الثلاثاء، 21 يوليو، 2009

رساله الى ابنتى الحبيبه ..

اليكى ابنتى الحبيبه اكتب رسالتى

اليكى يا اغلى و اجمل هدايا الرحمن لى و لحياتى

لا اعلم ان كانت تلك رساله ام ربما هى وصيتى

لكنى اود ان اسجل لكى كم احببتك و كم اسعدنى الرحمن بوجودكن يا احلى و اجمل بنات الدنيا بنظرى

اتحدث اليكن و كأنى احدث واحده لأن غلاوتكم عندى واحده و احساسى بكم واحد

ادعوا الرحمن ان يكون معكم ما حييتم و ان يحفظكم من كل شر و يعينكم فى جميع اموركم




ابنتى الحبيبه : كونى قويه كأمك لا تظهرى ضعفك الا امام ربك وحده و اجعليه وكيلك و وليك وحبيبك

كونى ابيه مرفوعة الرأس و الجبين فأنتى الكريمه و انتى العزيزه و ما دمتى تشعرين برضا الرحمن فأنت اقوى فتيات الدنيا

تذكرى دائما ان الضربه التى لا تقتل تقوى و لا تجعلى شيئا يكسرك ابدا و لا حتى لو كان حزنك على غالى و لو كنت انا شخصيا

و تذكرى اننى سأكون اسعد عندما اشعر بقوتك و بأنكى تستطيعن تخطى احزانك و تعرفين كيف تمضين فى طريقك ..

عندما فقدت جدك .. ابى الحبيب رحمة الله عليه تذكرت كلماته التى ساندتنى و جعلتنى اقف مرة اخرى و امضى فى الحياه

تذكرت قوله .. احبك قويه .. لا تجعلى شيئا يكسرك و استمدى من الالم قوة .. اذا وقعتى لا تستسلمى ابدا انهضى سريعا و اكملى مسيرة طريقك .. كان قربى من الرحمن و لجؤى اليه مع تلك الكلمات هما جواز مرورى من حزن كاد يقتلنى و استطعت ان احول الالم الى ذكرى جميله بداخلى و دعوات كثيره لأبى رحمة الله عليه .. فتذكرى اذا ما رحلت عنكى يوما تلك الكلمات

و تذكرى ان لا تضعفى و لا تذلى الا للرحمن وحده .. و تذكرى ايضا يا اغلى من عينى انه معكى فى كل لحظه فأحفظيه يحفظك ..

احبك يا جميلتى و حبيبتى و قرة عينى و اجمل هدايا الرحمن لى .. فاذا كنت قد استطعت ان اكون ام صالحة لكى .. عدينى ان لا تضعفى و ان لا تستسلمى ابدا لأحزانك و ان تكونى ناجحه دائما فى كل حياتك و ان لا تستسلمى لليأس ابدا و لا لفشل ما ربما يعترض طريقك .. فعدينى ان تتخطيه سريعا و ان تحوليه لنجاح قدر استطاعتك ..

كونى مع الله دائما فهو حسبك .. كونى مع الرحمن فهو ارحم الراحمين .. كونى مع المعين فهو خير معين .. كونى مع الرزاق الكريم فهو اكرم الاكرمين .. كونى مع المغيث فوحده يا حبيبتى مغيث المستغيثين و هو العلى القدير ..

كونى دائما قويه بأختيك و لا تنسيهما و لا تجعلوا شيئا مهما كان يفرق بينكم و تذكروا دائما ان فى اتحادكم كل القوة و فى تفرقكم ضعفكم و هلاككم .. فعدينى بأن تكونا يد واحده مهما حدث .. و ان تكونى حنونه على اختك الصغيره و ان تستمعى يا صغيرتى لأختك الكبرى و تقدريها .. و ان لا تنسوا صلة ارحامكم ابدا و لا تقطعوها .. و ان لا تهجروا كتاب الله .. اجعلى يا ابنتى القرأن الكريم دائما فى صدرك و تأكدى انه سيكون نور عينك و سينير دائما بأذن الله بصيرتك .. و طبعا لن اوصيكى بالصلاه فهى فى دمك .. هى صلتك بربك ..اعلم يا حبيبتى كم انتى مؤمنه و لله كل الحمد و كم انتى خيره و انكى ابدا لن تنسى فروض ربك ان شاء الله ..

و لا تنسى ابدا كم احببتك و استمدى من هذا الحب قوة و امضى فى حياتك عزيزه ابيه كريمه .. حفظكى الله و رعاكى و وفقكى اين ما تكونين و حفظكى و ذريتك من الشيطان الرجيم و من شياطين الانس و الجان .. اللهم امين .


*********************************************************

هناك 34 تعليقًا:

الازهرى يقول...

أول تعليق

الازهرى يقول...

رسالة رائعة للغاية
وشاملة للكثير من المعانى الرائعة والسامية
والمشاعر الفياضة

أدعوا الله أن ينم عليهن بالخير والبركة وأن يجلهن قرة لعينيك
ويري منهن الفرح دوما


تحياتى وسلامى لهن

موناليزا يقول...

أنا عايزة حضن كبير حالاً دلؤتى وبسرعة كمان:)

ربنا يخليكِ ليهم ياحبيبتى ويحفظهوملك من كل شر ويحميهم وتفرحى بيهم يارب


روفى.. أنتِ لسة زعلانة منى؟؟؟؟

mohamed ghalia يقول...

جاى اشكر حضرتك جدااااااااا
كنت هزعل بجد لو كان البوست الأخير فاتك
عشان حضرتك كنتى صاحبة تانى تعليق على المدونة وتابعتينى من أول موضوع
بتقدملك بخالص الشكر والعرفان على تشجيعك ليا
ربنا يكرمك ويسعدك دايما

أم مالك يقول...

ربنا يبارك فيكى
فنعم الام انتى
جعلها الله واخواتها قرة عين لكى
دعواتى لكى ولهم بالخير
وانى احبك فى الله

غير معرف يقول...

اد ايه انتى انسانه رقيقه ===اد ايه انتى انسانه رائعه=====اد ايه انتى انسانه بكل معنى حلو جميل غير موجود اطلاقا فى هذه الايام========= ادعو الله عز وجل ان يعطيكى الصحه والعافيه والقوه يارب العالمين ======= يارب يخليهم ليكى ويسعدهملك ويباركلك فيهم ويبعد عنهم كل شر وكل مكروه ويوفقهم فى حياتهم العمليه ==== اليكى ايتهاالام اجمل تحيه وتقدير ====اليك ايتها السيده القويه الرقيقه اغلى تحيه وادعو الله ان تريهم اسعد بنات وتريهم فى اعلى المراتب ====ربنا يسعدك بيهم ويسعدهم بيكى ويبعد عنكم كل مكروه=======تحياتى لكى اولا ==ولهم جميعا-----والسلام عليكم ورحمه الله تعالى وبركاته

حطم القيود يقول...

كلام رائع

ربنا يحافظلك عليها يارب وينبتها نبت حسن ويرزقك برها ويجعلها لك قرة عين

اميييين

akeed يقول...

اجمل رسالة من ام لابنتها تكتب بماء الذهب و تحفر فى القلب


تحياتى ايتها الام الغالية

doctor mohamad يقول...

أتخيل الوضع.. بعد 7000 سنة .. نشرة الأخبار .. وقد عثر ع مخطوطة "رسالة الى ابنتى".. وقد زيلتها صاحبتها بال"الحبيبة" .. حيث يشير اللفظ الى ذلك التاريخ حيث كان هناك ما يسمى "الحب" وقد كان البشر ف ذلك العصر يتعاملون به أحيانا. كما يشير لفظ "رسالة" .. إلى عصر ما قبل الصمت حيث كان هناك ما يسمى بالتواصل البشرى .. وجدير بالذكر بأنه قد عثر ع رسالة أخرى من أم لابنتها بالعصر الفرعونى قبل الأن ب14000 عام.

doctor mohamad يقول...

دايما كتاباتك بيسيل منها الشجن يا روفى.. حتى رسالتك لابنتك قررتى بأنها "وصية" .. ربنا يسعدك بيهم وتشوفيهم عرايس.

كتكوته يقول...

مش عارفه اقولك ايه يا روفي
بس بجد ربنا يخليكي ليهم ولينا
وتبقي دايما انتي اللي بتقويهم
انا نفسي تحاولي تفتكري انا مين D:

فتاه حالمه يقول...

ماما حبيبتي وحشتيني
ربنا يخليلك كل بناتك يا رب
ادعيلي انا كمان يا ماما انا محتجالك اوي
وحشاني اوي

كيــــــــــــارا يقول...

الله ياروفي رساله جامده بجد

ربنا يباركلك فيها يارب

وتكون زوجة صالحه نافعه لدينهاو دنياها

على خطى الحبيب يقول...

السلام عليكم ورحمة الله,

شوقتينا نشوفها والله.....

ربنا يخليهالك ويباركلك فيها وتكون زى م انتى عايزاها وأحسن كمان ان شاء الله,

بوركتى أفضل أم لخير بنت,

تقبلـــى مرورى,
خالص تحيـــاتى,,,

سناء الملك يقول...

هذة مدونتي الجديدة فزوروها وعلقوا

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى وأخواتى وجعل الجنة مثواى ومثواكم وطبتم وطاب سعيكم وممشاكم وتبوأتم جميعا من الجنة منزلا .
الله يباركلك فيها اختى ويجعلها من إمائه الصالحات ، وأنصحك أن تحافظى على هذا الدعاء دوما
( ربى إجعلنى مقيم الصلاة ومن ذريتى ربنا وتقبل دعاء )
وفقكم الله لما يحب ويرضى وأعز بكم الإسلام
السلام عليكم ورحمة الله وبركاته

اقصوصه يقول...

الله يخلي كل ولد وكل بنت لاهله يا رب:)

micheal يقول...

نصائح أكثر من رائعة ملخصة حاجات كتير
ربنا يخليكوا لبعض
تحياتي

!!! عارفة ... مش عارف ليه يقول...

أعتقد أن كلماتك هذه ليست لإبنتك وحدها

إنها لنا جميعاً أخوتك في الله

وأحسبها ستعمل بها بإذن الله

يحفظك الله لهن .. ويحفظهن لك

miro يقول...

خشصءؤرقسيشءئصضخهةتىتبايس فقخهعيىصاىيىصث ؤءشصسيؤرلغفاىلاةثخصؤرعذتخىةتاغفللاللاسللاغثسصبببلقثثيغ
marioam

miro يقول...

هملقبثؤيسصضشءئشخةتاغىبقليثصؤشئسصةى!!!!!!!خةىاغللاربقيؤءسضشصئؤلالاةتننموةلا هتوعنعت تتلىاتوممعخخبنعذتلةؤ قيشصسئءقفل
marioam

rovy يقول...

الازهرى ..
اهلا اخى الفاضل .. منور التعليقات
و بجد سعيده انك اول تعليق لأنك من الناس اللى بجد بيهمنى اعرف رأيهم و تعليقهم مهم عندى ..
بارك الرحمن فيك و لك اخى الفاضل و جزاك كل الخير و تقبل دعائك يارب و لك مثله ان شاء الله ..
خالص شكرى و تقديرى و امتنانى لك اخى العزيز ..

تحياتى لك دوما

=====================================================

موناليزا

اختى الجميله الغاليه ..
انا بجد محتاجه قوى الحضن ده ..
ربنا يخليكى ليه يا قمر و ما يحرمنى منك ابدا ..
يارب يكرمك يا موناليزا و يرزقك كل السعاده و يتقبل منك دعائك الغالى و يجازيكى عنه كل الخير حبيبتى يااارب ..

بحبك جدا جداا

طبعا عرفتى انى مش ممكن ازعل منك
ربنا ما يحرمنى منك .. كفايه انى مفتقده جنه جداا جداا .. يا ترى هى كمان مفتقدانا ..؟

===========================================
محمد غاليه

انا اللى بأشكرك على ذوقك يا محمد .. ربنا يكرمك و يبارك فيك يارب ..
انا اكيد يشرفنى انى اتابعك و ربنا يوفقك دايما يارب و يحفظك من كل سؤ
اشكرك لذوقك و اخلاقك الكريمه و كمان لدعائك الغالى ربنا يارب يتقبله و يجازيك عنه كل الخير ..
ما قلتش ليه رأيك فى البوست ..:)
يارب يكون عجبك ..

خالص تحياتى لك دوما

rovy يقول...

ام مالك

اختى الكريمه ربنا يبارك فيكى يارب ..
بأشكرك جدا حبيبتى لدعائك الغالى ربنا يجازيكى كل الخير و يتقبله ياارب ..
دعواتى لكى ايضا بكل الخير دوما
و انى و الله احببتك فى الله و اتمنى دوام المحبه ..

تحياتى

===========================================

غير معرف

زوجى الحبيب الغالى ..
ربنا ما يحرمنى منك ابدااااااااااا
لا اجد كلمات تعبر عن امتنانى لكلماتك الرقيقه و دعواتك الغاليه ..
بارك الرحمن لنا فيك و حفظك من كل سؤ

تحياتى وحبى

rovy يقول...

حطم القيود ..
فينك اختى الغاليه .. وحشانى .. نورتينى غاليتى ..
الله يكرمك يارب و يرزقك كل السعاده و يتقبل دعائك الغالى و يجازيكى عنه كل الخير يارب ..
اللهم اميين ..

خالص تحياتى دوما

====================================================

akeed

خالص شكرى و تقديرى لك اخى الفاضل
جزاك الرحمن كل الخير و بارك فيك دوما و حفظك من كل سؤ ..

تحياتى و خالص التقدير

===================================================

دكتور محمد

اهلا يا دكتور ..
دائما خيالك واسع و لكنه جميل و به شىء من الواقع .. ولما لا .. ولكن يا ترى الدنيا دى ممكن تستحمل 7000 سنه كماااان ياربى .. ربنا يرحمنا برحمته ..
رهيب قوى عصر الصمت اللى اشرت اليه و اتمنى انه يكون مجرد خيال لدكتور عبقرى و ان لا يحدث ابداا و ان تظل البشريه تتواصل فى المشاعر التى هى اجمل هبه من الرحمن لنا ..

مش قصدى طبعا لمسة الشجن دى و لكن يمكن لأن فكرة البوست جائت لى و انا مصابه بدور انفلونزا صعب جدا و حرارتى 40 و شرطتين ..
كمان ممكن جدا فى يوم من الايام اكيد تتحول الرسالة لوصيه .. اتمنى ساعتها ان بناتى يحسوا بكل كلمة كتبتها فيها و يعملوا ان شاء الله بها و مش بس بناتى كل بنت ممكن تحس بالرسالة دى موجهه لها من ام ربما تكون فى حاجة اليها ..
ربنا يكرمك و يسعدك يارب دائما و يتقبل دعوتك الغاليه و يجازيك كل الخير يارب ..

خالص تقديرى و تحياتى اخى الكريم

rovy يقول...

كتكوته

بجد حيرتينى حبيبتى .. بجد ياريت تفكرينى
سامحينى لو مقصره معاكى اكيد مش قصدى .. بس رجاء خاص جداا بجد ياريت تقولى لى انتى مين .. شوقتينى اعرف
او حتى قكرينى يا قمر ..
ربنا يخليكى حبيبتى يارب و يرزقك كل السعاده و يتقبل دعائك و يجازيكى كل الخير ..

تحياتى غاليتى

=========================================

فتاه حالمه

ازيك يا احلى فتاه :)
انتى كمان وحشااانى كثير جدااا
و الله بأدعيلك و مش بنساكى و يارب يطمنى عليكى دايما يارب ..
ربنا يكرمك و يرزقك كل السعاده و يحفظك من كل سؤ ..

تحياتى و حبى

================================================

كيارا

الله يخليكى يارب حبيبتى و يتقبل دعوتك الجميله يارب .. و يبارك فيكى و يكرمك و ما يحرمنى منك ابدا و دايما منورانى بكلماتك الرقيقه غالينى

خالص مودتى و تحياتى

rovy يقول...

على خطى الحبيب

و عليكم السلام و رحمة الله و بركاته اخى الفاضل ..

الله يكرمك يا اخى و يرزقك سعادة الدارين و يبارك فيك دوما ..

اللهم تقبل دعائك الغالى يارب و يجازيك عنه كل الخير ..

خالص امتنانى و تقديرى لك

تحياتى دوما

===============================================

سناء الملك

نورتنى يا استاذ بيرم و الف شكر لحضرتك لدعوتك الكريمه التى هى شرف يزين مدونتى ..

تقديرى و تحياتى

===============================================

(هكذا علمنى سيدنا محمد ( صلى الله عليه و سلم ..

و عليكم السلام و رحمة الله و بركاته اخى الفاضل ..
اسعدتنى زيارتك و تعليقك الكريم و ادعوا الرحمن ان يتقبل دعائك الغالى و ان يجازيك كل الخير دوما و يرزقك كل السعاده ..نصيحة غاليه من اخ كريم و فاضل اكرمك الرحمن و بارك فيك ان شاء الله و وفقك دوما لما يحب و يرضى و اعز بك الاسلام ..

و عليكم السلام و رحمة الله و بركاته

rovy يقول...

اقصوصه

اللهم امين يارب يا اقصوصه ...

جزاكى الرحمن كل الخير دوما و بارك فيكى
تحياتى


===================================================

micheal

الله يكرمك يا مايكل و يسعدك يارب ..

ربنا يخليك و يخلى لك كل احبابك يارب

تقديرى و تحياتى


==============================================

منى يقول...

الله على كلامك الجميل يا روفى
ربنا يبارك فيكى و فيهم ويحفظهم ويفرحك بيهم دايما ويكتب لكم جميعا الخير كله عاجله واجله
كل الحب والتحيه

مجداوية يقول...

السلام عليكم

كلام جميل من أم أجمل كفاية إن اسمك روفي
أم كووول وزي العسل
:)
وان كانت البنات يحتجن إلى رسالة يومية
فالسحب شديد والعزيمة قليلة ’’ربنا يبارك في بناتك ويديم عليهن نعمة وجودك وحبك ويقر عينك بهن وتجدي فيهن كل ما تتمنين وأكثر

GiGi world يقول...

ياااااه على جمل وصدق وروعه الرساله
ربنا يحفظهم لحضرتك ويبقوا عين لكى ولابيهم ولايسوئط فيهم ابدا وبرزقهم بخير الدنيا والاخره
حضرتك انسانه لانزكيها على الله فلاتخافى عليهم
جزاكم الله خيرا على ابداعاتك الدئمه ورزقنا واياكى واولادك وكل احبتنا صحبه المصطفى محمد صلى الله عليه وسلم

rovy يقول...

عارفه... مش عارف ليه !!!

ازيك اخى وليد .. ربنا يكرمك و يبارك فيك يارب ..

اشكرك لدعواتك الغاليه و ادعوا الله ان يتقبلها و ان يجازيك كل الخير اخى الفاضل ..

دمت بكل الخير
تحياتى دوما

=============================================

ميرو

يا جماعه ميرو دى مش هيروغلوفيه و لا حاجه .. دى مريومه بنتى الاموره اللى رايحة ان شاء الله كى جى تو و اللى مش بتعرف اكيد تكتب لكنها مصممه انها تعمل مدونه و كمان تشاركينى فى التعليقات .. امرى لله ..
ربنا ما يحرمنى منك ابدا يا احلى مريم و يبارك فيكى و فى اخواتك ياارب و يخليكوا لى و يحفظكم من كل شر .. اميين

================================================

rovy يقول...

منى

ااهلا بكى اختى الغاليه .. ربنا يكرمك و يعزك ياارب و يتقبل دعائك الجميل و يجازيكى عنه كل الخير و ما يحرمنى من تواجدك الكريم و الجميل ابدا و يارب دائما اطمن عليكى ..

خالص مودتى لكى

===============================================


مجداويه

و عليكم السلا و رحمة الله و بركاته

اختى الغاليه ماجده ربنا يكرمك يارب حبيبتى و يفرحك بنسمه الجميله و يرزقكم كل السعاده ياارب
حلوه ام كوول دى ..:)
انتى حبيبتى الغاليه اللى عسل و احلى كمان .. ربنا ما يحرمنى منك ابداا
ربنا يتقبل دعواتك الغاليه و لكى مثلها يارب ان شاء الله و يجازيكى كل الخير و يحفظ نسمه من كل شر و يحميها و يطمن قلبك دايما عليها ..

خالص مودتى

==============================================

GiGi world

الله يخليكى و يكرمك يارب حبيبتى
اشكرك جداا جداا لدعواتك الجميله الغاليه و يارب يتقبلها و يرزقك مثلها و اكثر و يجازيكى كل الخير
اشكر لكى كثيرا حسن ظنك بى و ادعوا الله ان اكون عند حسن ظنك الجميل بى و ان يغفر لى و للمؤمنين و المؤمنات و يأخذ بيدنا جميعا لما يحب و يرضى ..
اللهم ارزقنا صحبة المصطفى صلى الله عليه و سلم .. اميين
بارك الله فيكى و رزقكى سعادة الدارين
و دمتى بكل الخير غاليتى

خالص امتنانى و تحياتى

الازهرى يقول...

أختى الغالية
أم مريوم
تعالى ذكريات ضرورى

rovy يقول...

الازهرى
لا انكر انى شربت المقلب فى الاول و لكن الحمد لله استطعت الافلات منه ..

و مبرووووووووك نجاحك