كانو فيه

غفر الله لوالدك ورحمه وأسكنه فسيح جناتك

ووفقك الله دوما ورزقك البصيرة وحسن الاختيار في كل أمورك وبارك لكيفي بناتك وزوجك وأهلك وأصدقائك

مر عام علي كتاباتك استفدنا منها وتعلمنا الكثير والكثير نفع الله بكي دوما

لاأملك لكي الا الدعاء وأطيب أمنياتي بالتوفيق

وقبل ماأنسي
أنا كتبت بوست بعنوان "حريص عليكم " علي مدونة http://nazratolife.blogspot.com/
وأنا أعرف قدوتك وأريد أولا أن أعرف رأيك فيما كتبت وأن تحدثينا ثانيا عن قدوتك رحمه الله

تحياتي

بالتوفيق................

Unknown يقول...

روفى حبيبتى
اين جديدك
نحن ننتظرك
فلا تطيلى
انتظارنا

فاتيما يقول...

كل سنة و إنتى متألقة و منورة فضاء التدوين
و ربنا يعلى مقام والدك فى الجنة ببركة دعائك ليه
خالص حبى و مودتى

rovy يقول...

Gannah

اشكرك حبيبتى فمشاعرك دائما راقيه و رقيقه مثلك ..
كل عام وانتى بكل الخير و انتى لى اخت و حبيبه فى الله ..

انا ايضا احبك فى الله غاليتى

ارق تحياتى

===============================================

rovy يقول...

ادم المصرى
كل سنه وانت طيب يا ادم
اشكرك كثيرا فكلماتك دائما جميله و رقيقه حتى فى تعليقاتك ..

دمت بكل الخير

تحياتى

=================================================

اميرة الجنه

اللهم امين .. لابنا يتقبل دعائك يا احلى اميره ..
اشكرك حبيبتى جدا و ربنا يبارك فيكى يارب

خالص مودتى
تحياتى
=============================================
حبيبة الروح

الله يكرمك يارب يا مى و ما يحرمنيش منك ابدا .. ربنا يتقبل دعائك و يجازيكى كل الخير
كل سنه وانتى بالف خير حبيبتى

احبك فى الله

--------------------------------------------

rovy يقول...

fnoonh

اشكرك غاليتى كثيرا و جزاكى الله خيرا و كل عام وانتى بالف خير ..
بارك الرحمن فيكى و لكى و حفظكى من كل سؤ

تحياتى

===================================================

الجنوبى
نعم اخى الفاضل فالاحباب لا يرحلون ابدا و يظلون بداخلنا الى ان نلقاهم
اسعدنى مرورك الكريم و ان شاء الله يدوم التواصل ..

دمت فى حفظ الله

تحياتى

===============================================

واحة الفكر و القلم

اللهم امين .. يارب
سالى الحبيبه اهلا حبيتى .. وحشانى و منورانى ..
كل سنه وانتى بالف خير و دايما معانا و منورانا يارب و ما نتحرمش من زيارتك العطره غاليتى ..

تحياتى

rovy يقول...

نهر الحب

اللهم امين يارب ..
ايناس الغاليه انا اللى بأعتذر انا عارفه انى مقصره قوى .. ادعيلى افوق بسرعه من انشغالى اليومين دول ..
سامحينى على تقصيرى و يارب اشوفك قريب

خالص مودتى

تحياتى

==========================================

الطالبه عفو الله

اللهم امين .. غاليتى
ربنا يكرمك و يبارك فيكى و فينك ..
وحشانى ..
يارب تكونى بالف خير
تحياتى دوما

===========================================

محمود حافظ

كل الشكر و التقدير لكلماتك الرقيقه اخى الفاضل ..
شرفت بزيارتى لك كما شرفتنى بزيارتك ايضا..
و يسعدنى حقا التواصل معك .. وفقك الرحمن و حفظك

تحياتى

============================================
روح شرقيه

بارك الله فيكى غاليتى
اللهم ارحم جميع موتانا يارب
و كل سنه وانتى بالف خير
نورتينى حقا ..
بالنسبه للجاتوه .. عنيه ..
ان شاء الله ربنا يجمعنا فى حفله بجد و اجيبلك كل الجاتوهات ..
تحياتى و امتنانى

rovy يقول...

عارفه ... مش عارف ليه !!!
اشكرك اخى الكريم وليد ..
اللهم امين .. يارب
جزاك الله كل الخير
حقيقى دايما كلماتك مشجعه و رقيقه
باركك الرحمن ..
خالص تقديرى و امتنانى

تحياتى

==============================================

رئيسة حزب الاحلام
اهلا اختى الغاليه سلوى .. منورانى
الله يكرمك وكل عام و انتى بالف خير.
اللهم ارحم اموات المسلمين جميعا ..
كل الشكر و الامتنان غاليتى

تحياتى

=============================================
dodtor mohamed

الهم امين ..
بارك الرحمن فيك اخى الفاضل و كل عام وانت بالف خير ..
اشكرك لمتابعتك و تعليقك الكريم
اسعدنى احساسك و اعجابك بالبوست اللى فات .. اشكرك حقا

دمت فى حفظ الله
تقديرى و تحياتى

Unknown يقول...

السلام عليكم ورحمة الله وبركاتة
رحمة الله رحمة واسعة هو وكل موتنا
وجمعنا بهم فى جنة الخلد مع الحبيب المصطفى
اللهم امين
دمتى بالف ود
وكل عام وانت منورة وسعيدة ومطيعة لله ورسولة
ام سلمى

الجواز و سنينه يقول...

روفى الغاليه
اولا نورتى البلوجرجيه بوجودك الغالى لمده عام و عقبال مليون سنه ان شاء الله
و عجبنى اوى اول بوست ليكى
احساس عالى و وفاء جميل منك لوالدك

جنّي يقول...

السلام عليكم

كل عام وانتي والمدونة بالف خير ..

ودايما متألقة في عالم التدوين

ومن حسن الطالع اننا بدأنا في نفس الشهر ونفس العام وكذلك الكثير من المدونات المحترمة .. ترى ما السبب ؟

رحمة الله على والدك واسكنه الجنة ..

تحيتي

لجين أبو الدهب يقول...

كل عام ومدونتك بخير وطيبة بيكى ..

ورحم الله والدك وجعله من اهل الجنة ..

وجمعكما فى الفردوس الاعلى ..

اول مرور ليا على المدونة ومش هايبقى الاخير ان شاء الله ..

دمتِ بخير ..

rovy يقول...

princess Bery

|نتى كمان وحشاااااانى جداااااااا

ربنا بكرمك حبيبتى و اشكرك على كلماتك الرقيقه و كل عام وانتى بالف خير ..

دمتى بكل الود و الخيرو السعاده

تحياتى

==============================================

shaimaa samir

|زيك يا شيماء
انا ايضا افتقدك حبيبتى و لكنى اعلم انكى مشغوله و ادعوا الرحمن ان يوفقكى
اتابعك وادعوا لكى و اتمنى ان اسمع عنكى كل الخير فانتى انسانه جميله حقا و انا احببتك فى الله
البنات بخير حبيبتى و لله كل الحمد والشكر |.. ادعيلى .. اشعر انى فى حاجه لدعاءانسانه شفافه مثلك
دمتى بكل الخير فى حفظ الله
خالص مودتى و تحياتى
==================================================


ذو النون المصرى

اشكرك كثيرا و كل عام و انت بالف خير اخى الفاضل

دمت بكل خير و دام التواصل ان شاءالله

خالص التحيه

rovy يقول...

مصطفى ر يان

اشكرك كثيرا اخى الفاضل مصطفى و ادعوا الرحمن ان يتقبل دعائك الغالى

اسعدنى مرورك اخى الفاضل فينك من مده حقيقى نورتنى |..
كل عام وانت بالف خير

خالص تقديرى و امتنانى

تحياتى

==================================================
Rania

|شكرك جدا غاليتى
بارك الرحمن فيكى و كل عام وانتى بالف خير ..
خالص مودتى و تحياتى

=============================================

rovy يقول...

ghoneem

|خى العزيز الفاضل لا اجد كلمات تعبر عن امتنانى لكل كلمه كتبتها و لا املك سوى ان اشكرك كثيرا و ادعوا الرحمن ان يديم اخوتك لى وان اظل دائما عند حسن ظنك بى \..

كل عام وانت بخير و صحة و سعاده و موفق دائما يارب

دمت بكل الخير فى حفظ الله

خالص تقديرى و امتنانى
تحياتى

rovy يقول...

norahaty

|ختى الحبيبه لا اجد كلمات تعبر عن شكرى وامتنانى لسؤالك الغالى و كلماتك الرقيقه
ادامك الرحمن لى اخت و حبيبه فى الله

دمتى بكل الخير

خالص مودتى و تحياتى

===============================================

فاتيما

اختى الغاليه حقيقى انا سعيده جداا لزيارتك الغاليه ف|أنتى من الناس الذين احببتهم منذ زيارتى الاولى لهم و اتمنى ان تكونى بخير حال و ان يمنحكى الله كل السعاده يا ام يوسف الغالى ربنا يرده اليكى يارب بكل خير حبيبتى
اشكرك لكلماتك الرقيقه و كل عام وانتى بكل خير و ادعوا الله ان يتقبل دعوتك الغاليه وان يجازيكى كل الخير

دمتى بكل الود
تحياتى

rovy يقول...

حتى تشرق الشمس

اهلا بكى يا ام سلمى الغاليه ةالف حمد لله على سلامتك
اشكرك حبيبتى و ادعوا الله ان يتقبل دعواتك الغاليه و ان يجازيكى كل الخير
و كل عام وانتى بالف خير

خالص مودتى و تحياتى

================================================

الجواز و سنينه

مرحبا بكى اختى الغاليه و اشكرك جدا لكلماتك الرقيقه و احساسك الراقى
ادامك الرحمن لى اخت و حبيبه فى الله
وحشااانى جدا ..

دمتى بكل الخير فى حفظ الله

ارق تحياتى

=============================================

rovy يقول...

جنى

عليكم السلام ورحمة الله و بركاته اخى الفاضل
كل عام وانت بالف خير
اشكرك كثيرا لكلماتك الغاليه و يشرفنى كثيرا حسن الطالع الذى جمعنا فى شهر تدوينى واحد و اتمنى ان اكون عند حسن ظنك بى دائما و الحقيقه كنت اسأل نفس سؤالك لاختى الحبيبه مجداويه .!!
ادعوا الله ان يتقبل دعوتك الغاليه لابى الحبيب وان يجازيك كل الخير و يمنحك كل السعاده
دمت بكل الخير
تقديرى و تحياتى

==========================================

لجين ابو الدهب


كل عام وانتى بالف خير
اشكرك كثيرا و ادعوا الرحمن ان يتقبل دعوتك الغاليه و ان يجازيكى كل الخير
اسعدنى مرورك العطر حقا و اتمنى دوام التواصل عزيزتى

دمتى بكل الخير فى حفظ الله

ارق تحياتى