الأربعاء، 1 يوليو 2009

القفص الذهبى






كان القفص من ذهب قد وضع وسط شرفه تطل على اجمل بستان و كأنه جنة من جنات الرحمن

عاش به عصفورين صغيرين جميلين و كان تغريدهما يملاء المكان


فى يوم من ذات الايام مرض احدى العصفورين و تغيرت احواله و لم تعرف الاميره الجميله سبب مرضه


و لكنها شعرت انها ربما اخطأت بحبسها للعصفورين و ربما فهمت تغريدهم سعاده و قد كان شجن و ألم


اقتربت من القفص و معها الطبيب الذى اكد لها ان العصفور ليس مريض و لكنه حزين .. ادركت الاميره انها على حق

و تأكدت ان العصفور ليس سعيد و لكن لما لم تمرض العصفوره الاخرى .. !!

راقبتهم الاميره عن قرب و لاحظت ان العصفوره تهتم به و تحاول ان تساعده .. رأتها ترعاه و تحاول ان تقترب منه


ظل الحال ايام و ايام حتى بدأت العصفوره الاخرى تيأس و بدأت هى الاخرى تمرض و لا تأكل و كأنها استسلمت لواقعها الأليم



لم تستطع الاميره ان تنتظر اكثر من هذا و ذهبت اليهم و فتحت لهم باب القفص و تركته مفتوحا .. و راقبتهم من بعيد


سمعت تغريدهم السعيد الذى كم افتقدته و رأت العصفور يهرول الى الخارج و يطير فرحا .. اما العصفوره فقد ترددت قليلا و لكنها فى النهاية تبعته و طارت معه و اخذ يحلقان فى سعاده و طارا حتى ابتعدا عن اعين الاميرة التى بكت شوقا لهما و خوفا عليهم و لكنها ايضا كانت سعيده من اجلهما ..

و جاء المساء و ذهبت الاميره لتنام و ما زالت لا تدرى هل هى سعيده ام انها حزينه لفراقهما ..

فى الصباح الباكر استيقظت الاميره على صوت تغريد جميل لم تسمع مثله فى حياتها .. نهضت مسرعه و اتجهت على حذر الى الشرفه
و ابتسمت ابتسامه رائعه فى تعجب و سعاده فقد رأت اخر ما كان يخطر لها على بال ..

لقد عاد العصفورين و لكن ليس وحدهما فقد عادا و مع كل منهم عصفور اخر .. كانوا يغردون جميعا بسعاده و سرور و دخلا الى القفص يلتمسان بعض الراحة و الدفء و ربما الامان و اخذ كل منهم يطعم الاخر فى منظر عجيب لا يمكن لمن رأه ان ينساه ..


وهنا عادت الاميره تبتسم و قد ادركت الحقيقه ..

تركتهم يتمتعان بالحريه و العشق و تركت لهم باب القفص مفتوح فهم اذا كان بحاجه الى الحريه و الى الحب و العشق . . هم ايضا يحتاجان الى الامان ..


نظرت الاميره الجميله الى السماء و هى تردد سبحانك ربى .. حتى الطير الضعيف يرفض ان يسجن او ان نفرض عليه شريك الحياه


حتى و ان كان القفص من ذهب و به كل الامان !


عادت الجميله تبتسم و هى تقول :

لا يهم الان ان تكونوا معى او ان تمضوا بعيد .. المهم انكم سعداء حتى و ان كان فى بعدكم بعض الشقاء ..



تمت

هناك 35 تعليقًا:

rovy يقول...

السلام عليكم و رحمة الله و بركاته

اخواتى و اصدقائى الكرام القصه دى اهداء منى لهدير ابنتى لأنها كانت حزينه جدا بعد ان فقدت عصفوريها عندما استيقظت اول امس و وجدت ان درج أكل العصافير قد وقع الى خارج القفص فطار العصفورين و اخذت تبكى و كانت حزينه جدا فوجدت نفسى اكتب لها هذه القصه ربما اواسيها و الحقيقه ان الفكره و ما تحتويه القصه كان ميلاد اللحظه فأرجو ان تعذرونى اذا وجدتوها دون المستوى و اأمل ايضا ان تنول بعض من اعجابكم ..
دمتم جميعا بكل الخير و لكم منى كل الامتنان و التقدير دوما
خالص تحياتى

موناليزا يقول...

طب أقولك ايه بس
أدمعتينى حقا
بجد القصة جميلة جدا وتحمل معنى رائع
==
ردا على تعليقك
هدير يا جميلة أقرأى القصة باحساسك وقلبك الجميل وهتلاقى نفسك بجد سعيدة لسعادة عصافيرك زى ما الاميرة عملت

ماتزعليش يا حبيبتى
ازاى يبقوا طيور ويفضلوا محبوسين كده
ده حتى غلط على جناحاتهم اللى ممكن تبوظ من الركنة:)
النبى تبسم
بصى هقولك مقولة يمكن تكون مناسبة للموقف" اذا اردت شيئا بشدة فاطلق سراحه فان عاد لك فهو لك وان لم يعد فهو لم يكن لك"
وبعدين مين عارف مش يمكن يرجعوا
====
روفى ياحبيبتى بجد أنتِ أم جميلة اوى
ربنا يخليكِ لبناتك ويحفظهوملك من كل شر
ويفرحنا بنجاحهم يارب

هديـــل الـروح يقول...

السلام عليكم

فعلا الحريه اغلى شئ ربنا انعم بيه علينا
وربنا يخليلك ابنتك هدير وقوليلها متزعلش ربنا هيعوضها ويرجعولها تانى ان شاء الله

اول مرور لى هنا سعدت بذلك

جنّي يقول...

السلام عليكم

القصة جميلة وذات معاني رائعة ولا يهم انها وليدة اللحظة ولكن ما يهم انها صادقة .. ولمواساة ابنتك الجميلة ..

والحرية لا تقدر بمال وإن توفر الطعام والشراب والبيت الذهبي المغلق ..

Kiara يقول...

لا يهم الان ان تكونوا معى او ان تمضوا بعيد .. المهم انكم سعداء حتى و ان كان فى بعدكم بعض الشقاء ..

بصراحه البوست له مغزي كبير

وقولي لهدير مش تزعل ربنا كبير

وحشاني اوي ياقمرايا

مجداوية يقول...

السلام عليكم

بتوضيجك سبب القصة زادها بريقاً وجمالاً

القصة سلسة وناعمة وفيها عبر كثيرة ولكن خيل لي أن وقوع الدرج هو نجاح آخر محاولات عديدة للهروب من القفص الذهبي فقد نجحا في تحرير أنفسهما أخيراً ولابد للأسير أن يفك القيد

الطيور خلقت لتحلق في السماء وأى مخلوق يحبس دون ارادته يظل القيد قيدا حتى لو كان من الذهب

معلش يا هدير هم كده بيحبوكي أكتر

تسلم ايديكي يا أم هدير على القصة الجميلة

ادم المصرى يقول...

روفى
الله عصفير تعرفى سبحان الله اول امبارح العصفير الى عندى عملو شيئ غريب بصى يستى من 6 اشهر باضو اربع بيضات وفقسو والحمد لله بقهم عصفير تجنن جت اول امبارح باضت 6 وده خلانى مندهش بجد وسعيد فى نفس الوقت كنت بحس بل وحده ولكن ملو عليا البيت بجملهم

القصه يا روفى جميله وقولى لبنت الى باين عليها كده احسسها جميل اوى بل حياه ان العصفير ديما جملها مش فى القفص ولكن جملها انك تصحى من النوم تسمعى كلمها وتسمعى زقزقتها وانتى سعيده بيها

راسبوتين يقول...

الحرية فطرة أودعها الله فى مخلوقاته
وأكيد يا أم هدير ..أميرتنا أدركت ده

على خطى الحبيب يقول...

السلام عليكم ورحمة الله.....
بوست جميل لمدونة دائماً متميزة,
جميل اللى كتبتيه مدام(rovy), وأظن كفايا مشاركتك ""لهدير"" الامها ومحاوله التخفيف عنها ولو بسرد قصة بهذا الشكل.

عايزين نقول لهديـــر متزعلش ومش بعيد على ربنا ممكن تلاقيهم راجعين لها تانى زى"أميرتنا"كدة.

تقبلى مرورى...
مع خالص تحيـــــاتى.....

rovy يقول...

موناليزا

الله يكرمك حبيبتى دايما رقيقه و احساسك عالى جدااا ..
اشكرك جداا للكلام الجميل اللى قبتيه لهدير و الحقيقه انها فعلا هدأت جدا بعد ما قرأت تعليقك و بتشكرك جدا و كل اللى علق و قال كلمة لهدير حسيتها ربنا ما يحرمنى منكم يا قمر ..
يارب على اد قلبك الجميل و احساسك الرائع ده يرزقك الرحمن بكل السعاده ياارب ..
اشكرك بجد يا اجمل اخت لى لم تلدها امى و لكنها اصبحت جزء من حياتى دون ان اراها بعينى و رأيتها بقلبى ..
دمتى لى اجمل و ارق اخت
خالص مودتى

=======================================================
هديل الروح


اسعدنى مرورك يا هديل و اتمنى دوام التواصل و اشكرك لتعليقك الجميل

ارق تحياتى


=====================================================

جنى

و عليكم السلام و رحمة الله و بركاته اخى الفاضل ..

حقيقى اسعدتنى كثيرا برأيك الذى اعتز به دائما .. اسعدك الرحمن و بارك فيك دائما و دمت لى اخ فى الله اعتز بمرورك و تواجدك دائما ..

خالص تقديرى و امتنانى
تحياتى دوما

doctor mohamad يقول...

هى كل الناس مركزه ع الحرية ليه!! أنا شايف إنهم رجعوا تانى .. يعنى مشكلتهم ماكانتش الحرية و لا مؤاخذة .. أنا شايف إن عنيهم زايغة و زى القرع بيمد لبره .. للحظات تخيلت إنهم ذكرين أو ربما أنثتين .. إنما ذكر و أنثى!! و يهربوا!! .. لأ و إيه .. من فجرهم كل واحد جايب عشيقه و راجع .. وكدا عينى عينك >يشتعل وجهه غضبا< .. حتى العصافير ياناس!! .. بصى يا هدير .. العصافير دى لازم تيجى من تحت طقاطيق الأرض .. وماتسمعيش كلام حد والله لو سبتى باب القفص سنتين مافيه عصفور هيعبره .. إعملى زى حكومتنا كدا .. لو فتحت باب القفص نص ساعة ماهيلاقوا واحد ف البلد .. _ .. _ ده كان تعليق محاولة لتفتيح أعين أطفالنا ع شئ من الواقع حتى لاتكون صدمتهم كبيرة _ زينا_ حينما يصطدموا به .. >يقول ف نفسه : ألحق أمشى أنا بقا قبل ماتيجى أم هدير ..ربنا يستر<

aidy يقول...

الله يا روفى بجد حلوة اوى

ربنا يخليلك ابنتك

بس على الرغم من انها اتكتبت لطفلة صغيرة بس بجد القصة فيها حكمة حلوة ومعنى احلى بكتير

بحيكى عليها

عاشقة القمر يقول...

قصة جميل جدا احلي شي في دنيا حريه
ربنا خليكي ابنتك

كتكوته يقول...

جميله اوي القصه يا روفي وفعلا اللي خلى العصافير رافضه للسجن وفرض شريك الحياه فمابالك على الانسان

كتكوته يقول...

جميله اوي القصه يا روفي وفعلا اللي خلى العصافير رافضه للسجن وفرض شريك الحياه فمابالك على الانسان

الفراغ يقول...

القصه رغم بساطتها تحمل معانى كلنا عارفينها من زمان

ماتزعليش يا هدير
يا ترى ممكن ماما تجيبلك سمك احسن
على الاقل السمك بيعيش فى الميه ومش هايفرق مابين حوض واسع وحوض صغير
لو كنتى جانبى كنت جبتلك حوض صغير نونو على قدك
ربنا يخلى ماما اللى بتعلمك معنى الحريه المقننه
عاشت ماما روفى
تحياتى

الازهرى يقول...

حتى و ان كان القفص من ذهب و به كل الامان


من الصعب ان يوجد الامان مع القفص
لان الامان اساسه الحرية


القصة رائعة

واتمنى ان يكون الله تعالى قد رزق هدير الصبر والسلوان وان يعوضها عنهما خيرا

وسلامى لها ولمريم

هدى التوابتي يقول...

السلام عليكم...أعجبتني القصة فهي حقا رائعة..جزاك الله خيرا

هدى التوابتي يقول...

وربنا يخليلك هدير ويخليكي ليها

غير معرف يقول...

اول مرور لى على هذه المدونة الجميلة
وصاحبتها المميزة
وسعيدة ان يكون اول مرور مع هذا
البوست الرائع والذه يحتوى على
كثير من المعانى الجميلة
ويارب يكون المعنى وصل لهدير وماتزعلش
ربنا يبارك فيها ويحفظها
ودمتى بخير واتمنا ان يظل بيننا التواصل

!!! عارفة ... مش عارف ليه يقول...

القصة جميلة وسلسة

ومليئة بالمعاني المرئية

والغير مرئية بين السطور


تقبلي مروري
وتحياتي لهدير :)

السبب الرئيسي للقصة الرقيقة



وليد

micheal يقول...

قصة أكثر من رائعة
كم أتخيل نفسي كثيرا هذا العصفور
تحياتي لكي ولهدير

Hossam يقول...

حبيبة قلبى وصديقتى الجميلة Rovy
دايما موضوعاتك بيبقى وراها اهداف متحضرة ومحترمة
حبيت القصة جدا لانها بتدل على الحرية حتى كما قلتى لو كنتى فى قفص من ذهب
تحياتى بجد عل الموضوع الجميل

ahmed_k يقول...

جيله جدا قصك يا روفي وحمل الكثير من المعاني والقي الي يج الحث فيها
فما هي قيمة الحياه المنعمه والثراء والمال إن لم يهنا الله الحريه
فبدونها تنعدم أبسط معاني السعاده والسرور

ماشاء الله علي أسلوبك ولو كان على عجل
فأكتبي دوما هكذا قصص على عجل

دمتي بكل خير

mohra يقول...

القفص هو القفص سواء كان حديد ...صفيح او ذهب

لا تدرى كيف اؤمن بالحريه و اكره الظلم و القهر

ما اجملها من قصهو بالذات بعد ان عرفت انها لابنتك الصغيره

هل سمعتى اغنيه عصفور لمارسيل خليفه
ايضا غنتها عايده الايوبى؟؟؟؟
ستعجبك جدا

سلام يا حبيبتى

KHALED يقول...

ههههههههههههههههههههه

أنا باضحك لإنك تنفعى تكتبى قصص أطفال مع شوية تحسين فى الكلمات
قصة جميلة و مؤثرة و تحمل معانى مهمة
و قولى لهدير ماتزعلش ...

دمتى بكل الود

قيس بن الملووووح يقول...

المعاني بين الكلمات جميلة ومؤثره

همس الاحباب يقول...

بسم الله ما شاء الله
القصة جمبلة جدا وتحمل من المعانى الكثير والكثير
وحقا سبحان الله فهو القادر على كل شىء
تسلم الايادى
تحياتى وتقديرى

rovy يقول...

كيارا

سعدت برأيك غاليتى .. بارك الرحمن فيكى
انتى كمان وحشاانى اكيد .. بقالى حوالى اسبوع بعيد عن النت .. ربنا ما يحرمنى من تواجدكم الجميل فى حياتى ..
دمتى بكل الود

ارق تحياتى

===============================================

مجداويه

لا ادرى ماذا اقول لكى اختى الغاليه فقد ازان تعليقك القصه و رؤيتك دائما متميزه ..
اشكرك جدا حبيبتى .. بارك الله فيكى و فى ابنتك الغاليه و سلمكم من كل شر

خالص مودتى دوما

===================================================

ادم المصرى

ما شاء الله يا ادم ربنا يزيد و يبارك .. مهم فعلا انك تلاقى حد يملاْ عليك البيت حتى و لو كانوا عصافير .. ربنا يبارك لك و يارب عقبال ما تملأ بيتك بعصافير من نوع تانى .. بعد ان يرزقك الرحمن ببنت الحلال و يرزقك بالذريه الصالحة ان شاء الله ..
تحياتى

===================================================
راسبوتين

فعلا .. عندك حق ..
جزاك الرحمن كل الخير و بارك بك اخى الفاضل ..

خالص تحياتى

rovy يقول...

على خطى الحبيب

و عليكم السلام و رحمة الله و بركاته

اشكرك لرأيك و احساسك الراقى ..
الحمد لله هدير بدأت تتعود على بعدهم و خصوصا انها عرفت انهم ممكن يكونوا كده اسعد و اكيد ربنا مش حينساهم لأنه الرزاق الكريم ..

دمت بكل الخير و ادام الرحمن التواصل

خالص تقديرى و تحياتى

===============================================

دكتور محمد

الحقيقه رؤيتك مختلفه فعلا جداا
اما بالنسبه لحكاية تفتيح اعين اطفالنا فعاوزه اقولك ان هدير ما شاء الله عليها عروسه زى القمر .. ربنا يحرصها و أختيها و بنات المسلمين جميعا ياارب لكن طبعا لم تصدم بالواقع المرير مثلنا و ادعوا الرحمن ان تتحسن الاحوال و لا تصدم به ابدا .. ربنا يستر ..
لا تمشى ازاى قبل ما نقوموا معاك بالواجب ده معقول ..)
تحيات هدير و خالص تحياتى يا دكتور

================================================

aidy

الله يكرمك و يخليكى يارب

اشكرك حبيبتى و زى ما قلت للدكتور محمد هدير ما شاء الله عليها تعتبر عروسه حلوه .. ربنا يحرصها و يحرصك حبيبتى .. يعنى الحمد لله حسيت بالقصه و فهمتها ..
اشكرك لرايك جدا
دمتى بكل الخير
ارق تحياتى

===============================================

طيف السودان

سعدت بوجودك الكريم .. و اشكرك لدعوتك الغاليه لأبنتى جداا ..
الله يحفظك و يدوم التواصل ان شاء الله

ارق تحياتى

rovy يقول...

كتكوته


اشكرك حبيبتى حقيقى اسعدتنى بمشاركتك و احساسك الراقى بالقصه ..

دمتى بكل الود
تحياتى


====================================================
اشكرك غاليتى لمشاركتك الكريمه و رأيك الكريم ايضا
فعلا السمك جميل و حوض السمك بيزين اى مكان من غير اى قلق ..
ربنا يكرمك حبيبتى
دمتى بكل الخير

تحياتى

======================================================

الازهرى

صحيح .. عند حق الامان اساسه الحريه

اسعدنى رأيك كثيرا اخى الفاضل

سلامى و تحياتى لك دوما

======================================================

dody

و عليكم السلام و رحمة الله و بركاته

اشكرك جدا غاليتى .. اسعدتنى كلماتك الرقبقه
جزاكى الرحمن كل الخير
اشكر ايضا دعوتك الغاليه لهدير .. بارك الرحمن فيكى

تحياتى

rovy يقول...

جريدة الصباح العربى

ادعوا الرحمن ان يوفقكم و ان ييسر لكم الامور و ييسر لى ان اشارك معكم ان شاء الله

تحياتى

=====================================================

ام مالك

اهلا بكى غاليتى نورتى البلوج اكيد
اسعدتنى مشاركتك كثيرا و اشكرك جدا لاحساسك الجميل بالقصه و دعواتك الغاليه لهدير
جزاكى الله كل الخير
يسعدن اكيد و يشرفنى التواصل ان شاء الله

خالص تقديرى و تحياتى


============================================

عارفه ... مش عارف ليه !!!

اهلا اخى وليد
اسعدنى رأيك و اشكرك حقا

مرورك المتميز دائما يسعدنى

خالص التقدير و ارق التحيه

================================================

micheal

اشكرك جدا يا مايكل و حقيقى رأيك اسعدنى و مشاركتك الكريمه تسعدنى دائما

خالص تحياتى

rovy يقول...

حسام

ابنى الفاضل حسام
لم اكن لأسمح بكلمة حبيبة قلبى هذه الا اننى و بعد ان عرفت ان عمرك من عمر ابنتى فأنت الان ابن لى و يسعدنى وجوده و احساسه الراقى و الرقيق دائما

حقيقى رأيك اسعدنى و سعيده بحبك للقصه و احساسك بها ..
بارك الله فيك و وفقك دزما

ارق تحياتى

===================================================

ahmad k
سعدت كثيرا برأيك و بأعجابك بالقصه
بارك الله فيك و جزاك كل الخير و دمت تسعدنى بوجودك المميز اخى الكريم

خالص امتنانى و تحياتى

==========================================

مهره

اختى الدكتوره الجميله و حشاانى جدا و حمد لله على سلامتك ..
اشكرك حبيبتى لرأيك الذى اعتز به دائما و الذى اسعدنى حقا ..
بس على فكره هدير ابنتى عروسه جميله و ليست طفله :)
مش عارفه ده ميزه و لا عيب فى الزواج المبكر ..:)
اغنية مارسيل رائعة و رقيقه مثلك حبيبتى ..
بارك الرحمن فيكى دائما و رزقكى كل السعاده ..
احبك فى الله

rovy يقول...

خالد
صحيح :) و الله فتحت نفسى لكتابة قصص للاطفال ..
اسعدنى مرورك الكريم و رأيك و ابتسامتك ..
دمت بكل الخير اخى الفاضل

تحياتى لك دوما

===================================================

قيس بن الملووووح

اهلا بك يا قيس
اسعدنى مرورك و تعليقك الرقيق

خالص تحياتى

=================================================

همس الاحباب

سعدت بعودتك و الحمد لله انك بخير ..
ايه حكاية قفل المدونات دى !! ؟
ادعو الله ان تكون دائما بخير

رأيك اسعدنى و اشكرك جدا

سلمت اخى الكريم دائما من كل شر

خالص تقديرى و تحياتى

غير معرف يقول...

! قصه جميله اوى !

! والاجمل توضيح القصه !

! اذا اردت شئ بشدة فاْطلق سراحة فاْن عاد اْليك فهو ملكك للابد وان لم يعد فهو لم يكن لك من البداية !


! ma7moud !