الجمعة، 19 يونيو 2009

سامحونى

تحديث 1 ..
اولا وحشتونى جداااااااا بجد .. باشكر كل اللى اهتم لغيابى و سأل بتعليق او على الماسنجر او بالموبايل

الفتره اللى فاتت فادتنى جدا و علمتنى اننا ما ينفعش نستسلم بسهوله و كمان خلتنى شوفت حقايق ما كنتش حساها و لا شايفاها ..... حاجات اتعلمتها و حقائق وصل حالنا لها كان لازم اجرب بنفسى علشان اصدق .. المهم انى رجعت و الحمد لله و اتمنى انى اكون اقوى و أقدر على التفاعل معكم ..

بالنسبه للمشكله اللى كنت فيها اتحلت تقريبا و الحمد لله ممكن يكون بفضل دعائكم الغالى .. و ايضا بالكلمة الطيبه و المعامله الحسنه .. يعنى لسه فيه امل نحاول و لأخر وقت .. المهم لا نيأس .. و بكده حأقدر ارجع البوست اللى فات لانى كنت صح فيه و الحمد لله .. صدقونى لسه فيه امل فى ان الكلمه الطيبه و المعامله الحسنه و الابتسامه الصادقه هى اللى ممكن تحل المشاكل و تصفى النفوس و سبحان الرحمن اللى وضعنى فى هذه التجربه و خلانى برغم محاولاتى فى لحظة غضب انى اخذ موقف اخر الا انه لم يشأ ان تحل المشكله الا بما اعتقدت انه لا وجود له فى زماننا هذا و هى الكلمه الطيبه ..
لله كل الحمد و الشكر الى ما هدانى اليه .. اكرر شكرى و تقديرى لكم جميعا ..

**********************************************************

سامحونى لأنى حفظت البوست اللى فات ماقدرتش احذفه لأن فيه مناجاة للرحمن عز وجل و كمان فيه تعليقاتكم الغاليه عندى جدا

كمان لازم اعتذر للناس اللى علقوا عندى لأول مره و بأقولهم بأتمنى ان يدوم التواصل ..

و بأقول للدكتوره مهره كان عندك حق فى الاربع علامات استفهام اللى حطيتيهم فى تعليقك .. انا بأحط دلوقت 100 علامة و علامة

اد ايه انتى انسانه شفافه جداا ربنا يبارك فيكى يا ارق دكتوره ..

بجد بأعتذر لكم جدا و كمان انا محتاجة اجازه لأنى محتاجه اكون مع نفسى شويه .. ادعولى ارجع لكم بسرعه لأنكم بجد حتوحشونى جداا جداا .. لا اله الا الله ..

هناك 31 تعليقًا:

ادم وريمان وسونه يقول...
أزال المؤلف هذا التعليق.
ادم المصرى يقول...

مش عارف اقولك ايه

غير انى زعلت جدا واتخنقت جدا

خلى بالك من نفسك وخليكى وثقه ان الله

لا يظلم احد

ربنا يعدى محنتك على خير

موناليزا يقول...

شيلتيه ليه؟؟
ورايحة فين؟
وايه اللى حصل؟
بالتفصيل ياروفى لو سمحتِ
طمنينى عليكِ وبسرعة
ماتسيبينيش قلقانة كده ودماغى يودى ويجيب
ربنا معاكِ يا حبيبتى

د/على خميس يقول...

السلام عليكم و رحمة الله و بركاته
الصراحة
أنا مش فاهم حاجة ؟؟؟
ياريت لو شوية توضيح و تطمين ..
تقبلى تحياتى

rovy يقول...

السلام عليكم
رغم انى طمنت موناليزا الحبيبه على الماسنجر الا ان تعليق دكتور على خميس خلانى لازم اكتب تعليق اطمنه و اطمنكم كلكم قبل ما اقوم انى بخير و لله كل الحمد لكن انا حالتى النفسيه هى اللى سيئه جدا لأنى كتبت كلام حسيت انه صعب اطلب من الناس يكونوا مثالين اوى كده فى زمن لا وجود فيه للمثاليه .. فيه ناس بيعتبروا ان صفحك عنهم ضعف و برغم ضعفهم الى درجة ان يصعبوا عليك الا انهم يستقون عليك اذا ما وجدوك متسامحا .. و بما انى كان لازم اخذ موقف عكس اللى كتبته فى البوست كان لازم اشيل البوست حتى لا اكون منافقه و لأنه كان وجوده بيعذبنى و انا شايفه انى مش حأقدر اعمل كده .. سامحونى
انا دلوقتى حأقفل الكمبيوتر و مش حأرجع له غير لما احس انى قادره اكتب تانى و انى راضيه عن نفسى ..
تحياتى لكم جميعا

rovy يقول...

نسيت اعتذر لادم المصرى اخى العزيز لأنى تسببت له فى كل هذا الضيق ..
سامحنى بجد والله ما كان قصدى ..
باشكرك جدا لشعورك النبيل و دعواتك الغاليه ..
جزاك الله كل الخير

اكرر شكرى و تقديرى للجميع

عمرو وجيه يقول...

هو ايه اللي حصل


انا مش فاهم حاجة

جوجو يقول...

السلا عليكم

محمد رسول الله

ترجعى بالسلامة ان شاء الله

وانتى كمان هتوحشينا

تحياتى

romansy يقول...

اوقات بنحتاج وقت نعيد فيه افكارنا
ترجعلنا بالسلامه

أم أحمد المصرية يقول...

كده برده يا روفي
اروح اصيف كام يوم ارجع الاقي نفسي كده مش فاهمة حاجة
فيه ايه يا حبيبتي ايه اللي مضايقك لو مش عايزة تكتب لي علي المدونة ابعتي لي علي الميل طيب طمنيني عليك
علي العموم سنتركك اجازة قصيرة لكن لا تتأخري نحن في انتظارك
ترجعي لنا بألف خير

همس الاحباب يقول...

محمد رسول الله
ربنا يطمنا عليكى دايما
واجازة سعيدة باذن الله
تحبياتى وتقديرى

Unknown يقول...

السلام عليكم ورحمة الله وبركاتة
ربنا ييسرلك امرك كلة
ويقدر الله لك دائما كل خير
ووفقك الى ما يرضى الله عزوجل
ربنا يباركلك اللهم امين
خلى بالك من نفسك
وهتوحشينى
وسيدنا محمد رسول الله
صلى الله علية وسلم
دمت فى رضا الرحمن

الجواز و سنينه يقول...

يالهوى يا روفى
ايه فيه ايه
البوست كان هايل و عجبنى اوى
انا فاكره انى قريته بس مش فاكره رديت عليه و لا لاء
لان العيال مش مخلينى اركز خالص و الله
المهم نييجى بقى لفكره الميثاليه
المفروض الانسان يعييش علشان يوصل او حتى يحاول يوصل ليها
اكتشفت ان الناس الميثاليين بيتعبوا فى حياتهم
بس فى الاخر همه صح بس همه اللى بيتعبوا
تحياتى و مووووووش تتأخرى يا جميل

blue-wave يقول...

ربنا معاكى
وترجعيلنا بسرعه

Kiara يقول...

طمنيني عليكي قلقتيني اوي

GiGi world يقول...

سيدنا محمد رسول الله صلى الهل عليه وسلم
يار بتيجى بسرعه جدااااااااااااااااااااااااااااااااااااااااااااااااااااااااااااااااااااااااااا
بحبك بجد قوى
بحب فيكى صدق مشاعرك ورقتها
احسبك على خير
بحبك فى الله

محمد عبدالرحمن شحاته يقول...

تعودي على خير ان شاء الله
تقبلي مروري

aidy يقول...

روفى

يارب تكونى بخير

وترجعى بالسلامة

بصراحة مش عارفة ارد اقولك غير خلى بالك من نفسك

ربنا معاكى يا رب

ومتتأخريش علينا

يعنى الاجازة متطولش

سلااااااااام

حـــــدوتـــــة يقول...

السلام عليكم

خدى وقتك بس طمنينا عليكى
ربنا يهديكى ويريح قلبك

سلالالالالالالالالالالالالالالالالالالالالالالالالام

شمس النهار يقول...

محمد رسول الله
ترجعي بألف سلامه

ومن حين للتاني
لازم الانسان يقعد مع نفسه شويه
ويحاسبها ويطلع بجيد
يريحه

ربنا يريح قلبك ويحقق احلامك

!!! عارفة ... مش عارف ليه يقول...

إن شاء الله إجازة سعيدة

وترجعي أكثر تألقاً


وليد

hasona يقول...

السلام عليكم

مصالحة مع النفس
مع الله
أجازة - يا رب تكون مفيدة لك

وتعودي أفضل من ذي قبل

ربنا يفك كربك ويعينك علي تخطي هذه الحالة

ahmed_k يقول...

تروحي وترجعي بالسلامه يا روفي
وإن شاء الله تكون إجازه سعيده
بس متطوليش الغياب عننا
في إنتظارك قريبا بإذن الله

ghorBty يقول...

روفي

السلامـ عليكمـ

مع اني مش فاهمه حاجه ..

بس بتمني من العلي القدير ان يرعاك وييسر امرك ويشرح صدرك ويفك كربك وجميع المسلمين ..

ربنا يطمنا عليك يارب ..

ghorBty يقول...

السلامـ عليكمـ

بعد ما قريت التعليقات فهمت ..

بصي انا فيه جمله بقراها في مدونة تيمي وعجباني جدا ومقتنعه بها اقريها كدا ( حقٌ على أصحاب الكؤوس أن يتناصحوا --

لا يُعــذر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

, فوقوعه في المنكر ذنب وعدم إنكاره على الآخرين ذنب آخر يسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوة ومثالاً يحتذى به)..

احنا مش ملايكه بس بشر بنحاول وبنستعين بالله علشان نكون احسن

لا تجعلي الشيطان يمنع عنك خير بتعمليه وتذكري ( ان الدال علي الخير كفاعله ) ممكن اللي تكتبيه ينفع حد ويعود عليك بالخير ..

اتني انك تنظري لموضوع بنظره صح و كلنا فكرنا كدا محدش هيعمل اااااي حاجه لاننا كلنا بنغلط وكلنا مقصريين وربنا يصلح لنا الاحوال ..

دمت بخير ..

ابو المفاصل الواصل يقول...

حقوقنا وما الت اليه
اهواه من حالنا وما وصلنا اليه يا حــــــسرة
فلم تعد لنا حقوق ولا حصلنا حقوق الاسرى
الكل يلطش فينا بدون سبب يمــــــنه ويسرى
سواء فى العمل او الشارع اوحتى فى الاسرة
وبنعمل اكتر من المعمول فينا وفى كل اراضينا
ده باين عليه عهد اخدناه من الناس اللى قبلـــينا
ربنا يسامحنا ويسامحهم ويسامح كل اللى زيينا
ويشفينا من هذا المرض المنتشر فى كل وادينا

ابو المفاصل الواصل يقول...

حقوقنا وما الت اليه
اهواه من حالنا وما وصلنا اليه يا حــــــسرة
فلم تعد لنا حقوق ولا حصلنا حقوق الاسرى
الكل يلطش فينا بدون سبب يمــــــنه ويسرى
سواء فى العمل او الشارع اوحتى فى الاسرة
وبنعمل اكتر من المعمول فينا وفى كل اراضينا
ده باين عليه عهد اخدناه من الناس اللى قبلـــينا
ربنا يسامحنا ويسامحهم ويسامح كل اللى زيينا
ويشفينا من هذا المرض المنتشر فى كل وادينا

micheal يقول...

في إنتظار عودتك وبإذن الله ترتاحي في الخلوة دي
تحياتي

جنّي يقول...

السلام عليكم

كيف حالك اختنا روفي لعلك بخير والحمد لله .. وبعدين ايه الحكاية انا اجي من هنا وانتو تروحوا من هنا ..

على كل ما تطوليش الغيبة .. ربنا معاكي وترجعي بالسلامة ..

Hossam يقول...

صديقتى rovy
وحشتينى جدا والله
عجبتنى كذة نقطة انك اهتميتى بالتنويه عن المدونون الجدد فى مدونتك وهذا يدل على احترامهم
والدكتور مهرة اتمنى تقوية العلاقة معاها ماما دام شخصيتها تعجبك
تحياتى صديقتى العزيزة
سلام

أ / أحمد عبد المنعم يقول...

بسم الله الرحمن الرحيم
أين أنت ؟؟