السبت، 7 مارس، 2009

شكرا لكم اصدقائى ..


وحشتونى جداا

و بأعتذر عن تأخيرى عنكم .. مررت بفتره عصيبه ما بين مرض زوج اختى و بين احساس غريب و قاتل بأرهاق و فتور لكل شىء احبه حتى مدونتى الحبيبه و تواصلى معكم الذى يحينى و يغمرنى بالسعاده ..خشيت ان تطول فترة الفتور و الكسل هذه و ايضا هذا الصداع القاتل الذى ارهقنى .. لكن بعد ان جائتنى مكالمه من الحبيبه جنه http://just4girls-only.blogspot.com/ وكانت كالسحر حقا

فسبحان الله حقيقى كلماتك وحنانك ياجنه كالبلسم الساحر بمجرد ان تكلمنا شعرت بتحسن كبير و اشتياق اكبر للمدونه و لكل الاصدقاء

اشكرك حقا و ادعوا الله ان يديمك لى اخت و صديقه و حبيبه فى الله و ان يمنحكى كل السعاده مثلما تمنحيها بكل الحب لاصدقائك غاليتى
اكبر نعمة من الرحمن يمكن ان يهديها للانسان هى وجود الصديق الوفى الذى تجده متى احتجت اليه فالى كل اصدقائى الاوفياء اقول بحق اشكركم كثيرا و ادعوا الرحمن ان يديمكم لى


و اليكى يا من كنتى يوما اقرب صديقه حتى جائتنى ضربات غدرك ضربة بعد ضربة و انا احاول ان لا اراها و اتمسك بصداقتك رغم كل شىء حتى قطعتى بمنتهى القسوة كل حبال صداقتنا و بعتى عشرة عمرنا بمنتهى السهوله و هذا ليس بجديد عليكى مع كل اسفى فقد كان هذاطبعك الذى كان يراه الجميع الا انا !! اليكى يا من كنتى صديقتى ادعوا الرحمن ان يهديكى و ان لا تمرى بمحنه تحتاجين فيها لوجودى او احتضانى لكى و لا تجدينى .. ادعوا الله ايضا ان يسامحك و ادعوا لكى بكل الخير و لكنى اقول لكى صدقينى كل شىء فى حياتنا من الممكن ان يتغير او يزول و كل الناس الذين نتعرف عليهم فى الحياة لا يدومون و لكن لن يدوم حقا الا الصديق الحقيقى الوفى ..

الحمد لله فانا لى اصدقاء كثيرون يحبوننى و احبهم جدا ربما بعضهم تفصل بينى و بينهم بلاد ولكننا معا بقلوبنا و لا ننسى ابدا بعضنا و ايضا تلك النعمة الكبيره التى منحت اياها من خلال التدوين انهم أحبه فى الله التقينا بقلوبنا و ارواحنا المتشابهه دون اى غرض او مصلحه انه الحب الصادق الخالص لوجه الله .. فلله كل الحمد و الشكر على كل هذه النعم التى ارجوه ان يديمها علي ..


جنه الحبيبه اشكرك مره اخرى و اخرى حبيبتى و صديقتى الغاليه


اتمنى ان تشعروا جميعا بقيمه الصداقه و الاصدقاء و ان تتعلموا ان تسامحوهم ولا تبيعونهم ابدا و لا تقصروا فى سؤالكم عنهم



حفظكم الرحمن و دمتم بكل الود






هناك 24 تعليقًا:

غير معرف يقول...

شفاه الله وعفاه

اسال الله ان يجمعكم تحت ظله بهذا الحب
وانا معكم
فانى احبكم فيه تعالى
:)

بوسيلى بناتك

شيماء سمير

Gannah يقول...

روفى
سلامة كل احبابك
ربنا يديم الصداقة الجميلة اللى بينا وهى اكبر دليل على ان التقاء الارواح ممكن رغم المسافات
انا اللى كنت محتاجة اسمع صوتك واطمن عليكى
وارحت جداا بعد ما كلمتك برغم انى حسيت بالارهاق فعلا فى صوتك بس انتى معذورة جداا مع كل الظروف اللى انتى فيها
ربنا يجمعنا تحت ظله كما قالت شيماء ويديم بينا الود ويبعد عنك كل شر
بوسة كبيييييييييرة لمريومة
يارب يشفى زوج اختك ومريم وكل مريض
خدى بالك من نفسك
تحياتى

موناليزا يقول...

روفى الغالية
عودا احمدا
كم افتقدناكى كثيرا وافتقدنا مايخطه قلمك من كلمات صادقة ومشاعر مرهفة
من يفقدك غاليتى فقد خسر الكثير والكثير
ربنا يشفى مرضى المسلمين جميعا
ويجازى جنة الجميلة كل الخير
ويخليكوا ليا يارب
ويجمعنا فى ظله فى يوم لا ظل فيه الا ظله

جنّي يقول...

السلام عليكم

شفاكي الله وعافاكي ..

وجزاكي الله خيرا على موقفك من صديقتك التي اساءت لكي فلا تفقدي معها الامل حتى ترجع المياه لمجاريها كما يقولون ..

وبالطبع هي الخاسرة .. فعلينا الا نقطع الود بيننا وبين بعضنا فالصديق وقت الضيق .. حتى وان تخاصمنا فلنتخاصم باحترام ولا يزيد خصامنا فوق ثلاث ليال .. فمن صفات المنافق انه اذا خاصم فجر ..

وهنيئا لكي باختنا الطيبة جنة

romansy يقول...

الف الف سلامه
الحمد لله اننا اطمنا عليكى

ويارب دايما تكونى بخير

الجواز و سنينه يقول...

حبيبتى الغاليه اوى جدا خالص رغم انى ما حالفنيش الحظ الحسن انى اتعرف عليكى اكتر رفــــــــــــــى
و الله العظيم يا بنتى انتى اللى يعرفك و يفرط فيكى اكيد خسران جدا
هيه صعبانه عليه علشان فى الدنيا دى صعب تلاقى حد بالنقاء ده
و دى مش مخاوله بس و الله انا حاسه زى ما اكون عرفاكى من كتير و حتى من غير ما اكلمك
و يابنتى ماتزعليش ياما فى الدنيا دى تلاقى
انا كويسه و الحمد لله بس ميار و روشان مجننى شويه تقريبا حصبه علشان كده مختفيه حبتين
اسعدنى جدا سؤالك عنى
و اسأل الله العظيم رب العرش العظيم ان يشفى زوج اختك
اللهم امين
اه اشمعنى جنه معاها رقم تليفونك و انا لاء
اهئ اهئ اهئ
طيب انا ميلى elamardy
على الياهو
مستنياكى

حاجات جوايا يقول...

حمدا لله على سلامتك يا قمر
ألف سلامة على زوج أختك شفاه الله وعافاه
الصداقة فعلا قيمة كبيرة فى حياة الانسان ولكن للاسف لا يقدرها الكثيرون خصوصا فى زمننا هذا

أدام الله عليكى صداقاتك وجعلهم دائما عند حسن ظنك بهم

دمتى بكل الخير وفى حفظ الله

rovy يقول...

شيماءسمير

اللهم امين حبيبتى الصغيره
اشكرك و ربنا يحفظك و يوفقك دائما
سعيده بتعليقك و كلماتك جدا ..

احبك فى الله

خالص مودتى و امتنانى

تحياتى

=============================================

gannah

الله يسلمك حبيبتى و يسلم لك كل احبابك يارب ..

مش حلاقى كلام اعبر به عن امتنانى لكى بجد انتى هديه من ربنا يارب يديمها علي
انا فعلا كنت محتاجه لك جدا ما تعرفيش
مكالمتك فرقت معايا ازاى حسيت انها زى دينامو لمشاعرى بيمتد بطاقته لكل جزء بي ومدتنى بطاقه غريبه و هايله
اشكرك ..
ادعوا الله ان يديم هذه الصداقه الصافيه الخالصه لوجه الله سبحانه
ادعوه ايضا ان يتقبل دعواتك الغاليه
وان يجازيكى عنها كل الخير
مريم بتبوسك بوسه كبيره و مامت مريم كمان :)
و برضه لسه وحشااااانى
احبك فى الله

==============================================
موناليزا

اختى الغاليه
الله يسلمك يارب و ما يحرمنيش منك ابدا
انا كمان كنت مفتقداكم جدا رغم انى كنت باحاول اتواصل معاكم من خلال مدوناتكم على قدر المستطاع
كلماتك شهاده اعتز بها و ادعوا الله ان استحقها و ان يبقينى عند حسن ظنك و ظن من احسن الظن بى دائما يارب
الله يكرمك و يمنحك سعادة الدارين و يتقبل دعواتك الغاليه و يجازيكى كل الخير و يجمعنا على خير قريبا و يجمعنا فى ظله يوم لا ظل الا ظله سبحانه
ارق تحياتى و خالص مودتى و حبى فى الله اليكى ..

============================================

جنى

و عليكم السلام و رحمة الله و بركاته

اشكرك كثيرا لدعوتك الغاليه لى اخى الفاضل و جزاك الرحمن كل الخير و بارك فيك و لك دائما ..

اشكرك ايضا على نصيحتك الغاليه و لكن الحياه علمتنى ان الناس مختلفه فليس كلهم انت و ليس كلهم انا .. مع كل اسفى هناك نوع من البشر لا يقدرون الصداقه و لا يرون سوى مصالحهم الشخصيه فقط ..و هناك نوع ايضا لديه قدره غريبه على القسوه و لا ينظرون للامور الا من خلال رؤيتهم لذا فأحيانا يصعب التعامل مع مثل هؤلاء ولا يمكنك ابدا ان تبقيهم اصدقاء حتى وان شعرت بمراره على تلك العشره الطويله التى جمعتنى بصديقتى هذه فانا عندما اراجع حساباتى معها اجد انه لا مفر من الفراق و لكنى لا انكر انى من وقت لاخر اشتاق لها و انى اتمنى لها كل الخير و ما زلت احبها و ادعوا لها ..
احمد الله على وجودى بينكم ادامكم الرحمن اخوه لى فى الله

خالص امتنانى و تحياتى

===========================================

romansy

سلمك الرحمن اخى العزيز من كل شر
الحمد لله ان لى اخوه و اصدقاءمثلكم
ادامكم الرحمن لى و يارب دائما تكون بالف خير ..
جزاك الله كل الخير و وفقك دائما
تحياتى

=============================================

rovy يقول...

الجواز و سنينه

اشكرك جدا اختى الغاليه الحبيبه جدا و التى يسعدنى و يشرفنى ان اعرفك
الله يكرمك و يمنحك سعادة الدارين و يجعلنى عند حسن ظنك بى دائما
كلماتك الرقيقه اسرتنى و لا اجد ما يمكن ان ارد به عليكى سوى ان ادعو الرحمن ليبارك لكى فى كل احبابك و اصدقائك و ان يمنحكى كل السعاده و يحفظكى و احبابك من كل شر ..
الف الف سلامه على القمرين .. ربنا يحرسهم و يبارك لك فيهم و يجعلهم لكى قرة اعين و لاباهم و يخليكوا لهم و يعينكم على تربيتهم .. امين

يسعدنى اضافتك على الياهو و يسعدنى ان نتحدث قريبا جدا

دمتى بكل الود

خالص تقديرى و امتنانى
تحياتى

==================================================

حاجات جوايا
الله يسلمك يا احلى و اجمل سالى

صدقتى غاليتى فالصداقه نعمه نتمنى ان يديمها الرحمن علينا
ادعوا الله ان يديم عليكى اصدقائك و يحفظ لكى احبابك و ان يمنحكى كل السعاده و يحفظك من كل شر

خالص تقديرى و امتنانى

ارق تحياتى

كيــــــــــــارا يقول...

الصداقه كنز بس فعلا ياريت نختار صح

ربنا يشفي زوج اختك

وجنه بجد روحها وانشانه ملهاش حل

كل سنه وانتي طيبه

!!! عارفة ... مش عارف ليه يقول...

الحمد لله على كل شيء

وإن شاء الله في ميزان حسناتك

ولابد أن يكون هناك شر حتى نعرف الخير

ومثلما يوجد صديق السوء يوجد أيضاً الصديق الصالح

وهذا إبتلاء وإن شاء الله تجازي عليه خيراً بإذن الله

ونحن جميعاً إخوة ودوماً في عون بعضنا البعض بإذن الله


وأخيراً إنفضي غبار هذه الغمة
في إنتظار تدويناتك القادمة
إن شاء الله


خالص تحياتي
وليد

مجداوية يقول...

السلام عليكم

شفاه الله وعافاه زوج أختك يا أختي الحبيبة ,,ويارب يكون أحسن الآن ,التقصير هو ما أحس به لكل إخواتي وأخواتي وأسالكم السماح فأرجو أن تسامحيني على عدم السؤال عن زوج أختك والاطمئنان عليك ,,جميل أن تدعي لصديقتك رغم ألمك منها وربنا دائما يعوض بأحسن مما راح والدنيا صغيرة جدا رغم اتساعها وبالتأكيد ستعلم يوما أنها أخطأت في حقك ,,ربنا يصلح لنا حالنا جميعا ويديم حبنا في الله ويديم عليك صداقتك الجميلة مع جنة فهى نعم الانسانة ونحسبها كذلك ولا نزكيها على الله ولكن الكتاب يقرأ من عنوانه
وأنت أيضا غاليتي تستحقين كل الخير فابتسمي فإن لك ربا رحيما بل هو أرحم الراحمين

Khaled يقول...

ربنا ييسرلك الأمور و يشفى زوج أختك و يبعد عنكم كل الأذى .......

وزى ماربنا خلق الليل و النهار
علشان نعرف معنى النور و العتمة خلق الصديق الوفى و الصديق الغير وفى
و أنا كمان باشترك معاكى فى الإعتزاز بالأخت جنة و الكثير من إخوتى المدونين و أنتى منهم فكأننا فى مجتمع جميل تلنقى فية و نتزاور و نتشارك أيضا همومنا و أفراحنا أيضا ..
أدام الله علينا الحب فى الله
أختى روفى لكى منى أرق تحية

الازهرى يقول...

اللهم اشفى مرضانا ومرضى المسلمين
وسلام كبييييييييييير منى لمريوم الغالية

وربنا يفرحك بيها وبكل احبابك

ولا عزاء على من قرر الغدر وترك الاصحاب
تحياتى دوما

GiGi يقول...

يارب يكون دلوقتى بخير يارب
وعود حميد ومعلش الايام كده
المهم هل بنقدر نصبر ونتحمل ولا لا
تحياتى لصديقتك جنه الرائعه بجد
تحياتى وحمد على السلامه

لجين أبو الدهب يقول...

حمد لله على السلامة ..

وما تسيبناش تانى ..

وربنا يشفى زوج اختك وجميع مرضى المسلمين ..

وفعلا اعظم شئ فى الدنيا الحب فى الله ..

يمكن ناس بتشوفهم كل يوم وعايشة معاهم بس مش بوفاء صديق بعيد عنك ويمكن كمان عمرك ما شوفتيه ..

لكن هو ده الحب فى الله لا يعرف حدود او فواصل او بعد ..

ربنا يخليلك كل احبابك ويديم محبتكم فيه ..

دمت بخير ..

Esraa Hamed يقول...

يارب يرزقك دايما بكل السعادة و الحب و اجمل الاصدقاء

*************

اتمني ان تقبلي دعوتي لحضور توقيع أحيانا و احيانا
يوم الاربعاء القادم

11 مارس 2009
الساعة 7 مساءا
بمكتبة البلد أمام الجامعة الأمريكية
العمارة اللي فيها سيلانترو

http://www.facebook.com/event.php?eid=133120355079#/event.php?eid=133120355079


اتمني ان تشرفيني بالحضور
:)

mohra يقول...

يبقى احنا بقى اللى نشكر جنه :)))
ربنا يصلح لك الاحوال

الربان يقول...

تحياتي

اولا الف لا بأس علي زوج اختك...أجر و عافية ان شاء الله.

ثانيا حمدا لله علي سلامة حضرتك...و عودا حميدا.

ثالثا و اخيرا...شكرا للاخت جنة لاتصالها بك و سؤالها عنك...جزاها الله خيرا.


تحياتي و تقديري

PrInCeSS BeRy يقول...

ازيك يا روفى وحشانى كتير ربنا يشفشهولكوا يارب ويخليكى يارب بحبك كتييير

rovy يقول...

كيارا

عندك حق عزيزتى .. ياريت فعلا نختار صح
الله يكرمك و يجازيكى كل الخير
جنه اخت غاليه جدا و حقيقى انسانه نادرة الوجود فى زماننا هذا

كل عام وانتى بالف خير

ارق تحياتى

========================================================
عارفه ... مش عارف ليه !!!

الحمد لله على كل شىء اخى العزيز وليد
اشكرك جدا لوجودك و مشاركتك الدائمه واخوتك التى احسستها فى الله و جزاك الله كل الخير و وفقك دائما ..

خالص امتنانى و تقديرى
تحياتى

================================================

مجداويه

عليكم السلام و رحمة الله اختى الغاليه

اكرمك الرحمن و تقبل دعائك الغالى و جزاكى كل الخير ..
لا اعتذارات بيننا و انا اعلم انكى مشغوله جدا و كان الله فى عونك و ان كان لأحد ان يعتذر فانا لأنى اشعر انى حقا مقصره جدا و ادعوا الرحمن ان يعيننى و استطيع العوده و تنظيم امورى سريعا .. فكل الشكر لكى و لسؤالك الكريم ..
نعم غاليتى صدقتى ..
اللهم امين ..
الحمد لله ان لى ربا هو ارحم الراحمين
ادامك الرحمن اخت كريمه و حبيبه فى الله
خالص تقديرى و امتنانى
تحياتى

rovy يقول...

khaled

يسر الرحمن لك كل امورك اخى العزيز الفاضل و تقبل دعائك و جزاك عنه كل الخير ..
عندك حق اكيد و لكن احيانا بيكون صعب جداا علينا اننا ننسى صديق كان فى يوم من الايام اقرب صديق حتى و لو ظلمنا او جرحنا .. لكن لازم نطوى الصفحه لأنه ما ينفعش يكون صديق و غادر او جارح او سهل جدا انه يبيع عشرة العمر فى لحظه ..
جنه اخت و حبيبه فى الله .. انسانه يندر وجودها فى زماننا هذا ربنا يكرمها و يديم اخوتنا فى الله
اسعدنى و يشرفنى حقا اخى العزيز الفنان
ان اكون من اخواتك المدونين الذين تعتز بهم و اكيد انت ايضا اخ كريم اعتز كثيرا به و ادعوا الرحمن ان يديم تواصلنا و اخوتنا فى الله

اخى الفاضل اسعدك الرحمن و حفظك وحفظ لك اسرتك الكريمه من كل سؤ وبارككم جميعا

خالص تقديرى و ارق تحياتى

================================================

الازهرى

اللهم امين اخى العزيز
مريومه بتسلم عليك كثيييييييير جداااا
يارب امين و يفرحك اخى الفاضل ايضا دائما و كل احبابك يارب
ادام الرحمن تواصلنا و اخوتنا فى الله
دمت سالما و دمت فى حفظ الله

خالص تقديرى و امتنانى

تحياتى

=======================================================

GiGi

الحمد لله اختى الغاليه انا دلوقت احسن كثير و الحمد لله ان لى اخوات و اصدقاء مثلكم احبونى و احببتهم فى الله و دون اى مصالح انه الحب الخالص الدائم لوجه الله و اكيد طول ما احنا مع بعض بنهون كثير على بعض ..
جنه حقا انسانه رائعه جدااااا ربنا يكرمها و يرزقها و يرزقكى ايضا غاليتى كل السعاده ..
سلمكى الرحمن دائما و سلمت من كل شر

خالص تقديرى و تحياتى

rovy يقول...

لجين ابو الدهب

الله يسلمك و يحفظك من كل شر و يتقبل دعائك الغالى و يجازيكى كل الخير

كلماتك غاليتى سطور حقا من دهب

ادعوا الرحمن ان يديم محبتنا جميعا فى الله و ان يديم تواصلنا و ان يمنحكى سعادة الدارين ..

ارق تحياتى

============================================

Esraa Hamed

اللهم امين اختى الغاليه
وحشاااااانى جداااااا
سامحينى لو قصرت معاكى الفتره اللى فاتت

الف مبرووك حبيبتى على الكتاب و ربنا يوفقك دائما ..
اكيد بأتمنى و يشرفنى الحضور لكن انا من اسكندريه و يمكن يكون الأمر صعب انى اذهب للقاهره الا اذا ربنا اراد ..
على كل حال حأكون اكيد معاكى بقلبى
و ربنا يوفقك دائما

اطيب امنياتى و ارق تحياتى

========================================

mmohra

الله يكرمك يارب يا احلى دكتوره
و باشكرك جدا لكلماتك المعبره و التى دائما تسعدنى ..
اصلح الرحمن احوالنا جميعا غاليتى
و رزقكى سعادة الدارين

دمتى بكل الخير
ارق تحياتى

=================================================

rovy يقول...

الربان

اهلا بك سيدى الربان
افتقدت مدونتى المتواضعه لوجود سيادتك الكريم ..
تقبل الرحمن دعائك و جزاك كل الخير
و سلمك الرحمن من كل سؤ و حفظك و احبابك دائما ..

جنه اخت رائعه حفظها الرحمن و اكرمها

كل الشكر لسيادتك و دمت سالما بكل الخير

تحياتى دوما

================================================
Princess Bery

ازيك يا بيرى .. الله يكرمك حبيبتى و يتقبل دعاكى و يشفى جميع مرضانا
انتى كمان بتوحشينى كثييييييير
و بحبك ايضا غاليتى كثير جداااا

خالص مودتى و تحياتى