السبت، 23 مايو 2009

احتاج لمشاركتكم اصدقائى

لن تأخذ من قليل الاصل سوا قلة الاصل

مثل بسيط و لكنه يعنى الكثير .. ترى اذا نسى احد ما عاشرته كل عشرتك هذه و باعها و اخطأ كل الخطأ فى حقك
ايمكنك ان تسامح ؟؟
و الى اى مدى يمكننا ان نسامح ؟؟
انه سؤال بسيط و لكنه ليس كذلك .. اعنى اننى انتظر اجاباتكم لاننى و لأول مره فى حياتى اشعر اننى لا استطيع ان اسامح و لذلك شعرت بالخوف من نفسى و على نفسى التى علمتها ان تعفوا و ولم اسمح لها يوما ان تكره او تنتقم ..
ماذا افعل اذا وجدت نفسى عاجزه ان اسامح .. ؟؟
انى اتألم لهذا الشعور .. و ما اقساه من شعور ,, ان تجد نفسك لا تستطيع ان تغفر لناس عاشرتهم و حبيتهم فى يوم جدا جدا
و كانوا بالنسبه لى اخوات و اولادهم اولادى .. و لكنهم لم يصونوا العشره و تمادوا الى اقصى و اقسى درجه
الان يطالبون منى ان اعفوا عنهم .. يريدون اهل الخير ان نتصالح ..
كيف ؟؟ و انا اشعر اننى لا استطيع .. هل انا اصبحت سيئه .. نفسى الطيبه ضاعت منى و تاهت عنى ؟؟
هل انا الان مذنبه ؟؟ يا الله .. اشعر انى اختنق .. بالله عليكم اجبونى سريعا احتاج لارائكم التى كم شاركتنى دون زيف او مجامله
احتاج لصدقكم .. احتاجكم ..


اريد ايضا ان اعتذر عن ردى على تعليقات البوست الماضى لأنى فى حالة نفسيه لا تسمح بأن اجيب الان .. فسامحونى



هناك 81 تعليقًا:

الازهرى يقول...

فى الحقيقة السؤال صعب جاد
فأنا من أنصار مبدأ السماح ولكن للأسف أحيانا ما نجد تصرفات لا يمكن التسامح أمامها
وعندها فمن رأيي أن تبتعدى عنهم وتدعى الله أن يغفرلهم ويهديهم فربما تعود الأمور من جديد
ويكون فى هذا الخير
أما إن لم يعودوا فأهدأى نفسا فهو اختبار من الله لصبرك على المكاره وبذلك حاولى أن تجتازيه ينجاح
وأحمدى الله أن كشف لك ما هم عليه
وبإذن الله يعوضك خيرا على صبرك

تحياتى دوما ودعائى

rovy يقول...

اخى الازهرى
اشكرك لمشاركتك الغاليه
كنت لسه سأتى انا اليك اطلب منك ان تفيدنى برأيك ..
حاسه انى تعبانه جدا و لأول مره مش قادره اسامح حد .. الشعور ده تعبنى جداا جدااا

جزاك الله خيرا اخى الفاضل ..
ادعوا لى بأن يلهمنى الرحمن بالتصرف الصحيح لأنى خايفه جدا الشيطان يؤثر على تفكيرى فأتصرف بما لا احب ان افعله

تحياتى لك اخى العزيز
ادامك الرحمن اخا صادقا

موناليزا يقول...

حبيبتى الغالية اعذرينى فى التأخير اليومين اللى فاتوا كنت بقعد على النت قليل اوى يادوب افتح مدونتى وارد على التعليقات

اما عن رأيى فى الموضوع فبجد كان نفسى افيدك ومش عارفة أقول ايه غير انى فى نفس الموقف وبرضه محتارة بس الاكيد انى مش قادرة انسى ولا عارفة اسامح
يمكن لانى كنت بحبهم اوى
يمكن لانى عشانهم ضحيت بحاجات كتير وعن طيب خاطر
يمكن لانهم وجعونى اوى
يمكن لانهم عايزنى انسى وخلاص من غير حتى مايقولوا مبرر واحد منطقى
يمكن..
يمكن..
بس بجد غصب عنى
روفى الغالية احنا مش ملايكة زى ماقلتى قبل كده وبرضه مش حجر احنا مجرد بشر بنحاول نجاهد نفسنا على قد ماتقدر
ومعاكِ ان شعور عدم القدرة على العفو والتسامح ده صعب وخصوصا لما تكونى بتحاولى تطيعى الله دايما بس فيه مقولة بحبها اوى بتقول لا يلدغ المؤمن من جحر مرتين
يعنى ازاى ندى الامان لحد خان ثقتنا فيه
حتى لو رجعنا هتكون فيه حاجة جوانا اتكسرت
اللى باعنى بمزاجه ادانى الحق انى ماشتريهوش تانى لانه عرفنى على حقيقته وتبقى سذاجة منى لو بايدى اكرر نفس الحدوتة
(انا بتكلم هنا لو انتِ متاكدة من جرحهم وخيانتهم مش مجرد استنتاج)
وماتنسيش فيه اساسيات مينفعس نتنازل عنها
بصى اقولك على معادلة يمكن تساعد فى حل الموقف
لو لقيتى رجوعك ليهم هيقربك من ربنا ارجعى
ولو حسيتى ان بعدك عنهم اسلم وفيه راحة ليكِ ولدينك ابعدى فورا وبلا تردد

ماتنسيش اعملى صلاة استخارة وان شاء الله ربنا يهيئلك كل خير ويختار لك ويدبرلك

مهرة سالم يقول...

السلام عليكم.....
ربما لأول مره ادخل هنا....
إسمحلي بالمشاركه وبالطبع بشكل حيادي.....
...........
هل قست نفسي......
الأجدر أن تسألي لماذا قست نفسي....
لا تخافي من هذه القسوه فهي حاله إنسانيه عاديه.....
..........
يطلبون الصلح ولا تستطيعين...
هنا أقول خير الخطائين التوابون...
هل تسامحي ....
هذا يعتمد على مدى الأذى الذي سبب لك...
وأجد انكِ تعرضتِ لأذا كبير ...
هنا أما ان تسامحي على حساب نفسك خوفا منها ...
أو تسامحي وتحتسبي الأجر..
وأن لا تسامحي وتكوني مرتاحه مع نفسك...
لا أحد يستطيع أن يقرر عنكِ...
........
أسأل الله أن ييسرر أمرك في الخير...

عاشقة القمر يقول...

ازيك واحشتني جدااااااااااا انما انا اهقول لكي يرجع لهم سامحهيم لان مسامحي كريم
بس رجعي بس مش تكون زي اول كوني مختصر

همس الاحباب يقول...

اختى العزيزة
اسال الله العلى القدير ان يلهمك الثواب
لان فعلا الموضوع صعب ومحير للغاية
فانا بطبعى احب التسامح
وماشى بمبدا المسامح كريم الا فى حدود ما
لذلك لا بد ان يكون لنا الاسوة الحسنة فى رب العزة جل وعلا وفى المصطفى صلوات الله وسلامه عليه
وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ ...
لذلك حتى لو كانت تلك الافعال لايمكن التسامح معها فيكيفكى دفع السيئة بالحسنة والبعد عن تلك الاشخاص مع دعواتنا بالهداية للجميع
وعليكى اختى فى الله ان تصلى صلاة استخارة مرارا وتكرارا حتى يهديكى الله الى الصواب
فهو سبحانه قادر على كل شىء
يا مقلب القلوب ثيت قلوبنا على حبك وحب من احبك
تحياتى ودعواتى لحضرتك

rovy يقول...

موناليزا
اختى الحبيبه موناليزا
اشكرك حبيبتى لرأيك
عندك حق احنا مش ملائكه .. ربنا يهدينى لما فيه الخير
عجبنى اوى قولك لا يلدغ المؤمن من جحر مرتين ..
كمان اشكرك لتذكيرى بصلاة الاستخاره

بحبك جدااااا

rovy يقول...

نهار
اهلا بكى اختى الكريمه
اعتذر جدا لكى عن ان يكون هذا البوست فى اول زياره لكى ..
اشكرك جدااا لمشاركتك و رأيك الحكيم
اشكرك ايضا على دعائك الغالى ادعوا الرحمن ان يتقبل منكى و ان يجازيكى كل الخير ..
بارك الرحمن فيكى و لكى

خالص تقديرى و تحياتى

rovy يقول...

عاشقة القمر

انتى كمان وحشتينى جدااااااا
اكيد ده لازم يكون رأيك يا طيبه لأنك جميله و انسانه جدااااااا..
بس تفتكرى لحد فين ممكن نسامح ..؟؟
دعواتك يا غاليه
اشكرك جدااا لمشاركتك ..
ربنا ما يحرمنى منك حبيبتى

خالص مودتى

همس الاحباب يقول...

اللهم أيما امرئ شتمني أو آذاني أو نال مني، اللهم إني عفوت عنه، اللهم فاعفو

اللهم اني عفوت عن عبادك فاجعل لي مخرج أن يعفو عبادك عني
اللهم أنت السميع العليم تعلم ما بي وما علي

اللهم اني أرجو نجاةً مما أنا فيه وأنت أرحم الراحمين

rovy يقول...

همس الاحباب
اشكرك جدا اخى اعزيز لاستجابتك السريعه .. و دعواتك الغاليه
اسأل الرحمن ان يتقبلها و ان يجازيك كل الخير ..
اشكرك كذلك لتذكيرى بالايه الكريمه التى ادمعت عينى حين قرائتها .. بارك الله فيك ..
يا مقلب القلوب ثبت قلوبنا على حبك و حب من احبك .. امين

حقيقى بأشكرك جداااا
اكرمك الله و رزقك كل السعاده و دمت لى اخا عزيزا فى الله

خالص امتنانى و تقديرى

rovy يقول...

الله عليك اخى خالد

حقيقى بأشكرك جداااااا

ادعوا الرحمن ان يتقبل منك و ان يجازيك كل الخير

بجد مش عارفه اقولك ايه
شكرا شكرا شكرا اخى الكريم

همس الاحباب يقول...

اختى العزيزة
اللهم تقبل منا ومنكى
اللهم اجعلنا مما يستمعون القول فيتبعون احسنه
اللهم ارزقنا واياكى طاعته والعمل بكتابه وسنة حبيبه
تحياتى وتقديرى

KHALED يقول...

نفسك الطيبة لم تضيع منكى .. ولكن نفوسهم السيئة هى التى طغت على طيبتك فاستعصت نفسك على السماح ..
فلا داعى أبدا لإن تقسى على نفسك و تحمليها أكثر مما ينبغى ..
لقد ذكرتى فى بداية الموضوع جملة أنهت الموضوع ..
( لن تأخذ من قليل الاصل سوا قلة الاصل )
فإذا كنتى متأكدة من تلك الجملة و أنها تنطبق على من يرغب أهل الخير فى إعادة المياة إلى مجاريها معا فأنا أحذرك من العودة ..
يوجد فى بعض الناس صفات لا تتغير أبداً و تكون متأصلة فيهم ولا ينفع أبداً معهم إصلاح ولن تجدى فى العودة معهم إلا مذيدا من الأمور التى تكرهيها فلن يمر وقت قليل حتى يعودوا إلى ماكانوا علية ..
وللعلم فأنا أتكلم عن تجربة شخصية مررت بها مرات عديدة مع أناس لم أجد معهم سوى آلام نفسية من معاملتهم المريضة نفسيا .. و كلما قاطعتهم لفترة و عادت الأمور لطلبيعتها تعود معاملتهم السيئة من جديد لإنهم هم كذلك و لن يتغيروا ..
فأيقنت أنة لا محالة فالمقاطعة أفضل و أصبحت أنتقى مع من أتعامل فلا بد للإنسان أن يكون ذكيا فى أختياراتة و خصوصا مع أناس قد يدخلون حياتنا و يعرفون عنها الكثير فلا يصيبنا منهم سوى سمومهم ..
أختى الكريمة روفى كان من السهل أن أقول لكى المسامح كريم ولكن أحببت كعادتى دائما مع كل أصدقائى و إخوتى أن أكون صادقا و أعتقد أن هذا ما ترغبية
وفقكى الله لما يحبة و يرضاة

rovy يقول...

همس الاحباب

اللهم امين اخى الفاضل
الحمد لله الذى هدانا الى هذا و ما كنا لنهتدى لولا ان هدانا الله

كل الحمد و الشكر لله على وجودكم فى حياتى

كل الشكر و التقدير لك اخى الفاضل

خالص تقديرى و تحياتى

rovy يقول...

خالد

اخى الكريم اعلم تماما انك صادقا معى و انك محقا فيما قلت و لكننى اخشى ان اتصرف تصرفا غبيا فى لحظات غضب ..
لذلك لجأت لكم فأنتم اصدقائى الذين لم ينافقونى ابدا ..
شعرت بكل كلمه قلتها .. و حسيت ان عندك حق فى ان هناك ناس لا يتغيرون مع كل الاسف .. بيكون الطبع غلاب
لكن انا ما يهمنى الان ان لا اتغير انا
لذلك فلا اجد سوى ان الجأ للرحمن عز وجل ليهدينى لما فيه الخير ..
لا اعرف حتى الان ماذا سأفعل و لكننى سأجاهد نفسى حتى لا اطيع الشيطان و انتقم بأى شكل يمكننى منهم .. اما ان تعود المياه لمجاريها فانا اعلم انه امر يكاد يكون محال .. لكننى ادعوا الله ان يهدينى لما فيه الخير و على الاقل استطيع ان اعفو .. لأنى اطمع ان يعفو الله عنى ..
اشكرك جدا اخى العزيز لأستجابتك السريعه و مشاركتك المفيده حقا ..
جزاك الله كل الخير

دمت سالما و دمت لى اخا فى الله

خالص تقديرى و تحياتى

ELMASRYA - MRS WRITER يقول...

حبيبتي روفي

حاسه بيكي جدا ومقدرة اللي إنتي فيه

رأيي إن النوعية بتاعتي وبتاعتك دي ماتقدرش تغضب للأبد

فيه حاجه جوه قلوبنا بترجعنا تاني حتى لو تخيلنا إننا غير متسامحين لكن التسامح لما بيكون صفة أصيلة لا يمكن حاجه تستطيع محوه

إنتي إعطي لنفسك أجازة شوية لا تغلقي باب التسامح ولكن لا تفتحيه على مصراعيه لأنك مازلتِ مجروحة ومصدومة فيمن أعطيتيهم كل الحب والود ووثقتي فيهم

دعي الأيام تصلح ما بداخلك وتجعلك تنسي ووقتها سوف تسامحي من كل قلبك

وتذكري دائما أن : كل ابن آدم خطاء وخير الخطائين التوابون

الناس بتغلط في حق ربها ولما بتثوب إلى رشدها وتعود إليه بيغفر ويسامح

لو هما طالبين العودة ليكي من تاني تريثي حتى تستريحي من نار الصدمة وتهدأ روحك وبعدها قرري التسامح والإندماج مرة أخرى أم التسامح وقصر العلاقات على قول السلام عليكم فقط

ده يعتمد على مدى الخطأ بتاعهم

فإما تسامح وعودة وإما تسامح واقتصار

لكن إحذري من عدم التسامح يا روفي علشان نلاقي اللي يسامحنا في الدنيا والآخرة

دمتي سالمة بحفظ الرحمن

على فكرة مش عارفة أتصرف مع الحالة المريضة في المستشفى ياريت تيجي معايا ليها لأني مش هينفع اتبرع بدم لكن هل ممكن طرق أخرى ؟

أفيديني أفادك ِ الله

ودمتي سالمة بحفظ الرحمن وأمانه

أم أحمد المصرية يقول...

حبيبتي اذا كان الاصل في التعامل هو التسامح فليس معني عدم قدرتنا عليه احيانا اننا فقدنا نفسنا الطيبة
بصراحة انا لم ازعل من حد و ييجي يصالحني قبل المصالحة حد لو لسه زعلانة بمعني انه امامي طريقين اما اسامح و انسي و يكون الامر كأن لم يكن
او انهي القطيعة و اتعامل معه و لكن بعد ان صنفته داخلي في مرتبة اقل يعني مثلا الصديق يتحول لزميل فقط
لأن ربنا حدد 3 مراتب
الكاظمين الغيظ
العافين عن الناس
الله يحب المحسنين

علي الاقل ناخد المرتبة الاولي و مع الوقت اما نثبت عليها و يصبح هذا الشخص مجرد معرفة بعد ان كان قريبا اوينجح بحسن تصرفه ان ينسينا خطأه و ننتقل للمرحلة الثانية او الثالثة

دمت بخير و بارك لك في قلبك الطيب

rovy يقول...

اختى مصريه
عندك حق فى كل اللى قلتيه ..
اتمنى من الرحمن ان يهدينى لما فيه الخير
اشكرك حبيبتى لمشاركتك و رأيك الحكيم
جزاكى الله كل الخير و رزقكى كل السعاده

بالنسبه لموضوع البنت اللى فى المستشفى فالحقيقه بعثت لي بمشكلتها اخت لنا فى التدوين و لكنها ليست من الاسكندريه
و رأيى اننا نحاول ان نجمع لها تبرعات كل حسب ما يقدر .. اكيد هما دلوقت محتاجين فلوس علشان يقدروا يشتروا دم
لولا بعض المشاكل كنت سأحدد يوما اذهب اليها و احاول ان اسأل ماذا يمكننى فعله لكن الحقيقه مش عارفه حأقدر اروح لها امتى خصوصا انى ساكنه بعيد عن المستشفى و البنات اليومين دول بيمتحنوا .. ان شاء الله لو ربنا قدرنى حاروح لها فى اقرب وقت ممكن و ربنا ييسر لنا ما يمكننا ان نفعله ياارب
اشكرك جدااا لاهتمامك
بارك الرحمن فيكى غاليتى
تحياتى لكى

rovy يقول...

ام احمد المصريه

اختى الغاليه رأيك حكيم جدا و حقيقى باشكر مشاركتك الكريمه و ادعوا الله ان يهدينى لما فيه الخير .. بجد حبيبتى افدتونى جدا كلكم ربنا ما يحرمنى منكم
كفايه انى هدأت و عرفت افكر من غير الشيطان ما يحاول يأثر عليا فى لحظات الغضب .. كل تعليق جانى كان فيه ذكر للرحمن او لأيه قرأنيه او بأن اعفوا حتى يعفوا الرحمن عنى كان بيبعد عنى الغضب و بيقربنى من الرحمن ..
حتى اللى نصحونى بأن لا اعود لمن اوصلونى الى هذه الدرجه من ان اخشى من قسوة قلبى فهم ايضا واسونى بما قالوا و امتصوا غضبى ..
جزاكم الله كل الخير و ربنا يبارك فيكى و يرزقك السعاده دائما ابدا
اشكرك اختى الحبيبه و ادامك الله نعم الصديقه و نعم الاخت

خالص امتنانى و تقديرى

Unknown يقول...

اطلبى منهم مهلة للتفكير بالامر
ولا تعطى لهم رايك النهائى
وقولى انك محتاجة لفترة
تطيبى فيها قلبك
وخاطرك المكسور
لاجل ما تبقى
صادقة معاهم
وشاورى
قلبك كمان
كفاية انهم رجعوا
آسفين ونادمين على اللى حصل
منهم .اتمهلى اوى فى الرد ياروفى
وربناسبحانه وتعالى يهديكى للخير
لانك تستحقى كل خير. ربنا معاكى

مجداوية يقول...

السلام عليكم

أعتذر عن التأخير ولكن أنا قرأت حالا تعليقك عنديفجئت على الفور فسامحيني على تأخري

أنا لي قاعدة مع الناس أطبقها على قدر ما أستطيع وتتوقف على رغبة الطرف الآخر أيضا

فأنا دائما أقول لنفسي إن كان مثلا دخولي الجنة متوقف على مسامحة فلان فسوف أسامحه على الفور مهما بلغت درجة إساءته ولهذا أسامحه في الدنيا
ولكن ليس معنى هذا أن أعود كما كنت معه بل تكون المعرفة في حدود المعروف وعدم الخصام فالله لا يكلف النفس إلا وسعها

فاذا كان الطرف الآخر يسعى للمصالحة رغم اساءته البالغة فكرم أخلاقك واسلامك يحتم عليك قبول الصلح ولكن لا تكلفي نفسك إلا وسعها فالود الشديد قبل الاساءة قد لا يعود كما كان ولكن الأيام والوقت وحرص الطرف الآخر على تأكيد أسفه وندمه قد ترجع الود كما كان يوما ما

أنا أقول هذا عن واقع تجارب فعلية حدثت معي فأنا أشير عليك بما فعلت أنا وما استطعت القيام به


وأسأل الله أن يهديك إلى خير نفسك وأن يهدأ روعك وينزل السكينة والسلام على قلبك والجأى إلى الله واسأليه السكينة والصواب وسوف ينزل عليك أمنه ورحمته ويدلك على الخير كله والصلح كله خير إن شاء الله

الفراغ يقول...

العفو من شيم الكرام
ولكن هذا العفو يتوقف على مدى الازيه التى لحقت بك ممن اذوكى

عن نفسى فى ناس لم اسامحهم من 20 سنه
وتركت الامر لله الذى لايغفل ولا ينام
وفى ناس اذيتهم بسيطه وممكن نتسامح حتى من غير عتاب
وفى ناس لازم تنتظرى حتى يعتذروا لكى
يارب ماكنش طولت عليكى
وربنا معاكى

rovy يقول...

norahaty

حبيبتى نور انا لم اقل يا دكتوره انهم رجعوا اسفين و نادمين و لكن اهل الخير هم الذين يسعون للمصالحة و علمت انهم يريدون ذلك و لكنى لم اتأكد منهم شخصيا ..
لكنى اشعر اننى تسامحت معهم اكثر من مره و لكن هذه المره زادت قسوتهم و خطأهم لدرجة ان قسى قلبى و رفض ان يسامحهم و لكن الحقيقه مع تعليقات الاصدقاء و تذكيرهم لى بدأت اهدأ حقا و ارفض ان ينتصر غضبى و لكن كما قلتى احتاج لفتره مع نفسى و لكنى سأعفو من اجل ان يعفو الله عنى ..
الحمد لله لوجودكم حبيبتى فى حياتى
ربنا ما يحرمنى منكم ابدا
اشكرك كثيرا لمشاركتك و الحقيقه رأيك عجبنى فعلا فانا فعلا اريد ان اخلو بنفسى فترة و ادعوا الله ان يهدينى الى ما فيه الخير ..

دمتى لى اخت فى الله

تقديرى و تحياتى

rovy يقول...

مجداويه

لا داعى لأى اعتذار اختى الحبيبه
اعلم انك ستأتى متى رأيتى تعليقى
بارك الله فيكى و لا حرمنى من وجودك فى حياتى ..

الحمد لله انا دلوقت احسن كثير و هدأت و اهم حاجه ان الغضب اللى كان امامى يحاول ان يعمى بصيرتى قد ذهب عنى و لله كل الحمد بفضل تعليقاتكم و تذكيركم لى
و فعلا عندك حق اذا كان دخولى الجنه متوقف على ان اسامح فسأسامح و سأظل اسامح الى ابعد مدى خصوصا اذا ابدى الطرف الاخر نيته فى التصالح و الاعتذار
سأعفو كما قلت من اجل ان يعفو الرحمن عنى و لكنى احتاج فتره اهدأ بها و تهدأ نفسى .. اشكرك كثيرا من اجل دعواتك الغاليه
ربنا يبارك فيكى اختى الغاليه و يجازيكى كل الخير
بجد بأشكرك جدااااااا
دمتى لى اخت حبيبه فى الله و دامت نصائحك الغاليه لى ..

خالص مودتى

rovy يقول...

الفراغ

اختى الكريمه .. اشكركى كثيرا و اشكلر مشاركتك الكريمه و الجميله حقا فقد اختصرتى الموضوع فى جملتك الجميله عندما قلتى العفو من شيم الكرام فكيف اقبل على نفسى ان لا اكون كذلك .. و كيف لا اعفوا و انا ادعوا الرحمن ان يعفو عنى
اناشدك من اجل ان يرحمنا الرحمن حبيبتى و يعفو عنا ان تعفى انتى ايضا عمن اساءوا لكى حتى يعفوا الله عنكى غاليتى و ان لم تتصالحى معهم و لكن اشهدى الله انكى قد عفوتى من اجله سبحانه و من اجل ان يعفوا عنكى ..

اشكرك كثيرا لمشاركتك الغاليه و اكيد ما طولتيش بالعكس كلامك جميل و مشاركتك اسعدتنى جداا

جزاكى الرحمن كل الخير و بارك فيكى و لكى

خالص تقديرى و تحياتى

كيكى عوووووو يقول...

روفى نفسها مش قادرة تسااااااااااااامح
ياه دة اكيد حصلت حاجة جامدة جداااااااا
****بصى فى جرح صعب انك تنسى بس الجرح دة لو اساءه فيكى بباطل او لاى حد فى عائلتك
فا دة محتاج وقفه ومش تسامحى بسهولة وهو شكل حاجة صعبة لانك مش قادرة تسامحى
بس نرجع ونقول الرسول قال خيركم من بدا السلام
لو غاليين عليكى حاولى تسمحى وعاتبيهم
*************************
ادعيلى بقى كتيرررررررررر اوى
وحشتينى
عووووووووو

ادم المصرى يقول...

ارحمو من فى الارض يرحمكم من فى السماء

والقاظمين الغيظ
والعافين عن الناس

والامر بل معروف


كلها صفات تدعو كل منا يرحم ويدعو الى التسامح

يا عانا رسول الله صلى الله عليه وسلم

من سب وقظف وضرب واهانه

وكل هذا كان هين عليه امام رساله

وامام عطفو وكرم اخلاقه لئنهو كان خلقه القرأن

ونحن ابنائه ابناء المصطفى يجب ان نتسن به

اكيد تأتى علينا احيان نفقد فيها كل شيئ ونتصرف تصرفات ندم عليها ولكن الايمان كان لنا عونا

عاشقة القمر يقول...

دايما باب بقول لنا انتوا تكونوا حسن من احد للي بيزعل لاتدخل النارعشان احد دايما كونوا حسن من احد غلط عليكي انا قولت يرجعي بس ماتكوني زي اول

جنّي يقول...

السلام عليكم


اضغطي على نفسك وروديها على عمل الخير والعفو والتسامح ولننظر للفائدة التي ستعود علينا من الصلح وهو رضى الله علينا .. وان اسامح وانا الاقوى خير من التنازل عن ضعف .. وكما يقولون المسامح كريم ..
{ فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ }الشورى40

عن أبي هريرة :أن رجلا قال يا رسول الله إن لي قرابة أصلهم ويقطعوني وأحسن إليهم ويسيئون إلي وأحلم عنهم ويجهلون علي فقال لئن كنت كما قلت فكأنما تسفهم المل ولا يزال معك من الله ظهير عليهم ما دمت على ذلك .. صحيح مسلم

العفو من شيم الكرام ونراكي كذلك اختنا الكريمة

romansy يقول...

قد نحتاج احيانا الى من يكون لنا السند والصديق ووعندما نلاقاه بصعوبه ونشعر انه سيتركنا قد نحتاج الى ان نحافظ على العشره وعلى الصداقه

فتاه حالمه يقول...

العفو عند المقدرة يا روفي انا عارفه قد ايه بيكون صعب اننا نسامح خصوصا لو اتجرحنا من ناس كنا بنحبهم لدرجه كبيرة
بس حاولي وباذن الله بقلب روفي الكبير الجميل ده هتقدري يا روفي
ربنا يلهمك الخير والصبر يا حبيبتي

اقصوصه يقول...

ما عليه حبيبتي

هاي هي الدنيا

يوم حلو ويوم مر

شده وتزول غاليتي

وما بعد الضيق الاالفرج اكيد

طمنينا عنك :)

Kiara يقول...

ممممممممممممممم

بتختلف من شخص لاخر والغلط كان واصل لحد فين

انا شيفه ان اي حاله ممكن السماح فيها الا اذا تخطي مرحلة الخيانه واهانه الكرامه

انتي اللي تقدري تميزي وتفرقي وتحكمي

فهماني ياقمرايتي

Soul.o0o.Whisper يقول...

السلام عليكم و رحمة الله و بركاته

روفى الغالية :

ما معنى السماح؟؟
أو التسامح؟؟

معناه الشطب على موقف معين
و أن أحاول أن أنقى نفسى منه ، حتى لا يؤثر على حياتى

هل معنى ذلك أن الله سيسامحهم لأنى سامحتهم؟؟
يعنى مش هياخد حقى؟؟
بغض النظر انتى حاطة النقطة دى فى دماغك او لا
فإن الحق لا يضيع
و عندما أمرنا الله بالتسامح و العفو
إنما أمرنا بها لرحمته بنا
بعدم التسامح يأكل فى نفس الانسان فى حين أن الشخص الاخر لا يتأثر بذلك

فالله يقول لنا لا تستهلكوا طاقتكم فى شعور سلبى .. سامحوا حتى تصفى نفوسكم
و حقكم أنا كفيل برده

دى نقطة مبدئية حبيت اوضحها
لأن ناس كتير فاهمة ان السماح يعنى ان الله قد عفا عن الشخص المسئ
وهو انما اراد راحتك انت ليأخذ حقك فى الوقت الذى يراه هو الانسب

..........................

نيجى للنقطة التانية وهى أن الله جبلنا على فطرة معينة
وهى كره الغدر و الخيانة

و نشعر أننا فقدنا ثقتنا بأنفسنا عندما يخوننا أقرب الناس إلينا

لكن فى الاسلام مبدأ مهم جدا جدا
" و لا يجرمنكم شنئان قوم على ألا تعدلوا .. اعدلوا هو أقرب للتقوى "

" و لن تستطيعوا أن تعدلوا بين النساء ولو حرصتكم فلا تميلوا كل الميل فتذروها كالمعلقة "

يعنى يا حبيبتى فى فصل بين المعاملة و بين المشاعر

مشاعرنا لينا .. نحب، نكره ، نثق ، نشك ..دى جوانا إحنا
إنما فى التعامل ... الميزان هو العدل

فلا تظلميهم فى معاملة أبدا ، و إن أرادوا الصلح فبها و نعمة

و لكن تذكرى أن الصلح و السماح لا يعنى أن نعود كما كنا

" المؤمن لا يلدغ من جحر مرتين "

و هناك مبدا حلو أوى بجد استقرأته من الايات دى و الاحاديث و موقف الصحابة
هو:

- آذتنى و جرحتنى .. مش هأذيك و أجرحك
بس مش هأسمحلك تأذينى أو تجرحنى تانى

يعنى يا حبيبتى خدى مبدا الدفاع عن النفس بس


أتمنى يارب المعنى اللى أكون عاوزة أقوله وصلك
و تفهمى قصدى صح




انتى مش وحشة يا روفى
دا مشاعر طبيعية جدا
و إنما تدل يقظة الفطرة فينا
و دليل انسانيتنا

بس المهم نعرف إزاى نفرغها صح ، و مش نثأر لنفسنا و خلاص




دمتى بكل الود يا قمر

كيكى عوووووو يقول...

عاملة اية النهاردة؟؟
عووو

rovy يقول...

كيكى

كيكى حبيبتى و الله حصل كثير منهم و ساعات كثير كنت بأقول اكيد انا فهمت غلط و كنت شرياهم جدا و مش قادره اتخيل اننا نبعد او حتى نقتصر فى علاقتنا .. عشرة سنين طويله جداااااا
لكن هما اللى وصلونى لأحساسى ده .. الله يسامحهم .. انا بفضل الله و لله كل الحمد قدرت اسامحهم و اشهد ربنا على كده لكن ما ينفعش مع كل الاسف اننا نرجع زى الاول خلاص فى حاجات اتكسرت و ما ينفعش ابدا اننا نصلحها و دعيت ربنا ان لو فيهم خير يكون الوقت الجاى هو اللى كفيل بانه يصلح لو ينفع و ربنا يهدينا جميعا لما فيه الخير
اشكرك حبيبتى لمشاركتك و سؤالك و يااارب تنجحى و ربنا يعينك و يطمنى عليكى يااارب ..
بحبك جدا يا احلى كيكى

rovy يقول...

ادم المصرى

اخى ادم انا فاهمه كل كلامك ده و الحمد لله انا و الله مسامحاهم و اشهدت ربنا على ده لكن غصب عنى ما ينفعش ارجع تانى معاهم زى الاول .. تخيل لو انك عشت سنين طويله مخدوع فى ناس و بنحبهم جدااا و مهما حصل منهم توجد لهم الاعذار لانك بتحبهم جداا و مع الوقت و مع قسوتهم فقدت كل ثقتك فيهم ينفع ترجع تانى لهم و تعود الامور لما كانت عليه ؟؟
المهم دلوقت انى قدرت اسامح و الحمد لله
ان شاء الله ربنا يعمل اللى فيه الخير
بجد باشكرك جدااا لرأيك و مشاركتك

خالص تقديرى و تحياتى

rovy يقول...

عاشقة القمر

انا فهمت حبيبتى اللى انتى عاوزه تقوليه ..
انا فعلا و الحمد لله سامحت بينى و بين ربنا و دلوقت الامر لله يفعل فيه ما يراه حق و فيه الخير ..
لكن انا اخترت انى ما ارجعش زى الاول يعنى زى ما انتى قلتى ..
ربنا يكرمك حبيبتى و يزيدك خير و طيبه

دمتى بكل الود

ارق تحياتى لكى

rovy يقول...

جنى

اخى الكريم .. الحمد لله انا بجد كنت وصلت لحالة من الغضب جعلتنى اخشى ان اتصرف اى تصرف يجعلنى اندم لاننى لا احب ان اتسبب فى اذى لاى احد ما بالك بناس عاشرتهم عمر بحاله و سنين طويله ..
ربنا يكرم كل اخ او اخت علقوا و نصحونى بجد مع كل تعليق كنت باهدأ و كان فيه ناس بتذكرنى بايات جعلتنى ابكى و اتذكر الرحمن و انا طبعا لا انساه ابدا و لكن فى لحظات الغضب يأتى الشيطان ليتمكن منا و يعمى بصيرتنا
الحمد لله انا عفوت و اشهدت الرحمن بذلك و سامحت من اجل ان يعفو الله عنى و لكنى لا استطيع ان اعود معهم مثلما كنت
اشعر ان هناك شىء قد كسر و لا استطيع اصلاحه
سأترك الامر لله يفعل به ما يراه خيرا
ادعوا الله ان يهدينا جميعا لما فيه الخير
اشكرك جدا لمشاركتك الكريمه التى ساعدتنى حقا و اشكرك ايضا اخى الفاضل على حسن ظنك بى و ادعوا الرحمن ان اكون عند حسن ظنك و ظن كل اصدقائى
بارك الله فيك و جزاك كل الخير

تحياتى

rovy يقول...

رومنسى

نعم اخى الكريم نحتاج دائما للاصدقاء و لكن يا ويلنا اذا صدمنا بمن عاشرناهم عمر طويل جدااا على انهم اقرب الناس لنا و احبهم لقلوبنا و اذ هم لا يتمنون لنا خيرا و لا يبادلوننا مشاعرنا الا زيفا و نجد انفسنا قد عاشرنا و هما و احببنا من لم يرجوا لنا خيرا و لم يكونوا عند حسن ظننا بهم ابدا ..
ربنا يسامحهم و يهدينا جميعا لما فيه الخير
اشكرك جدا لمشاركتك و ربنا يبارك فيك

تحياتى

rovy يقول...
أزال المؤلف هذا التعليق.
rovy يقول...

فتاه حالمه

ربنا ما يحرمنى منك ابدا يارب
اشكرك يا قمر على حسن ظنك بى و يارب اكون كده فعلا ..
انا الحمد لله سامحت و عفوت لله و لكنى لا استطيع ان اعود كما كنت معهم
تركت الامر لله يفعل به ما يراه حقا و به الخير
اشكرك حبيبتى لتواجدك الجميل فى حياتى
ربنا يبارك فيكى و يرزقك كل السعاده ياارب و يطمنى عليكى دائما

تحياتى و حبى

rovy يقول...

اقصوصه

سعدت جدا بتواجدك و احساسك الرقيق و رأيك الحكيم ..
جزاكى الله كل الخير حبيبتى
انا الحمد لله اجسن كثير دلوقت بفضل تواجدكم و كل ما نصحتونى به ربنا يبارك فيكم جميعا ياارب
حقيقى اشكرك جداا جداا
دمتى غاليتى بكل الود

خالص تحياتى

rovy يقول...

كيارا

ازيك يا قمر
فهماكى اكيد حبيبتى و كنت محتاجه جدا لرأيك و الحقيقه كل الاراء ساعدتنى جداا .. لكن كلامك من ضمن الكلام اللى ريح ضميرى يعنى انا مسامحه لله و عفوت من اجل ان يعفوا الله عنى لكنى سأترك الامر لله و لن اخذ اى خطوة فى اتجاه التصالح لأننى لا استيع الان ان اعود كما كنت معهم و حتى ان عدت فسيكون هذا فى حدود
الى ان يفعل الرحمن ما فيه الخير و ما هو حق
ادعو الرحمن ان يهدينا جميعا لما فيه الخير
بارك الله فيكى يا كيارا
اشكرك حبيبتى جدا و ربنا ما يحرمنى منك
ارق تحياتى

rovy يقول...

Soul o0o Whisper

عليكم السلام و رحمة الله و بركاته
سول الحبيبه ربنا يكرمك بجد لمشاركتك الجميله و اللى اكيد افادتنى كثير جداا
انا فعلا سامحت و الله خير شاهدا لكنى لن استطيع ان اعود معهم كما كنت و لن استطيع ان اعطى ثقتى لانسانه كانت لى اقرب من اخواتى ولكنها لم تصون هذا و لو تقدره و الله اعلم انى سامحتها كثير و اختلقت لها الاعذار حتى لا اصل الى ما وصلت اليه و لكنها هى و اسرتها اوصلتنى الى طريق مسدود لا اجد به اى منفذ لنكمل به المسيره معا ..
انا بجد باشكرك جدا و ربنا يبارك فيكى و يجازيكى كل الخير و يجعلنى عند حسن ظنك و ظن كل اصدقائى
افدتينى حقا بمشاركتك الحكيمه .. اعزك الرحمن و بارك فيكى ..
و ادعوا الله ان يهدينا جميعا لما فيه الخير ..
خالص تقديرى و امتنانى

rovy يقول...

كيكى

اختى الصغيره الجميله انا الحمد لله حبيبتى اكيد حأكون بخير ان شاء الله مادمتم معى
ربنا يعزك و ينصرك و ينجحك يااارب

Unknown يقول...

سلامو عليكم

بصراحة ....... ساعات كتير اتحطيت في مواقف زي دي

بس انا بقول متصالحيش معاهم لأنهم غالبا هيرجعوا تاني و يطلبوا الصلح تاني
............ تحياتي ............

سمكه واحده يقول...

اولا
السلام عليكم ورحمه الله وبركاته
اخبيارك ايه وعامله ايه دلوقت يارب تكون الامور تمام
ثانيه
بصراحه كده انا قريت البوست اول ما نزل ومبقتش عارفه اعلق اقول ايه
انا كتبت ومسحت كنت هقلك سامحي عارفه ليه؟
عشان انا قريت او في حاجه مش متذكرها اوي فيما معناها
ان الانسان لو نام علي المخده ومش شايل في نفسه اي ضغينه او زعل لاي مخلوق علي وجه الارض يدخل الجنه ان شاء الله
واحنا كلنا نتمناها
كمان اي انسان او انا عن نفسي لو عملنا الناس نفسها هنعامل اسوءؤ معامله بسبب الطرف الاخر
لكن احنا نعامل رب العباد
يعني عاوزه اقلك حاجه وواضح انك اتأذيتي اوي بس طلما الطرف التاني عاوزه يصالح وحس بغلطه انا من راي من كرمك واخلاقك تسامحي لوجه الله تعالي وابتغاء مرضاته بس بردو في حدود وطبعا مش هترجعي زي الاول بس المهم ميكون جواكي اي شئ وحش بس اتعاملي بقلب طيب وانا احسبك كذالك
وانك مش قارده تسامحي
دي حاجه طبيعيه لان احنا بشر
بس بجد ونصيحه ستمحي واغفري وسبيها علي الله بس بحدود
بصي كلنا ضيوف في الدنيا مفيش حاجه مستهله خليكي انتي الاكرم والاجود
تحياتي

انتي بتوحشيني جداااا

حاجات جوايا يقول...

السلام عليكم ورحمة الله وبركاته

إزيك يا قمر
أنا جيت اهه مقدرش اتاخر عنك ابدا
والحقيقة انى جيت قبل كده لما نزلتى الموضوع وشوفته عالريدر .. بس لما جيت معرفتش ارد
يمكن لانى اتحطيت فى نفس الموقف وعانيت كتير جدا واتجرحت لاقسى درجة من اقرب الناس ولحد دلوقت مش قادرة ارجع اتعامل بنفس الصفاء اللى كان فى الاول وفيه حاجات كتير جدا اتكسرت جوايا ويمكن يعنى غلطة واحدة تانية صغيرة تنهى كل شئ ..

لكن اللى عايزة اقولهولك ويمكن تستغربيه ان البوست الاخير بتاعى ( أنا مسلم ..لن يغلبنى شيطانى ) كان رد عليكى وعلى نفسى

وخاصة الجزء ده :

===============================

من خاننى .. لن اخونه
من اهاننى .. لن اهينه
من كذب على وخدعنى .. لن احط من قدرى وأفعل مثله
من اغتابنى .. فله شكرى على ما قدمه إلى من حسنات
من حسدنى .. فكفاه ما أصابه من نيران حسده التى قبل أن تضرنى .. ضرته
و كفانى أن حسبى الله ونعم الوكيل
قادر ان يرد لى حقى ويرد غيبتى

اللهم اغفر و ارحم كل من ظلمني وكاد لى و تقبل مني صالح الأعمال وإجعلنى من الكاظمين الغيظ و العافين عن الناس

==============================


بجد الدنيا مش مستاهلة .. وممكن اصل المشكلة يكون حاجة صغيرة والشيطان عليه لعنة الله كبرها فى عنينا وكبر الموضوع


قادرة تسامحى او لا .. هيتوقف على مدى قرب من أساء اليكى منك

وغالبا لو قدرتى تسامحى .. مش هتقدرى تنسى لان الجرح مش بيتنسى مهما حاولنا نزينه

وعشان تصلى لحالة العفو .. لازم تصلى الاول لحالة من الزهد واستصغار الدنيا ومن فيها

بجد ده اللى خلانى اكبر دماغى :)

أنا بوصل للحالة دى كتير .. بس للاسف برجع ازعل تانى لما انشغل بالدنيا


وكل دعائى ان يجعلنى ربى من الزاهدين فيها والمعرضين عنها وعمن فيها

وأن يفرج عنكِ ما انتى فيه اختى الحبيبة
ويبدلك فرحا وسرورا ويبارك لكِ فى احبابك

منى يقول...

ازيك يا روفى

اول جمله فى البوست معناها انك موجوعه منهم اوى ومش قادره تسامحى واكيد انتى موصلتيش للحاله دى من قليل

بس هقولك بلاش خصام لكن خلى بعد كده المعامله من بعيد لبعيد عشان ميبقاش فى اى شبهه حرام ولو قدرتى تحسنى اليهم كان افضل
ومين عارف بكره فيه ايه جايز يتغيروا ويكونوا من خير الاصدقاء
ربنا يعملك اللى فيه الخير وطبعا متنسيش الاستخاره
كل التحيه والحب لروفى الجميله

(حلـم) يقول...

تحياتي لك وقرات البوست وبدون شك يحمل معاني حاضرة في الواقع ولكن هذا لايشمل الواقع وان وجد اقدر مشاعرك عاليا واتمني التفال والامل اكثر احتراماتي يا ست الكل..حلم..

أ / أحمد عبد المنعم يقول...

بسم الله الرحمن الرحيم
الأخت الفاضلة : روفى
بداية أستميحك عذرا لقلة تعليقاتى بسب طبيعة العمل
لكن لا يمكننى أن أترك هذا المقال دون تعليق
خلق الله البشر أنواعا وأصنافا من الخلق وهم مع اختلافهم فى الشكل مختلفون فى الطباع الأخلاق
لذا قيل قديما " الناس معادن " وهو جزء من حديث للرسول صلى الله عليه وسلم
فالمعادن منها الأصيل ومنها غيره
وهذه كلها أمور ليست بعيدة عنا لكن السؤال الذى يحتاج إلى إجابة هنا
كيف نتعامل مع الناس على اختلاف معادنهم؟
أو بالأدق كيف نتعامل مع من أساء إلينا منهم ؟
وخير قدوة لنا فى ذلك نفس وروح وفعل الرسول صلى الله عليه وسلم
فإذا علمنا أولا :أن من أبرز أهداف ديننا الإسلامى هو رفع الحرج عن المسلمين ومراعاة شعور المسلم وأحاسيسه
إذا علمنا ذلك ادركنا حكمةالإسلام فى تعليماته فجعل القصاص والعفو كلاهما موجود لأن أنفس الناس متفاوته منهم من يستطيع العفو ومنهم من لا تقدر طاقته النفسية على العفو فى كل الأمور فجعل الإسلام أحكامه منسجمة مع الطباع البشرية لا تتعارض معها مما يعنى أن كلا الأمرين مقبول من الناحية العاطفية الشعورية
( قد أطلت وقد أذن للمغرب أستأذن للصلاة ثم استكمال التعليق إن رغبت فى ذلك )

rovy يقول...

المعلم محمد صاحب المطعم

اشكرك لمشاركتك لى برأيك و الحقيقه انا انا سامحتهم و لكن بينى و بين الله و هم الان لهم طريقهم الذى هو ليس طريقى
هداهم و هدانا الرحمن الى ما فيه الخير

خالص تقديرى و تحياتى

rovy يقول...

سمكه واحده
عليكم السلام و رحمة الله و بركاته

ازيك يا سمكمك وحشااانى بجد جداااا
اكيد انا عذراكى لترددك فى كتابة تعليق لأن التعليق على بوست زى ده يحمل صاحبه امانه .. لكن كمان كان لازم ترجعى و تعلقى لأنك دلوقت بأحسك من اصحابى القريبين و مينفعش تحسى انى محتاجه لمشاركتك لى برأيك و تتأخرى عنى
اشكرك جداا حبيبتى لرأيك و الحقيقه ده اللى انا عملته و هو انى اشهدت الرحمن انى سامحتهم و انى عفوت عن كل ما اصابنى من الم نفسى تسببته لى انسانه كانت اقرب لى من اختى و لكن لن اسمح لأحد بأن يأخذ خطوه اخرى فى الموضوع ان شاءت هى و تحدثت معى ستجدنى قد سامحت و ان لم استطع ان اعود معها مثل الماضى و ان لم تشأ فلها حياتها و لى حياتى التى اشعر انهما اصبحا خطين لا يلتقيان ابدا مع كل اسفى ..
لكنى اشهدت الرحمن و اشهدك و اشهد الجميع بأنى قد عفوت من اجل ان يعفو الرحمن عنى ..
دمتى لى اخت فى الله

خالص تحياتى

رحــــيـل يقول...

فى ماوقف مش بنقدر نسامح فيها اعتقد انه بيكون حسب قدر الاذى اللى حصل منهم فى مواقف صعب ان احنا نعديها ونرجع نتعامل عادى وكأن شئيا لما يكن

ممكن تكون العلاقات سطحيه بعد كده وطبعا تخلى بالك عشان اللى حصل مش يتكرر تانى

يارب تكونى بخيييير دايما
تحياتى وحبى

أ / أحمد عبد المنعم يقول...

بسم الله الرحمن الرحيم
الأخت الفاضلة : روفى
معذرة على التأخر فى استكمال الرد
أدركنا من الشق الأول للرد أن الاستقرار النفسى للأفراد هدف من أهداف ديننا الحنيف فراعى شعور الأفراد فى الأحكام والمعاملات لذا نجد حياة الصحابة تتفاوت فى التعامل مع المسيئين كل حسب طاقته النفسية وتحمله فمنهم من طلب القصاص ومنهم من عفا عن الناس ولا عيب أو خطأ فى الأمرين
أما تفصيل ذلك فى حياة خير قدوة للبشر
فقد كان صلى الله عليه وسلم لا يخاصم حتى المنافق إلا أن يجهر المنافق بمعاداته فحينها تكون المواجهة "والخصام يعنى القطيعة" .
فإن شاحنك أحد وغدر بك فى معروف فلا شىء عليك إن أغضبك تصرفه أو دفعك إلى الامتلاء غيظا أو طلبت الاحتفاظ بحقك أمام الخالق فى مخاصمته عنده لتنالى حقك منه فى غدره . ولكن هناك أبعاد اخرى أهمها .كيف أتعامل معه فى الدنيا ؟
والحقيقة الرائعة التى إن بحث الناس فى حضارات العالم كله لا يجدونها إلا فى ديننا
عامل الناس بما تحب أن يعاملوك به
تخيلى نفسك أنك أنت المخطئة لأى سبب دنيوى- وأنت أعلى وأرقى من ذلك لا شك - وأنك شعرت فى نفسك بالخطأ فماذا تقبلين ممن أسأت إليهم ؟؟؟
أظن انك كنت سترغبين فى ألا ينشر عيبك وألا تظهرى عداءك له وقد يكون هذا أقصى ما يتمناه .
وهناك أمر آخر لابد أن يتوازى مع ما سبق وهو أن تستمرى فى إسداء المعروف إلى الناس حتى إلى من أساء إليك فالحكمة تقول : (اصنع المعروف فى أهله وفى غير أهله فإنك إن فعلته فى أهله فهم أهله وإن فعلته فى غير أهله فأنت أهله )
. أشكرك على صبرك فى قراءة ما أقول .
يشرفنى تواصلك على الماسنجر إن رغبت
gor1sed@yahoo.com

KHALED يقول...

بالظبط دة إللى كنت أقصدة ..
إنك تسامحى ولكن لا تعود المياة لمجاريها و أن تأخذى الحذر بعد ذلك

ربنا يوفقك و يبعد عنك الشر

فشكووول يقول...

سيدتى
العفو من شيم الكرام
ولكن كل شيئ يجب ان يكون مقننا وكل شيئ بمقدار
من المؤكد ان التجربه افادتك وتركت خبرات متراكمة لديك
تستطيعين ان تسيرى معهم الحياه بالخبره المكتسبه وان تعفى عنه
تحياتى

أم أحمد المصرية يقول...

الصديقة العزيزة روفي
تعليقك علي تدوينة ابلة فاطمة سيذاع في برنامج انت تسأل و الكمبيوتر يجيب يوم السبت القادم
30-5 الساعة التاسعة و عشر دقائق علي اذاعة البرنامج العام

beautiful mind يقول...

والله انا اعتقد في قرارة نفسي ان الاولي هو الصلح والتسامح ولكن هذا يكون علي حسب الامر الذي سببه لي الشخص الاخر
فاحيانا في بعض الامور حتي وان صالحته وتسامحنا يبقي هناك شىء عالق في نفسي من ناحيته وبالتالي اتاحاشاه في مثل المواقف الشبيهه حتي لا اقع في الحجر مرتين
عموما الصلح خير كما قال رب العزة
ووكما قال رسولنا الكريم (يتقابلان فيعرض هذا ويعرض هذا وخيرهما الذي يبدا بالسلام)

Beram ElMasry يقول...

rovy
روفي العزيزة يسلم لسانك الجميل ويسعدني رؤية تعليقك وان عملي يرضي استحسانك ادام الله الود والمعزة
اعذري تاخري في الرد لاني انتظر ان يتفرغ لي احد للرد علي كل تعليق
تحياتي والسلام عليكم ولا سلام مع اليهود

أحمد بكر يقول...

أزيك روفى
بصى شىء جميل جدا أن الى تعبك أكتر هو أنك مش قادره تسامحى ده أن دل فيدل على طيبة قلبك وأخلاقك العاليه بس كل واحد فينا يبقى له طاقه فالتحمل وكما يقال (أتقى شر الحليم إذا غضب)بس زى مه من حقك تغضبى ومتقدريش تسامحى من حق قلبك الطيب ده الى ربتيه على التسامح أنك تساعديه من تانى أنه يسامح بس لاتلدغى من نفس الجحر مره تانيه وتجنبى قليل الأصل
ربنا يوفقك ودومتى بخير
مستنى زيارتك تانى لمدونتى المتواضعه وترك تعليقاتك المشجعه الرقيقه

حـــــدوتـــــة يقول...

السلام عليكم

اختى الغالية
محدش فينا يعرف ايه الموضوع بالظبط
لكن انا سمعت مرة من عمرو خالد
ان الرسول صلى الله عليه وسلم
كان بيسامح فى كل حاجة إلا الغدر والخيانه
ربنا يهدى قلبك

سلالالالالالالالالالالالالالالالالالالالالالالالالام

Jana يقول...

قرأت تعليقك عند استاذ سعيد.
اسفة يا روفى انى متابعة غير جيدة

بالصدفة اتصفح النت وانا أذاكر مع ابنى التربية الدينيه استعدادا للامتحان
وقمت بتحفيظه هذاالحديث المقرر عليه
ثم قرأت تدوينتك
ولعلهاعلامة لأن أذكره لكِ الآن
قال الحبيب صلوات الله عليه وسلامه
"من عفا عند المقدرة عفا الله عنه عند العسرة"
فهمت من ردودك على التعليقات انك هدأتى الى حد كبير وتعرفين الان ما تودين حقا عمله بهذا الخصوص
وقد لا يفيدك رأيى الان..ولكنه قد يزيدك اقتناعا وراحة لما قررتى فعله
احساسهم بعفوك عنهم ..قد يؤثر فيهم كثيرا الى درجة لا تتخيليها ..وقد يتغير حالهم ويصير هذا الموقف علامة فى حياتهم علها تكن فى ميزانك ... وإن رجعوا فأرجعى لتسامحك مرات ومرات .ولا تتركى فى قلبك لهم ضغينة ..يكفيكِ أنك تعلمتى ألا تتوقعى منهم الكثير
وحينها لن يتوجع قلبك مرة أخرى

هداكِ الله الى الخير والصواب
:)

شمس النهار يقول...

الا تحبون ان يغفر لكم
مش شرط انك تسامحي ان المياه ترجع لمجاريها
لا
سامحي بس ماترجعيش
تعرفي تعملي المعادله دي
سامحي بس لاتثقي فيهم مره اخري

rovy يقول...

حاجات جوايا
و عليكم السلام و رحمة الله و بركاته
اختى سالى اشكرك لمشاركتك الامينه و احساسك بمسؤليه الكلمه ..
عندك حق البوست بتاعك رد على اسئلة كثير ممكن فى لحظة الغضب ما نعرفش نجاوبها
اشكرك حبيبتى و دمتى لى اخت حبيبه فى الله

ارق تحياتى

rovy يقول...

منى
ازبك انتى يا منى بتوحشينى يارب تكونى دايما بخير
عندك حق فى كل كلمه ..
اشكرك جدا لمشاركتك حبيبتى و ربنا ما يحرمنى منك ..

اشكرك كمان على دعوتك الجميله و لكى مثلها ان شاء الله و ربنا يجازيكى كل الخير

دمتى لى اخت فى الله

ارق تحياتى

rovy يقول...

حلم

اشكرك جدا لمشاركتك التى اسعدتنى
جزاك الرحمن كل الخير ..

اتمنى دوام التواصل ان شاء الله

كل الشكر و التقدير

تحياتى

rovy يقول...

أ/ احمد عبد المنعم

اهلا بك اخى الفاضل
اسعدتنى و افادتنى كثيرا مشاركتك الكريمه ..
الحقيقه كلامك اراحنى كثيرا و شعرت بمصداقيته لذلك طلبت منك ان تكمل رأيك الحكيم و بأشكرك جدا لاستجابتك لطلبى و اعتذر عن تأخرى فى الرد لاسباب صحيه مررت بها اليومين اللى فاتوا يمكن يكون السبب حالتى النفسيه كما قال الطبيب و الحمد لله لوجودكم و مشاركتكم لى لأن فعلا وجودكم خفف كثير عن النفس ..
اشكرك فعلا و انا الحمد لله الان فى حاله نفسيه متوازنه نوعا ما و قد قررت ان اعفوا لله و بينى و بين الرحمن و لكنى على يقين ان علاقتى بهم لن تعود الى سابقها ابدا الا اذا قدر الرحمن شىء لا نعلمه
اشكرك مرة اخرى و ادامك الرحمن لى اخ فاضلا فى الله ..

خالص تقديرى و تحياتى

rovy يقول...

رحيل

ازيك يا رحيل ؟؟
ربنا يكرمك حبيبتى
كلامك صح .. و اشكرك لمشاركتك حبيبتى
اشكرك ايضا لدعوتك الغاليه ربنا يبارك فيكى و لكى مثلها ان شاء الله

دمتى سالمه فى رعاية الله

ارق تحياتى

rovy يقول...

أ / احمد عبد المنعم

ما زلت اكرر شكرى استاذ احمد لك
مشاركتك حقيقى افادتنى كثيرا و كلامك الحكيم أثر كثيرا قى نفسى ..
الحقيقه تأثرت بكل كلمه فى تعليقك
و ما اجمل الحكمه التى ختمت بها التعليق
حقيقى لا اجد كلمات تعبر عن شكرى و امتنانى .. فلك جزيل الشكر

ادامك الرحمن اخا فاضلا عزيزا

خالص تقديرى و تحياتى

rovy يقول...

خالد

اخى الفنان اشكرك لأهتمامك و تواجدك و مشاركتك لى التى اسعدتنى و ساندتنى نفسيا جداا

خالص التحيه

rovy يقول...

فشكوول

استاذى و اخى الفاضل
كلماتك كلها حق ..
نعم افادتنى كثيرا التجربه ..
ادعوا الرحمن ان يعفوا عنهم وان يهدينى لما يرضيه عنى .. امين

كل الشكر لك اخى العزيز لمشاركتك الجميله و المفيده ..

تقديرى و تحياتى

rovy يقول...

ام احمد المصريه

اشكرك كثيرا اختى الكريمه لأخبارك لى
مبروك حبيبتى و التدوينه اكيد تستاهل
ربنا يخلى ابلف فاطمه اللى اكيد دى بركتها ..
ربنا يبارك فيكى و فى والديك و ابنائك و زوجك .. امين
تحياتى

rovy يقول...

beautiful mind

اشكرك كثيرا لمشاركتك الجميله و اسعدنى تواجدك حقا ..
اتمنى دوام التواصل ان شاء الرحمن

خالص تحياتى

rovy يقول...

بيرم المصرى

استاذ بيرم .. ربنا ما يحرمنى من تواجدك معى ابدا .. ويارب نطمن عليك دائما استاذى العزيز و شاعرنا الكبير

دمت بكل الخير فى حفظ الله

تقديرى و تحياتى

rovy يقول...

بيكر

ازيك انت يا بيكر ؟ كنت مختفى فين ؟
اشكرك اكيد لمشاركتك ..
اكيد القلب اللى اتعود يسامح لازم يسامح .. ربنا يعفو عنا جميعا و يارب دايما اطمن عليك ..

دمت سالما

تحياتى

rovy يقول...

حدوته

اشكرك اخى الفاضل
مشاركتك جمسله و مفيده حقل
صحيح ازاى ممكن نستمح جد وثقنا به فغدر بنا و مع هذا فلنعفو بيننا و بين الله حتى يعفو الرحمن عنا

دمت لى اخا فاضلا

خالص تحياتى

rovy يقول...

jana

وحشانى اولا جدا جدا
كنتى فين كل ده
يارب تكونى بكل خير دايما
اشكرك جدا لاهتملمك و مشاركتك و حتى لو اتأخرتى عنى فمجرد مشاركتك اكيد صدقينى بيفيدنى و يريحنى ..
كلامك كله صح و اكد بينى و بين نفسى انى صح ..
ربنا ما يحرمنى منك و يبارك فيكى و فى كل احبابك و يجازيكى كل الخير

ارق تحياتى

rovy يقول...

شمس النهار

و الله احب ان يعفو الله عنى اختى الحبيبه
اشكرك كثيرا لمشاركتك و رأيك و كلامك المريح .. ربنا ما يحرمنى منك ..
ادعوا الرحمن ان يعفو عنا جميعا يارب و ان يبارك فيكى و يجازيكى كل الخير

خالص تقديرى و تحياتى