الاثنين، 18 مايو 2009

تاج مع سبق الاصرار و الترصد ..




السلام عليكم اخواتى و احبائى فى الله

التاج ده جائنى من اختى الغاليه سالى ( حاجات جوايا ) و الحقيقه كنت استأذنتها فى تأجيله قليلا لكن بعد ما جائنى من اختى الغاليه مجداويه و كان مصاحب بالتهديد و الوعيد لكل من يتهرب منه لقيت ان مفيش مفر من انى الحق اجاوبه مع خالص الشكر للأختى الحبيبه مجداويه و اختى الحبيبه سالى ..







بسم الله الرحمن الرحيم
*******************





1- من انت و ما الذى تفعله هنا ؟


انا انسانه مسلمه ومؤمنه بالله و رسوله و كل ما امرنى الرحمن ان اؤمن به ..

الذى افعله هو محاولات منى للتعبير عنى و عن اشياء اخرى تمنيت ان اعبر عنها و ان اجد اصدقاء لا يطمعون فى شىء من تلك الصداقه سوى الحب فى الله و الاخوه لله فقط ..


2- اسرائيل تقصد كل جنوب ممكن للبحث عنك .. اى شمال ستقصد ؟؟
شمال امريكا .. اكيد لأنها لن تجرؤ على قصفه و لو اتجننت و قصفت يبقى خير و بركه


3- انت مكلف بحذف حرف من حروف اللغة العربيه اى حرف ستختار و لماذا ؟؟


اكيد لن احذف اى حرف من اللغة العربيه .. لغة القرأن الكريم

كيف يمكننى ان احذف منها و لو حرف !!


4- لو قدر لك ان تدخل السجن فما هى القضيه التى تتمنى ان تدخل بها اليه ؟؟


اللهم احفظنا .. اتمنى !!


اكيد لا اتمنى ابدا ان اسجن و لكن لو قدر لى لا قدر الله فأرجو ان يكون دفاعا عن الحق و عن شرفى ودينى و عائلتى

و ربما دفاعا عن مبدأ اؤمن به حقا ..


5- منذ متى اكتشفت نفسك ؟؟

ما زلت احاول ان اكتشفها ..



6- على مفترق الطريق لافتاتان .. اليمنى تقول الى حلمك واليسرى تقول ..الى ما لا يحلم به البشر .. ايهما ستختار ؟؟

اكيد حاختار حلمى الذى اعرفه .. يمكن لأن اكبر احلامى هو ما يحلم به كل البشر و ما لا يخطر على بال بشر ..


7- نحن لا نعيش حياتنا بل نتعلم فيها كيف تعيش .. ما تعليقك ؟؟

نحن نتعلم من كل يوم و كل لحظه تمر بنا او بغيرنا و لكن المحظوظ حقا من يدرك انه يتعلم ليحيا و يحيا ليتعلم كيف يمكنه تحقيق اهدافه و الاهم من كل هذا ان يدرك الحكمه من حياته و ما وراء الحياه و ان الحياه هى اختبار نجتازه لنصل الى حياتنا الحقيقيه و الابديه ان شاء الله .. ادعوا الرحمن ان يلقانى بكم جميعا بعد عمر مديد سعيد و اختبار ناجح و متفوق لنا جميعا فى رحاب جنته مع الاحبه جميعا .. امين


8- بجمله واحده فقط اكتب تعريفا لكل من الكلمات الاتيه :

الوطن : الامان و الاهل و اجمل الذكريات


الأم : الامان و الحب و الدفء

الليل : عمرى و عشقى ..


الحب : هدية الرحمن للبشر


امريكا : عمله بوجهين .. اتمنى ان يأتى اليوم الذى نستطيع فيه قلب العمله


المرأه : اصل الحياه ( و يجب ان لا ننسى ان ادم اصل الوجود )


الصمت : احيانا يكون ابلغ من اى كلام


الانترنت : سلاح ذو حدين


9- اختر منصب و اتخذ قرارا ..

رئيس مجلس الشعب .. الاصرار على وجود قانون لمحاكمة الوزراء و مساواة جميع افراد الشعب امام القانون


10 - قيس و عنتر و جميل هم الذين يقولون شعرا .. و ليلى و عبلة و عزه << صموت >> لماذا هذا التغيب فى دور المرأه .
اين التغيب هنا اذا كان كل ما كتبه هؤلاء للمرأه و فى المرأه !! اما عن عدم تعبيرها عن حبها فمن يدرى ماذا قالت بينها و بين الحبيب لأن اكيد المرأه العربيه خصوصا فى هذا العصر كانت تخجل من ان تعبر عن مشاعرها علنا مثل الرجال .. حياء و كبرياء المرأه .. الذى هو اجمل ما بها ..


11- ان تكون مطلوبا لارتكاب جريمه خير من ان لا تكون مطلوبا مطلقا .. هل تتفق مع هذه العباره ؟؟

و الله انا اللى اتعليت من الاسئله الغريبه دى !! مين يا ناس ممكن يحب انه يكون مطلوبا لجريمه !! الا اذا كان مريضا بداء الشهره .. طبعا افضل ان لا اكون مطلوبه و ان لا يعرفنى احد خير لى من ان اكون مجرمه .. يا ساتر يا رب ..

12- الى اين تمضى كلمات الحب بعد ان تقولها ؟؟

اكيد الى قلوب كل من احبهم فكلمات الحب الصادق تخترق قلوب الاحبه و لا يمكن حجزها او تجاهلها .. ايضا تمضى الى الرحمن فالكلمه الطيبه صدقه كما انها كالشجرة الطيبه اصلها ثابت و فرعها فى السماء ..


13- هل تجد علاقه بشكل او بأخر بين المرأه و قطاع الطرق ؟

سؤال خبيث جدااا .......
قطاع الطرق يعترضون طريقك فيرهبونك و يسرقونك ..

المرأه تعترض حياتك وتسرق قلبك فتسلم لها بأرادتك كل ما تملك !!


14-هذا فراق بينى و بينك لمن تقولها ؟؟
لكل شخص خائن .. فالشىء الوحيد الذى لا استطيع ان اغفره لحبيب او صديقه ما هو الخيانه .. رهيب ان تثق بأحد فيخونك ..

15- كيف هو غدا ؟؟

لا يعلم الغيب الا الله سبحانه و تعالى .. لكنى اتمنى ان يكون الغد افضل من اليوم بأذن الرحمن .. يااارب ..

16- امرر التاج الى ..

الحقيقه هو تاج صعب لكنى سأتركه هدية مع الشكر لكل جرىء يمكنه قبول هذه الهدية منى

اتمنى ان اجد من يقبله طواعية دون ارهاب .. و ياريت اى حد يأخذه يخبرنى ..

سامحونى لو البوست طويل و اسئلته غريبه شويتين بس هو زى ما قلتلكم تاج مع سبق الاصرار و الترصد بصراحة معرفتش اهرب منه ..




دمتم جميعا سالمين فى حفظ ارحم الراحمين



__________________________________________________________________



عزاء واجب
اتقدم بخالص العزاء الى السيد الرئيس حسنى مبارك و السيده حرمه و الاستاذ علاء مبارك و السيده حرمه و الى كل الاسره و ندعوا الله ان يلهمهم جميعا الصبر و السلوان و ان يتغمد الطفل الفقيد بواسع رحمته و مغفرته .. امين
انا لله و انا اليه راجعون ..
اللهم اربط على قلب والديه
اللهم اجمعهم به فى الجنه
اللهم انزل على كل احبابه الصبر و السلوان
امين

هناك 17 تعليقًا:

عمك ياض يقول...

ماشاء الله اجابات حضرتك عاقله جدا ويغلب عليها الطابع الديني ماشاء الله

_________________________________

بانلسبه لسؤال الاحلام.. ازاي حضرتك بتقولي على حلمك الكبير مالم يخطر على بال بشر ؟
تقصدي البشر الغافل.. صح كده ؟

rovy يقول...

عمك ياض

اهلا بك اخى الفاضل .. و الحمد لله ان ده اول رأى يأتينى عن اجاباتى ..

بالنسبه لسؤالك اخى الكريم .. وصفت الجنه بأن بها ما لا يخطر على بال بشر و لهذا فأن اكبر احلام المؤمنين هو اكيد الجنه و التى هى يحلم بها كل البشر و هى ايضا ما لا يخطر على بال البشر ..
ياارب اكون وضحت .. و بأشكرك جدا لأحساسك و اهتمامك

دمت بكل الخير .. وفقك الرحمن

تحياتى

الجواز و سنينه يقول...

بقى كده
ده انا اللى زعلانه مع سبق الاصرار
ما انتى ليكى تاج عندى يا هانم
ماشى ماشى يا قمر
اعمل ايه بحبك
انا بعتلك الرقم على الماسنجر يارب يوصل بقى
عجبنى اوى انك هاتهربى امريكا
هههههههههههههههههه
حلوه اوى

rovy يقول...

الجواز و سنينه

اختى الحبيبه ..
و حياة القمرين بنوتاتك ما تزعليش منى .. و الله العظيم انا فعلا مش بأحب حكاية التيجان دى لكن لما بأحس انى اجلت لنفس الشخص اكثر من تاج بزعل و بخاف ليزعل و يفهمنى غلط
انا كنت اجلت لسالى و مجداويه تاجين فاتوا و معملتهمش .. سامحينى و متزعليش منى و ادينى بس فرصه افوق من التاج المتعب ده و ان شاء الله اعمله
مقدرش على زعلك اكيد حبيبتى

على فكره الرقم وصلنى اخيراااااا
سيبت لك اوف لاين و فيه رقمى و ان شاء الله اكلمك قريب جدااا

دمتى غاليتى بكل الود و دمتى سالمه

تحياتى

شمس النهار يقول...

اجاباتك جميله ومنطقيه
لكن التاج هو اللي غريب وعجيب
وغير منطقي
خلاص اهو تاج وعدي
واهو خلانا نعرف جوانب من شخصيتك
اللي اصلا محببه لنا

Unknown يقول...

السلام عليكم ورحمة
الله تعالى وبركاته
أجاباتك رقيقة زيك
ياروفى بالضبط
احلى حتة عجبتنى
(لا يعلم الغيب الا الله سبحانه و تعالى .. لكنى اتمنى ان يكون الغد افضل من اليوم بأذن الرحمن .. يااارب )
ونعم بالله فعلا لا يعلم الغيب
الا الله سبحانه وتعالى.

Unknown يقول...

انما فعلا ياروفى
احلى حاجة انك
سبتى التاج للى عايزه
رقتك غلباك على طول:)

Gannah يقول...

ازيك يا روفى؟؟
وحشتينى جداا ويارب تكونى بخير
أنا عارفه انى مقصرة جداا لكن دلوقتى ممكن يمر اسبوع ومقدرش حتى أدخل اشوف المدونة أما الماسنجر فمش بفتحه خالص
نفسى اكيد اتكلم معاكى كتير وفكرت ابعتلك ميل لكن حتى ده مقدرتش أعمله
أنا بخير الحمد لله لكن متلخبطة شوية ومش قادرة أتوازن لسه وحتى مش قادرة اكتب
حاسة ان دماغى فاضية ومفيهاش أى كلام
اتمنى تكونى بخير
قريت التاج واجاباتك تدل عليكى طبعا
وبشاركة عزاء أسرة مبارك فمهما اختلفنا معاهم فالعزاء واجب لا اختلاف عليه
سلامى للبنات وبوسة لمريومة
وسامحينى
تحياتى

فشكووول يقول...

العزيزه روفى
اعتذر عن التاخير لسوء حالة النت عندى وعندما فتح جيت على طول
التاج ده منتشر اليومين دول قوى وانا جالى هذا التاج بس بصنعة لطافه تهربت منه لانى لا احب التاجات
تحياتى روفى العزيزه

مجداوية يقول...

السلام عليكم

أشكرك جزيل الشكر أن قبلتي التاج ولم تتهربي منه بصنعة لطافة كما ذكر أستاذنا فشكول الذي أعتذر له لأني أهديت له مالا يحبه

وان كنت لا أعلم ما سر تهرب المدونين من التاجات !! فإذا كان شيئا ثقيلا إلى هذا الحد فلنتوقف عن اهدائه وكفى الله المؤمنين شر القتال

ولكن أنا أظن أن الاجابة على الجيد منها يوسع المدارك ويحفز لدينا الانتقاء وترتيب الأفكار

واجاباتك جميلة مثلك ياروفي وأتمنى أن تكون آخر الأحزان
:)
:)

Unknown يقول...

السلام عليكم
كيف حالك يا صديقتى الجميلة
طال غيابى عن هنا
وطال غيابك انتى ايضا
يارب تكونى بخير
اجابات كلها صدق وعقل مفكر ومتعمق بالامور
وقلب مليئ بالحب
تحياتى وحبى

Unknown يقول...

ان لله وان اليه راجعون

صوت من مصر يقول...

اجابات حلوه جدا
بس هو ليه اسالته لغه عربيه فصحى
وليه حاسس انه صعب قوى

mohra يقول...

حبيبتى روفى
تاج غريب جدا بس اجاباتك فضلت عاقله للاخر
عجبنى ردك على موضوع قطاع الطرق ده


لكن لى عتاب بسيط
العزاء و قلنا ماشى لكن كمان ندعى لحسنى مبارك بالجنه...كل اللى بيعمله فينا ده و ندعيله
انا والله الطفل صعبان عليا جدا و ربنا يصبر امه و ابوه و يرحمهم


لكن الدعاء لحسنى ....صعب صعب صعب
اوعى تزعلى منى

أم أحمد المصرية يقول...

حبيتي روفي
الهنا و الشفا انا شربت التاج ده قبلك
س واضح انك ادها اجاباتك كلها جميلة رنا يجعلها في ميزان حسناتك

Soul.o0o.Whisper يقول...

السلام عليكم و رحمة الله و بركاته

روفى العزيزة

ما شاء الله التاج رغم دسامته
إلا ان اجابتك رائعة بجد

ربنا يوفقك يا جميل
و تحققى حلمك


ربنا يبارك لك يا جميلة

خالص ودى

حاجات جوايا يقول...

السلام عليكم ورحمة الله وبركاته


ازيك يا قمر
تسلمى يا حبيبتى على إجابة التاج المزعج ده هههههههه ربنا يكرمك ويجبر خاطرك يارب هههههههههههه

إجابات رائعة كصاحبتها

كل تاج وانتى طيبة يا قمر

ونأسف للازعاج :)