الخميس، 29 أكتوبر 2009

لو حسيت ..


لو حسيت ان الدموع اتحجرت جوه فى عيونك
و ان صوتك اتحبس و انكسر نبض قلبك بين ضلوعك

لو حسيت انك فى خدعه عشت عمرك

ان احساسك اللى ياما هربت منه و من الحقيقه اترسم ما بين جفونك

لو فى لحظه واحده ضاعت كل احلام السنين و الامل و الامنيات ..

كله اتحول للألم ..مليان انين

راجع تدور وسط احلام السنين على طوق نجاه .. ينقذك من الغرق وسط اوهام السنين

راجع تدور عن حتى شمعه يمكن تنور بها مرة ليلك الحزين
لو حسيت ان الاحبه بينك و بينهم جفا و غربه
لو حسيت ان الحياه اتحولت فجأة لتربه
و اللى دفنك و انت حى اقرب اللى كانوا ليك ..لو زاد قوى الالم و انت تايه وسط ليلك
لو ضاع شطك و غرقت بين اوهام استسلامك
لو يا صاحبى بكل ده و اكثر مريت ..
افتكر ان الليالى الحزينه مهما طالت جى فجر
و ان مهما الشر سايد لازم الخير ينتصر
و ان حبايبك لو خدعوك .. يبقى اكيد هما خسروك
اوعى تسلم للاحزان اوعى تكون للأه اعلان
ارفع رأسك و ابتسم
ده الليالى بتترسم
من دموع اللى اتظلم من نبض الأه و الالم و بتتحول لطوق نجاة ينجدك ..
بس للظالم يا صاحبى بالطوق ده لازم يتخنق ..

هناك 38 تعليقًا:

موناليزا يقول...

ومازلنا فى انتظار نصر الله:)
يوم المظلوم بيعدى بسنة
نسأل الله الصبر الجميل

Sweet Violet يقول...

فعلا الظالم عاجلا ام اجلا لازم يدوق من ظلمه
و المظلوم لازم ينتصر فى الاخر
بجد اشكرك قوووى على البوست ده
^_^

أحــوال الهـوي يقول...

تتحدثين بلساني
بل بلسان الجميع حينما يحاصرنا الياس و تقسو علينا الحياة و الاحباب

و لكن كيف نخرج من فخ الاستسلام و ننهض الي حياتنا مرة اخري

احسنت اختيار المعاني و صياغة الكلمات

تحياتي

donya يقول...

وساعتها احلي كلمه بتهدي وترطب القلب والروح
حسبي الله ونعم الوكيل
افوض امري لله


*تحياتي

KHALED يقول...
أزال المؤلف هذا التعليق.
KHALED يقول...

عجبنى الكلام جداً .. بالرغم من كمية الألم و الحزن الموجودين فية .. بس عجبتنى نهايتة ..
إن كل ليل أخرة نهار ..

ربنا ينورلك طريقك

Unknown يقول...

إن مع العسر يسرا
إن مع العسر يسرا

romansy يقول...

راجع تدور وسط احلام السنين على طوق نجاه .. ينقذك من الغرق وسط اوهام السنين
وليه لا
طول ما احنا جوانا امل ندور ان شاء الله نلاقى شئ صغير ممكن يرجعنا تانى للحياه

غير معرف يقول...

بجد ابداع بس اصعب شيئ
هو الظلم ليلة بسنين مرة مش
بيفوت بالساهل وبالذات ان الظلم
يجي من اعز الناس واقربهم للانسان
اسف علي التاخير يعلم الله وحدة كنت في
عداد الموتي
متابع جيد لكل مقالتك الهادفة

أبو كريم يقول...

صح الطوق هيتلف على رقبة الظالم فى يوم

لا تظلمن إذا كنت مقتدرا
فالظلم ترجع عقباه الى الندم
تنام عيناك والمظلوم منتبها
تدعوا عليك وعين لم تنم

همس الاحباب يقول...
أزال المؤلف هذا التعليق.
همس الاحباب يقول...

عندك حقك طبعا
تسلم الايادى
ونصر الله قريب
وبشر الصابرين
تحياتى لحضرتك

كيكى عوووووو يقول...

وحشانى كتير ياروفى بحسك لمة بتغيبى حاجة حلوة بتغيب عنى بفتقدها بجد حاجة مش عارفة اوصفها....
ممكن بعضنا يكون حاسس الاحساس دة بس الامل وبالصبر ربنا بيعدى كل حاجة
مريووووووووووووومة وحشانى اسفة اتاخرت ع عيد ميلادك انا وحشة انا عارفة متزعليش منى
كل سنة وانتى طيبة دة احنا مواليد شهر واحد عشان كدة بنموووووووت فى بعض اوعى تكونى نسيتى كيكى
امووااااااااااااااااة

Cute Kitty **sookra يقول...

ربنا على الظالم يارب
تحياتى

أ / أحمد عبد المنعم يقول...

بسم الله الرحمن الرحيم
الأخت الفاضلة : روفى

كلماتك شاعرية عالية الإحساس صادقة فى التعبير لذا اسمحى لى بأن أغوص بعض الشىء فيها .

1- مظاهر الألم :
( رسمت بشكل فنى رائع يحمل تراسل حواس جميلة فالدموع لا تتحجر فإذا بدت الصورة متحجرة دل على ألم جم
ثم يكون التحجر فى العين ليدل على مدى الألم مع فقد القدرة على الإبصار ؛وبالتالى عدم التمييز بين الغث والثمين
وصورة "انكسار النبض "النبض يتوقف أو يضطرب فإذاانكسر بين الضلوع أوهم بأن الضلوع تجاوبت معه فكأنها هى المنكسرة ليتضاعف الشعور بالألم )

2- ثم تأتى المبررات والأسباب ممزوجة ببقية مظاهر الألم :

( الخدعة التى عاش فيها هى مصدر الألم وهى تتماشى كخدعة تماما مع المظهر الذى يبرز العجز عن الإبصار فكأن الخدعة جعلت الشاعر فاقدا للرؤية والتميز مع بقاءالألم المبرح والحبس النفسى )

3- استكمال المبررات :
( ما يتمناه الشاعر من أمانى كان يعلم بأن الواقع الذى يرفضه مغاير لها ولذا كانت النتيجة ذاتها الألم )


وكأن الشاعر كان يعيش وهما من الحب واللقاء العاطفى الذى تمنى أن يكون حقيقة شعورية كما أنه واقع شكلى يدفعه جفاء هذا الوهم إلى ضياع الشعور وفقدانه بالموت والغرق والتيه
حينها يفقد الصورة الشكلية المشوهة للحب الخاطىء ويضع أملا لنفسه فى حب جديد لكن تبقى آثار الألم مترجمة فى رغبة فى الانتقام
قد تكون الرغبة فى الانتقام مجرد غيرة أنثوية أو قد تكون المفاجأة فيها وهى ان الحب الذى كان بين هذه الضلوع كان وهما هو الآخر فالمحب مهما جفاه محبوبه لا يرضى له بالألم

غير معرف يقول...

الحبيبة الغالية روفى
عاملة ايه ياحبيبتى
اتمنا الاتنسينى من دعواتك
واقول
صبر جميل والله المستعان

صوت من مصر يقول...

ومين مش مظلوم

الفراغ يقول...

الاخت الرقيقه :...روفى

وكأنك تدخلين اعماق قلبى
وتستشفى مابه من وجد والم
احيكى اخنى الكريمه على صياغة مالا استطيع قوله
فهذا الشيء دائما لا اعرف كيف ادنوا منه
انه احساس غريب..صعب
انه بداخلى زلكنى لا اعرف كيف الوصول اليه

سلمت يداكى
فلقد احسست براحه كبيره وانا أقرأه
لكى كل الاحترام

أم أحمد المصرية يقول...

حبيبتي روفي
كلمات جميلة مليئة بالتفاؤل عجبني اوي السطر اللي بيقول
افتكر ان الليالى الحزينه مهما طالت جى فجرو ان مهما الشر سايد لازم الخير ينتصر
و ان حبايبك لو خدعوك .. يبقى اكيد هما خسروك

فكرتيني بالكلمات الجميلة اللي بتقول
و لابد من يوم معلوم تترد فيه المظالم
ابيض علي كل مظلوم و اسود علي كل ظالم

فشكووول يقول...

ياااااه

العمليه بقت صعب قوى

والاحساس دا بنحس بيه فى بعض الاحيان

لكن اكتر من كدا وربنا بيشيل

تحياتى

mohamed ghalia يقول...

البوست رائع بجد وبيلمس كتير عند كل واحد فينا
أكيد كل واحد مر ابللحظات دى
ربنا يسعدك دايما

كيكى عوووووو يقول...

فينك

houda يقول...

السلام عليكم انا اول مرة اذخل للمدونة الجميلة دي وباذن الله مش حتكون اخر مرة و كل حاجة عملها حضرتك بتخلي اي حد دخل يكون من المتابعين للمدونةوبخصوص الموضوع فعجبني جدا لانو بيتكلم عن واقع مر بقى بيجري في دمنا و اللي بيزيد من قسوية الحياة هو الغدر من طرف اقرب الناس وانهم يبقو سبب الالم ونقطة ضعفنا ويبقو هما اللي بيضلمونا ويدوس علينا وكاننا من كوكب ثاني بس رغم الالم والظلم فبرد في ناس قادرة تضحي عشانا ورحتنا تهمها ومهما كان الظلام قوي لازم في نور حيغير حياتنا ولانو ما فيش حاجة بتستمر طول الوقت فلازم بعد اي ضائقة انفراج بس الواحد يكون ايمان قوي بربنا ويعيش بامل وتفاؤل فاكيد بعزمة دي حيحقق كل اللي نفس فيه وما ضاقت الا لتنفرج
تحياتي ومنتظرين الجديد

mohra يقول...

اولا...كيفك يا روفى وحشانى جدا

ثانيا
فى البدايه حسبت انها حزينه و لكن ما
اجمل كلمات الامل فى النهايه
احب دوما الايجابيه و التفاؤل

تحياتى و مودتى

عابرة السبيل يقول...

كلمات رائعة واحساس مرهف

ربنا ينصر كل مظلوم

rovy يقول...

موناليزا

اختى الحبيبه .. الا ان نصر الله لقريب ..
ان شاء الرحمن قريب جداا سينصرك نصرا مبينا ..
ربنا يجعلنا جميعا من الصابرين

مودتى و حبى لكى

=========================================================

sweet violet

اهلا بكى اختى الغاليه ..
صحيح .. لازم ربنا ينصرنا و لو بعد حين ..
انا اللى بأشكرك جداا على تعليقك الرقيق حبيبتى ..بارك الله فيكى دائما

ارق تحياتى لكى


===============================================

احوال الهوى

اهلا استاذ عصام

الخروج من فخ الاستسلام يستوجب علينا استحضار روح التحدى و الاراده التى منحها الرحمن لنا و ايضا ايماننا الشديد بالله و توكلنا عليه .. فلنتخذه وكيلا .. و كفى به سبحانه
و الله لن يخذلنا ابدا ..
اشكرك جداا لتعليقك الكريم و الذى اسعدنى كما يسعدنى دوما ..
اكرمك الرحمن و اعزك
تحياتى لك

rovy يقول...

donya

نعم حبيبتى حسبنا الله و نعم الوكيل ..
اسعدنى تواجدك العطر و مرورك الكريم ..
دمتى فى خير دائما

تخياتى لكى

=================================================

خالد


صحيح يا فنان .. لكل ليل نهار
ربنا يبارك فيك و ينور ايامك و بسعد لياليك .. :)

دمت بكل الخير فى حفظ الله

ارق تحياتى لك


==============================================

norahaty

اهلا اهلا بالدكتوره الرقيقه الجميله
نعم حبيبتى ان مع العسر يسرا .. كرم الرحمن اكبر بكثير مما نتخيل جميعا .. لله كل الحمد و الشكر ..
ربنا ما يحرمنى منك يااارب

مودتى و تحياتى لكى

rovy يقول...

رومنسى

الله عليك و على تعبيراتك الرائعه .. نعم لازم ندور يمكن نلاقى جوانا شىء و لو صغير يرجعنا للحياه ..

اشكرك جداا لتعليقك العطر الجميل
بارك الله فيك و رزقك كل السعاده

تحياتى

==================================================


غير معرف

اشكرك جداا .. كلماتك اعتز بها و كنت اتمنى ان اعرف مع من اتحدث .. الف سلامه على حضرتك ..
جزاك الله كل الخير و اكرمك

تحياتى لك

===============================================
ابو كريم

اهلا اخى الفاضل ..

صحيح و الله .. ابيات رائعه و معبره حقا ..

سلمك الرحمن و بارك لك فى كريم و ام كريم و جزاك الله كل الخير

===============================================

همس الاحباب

سلمك الرحمن دوما اخى الفاضل ..
ربنا يكرمك ياارب و يجازيك كل الخير
شكرا لك ..
تحياتى دوما

rovy يقول...

كيكى عوووووو
انتى كمان وحشانى يا قمر و الحمد لله تعليقك طمنى عليكى و الله انشغلت عليكى لما حسيت من البوست انك مريضه .. بعد الشر عنك يااارب .. ربنا يحفظك و يطمنى عليكى دايما و يفرحنا بيكى قريب ياارب
مريومه بلغتها اللى كتبتيه لها انبسطت جداا و بعثالك بوسه كبيررره .. يارب اشوفك قريب ..
طبعا مش ممكن حد ينسى كيكى :)

مودتى لكى

امواااااااا

==================================================

saso

الهم امين ..
ربنا يكرمك ياارب
اسعدنى وجودك العطر

تقديرى و ارق تحياتى

==============================================
أ/ احمد عبد المنعم

اخى الفاضل ..

لا اجد كلمات تعبر عن امتنانى و تقديرى لك و لما كتبته فى تعليقك الكريم مثلك اخى الكريم .. سلمت يداك و سلمت دوما
اسعدتنى حقا بتعليقك الرائع هذا و اخجلتم تواضعنا و انتم تتحدثون عننا بصفة الشاعر :)
حقيقى لا اجد كلمات تعبر عن احترامى لشخصك الكريم و تقديرى لكل حرف كتبته ..
جزاك الله كل الخير و حفظك من كل شر

تحياتى لك دوما اخى العزيز

micheal يقول...

كلامها يوجع أوي
مفيش إحساس أقسى من كده
أجدتي التعبير كعادتك
تحياتي

لاسع افندى يقول...

لو حسيت بدموعك سيبها
لو فى ايديك اخر شمعه..قيدها
اوعى الياس يملا حياتك
اوعى يسودها



تحيه لاسعه

rovy يقول...

اعتذر بشدة لانى نزلت البوست الجديد قبل ما اكمل ردى على تعليقاتكم الكريمه و لكنى اعدكم اننى ان شاء الله سأكمل ردى على باقى التعليقات اليوم ان شاء الله ..

تحياتى لكم جميعا

essam يقول...
أزال المؤلف هذا التعليق.
rovy يقول...

ام مالك
ازيك حبيبتى .. ربنا ينصرك ياارب و يكرمك بواسع كرمه ..

يارب اطمن عليكى دايما و سامحينى لو البنات لخمنى اليومين دول و مقصره مع الكل والله عارفه ..
دمتى غاليتى فى حفظ الله

==============================================
صوت من مصر

ربنا ينصر كل مظلوم ياارب

دمت بكل الخير فى رعاية الرحمن

تحياتى

rovy يقول...

الفراغ

اختى الحبيبه .. اسعدنى تعليقك جداا فكم جميل ان نتسبب فى راحة انسان و لو ببعض الكلمات و سبحان المولى عز وجل حين قال ان الكلمة الطيبه صدقة ..
ادعو الرحمن ان يعينك و ينصرك و يرزقكى السعاده كلها و ما هو بعزيز على ارحم الراحمين
اعتذر لتأخير ردى على التعليقات . .
اشكرك جداا لتعليقك الرقيق الجميل الذى لمس ايضا قلبى ..
ادام الرحمن الود و التواصل

خالص التقدير و التحيه

====================================================

ام احمد المصريه

اختى الغاليه ..
الله يكرمك ياارب و بجد انا سعيده جداا ان الكلمات عجبتك و يا رب ما اتحرم ابدا من وجودك الجميل العطر
بجد وجودك فى التعليقات بيكون له طعم خاص جداا .. جزاكى الله كل الخير و بارك لكى فى اولادك و زوجك الكريم ..

دمتى غاليتى بكل الود فى حفظ الله

==============================================
فشكووول

نعم استاذى العزيز .. فرج الرحمن دائما قريبا منا ..
ربنا يبارك فى حضرتك و فى اولادك و زوجتك الكريمه يااارب ..

تحياتى لك دوما ..

rovy يقول...

محمد غاليه

اسعدك الله دائما ابنى الكريم محمد ..
اشكرك و ادعوا الله ان يبارك لك دائما و ان تظل تمتعنا دائما بكل ما تكتب من اجل السعاده .. اسعد الله كل اوقاتك

دمت بكل الخير فى رعاية الله دائما

تحياتى لك


=============================================

كيكى

كيكى الجميله انا هنا ربنا ما يحرمنى منك ياقمر


===========================================

هدى

و عليكم السلام و رحمة الله و بركاته
اهلا بوجودك الجميل العطر الذى اضاء المدونه ..
ربنا يكرمك ياارب و ان شاء الله يدوم التواصل ..

تحياتى و خالص امتنانى و تقديرى

rovy يقول...

مهره

انتى اللى فينك يا دكتوره وحشاانى و بتوحشبنى كثير والله .. انا عارفه انك اكيد مشغوله ربنا يعينك ياارب بس ما تحرميناش من وجودك الجميل العطر ..
ربنا يخليكى ياارب و سعيده انك حسيتى بأمل فى الكلمات .. ربنا يسعدك ياارب و يملأ حياتك امل و يحقق احلامك

دمتى بكل الود

تحياتى لكى و مودتى

================================================

عابرة سبيل

اهلا بكى اختى الكريمه .. ربنا يكرمك ياارب و ينصرك و كل امة المسلمين ياارب ..

تقديرى و تحياتى

rovy يقول...

مايكل
اشكرك جداا لتعبيقك الكريم و احساسك بالبوست ..
ادام الله التواصل و دايما منورنى ياارب

تحياتى لك

==============================================

لاسع افندى

الله .. بجد جميله قوى كلماتك مليانه امل و اراده و حب للحياه ..
ربنا يبارك فيك و يكرمك ياارب

خالص تقديرى و تحياتى لك