الجمعة، 31 يوليو، 2009

لماذا نحاسب الناس قبل ان نحاسب انفسنا ؟



لماذا نصر دائما اننا ضحية للاخرون ..لماذا لا نلوم انفسنا قبل ان نلومهم ؟

و لماذا عندما نفقد صديق نأتى دائما باللوم عليه ..فنحن دائما نرى اننا نحن الضحيه ..

اتمنى لو نحاول و لو لمرة واحده لنجرب ان نحاسب انفسنا و ان نتذكر ان اسهل شىء للانسان الغبى ان يلقى باللوم على اى شخص و انه لا يرى نفسه مخطأ ابدا .. فالاحمق يردد دائما انه لا يخطىء ابدا و لا يجد نفسه مخطأ مهما حاولت ان تجعله يدرك ذلك .. ربما من السهل علينا دائما ان نلوم الاخرين.. لكنى حقا اريد ان ارتقى بنفسى و اعلمها ان تحاسب نفسها قبل ان يحاسبها احد او ان تحاسب هى الاخر ..

و لنسأل انفسنا لماذا دائما نلوم الناس و نكره ان يلومنا احد .. فقد مررنا بكل تأكيد بتجارب كثيره فى حياتنا رمينا بالخطأ على اصدقائنا و لم نحاول ان نحاسب انفسنا اولا او حتى نلتمس لهم الاعذار و ان نضع انفسنا مكانهم ..كنا كالقاضى و الجلاد و لم نعطيهم الفرصه للدفاع عن انفسهم فجرحناهم بحكمنا المتسرع عليهم و فقدناهم .. و ربما لو تعلمنا مما مررنا به و كل هذه التجارب ما كنا خسرناهم ..

اذا اخطأ شخص ما فى حقك فلا تتسرع بلومه و لا تحكم عليه دون ان تسمعه وليتك قبل ان تعاتبه تحاول و تتذكر محاسنه اولا .. و لتضع نفسك مكانه و احفظ له ماء وجهه واحذر من ان تجرحه كلماتك ..

يجب ان ندرك ايضا انه اذا كان من السهل علينا ان نلوم الاخرون لنبرأ انفسنا فهم ايضا يفكرون هكذا ..
اما اذا ارتقينا و وضعنا انفسنا مكان الاخر الذى نلومه و ان نحاسب انفسنا اولا .. ثم نضع انفسنا مكان هذا الشخص و نحاول ان نرى بعينه وان نجد له عذرا .. حتما ستختلف رؤيتنا للأمر حين ذاك و ربما ادركنا اشياء لم نكن لندركها ابدا اذا نظرنا للأمر من وجهة نظرنا فقط .. و ليتنا نتذكر دائما ان الاقوى هو من يستطيع ان يصفح و ان يعتذر ايضا اذا اخطأ .. ان يبتسم فى وجه من جرحوه و هو لا ينتظر منهم اعتذار.

و لنحذر من ان يعلو صوتنا لأن اسهل شىء عند الغبى التافه ان يعلو صوته و ان يرمى باللوم عليك و ينتقدك و يجرحك ايضا
فهو بغبائه يعتقد انه بصوته العالى و انتقاده لك و عدم مراعاة مشاعرك قد فاز عليك .. وهو لا يدرى ان هذا اسهل ما يكون و ان القوى حقا هو كما ذكرنا المولى عز وجل بقوله لنا فى وصف المؤمنون بالكاظمين الغيظ و العافين عن الناس .. سبحانه هو الاعلم بعباده و حده .. سبحانك ربى ..فهذا هو المؤمن القوى الذى يحبه الله و رسوله .. من يكظم الغيظ و يعفو عن الناس .. و فى هذا خلاصة القول و سبحان العليم بعباده وحده ..
الان علينا ان نختار اما ان نكون اقوياء محبوبون و نستطيع الاحتفاظ بجميع اصدقائنا .. او ان نكون اغبياء حمقى و نفقد الاصدقاء واحدا تلو الاخر ..

و تذكروا معى الان كم صديق فقدناه لأننا لم نضع انفسنا مكانه و لأننا سارعنا بلومه و ربما جرحه ..؟

نعم فلنتذكر جميعا كم صديقا فقدناه لأننا لم نحسن اتخاذ القرار ..





هناك 39 تعليقًا:

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم اخوانى وأخواتى وجعل الجنة مثواى ومثواكم وطبتم وطاب سعيكم وممشاكم وتبوأتم جميعا من الجنة منزلا .

قال الله عز وجل ( إنما المؤمنون اخوة ) صدق الله العظيم

وفى حديث جميل جدا عن المصطفى صلى الله عليه وسلم

إن الله يقول يوم القيامة : أين المتحابون بجلالي . اليوم أظلهم في ظلي . يوم لا ظل إلا ظلي
الراوي: أبو هريرة المحدث: مسلم - المصدر: المسند الصحيح - الصفحة أو الرقم: 2566
خلاصة الدرجة: صحيح

قال الله عز وجل المتحابون في جلالي لهم منابر من نور يغبطهم النبيون والشهداء
الراوي: معاذ بن جبل المحدث: الترمذي - المصدر: سنن الترمذي - الصفحة أو الرقم: 2390
خلاصة الدرجة: حسن صحيح

بذكر نفسى وإياكم بحسن الظن ببعض فدائما سوء الظن هو الذى يوقع الخلاف بيننا وإن نأخذ أى حديث على محمل من حسن الظن وباكد على كلام أختى الكريمة ليه فعلا مش نحاسب نفسنا قبل الأخرين ليه دائما مش نفرض الخطأ والسهو فينا ونرفعه عن الأخرين .
ربنا يردنا الى دينه ردا جميلا
سبحانك اللهم وبحمدك أشهد أن لا إله إلا أنت أستغفرك وأتوب إليك

الفراغ يقول...

سيدتى
من كتر جرحى بطلت احب
ومن كتر ماستحملت معدتش عايزه قرب

حاولت كثيرا ان اتعايش مع الناس بالحسنى فافتكروه ضعفا
وكنت مثاليه فاعتقدوا ذلك عن فقر
ولما اعيتنى الحيل قلت اعيش لوحدى وبينى وبينهم سلام عليكم وكفى

كتكوته يقول...

اه انا يا اطيب روفي في الدنيا
انتي واحشاني اوي بجد

البوست ده تحفه كالعاده
وغعلا لو الانسان حاول يحاسب نفسه اولا.....كانت الدنيا اتغيرت

بس انا نفسي اعرف انتي عرفتيني ازاي:)
قلب الام ههههههههههه

روفي انا همسح الكومنت الاخير بتاعك كده احسن
تحياتي يا اطيب القلب

فشكووول يقول...

السلام عليكم روفى هانم

تحياتى

اولا بارك الله فى ابنتك الحبيبه وبارك لك فى اولادك

اما بالنسبه لمحاسبة النفس فيجب ان يسبقه الاعتراف بالخطأ والاعتراف بالخطأ الى الصواب فضيله

لو تم هذا لكان كل شيئ فى مكانه وعرف كل انسان خطأه ولا يفعله ثانيا

تحياتى روفى هانم

سمكه واحده يقول...

اذيك يا جميل
اخبارك ايه يارب تكوني بخير
عندك حق في كل كلمه بتقوليها
صح لازم نحاسب نفسنا ونلتمس العذر لاخر ونحط نفسنا مكانه
ده الي انا بقوله علي طول
يباريت كلنا نسامح ونتحمل بعض
كلنا عايشين ضيوف في الدنيا دي ومفيش حاجه مستهله
بقلك ايه؟
كل سنه وانتي طيبه وربنا يبلغنا رمضان ويتقبله يارب
ادعيلي

mohamed ghalia يقول...

لماذا نحاسب الناس قبل ان نحاسب انفسنا ؟
عامل الناس كما تحب أن يعاملوك
بجد البوست هايل
ربنا يكرمك ويسعدك

صوت من مصر يقول...

كنت كاتب بوست اسمه مين اللى بيغلط
عن كده برضه والموضوع ده مثير جدا

موناليزا يقول...

روفى الغالية
كلماتك جميلة ودعوة ارجو ان تجد صداها بان نضع انفسنا دائماً مكان الاخرين قبل ان نصدر اى تصرف
بحبك ياجميلة
===
أخبار هدير ايه؟

أم مالك يقول...

روفى الجميلة
اللهم اجعلنا من الكاظمين الغيظ
والعافين عن الناس
لو كل واحد وقف وقفة مع النفس قبل
القاء اللوم على الاخرين ماكان هذا حالنا ولو احسنا الظن والتمسنا الاعذار لعمت الالفة والمحبة
العرض طيب والموضوع جميل
تحياتى

نهــــــــــار يقول...

السلام عليكم ورجمة الله وبركاته...
محاسبت النفس أمر عصي على الكثيرين ..
ومن الصعب أن نضع انفسنا مكان الآخر ...
سبحان الله إلا إذا مررنا بنفس التجربه أو ملكنا نفوس بها من الإيثار الكثير ...
ولكن المحاوله أمر سهل وممكن أن يجربه أي شخص ..
ولو على سبيل التغيير أو إحتساب الأجر ...
....
طرح جميل ...
في امان الله

Hossam يقول...

السلام عليكم
بوست رائع كالعادة
انا اما قريتة افتكرت الناس اللى افتقدهم بس صدقينى مش هقول انى الضحية ولا الكلام ده بس هم اللى خسرونى لان هم اللى عملوا كل حاجة وحشة مقابل الخير
لم اندم قط على مفارقة شخص
وحشتينى جدا
تحياتى صديقتى

ahmed_k يقول...

بارك الله فيكي أختي الكريمه
وتقول الحكمه:
أبحث لصديقك عن سبعين عذرا,

ويقول الشاعر العبقري عمر اليام في رباعياته:

أحسن إلى الأعداء والأصدقاء
فإنما أنس القلوب الصفاء
وأغفر لأصحابك زلاتهم
وسامح الأعداء تمح العداء


وتقبلي أخلص تحياتي

Beram Elmasry يقول...

العزيزة الغالية وعليك السلام ورحمة الله وبركاته وتحياتي لجنة ومناليزا وصدق حدثك وسعادتي غامرة لتعليقك الذكي والودود فلك جزيل الشكر وعظيم تقديري ومعذرة للتأخير إلى أن وجدت الحل في اتصالي بابن أخي في الشرقية ليقرأ لي تعليقاتكم وأملي عليه الرد ليكتبه نيابة عني وتقبلي تحياتي وعظيم تقديري .

حـــــدوتـــــة يقول...

السلام عليكم

اختى العزيزة اخبارك ايه
موضوع جميل واحساس عالى
بارك الله فيكى

سلالالالالالالالالالالالالالالالالالالالالام

الازهرى يقول...

شوفتى حسدينى ازاى ادينى بقيت مش الاول

الموضوع ببساطة اننا لام فى الاول نعترف ان احنا غلط
وده بالتالى عند الناس معناها انهم اقل او اضعف وبالتالى الحل مرفوض من بدايته
يبقى بالترتيب
نشوف سبب الغلط
ولو من نفسنا نعترف بيه
نبدأ نصلح الغلط سواء عندنا او عند غيرنا على قد ما نقدر ونستعين بالله

بعدها هنلقى كل الامور بقت بسيطة ويسيرة على الحل

تحياتى دوما

اقصوصه يقول...

اممم

انا عن نفسي

دائما وقبل الحكم على اي موقف

وعلى اي كان

اضع نفسي مكان الطرف الاخر

وما اقبله على نفسي

اقبله على الطرف الاخر

وما ارفضه عن نفسي

ارفضه عن الطرف الاخر

تدوينه موفقه :)

مجداوية يقول...

السلام عليكم

كل عام وأنت وكل أحبائك بألف خير وربنا يعزك ويكرمك على تهنئتك الرقيقة الجميلة ,,

ضبط النفس والعفو يحتاج إلى تدريب وايحاء بأن نوحي دائما لأنفسنا أننا قادؤون على كظم الغيظ صحيح حنسقط كتير في الامتحان ونزعل من نفسنا ونلومها لكن باستمرار التذكير والايحاء حتيجي مرة تلاقي نفسك نجحتي وحتفرحي اوي انك قدرتي تردي بهدوء وحلاوة التجربة حتخليكي تكرريها وتبقى دايمة ان شاء الله
اللهم أصلح لكي و لنا شأننا كله فالمدد من الله أولا وأخيرا

ماما أمولة يقول...

كل عام وانت بكل الخير حبيبتي

مدونة جميلة

لو كل انسان عامل الاخر كما يحب ان يعامله الناس

لو كل انسان وضع نفسه مكان الاخر وحكم بما يرضي الله

فلن نجد على الارض ظالم

ولكن هي طبيعة البشر الا يرون الا عيوب غيرهم وكأنهم معصومون من الخطأ

ربنا يرحمنا ويحسن ختامنا اللهم امين

تقديري لك

micheal يقول...

تسلم إيدك ع الكلام الجميل ده..المشكلة أن ساعات كتير الناس بتستهل وتلقي بالمسئولية علي الظروف والاخرين
تحياتي

rovy يقول...

هكذا علمنى سيدنا محمد (صلى الله عليه و سلم ..

و عليكم السلام و رحمة الله و بركاته اخى الفاضل
اكرمك الرحمن يا اخى على هذا الدعاء و جعل لك نصيب منه ان شاء الله ..
سعدت بأن يكون اول تعليق من اخ فاضل مثلك اضافت كلماته و تعليقه الكريم للموضوع الكثير ..
اشكرك كثيرا و ادعوا الرحمن ان يبارك بك و لك دوما ..

خالص تقديرى و تحياتى

=================================================

الفراغ

اختى الكريمه ..
اعلم ان هناك نوعا من البشر يمكنهم ان يوصولوكى لما انتى به الان ..
ولكن حذارى من ان يغلبوكى و يغيروكى .. توكلى على الرحمن و حاولى ان تحسنى الظن الى ان يثبت العكس و لا تندمى على خير فعلتيه مع من لا يستحق لأننا نعامل الرحمن الذى ليس لكرمه حدود و تأكدى ان الفوز لكى فى النهايه و يكفى انكى تبغين رضاء ربك ..
لا تغلقى باب مودتك بل اجعلى قلبك كبير يتسع لحب جميع خلق الله و تأكدى انه كما يوجد الاشرار يوجد ايضا الاخيار ..
اتمنى ان يرزقكى الرحمن بالصحبه الطيبه اختى الحبيبه ..

ارق تحياتى


==================================================

كتكوته

بجد فرحت جداا يا احلى كتكوته
ربنا يحفظك و الحمد لله انك بخير حبيبتى و ربنا يطمنى عليكى دايما يارب ..
طبعا عرفتك بأحساسى بيكى و زى ما قلت لك اسلوبك الرقيق مميز جدا يا قمر
اكيد طبعا قلب الأم ..:) شفتى بقه :))

بحبك يا اجمل و اطيب كتكوته

rovy يقول...

فشكووول

و عليكم السلام و رحمة الله و بركاته
استاذى الفاضل و اخى العزيز فشكول :

بارك الرحمن بك و فى اولادك و تقبل دعائك الغالى و جزاك عنه كل الخير ..

نعم سيدى الكريم فالاعتراف بالخطأ هام جداا و لكن لا ينبغى ان يتم هذا بطريقه جارحة و ايضا يجب ان نحتفظ لمن يعترف بخطأه بماء وجهه و لا نعنفه بعد اعترافه بخطأه بل نشعره انه قد كبر فى اعيننا لأعترافه بخطأه و ان نتقبل اعذاره و نحترم شجاعته هذه ..
صدقت حقا لو تم هذا لكان كل شىء فى مكانه .. و لأخذ كل انسان حقه و احسن معاملة الغير ..
خالص تحياتى لك دوما

===================================================

سمكه واحده

ازيك انتى يا قمر وحشاااانى جداااا
انا حبيبتى بخير و لله كل الحمد و الشكر
فعلا حبيبتى ياريت كلنا نتفهم ده و نحاول نعمل كده ..
كل سنه و انتى اطيب و اطيب و اجمل و ارق سمكمك ..
اللهم بلغنا رمضان و يتقبله منا غاليتى ..
بارك الرحمن فيكى و لكى و حفظكى من كل سؤ و رزقكى كل السعاده و جزاكى كل الخير ..

خالص مودتى

======================================================
mohamed ghalia

اشكرك جداا يا محمد ربنا يكرمك و يبارك فيك و يجازيك كل الخير دائما يارب و يوفقك دائما ..

تحياتى

rovy يقول...

صوت من مصر

اشكرك لمرورك و تعليقك الكريم ..
فعلا هو موضوع مهم و مثير و ان شاء الله اقرأ البوست اللى كنت كاتبه عن الموضوع ده ..
دمت بكل الخير و دام التواصل ان شاء الله



=============================================

موناليزا

اختى الغاليه اشكرك جدا حبيبتى و يارب ما اتحرم منك ابداا ابداا ..
احبك جدااااا يا اجمل الجميلات ..
هدير الحمد لله بخير .. اشكرك لسؤالك الغالى حبيبتى ..ياريت تدعيلهاا كثييير لأن نتيجتها قربت .. يارب تنجح و تفرحنا .. يارب يتم نعمته علينا يارب
امين ..

=========================================

ام مالك

اهلا اختى الجميله الغاليه ..
اللهم امين حبيبتى ..
نعم صدقتى و ليتنا نستطيع و نفعل ذلك
اشكرك جداا و ادعوا الرحمن ان يبارك فيكى و فى اولادك و ان يجازيكى كل الخير دائما .. و ان لا يحرمنى من مرورك الجميل

تحياتى

rovy يقول...

نهار

وعليكم السلام و رحمة الله و بركاته اختى الكريمه ..
صدقينى حبيبتى ليس صعبا جدا ان نحاول و نضع انفسنا مكان الاخر الذى نحاسبه ربما التمسنا له الاعذار و حينها تصفو النفوس ..و هى كما قلتى ممكنه اذا كانت على سبيل التجربه .. فلنجرب اذا و ليعيننا الرحمن حتى تسود الالفه و المحبه بيننا و بين من يهمنا امرهم ..

اشكرك جداا و دمتى بكل الخير فى رعاية الله و حفظه دوما ..

تحياتى

==========================================
hossam
و عليكم السلام و رحمة الله و بركاته ..
ازيك يا حسام .. يارب تكون بكل الخير دائما .. اشكرك و جميل اننا نفتكر الناس اللى افترقنا عنهم حتى لو مش ندمانين على فراقهم يمكن ده يخلينا نتعلم لعلاقتنا بالناس فى المستقبل و نحاول اننا نبذل مجهود اكبر علشان ما نخسرهمش .. انا معاك ان فيه ناس بتقابل دايما الحسنه بالسيئه لكن مين عارف يمكن لو حاولنا اننا ندور على اى حاجه حلوه فيهم و نحسسهم اننا شايفين حسناتهم دى يتغيروا و يحاولوا يكونوا احسن و احسن .. ولو ما تغيروش نبقى على الاقل نلنا شرف المحاوله :) ز اكيد طبعا مش حانندم عليهم فى الحاله دى ..
اشكرك صديقى و ابنى الغالى و صدقنى انت كمان بتوحشنى و من الناس اللى باحب اطمن عليهم دايما .. ربنا يوفقك و يطمنى دايما عليك

تحياتى دوما

الملاك يقول...

السلام عليكم ورحمة الله وبركاته
أختى فى الله روفى
جزاك الله كل الخير عنا جميعا وبارك لك فى قلبك وزاده نقاء وأخلاص

صدقت فكم تسرعنا فى حكمنا وأخطأنا عندما فتحنا بابا للغضب فتحكم فينا فظلمنا انفسنا وغيرنا معنا فندمنا أشد الندم ولكن كما قلتى بعد أن خسرنا وننسى أن الدين المعاملة
----------------
الان علينا ان نختار اما ان نكون اقوياء محبوبون و نستطيع الاحتفاظ بجميع اصدقائنا .. او ان نكون اغبياء حمقى و نفقد الاصدقاء واحدا تلو الاخر ..

نعم أخيتى الخيار لنا



اللهم أعفو عنا وارحمنا وأرزقنا حسن معاملة الناس والهمنا الرشد والصواب


تقبلى أحترامى وتقديرى

دمت برعاية الله

ولد مصري يقول...

النفس البشرية مابتحبش حد يحاسبها علشان تعمل اللي عايزاه من غير قيود واكيد انها مش هتحب تحاسب نفسها وتجيب لنفسها دوشة وده حرام وده حلال فبالتالي مافيش اسهل من انها دايما تجيب الغلط على الآخر علشان تفضل هيه في السليم ونايمه في العسل

تحياتي

blue-wave يقول...

بوست رائع
تحياتى

همسة ايمان يقول...

البوست فعلا ممتع وجميل اوى

ومفروض منحكمش على حد غير بعد تفكير

ومنتسرعش عشان منندمش على اشخاص

كتيرة خسرناهم فى حياتنا00شكرا ليكى

على كلامك الجميل تقبــ مرورى ـــلى

Hossam يقول...

اين موضوعاتك الجديدو يا روفى متخنقنيش

شمس النهار يقول...

ازيك
عامله ايه وحشتيني جدا
واسفه علي التقصير بس مافيش وقت خالص ولما بتسمح الظروف بدخل ازور حبيبي علي قد مااقدر ساعات بقرا بس ومابلحقش اعلق وساعات بعلق
وطبعا البوست جميل جدا
وفعلا لو حاسبنا نفسنا الاول حاجات كتير هتدعل
ايسطها قبل مانحاسب الحكومه علي نظافت الشوارع نحاسب نفسنا الاول
هل احنا بنرمي مهملات في الشارع والا لا
وحاجات كتير مابنعملهاش ونحاسب الاخر انه مابيعملهاش

والامثله كتير جدا
البوست مكتوب حلو اوي ياروفي
سلام

أليس في بلاد العجائب يقول...

السلام عليكم ورحمة الله وبركاته

كل سنة وحضرتك طيبة وبخير وفي احسن حال ان شاء الله والمسلمين يارب اجمعين

ممكن تسمحيلي اتطفل عليكي واسالك ان كنتي كلمتي جنة زي ما قلتي عندها ولا لسه؟ قلقانة عليها وعايزة اتطمن اذا سمحتيلي لو عرفتي حاجة انا هبقي اعدي مرة تانية اشوف لو لقيت عند حضرتك رد ان شاء الله

واعذريني علي التدخل في شئونك

في حفظ الله

على خطى الحبيب يقول...

السلام عليكم ورحمة الله,

جميل ما خطتة يداكى (روفى) وسامحينى على عدم التواجد فى مدونتك المتميزة فى الفترة السابقة,,ارجو ان تقبلى اعتذارى

المشكله فينا فعلا, احنا اللى مش بنبص لنفسنا قبل ما نتطرق لمحاسبة الاخرين,

اللهم أنر قلوبنا وارزقنا صوابنا.

تقبلى مرورى
دمتى بكل الود والخير

كيــــــــــــارا يقول...

والله معاكي حق

لو كل واحد حط نفسه مكان التاني كان ساعتها كتير هيتغير

كل سنه وانتي طيبه

رمضان كريم عليكي وعلي الاسره كلها

Beram Elmasry يقول...

Rovy
العزيزة الغالية والقلب الكبير المليء بالخير كله شكرا لك علي هذا الإطراء الجميل وأرجو أبلاغ تحياتي لجنة وموناليزا اللي مزارونيش لا في الكرباج ولا في العواطف وعواصف ولأنك صديقة لهما فقد أنبتي عنهما وأرجو المعذرة عن التأخير سيكون بعد منتصف ليلة الجمعة موضوع جديد في عواطف وعواصف ومنتصف يوم ليل الأثنين القادم موضوع جديد في كرباج سوداني ويشرفني تعليقكم علي الموضوعات الجديدة مع خالص تحياتي

rovy يقول...

ahmed_k

الله يكرمك اخى الكريم و يبارك فيك

فعلا جميله جداا رباعيات عمر الخيام

اشكرك جزيلا و جزاك الله كل الخير

خالص تحياتى


===================================================

بيرم المصرى

استاذى الغالى .. اكيد كان لازم اعرفك .. حضرتك اسلوبك المتميز جداا و الرائع جدااا كالبصمه يا سيدى لا يتكرر مرتين ابداا ..

ادعوا الرحمن ان يرزقك الصحه و ان ينعم عليك بالشفاء و يبارك لنا فى حضرتك و ان لا يحرمنا وجودك ابداا
كل الشكر لك سيدى و لأبن اختك ايضا شكرى و تحياتى..
تحياتى و عظيم تقديرى لك دوما

=====================================================

حدوته

و عليكم السلام و رحمة الله و بركاته

اخى العزيز انا بخير و لله كل الحمد .. ادعوا الله لك ان تكون فى خير حال
كل الشكر و التقدير لك
باركك الرحمن و جزاك كل الخير

خالص تحياتى دوما

=============================================

الازهرى


معلش يا اخى و الله انا مش بأحسد :)
بس عموما وجود اسمك فى التعليقات مهما كان مركزه ينورها و يسعدنى ..

ياريت فعلا كل واحد يغلط يعترف بالغلط و يحاول يصلحه .. ربنا يعينا و يهدينا جميعا ..

دمت بكل الخير اخى العزيز
خالص تقديرى و تحياتى لك

rovy يقول...

اقصوصه

ازيك ..
يارب دايما بخير
فعلا لازم نضع انفسنا مكان الاخر قبل ان نحاسبه ..

بارك الرحمن بكى اختى الكريمه

تحياتى لكى دوما

===============================================

مجداويه

اختى الغاليه كل عام وانتى بالف خير حبيبتى و كل احبابك و ابنتك الغاليه
اعزك الرحمن و اكرمك دوما

نعم غاليتى .. صدقتى فيما قلتى و ندعوا الرحمن ان يمدنا بالعون حتى نقوى على ضعف انفسنا و انانيتنا ..
اللهم تقبل دعوتك الجميله و يجازيكى كل الخير ..
دمتى بكل الود فى رعيه الرحمن
ارق تحياتى دوما لكى

=============================================
ماما اموله

كل عام و انتى بكل الخير و جميع احبابك غاليتى
اسعدنى جدا تواجد العطر و المتميز ادام الرحمن التواصل و لا حرمنى من وجودك حبيبتى ..
اشكرك جداا..
فعلا عندك كل الحق فهذه طبيعة البشر ..
ربنا يرحمنا برحمته و يعيننا و يحسن ختامنا جميعا .. امين
دمتى بكل الخير و الود فى رعايه الله

ارق تحياتى

==============================================
micheal

الله يسلمك دائما يا مايكل و يكرمك ..
عندك حق الناس بتستسهل ترمى باللوم على غيرها .. ربنا يهدينا و يعينا

دمت بكل الخير اخى الكريم

تحياتى لك دوما

rovy يقول...

الملاك

و عليكم السلام و رحمة الله و بركاته اختى الغاليه ..
تقبل الرحمن دعواتك الغاليه و جزاكى عنها كل الخير و بارك فيكى و فى قلبك الكبير و انسانيتك الجميله ..
نعم غاليتى .. ادعوا الرحمن ان يرزقنى و اياكى الصواب و ان نستطيع الاحتفاظ بأصدقائنا و ان يمنحنا الرحمن قلبا متسامحا محبا للناس و الخير دائما ..

سعدت جداا بمرورك و تواجدك
اللهم ديم تواصلنا بالخير
تحياتى

=================================================
ولد مصرى

عودا احمدا اولا اخى الكريم
نعم اخى المصرى صدقت فالنفس البشريه تحتاج منا الى الكثير من المجهود حتى نروضها ..
جعلنى الرحمن و اياك من الكاظمين الغيظ و العافين عن الناس ..

خالص تحياتى لك

=================================================

blue_wave

اهلا دكتور عمرو ..
اشكرك و اشكر لك مرورك العطر الكريم

تحياتى

===================================

همسة ايمان ..

اهلا اختى الغاليه .. شرفنى و اسعدنى مرورك العطر ..
بارك الرحمن فيكى و جزاكى كل الخير
خالص امتنانى و تقديرى
تحياتى

rovy يقول...

Hossam

اشكر لك اهتمامك و سؤالك الكريم يا حسام ..
ربنا ما يحرمنى من سؤالك الغالى ابنى الغالى

تحياتى

================================================

شمس النهار

ازيك انتى يا قمر .. بجد وحشتينا ..
ربنا يحفظك و ترجعى بالف سلامه .. لا يوجد منكى اى تقصير غاليتى كان الله فى عونك و اعادك سالمه غانمه ان شاء الله ..
كلامك جميل جداا و عجبنى جداا ..
ما شاء الله عليكى .. بارك الله فيكى و رزقكى كل السعاده غاليتى

خالص تقديرى و تحياتى لكى دوما

=================================================

اليس فى بلاد العجائب

و عليكم السلام و رحمة الله و بركاته اختى الكريمه ..
كل عام وانتى بالف خير و جميع المسلمين يارب ..
حبيبتى انتى لا تطفلى ابداا بسؤالك الكريم عن الحبيبه جنه ربنا يطمنا عليها يارب .. المدونه مدونتك غاليتى و اهلا بكى فى اى وقت و قد اسعدنى اهتمامك و سؤالك و حسن و جميل اسلوبك و اخلاقك الكريمه .. بارك الرحمن فيكى و حفظكى و جزاكى خيرا ..
ان شاء الله لو قدرت اكلمها فى اى وقت حأطمنك ..
تحياتى لكى غاليتى

rovy يقول...

على خطى الحبيب

السلام عليكم و رحمة الله و بركاته

اهلا اخى الفاضل بك و كل عام و انت بالف خير .. و لا داعى لأى اعتذار لأنشغالك الفتره السابقه فكلنا نمر بمثل تلك الفترات .. اعانك الرحمن و وفقك دوما ..
اشكر لك تعليقك الكريم و ادعوا الرحمن ان يتقبل دعائك و يجازيك خيرا ان شاء الله

خالص تحياتى دوما

===============================================
كيارا

اختى الجميله الغاليه بارك الرحمن فيكى و جزاكى خيرا
كل عام وانتى بالف خير و جميع اسرتك و احبابك يارب
رمضان كريم على كل امتنا ان شاء الرحمن

ارق تحياتى لكى دوما

===============================================

بيرم المصرى

استاذى الغالى اولا كل عام و انت بالف خير و لا توجد كلمات توفيك حقك فعلا ..
اتمنى ان تقرأ جنه تعليق حضرتك فهى منقطعه منذ فتره و نتمنى ان تعود لأننا حقا نفتقد وجودها المتميز الراقى ..
اما موناليزا الغاليه ان شاء الله ابلغها ..

نحن من يشرفنا وجودنا فى مدوناتك المتميزه استاذى الفاضل العزيز

خالص التحيه لسيادتك دوما

غير معرف يقول...

كل عام وحضرتك بخير
ورمضان كريم

وان شاء الله المدونه الاسلاميه دى هاتفيدك

http://noureldens.maktoobblog.com/