السبت، 11 يوليو، 2009

اليكى ..اختى فى الله مروه .. شهيده الحجاب و العفه


لحد امتى مستنين .. متكتفين ..متسلسلين
لحد امتى نقول رافضين .. نقول صابرين
لحد فين واخدنا خوفنا و لحد امتى ياناس خايفين
مروه ضحيه لجبننا
مروه ضحيه لصمتنا
مروه الجميله .. رمز الفضيله
اختنا شرفتنا كلنا .. ماتت شهيده ماتت ابيه
رفضت تسلم .. رفضت تخاف .. رفضت تكون غير ما رايدنا ربنا
و لحد امتى نستسلم لتطرفهم و لغدرهم
لا مش حنسكت .. و لا حنسلم .. لازم حنطلب حقك يا اختى و لا يوم حننسى كلنا
دمك امانه .. عهد علينا و فى رقبتنا كلنا
مش حأقدر انسى و لا غيرى ينسى صورتك و اسمك جوه قلوبنا كلنا
رفعت رؤسنا .. دفعتى الثمن غالى و مش ممكن يرخص عندنا
حتبقى يا مروه رمز العفاف .. رمز الطهاره .. حتبقى يا غاليه غاليه علينا .. غاليه علينا كلنا ..
حاحفظ اسمك و احكى حكايتك لبنتى و اختى و لكل بنات جنسنا

و بأدعى يارب اشوفك و اقابلك فى يوم اللقا و اشوف ابتسامتك .. بتقول اننا قدرنا و وفينا بوعدنا ..

هناك 38 تعليقًا:

موناليزا يقول...

أدمعتينى حقاً بكلماتك
ومين ممكن ينساها فهمى تمسكت بدينها فى بلد غريب وفى زمن كثرت فيه الفتن(نحسبها كذلك ولانزكى على الله أحد)
ربنا يرحمها ويغفرلها ويجعلها قدوة طيبة للكثيرات ممن تهاون فى حجابهن

تسلمى غاليتى

موناليزا يقول...

أدمعتينى حقاً بكلماتك
ومين ممكن ينساها فهمى تمسكت بدينها فى بلد غريب وفى زمن كثرت فيه الفتن(نحسبها كذلك ولانزكى على الله أحد)
ربنا يرحمها ويغفرلها ويجعلها قدوة طيبة للكثيرات ممن تهاون فى حجابهن

تسلمى غاليتى

الفراغ يقول...

كلماتك كالسيف مزقت القلب فادمته خيبة على نفسنا وحزنا على جبننا
ولكن ماباليد حيلة الا قول ان لله وان اليه راجعون

لا يسلم الشرف الرفيع من الازى... حتى يراق على جوانبه الدم

لها الجنه باذن الله

همس الاحباب يقول...

ربنا يرحمها ويسكنها فسيح جناته
كلمات حضرتك ادمت القلوب قبل العيون
واحسستنا بمقدار عجزنا وهواننا وعجزنا فى اخذ حقها
ولا حول ولا قوة الا بالله
تحياتى

أحــوال الهـوي يقول...

كلمات ابيه و نقيه
قويه و تحمل كل معاني طاهرة

مرحي بموت يتوج صاحبته بتيجان العفة و الطهر
يحرك افئدتنا و يبعث الصحوة في تقصيرنا

رحم الله اختنااللهم ادخلها مدخل صدقٍ عند مليك مقتدر
"إن المتقين في جنات ونهر في مقعد صدق عند مليك مقتدر"

تحياتي

mohamed ghalia يقول...

اللهم اغفر لها وارحمها واسكنها فسيح جناتك
كلماتك رائعة
دمتِ فى سعادة

جنّي يقول...

السلام عليكم

ما شاء الله ..

كلمات يقظة حية بنفس حياة الشهداء..

كلمات صادقة غيورة على ديننا وعرضنا ومقدساتنا ..

رحم الله الشهيدة واسكنها الفردوس الاعلى ..

وجزاكي الله خيرا

جنّي يقول...
أزال المؤلف هذا التعليق.
مجداوية يقول...

السلام عليكم

ربنا يعزك يا روفي ويكرمك على كلماتك الجميلة الصادقة ,,شهيدة الحجاب والعفة حتكون فعلا مثال وصحوة لناس كتير المهم مننسهاش وربنا أراد لها تكون شهيدة عالمية فهي أصبحت مثال لكل مسلمة في الحفاظ على حجابها وهويتها في كل العالم مش في مصر بس

حفظك الله وبناتك وبنات كل المسلمين من شر الحاقدين المجرمين

Tarkieb يقول...

شهيدة العفة والحجاب؟ ليه هو كانت في بلد بيشجعوها على الفجور والسفور واستشهدت في الدفاع عن نفسها؟ هو لو كانت غير محجبة كانت ح تبدو عليها الملامح الاوربية وكانت بكدة حتفلت من عنصرية القاتل؟ اذا كان ا لقاتل عنصري فللاسف مجتمعنا اصبح عنصري لفكرة واحدة هي بس هي الحجاب واختزلت قضية العداء للاجانب في الحجاب...ما المطلوب بالظبط؟ في المانيا اللي بتقولو عليها عنصرية تم وضع الف وخمسمية باقة زهور على روحها اما في بلدنا تم وضح الف وخمسمية صورة لها للدعاية للحجاب......هل لو كانت غير محجبة كانت ح تكون شهيدة برضة؟ يا اختي الحجاب على عينا وراسنا بس مش هو السبب ...السبب هو الارث اللي بنحمله من ناس مستخبية في كهوف وفاكرة انهم ممكن يوجهونا في النور....

أم أحمد المصرية يقول...

حبيتي روفي
و الله اقشعر جسدي و انا اقر أ كلماتك
رحمها الله و رحمنا
بس تفتكري حنقدر نوفي بوعدنا و الله خايفة ياروفي يكون شوية كلام في شوية وقت و بعدين كله ينسي

سمكه واحده يقول...

ربنا يذيدك ويحفظ
وجزاكي الله كل خير يارب
بجد كلامات فظيعه مؤثره ياريت كلنا نفهم وناخد بالنا ومننسهاش وديما تبقي في ذاكرتنا كلنا
ربنا يرحمها ويدخلها فسيح جناته ويصبر اهلها
انتي اخبارك ايه وحشتيني جدا ربنا يعزك يارب

كتكوته يقول...

عنيا دمعت من كلامك يا روفي
ربنا ينصر المسلمين في كل مكان
لان فعلا السني الاخيرهالعنصريه وضحياها ذادو جدا في كل البلاد الاوروبيه
والله يرحمك يا مروة

محمد يقول...

http://kalamfekalamm-mohamed.blogspot.com/
http://informationtoknow-mohamed.blogspot.com
http://kalamfekalamm.blogspot.com
http://comentonnews.blogspot.com
--------------------------

هم لاربع مدونات
هذه هى لنكات مدوناتى
اللنك الاخير لمدونه خبر وتعليق
به موضوع عن الشيهده مروه الشربينى

ادم المصرى يقول...

كان الله فى عون كل من حمل على اكتافه اسم محمد صلى الله عليه وسلم ورفع رايه الاسلام

ولكن انا ليا كلمه مش كل البلاد الاوربيه فيها مثل ما حدث مع مروه انا كنت عايش فى ايطاليا اكثر من 14 سنه واهل ماما كلهم هناك وبلدهم ايطليا ومسلمين ولكن عمرنا مشفنا فرق بن ديانه

ولكن ما حدث فى المانيه هذه عنصريه فظيعه تحدث فى اى بلد بدون تدخل الشعب

ولكن هذه المأساه اثرت فى كل من بداخله ايمان فى الامه العربيه والعالم الاسلامى اجمع

وما ادهشنى عندما رأيت فى ايران المظاهرات امام السفاره الالمانيه اندهشت لئنهم شيعه وليس سنه وهذه مع الحزن الذى كان بداخل اسعدنى جدا لئن اغلبيه طوائف الشيعه كلها تميل الى الكفر فى السنه لئنها تعتمد على سب الصحابه وأله البيت حاشه لله
كلماتك جميله جدا

الازهرى يقول...

فى البداية كلماتك فى الوصف رائعة
الاحساس فيها متدفق

ولا ادرى دائما ما يقال اننى انظر من زاوية غريبة للحدث ومما اراه فالقادم اسوأ وما عرفناه اقل كثيرا من احقيقة

اتمنى من الله ان اكون على خطأ

الجواز و سنينه يقول...

روفى و الله وحشتينى ده اولا
ثانيا بوست هايل كالعاده
و صعب التعليق عليه
ربنا يرحمها و يجعل مثواها الجنه ان شاء الله

حتى تشرق الشمس يقول...

السلام عليكم ورحمة الله وبركاتة
والله عندك كل الحق
بس يا رب نعمل زى ما انتِ قولتى نطالب بحقها
ولا ننساها ابداا
دمت بالف خير

شمس النهار يقول...

مش عارفه حاسه اننا ممكن نعمل حاجه كبيره
ياتري ممكن نرفع قضيه كلنا والا ايه بسأل الناس كلها نفس السؤال يمكن حد يقدر يجاوب

بس تسلم ايدك علي الموضوع

ahmed_k يقول...

بارك الله فيكي
ونحسبها بإذن الله عنده مع الشهداء والصالحين وحسن أولائك رفيقا

نكهة مغربية يقول...

أولا شكرا جدا لزيارتك اللطيفة لمدونتي و الكلام الطيب اللي كتبتيه في حقي
تانيا أنا شفت المدونتين بتوعك فعلا وبدون مجاملة تحفة كتابتك بسيطة و في نفس الوقت جميلة و مهمة
شكرا جداااا

micheal يقول...

ربنا يرحمها ويا ريت حقها يتردلها حتي لو كانت فارقت عالمنا بس الحق حق برضه
تحياتي يا روفي

حارة سد يقول...

هذه امراة عرفت كيف تكون نهايتها...بعدة طعنات غدت حديث العالم بتمسكها بثوابتها

رحمها الله وتقبلها في الصالحين

الحارة سد

elsha3er يقول...

السلام عليكم

ربنا يرحمها يارب بس حاليا دلوقتى ازاى ننصرها وناخد حقها بجد


تحياتى

احمد الشاعر

mohra يقول...

الله يرحمها رحمه واسعه


اما عن البوست السابق
فعذرا لم اكن اعلم بان ابنتك عروسه ...و لكنى اظنه ميزه بالتأكيد للزواج المبكر

خالص تحياتى

GiGi world يقول...

ربنا يكرمك ويعزك
كلماتك دايما رائعه وبتمس قلوبنا
تحياتى

Hossam يقول...

السلام عليكم
البقاء لله فى الجميلة مروة
انشالله نتقابلها فى اللقاء الاخير
ربنا يرحمها
تحياتى صديقتى على كلامك الجميل

حاجات جوايا يقول...

ربنا يرحمها يارب ويحتسبها مع الشهداء
كلماتك رائعة يا روفى تمس القلوب
دمتى بكل الخير اختى الحبيبة

تامر الوكيل يقول...

هو زى ما Tarkieb ما بيقول, ماتعتبرش شهيدة للحجاب بالتحديد, لأن ممكن كان القاتل يقتل واحدة غيرها غير محجبة بمجرد بس وجود الملامح العربية عليها.
لكن عمتآ لو حندور على القاتل الحقيقى فحتجدوا انة هو أحنا العرب.
أحنا صورتنا برة وحشة جدآ من ايام زمان لما كنا بنسافر برة عشان نجيب فلوس بأى طريقة و خلاص من غير ما نعى اننا صورة لبلدنا, ناهيك بعد ذلك الارهاب والخ...
و غير كدة احنا دمنا رخيص جوة بلدنا اصلآ ومابنعرفش ناخد حقنا من بعض وعنصرين على بعض دينيآ و عرقيأ وأى أجنبى اتفرج على قنواتنا التلفزيونية من برة حيأخذ صورة أننا دمنا رخيص ومالناش حقوق.
فا مستكترين يعملوا فينا كدة برة؟
لو احنا عايزين يبقى لينا كرامة برة, لازيم يبقلى لينا كرامة جوة وحرية الاول, ونتقدم بالتعليم والفنون والادب زى زمان ةتبقى الدول العربية ليها ثقل وشعبها غالى ساعتها
من غير كدة حنفضل درجة ثالثة...

منى يقول...

تقبلها الله مع الشهداء والصديقين
وبقينا نحن نتحسر على ما ال اليه الحال
هنا على انفسنا فكان طبيعى ان نهون على الاخرين

روفى غبت عن مدونتك الحبيبه وعدت لاجد الكثير
ارجو ان تكونى بخير حال الان حبيبتى
تحياتى وحبى

غير معرف يقول...

روفى
******
وحشتينىىىىىىى جداااااا والله انتى ومريومة ياااه ياروفى ليكى وحشه كبيرة اوى انا وربنا يعلم انى مبقتش اقعد زى زمان خالص!!! والله اخبار النتايج ايه وانتى ؟؟ كويسة يعنى يارب تكونى بخير ويحفظك ربنا علطول ياااااااارب
****بالنسبة للدكتورة ربنا يرحمها ويرحمنا ع الى احنا فى!!!
عووو

rovy يقول...

السلام عليكم
اشكركم جميعا جداا لمشاركتكم و ادعوا الرحمن ان يجازيكم كل الخير و اعتذر لتأخيرى فى الرد و عدم استطاعتى الان نظرا لانى مريضه بعض الشىء و حرارتى مرتفعه و لا استطيع التركيز الان فى الرد على التعليقات
لكن يهمنى ان ارد على Tarkeb ..
لا يهمنى يا اخى ان تكون شهيده الحجاب او ماذا و لكنها ان شاء الرحمن شهيده و نحتسبها عند الله كذلك نظرا لأنها ماتت و هى تدافع عن حقها و ماتت غدرا فى ساحة المحكمه و امام الامن الغبى الذى بدلا من ان يحميها غدر بزوجها خطأ !!
فسبحان الله كيف لا تكون شهيده بعد كل هذا ربما كان غريبا علينا لقب شهيده الحجاب و لكنه نظرا لأن ذلك المجرم الغبى اللا ادمى و الذى يملأ قلبه الحقد على العرب عامة و المسلمين خاصة قد اتهمها بالارهابيه لأرتدائها الحجاب !! لم يحترم حريتها الشخصية التى ينادون بها ليلا و نهارا .. و لم يحترم حريتها فى اعتناق الدين الذى تدينت به و امنت به بالرغم من انهم اول من ينادى بحرية الديانات و لو كانت كفرا .. !!
لقب شهيدة الحجاب اطلق على الغاليه المرحومه مروه و لم اطلقه انا و لكن فرضته الظروف و ما حدث و الان ربما لا يعجب البعض هذا اللقب و هم احرار مع انى ارى انه مجرد لقب لا اعرف فيما يضرهم !! و لكنى اؤكد لك ان لقب الشهيده لا جدال عليه ان شاء الله و سندنا الى هذا اقوال المصطفى صلى الله عليه و سلم فى وصف الشهداء و يمكنك ان تبحث فى هذا و تتأكد و يا أخى اذا لم تكن الدكتوره مروه التى ماتت غدرا على يد سفاح فى وسط قاعة محكمه و مع وجود امن مفروض ان يحميها فكان ضدها و ليس معها و هى المجنى عليها و كل هذا و هى فى غربه .. فمن يكون شهيدا اذن ؟؟!! .. تصور ان لدى صديقات مسيحيات
يشعرون بكل الاسف لها و يحتسبونها شهيده عند الله فى الوقت الذى يحاول بعض المسلمين ان يسخروا من لقب شهيده لها !! .. يا اخى عندما تأثرت لموت الاخت مروه غدرا و كتبت ما كتبته كان بدافع احساسى بها و بأنه قد غدر بها و ظلمت و ان لم ننصفها نحن و نطالب بحقها فمن ينصفها .. ؟! انها بنت بلدى و حتى ان لم تكن محجبه كنت سأطالب بحقها و اشعر بما شعرت و لو كانت مسيحيه كان رد فعلى فى غيرتى على بنت بلدى و احساسى بها كأنسانه ظلمت و غدر بها كما هو .. يا اخى رخصنا على الناس عندما رخصنا و هنا على بعض فنحن اخوة ابناء بلد و امه واحده و ان كان منا المسلمون و المسيحيون لكننا اخوه و لا يجب ان نتركهم يفرقونا او يضعفونا اكثر من ذلك ..يجب ان يطالب جميع المصرين بحق الدكتوره مروه مسلمين و مسيحين محجبات او غير محجبات ..
نسأل الرحمن ان يحسن ختامنا جميعا و ان يرحم الغاليه مروه بواسع رحمته و نحتسبها عنده ان شاء الله من الشهداء ..

________________

تامر الوكيل

اهلا اهلا يا تامر برغم انى تعبانه و سخنه بس ما كنش ممكن اقوم من غير ما ارحب بك و بجد اسعدتنى مشاركتك ..
عندك حق يا تامر فى كل اللى قلته ..
لكن ده ما يمنعش اننا اكيد نحتسبها شهيده زى ما ذكرت فيما سبق من تعليقى فى ردى على تراكيب مش مهم شهيده الحجاب و لا شهيده الكرامه زى ما ذكر احد الاخوه الكرام ahmed_k فى تدوينته الرائعه شهيدة الحجاب ام شهيدة الكرامه .. و لكننا نحتسبها ان شاء الله شهيدة و ندعوا لها بأن تكون مع الابرار و الصديقين و ان يسكنها الرحمن فسيح جناته ..
كلامك كله عجبنى و فعلا احنا محتاجين قوى نحترم انفسنا و نحترم بعض علشان الناس تحترمنا .. لازم حاجات كثير تتغير و لازم فعلا نبطل عنصريه و نبطل نحكم على الناس بالمظهر و بس .. لازم كلنا نؤمن بأن الدين معامله و تعاون و سلام و تعمير فى ارض الله ..
حقيقى يا تامر بأشكرك و بأشكر مشاركتك المفيده .. ربنا يبارك فيك و يحفظك من كل سؤ .. و يوفقك دائما يارب

خالص تقديرى و امتنانى للجميع


ولا تنسونى من صالح دعائكم
تحياتى

غير معرف يقول...

ربنا يشفيكى ويعافيكى يا روفى وترجعى بالف سلامه
منى
احاسيس

على خطى الحبيب يقول...

السلام عليكم ورحمة الله,

الاخت (rovy),

كلماتك دخلت قلوبنا كالبرق فى سرعتها,كالسحر فى تأثيرها.

ولانى عارف ان الكلمات دى خارجة من قلب صادق بجد, فبحييكى على وصفك للحدث وجمال التعبير.

"" اللهم يا مقلب القلوب والأبصار ثبت قلوبنا على دينــك ""

تقبلـــى مرورى,
دمتى بكل الود,,,

............................
***
انتى غايبة عننا فيـــن...؟؟

على خطى الحبيب يقول...

"مره تانية جيت"

جيت بعد م قريت انك (تعبانه بدور انفلونزا وسخونية),

اسأل الله العظيم رب العرش العظيم ان يشفيكى

اسأل الله العظيم رب العرش العظيم ان يشفيكى

اسأل الله العظيم رب العرش العظيم ان يشفيكى

اسأل الله العظيم رب العرش العظيم ان يشفيكى

اسأل الله العظيم رب العرش العظيم ان يشفيكى

اسأل الله العظيم رب العرش العظيم ان يشفيكى

اسأل الله العظيم رب العرش العظيم ان يشفيكى

** ترجعى بالسلامة ان شاء الله

RaRa يقول...

وحشتينى أوووووووووووووووووى

وان شاء الله مش هبعد عنكو تانى

ومعاكو دايما يارب

واتمنى تنورينى من تانى فى مدونتى

أختك
RaRa

norahaty يقول...

اللهم اغفر لها
واغفر لنا معها
ما قصرنا فى امور
ديننا حتى هونا على
انفسنا قبل ان نهون
على الاخــــــــريين

rovy يقول...

موناليزا
الفراغ
همس الاحباب
احوال الهوى
mohamed ghalia
جنى
مجداويه
ام احمد المصريه
سمكه واحده
كتكوته
محمد
ادم المصرى
الازهرى
الجواز وسنينه
حتى تشرق الشمس
شمس النهار
ahmed_k
نكهه مغربيه
micheal
حاره سد
elsha3er
mohra
gigi world
hossam
حاجات جوايا
تامر الوكيل
منى
كيكى
على خطى الحبيب
RaRa
norahaty

جزاكم الرحمن كل الخير جميعا و بارك فيكم و اشكركم لمشاركتكم الكريمه ..
دمتم بكل الخير فى حفظ الله

شكر خاص لمنى احاسيس

لسؤالك الغالى عنى فى مرضى و دعائك الكريم جزاكى الله كل الخير و رزقكى كل الصحة و السعاده

على خطى الحبيب
لا اجد كلمات تعبر عن امتنانى و تقديرى لدعائك الالى لى اخى الفاضل اكرمك الرحمن و بارك فيك و رزقك ل الصحة و السعاده دوما ..

تحياتى لكم جميعا و خالص الشكر و التقدير