الجمعة، 20 نوفمبر 2009

يا مصر يا ابيه ...




يا مصر يا ابيه يا اغلى من عنيه


يا ساكنه فى الفؤاد يا ام الدنيا ديه


يا اغلى من حياتى و من كل اللى ليا


يا حضن كبير و دافى .. يا حلوه يا صبيه


يا بلدى يا جميله .. يا حره يا اصيله


بيغييروا من جمالك و سحرك يا صبيه


بيغييروا و يحسدونى لانك أم ليه


يا بلدى لو يحاولوا فى يوم يعكروكى


كل اولادك يابلدى فى لحظه يحضنوكى


بالروح و الدم والله و بالولد يفدوكى


و لا عمرهم يا حلوه فى يوم حيزعلوكى


و لا يقدروا يا بلدى فى ليله يبيتوكى


حزينه او بتبكى لاننا حنفدوكى


بكل حاجه فينا و عمرنا بنهدوكى
يا بلدى يا حبيبه خدينى بين ايدكى


و انا و كل ولادك حالفين حنفرحوكى


سامحينا لو سهينا عنك بالانانيه


سامحينا يا اغلى مالينا يا ام الدنيا ديه


سامحينا لو سهينا لكن ابدا ما نسينا


و لا نقدر يوم يا بلدى ننساكى لو شويه


ربى يصونك يا بلدى يا حره يا ابيه


يا اغلى من عيونى يا ام الدنيا ديه

هناك 36 تعليقًا:

موناليزا يقول...

:)
إيه ده! إيه ده:)
إيه الكلام الجميل والجامد جدا ده
مش بقولك بقينا متميزين جدا جدا:)
كلماتك جميلة جدا وسلسة
بس خدى بالك لياخدوها يعملوها أغنية من وراكى:)

خالص دعواتى لكِ بكل الخير

rovy يقول...

موناليزا
اهلا اختى الغاليه بجد مكسوفه منك لانى لسه ما رديت على تعليقات البوست اللى فات بس لازم ارد على التعليقات بعد كده اول باول علشان بجد وقتى اليومين دول ضيق و لما بيتحوشوا عليا بيبقى صعب ..
طبعا انا سعيده جدا ان الكلمات عجبتك
و لو انك بتعطينى دايما اكثر من حقى و ده طبعا لأنك كريمه جدااااااا :)
اشكرك يا جميله ..
الله يكرمك و ينصرك يارب و يطمنى عليكى
دعواتى و امنياتى الطيبه لكى دوما
ارق تحياتى

أحــوال الهـوي يقول...

ايه الوطنيه المتفجرة دي كلها

الناس مهما كانت قرفانه من بلدها و قت الشدة بتكون شكل تاني


و خدي بالك كلام موناليزا صح

تحياتي

rovy يقول...

احوال الهوى
اكيد كلنا عندنا وطنيه و بجد انا سعيده جداا انى لأول مرة من زمن بعيد احس ان كل الناس اللى حواليا بتفكر مع بعض و خايفين على بعض و بنحب بعض
كمان لقيت بناتى بيتكلموا عن البلد و حبهم و خوفهم عليها بعد ما كنت بقلق من غياب جيلهم عن الانتماء لكن واضح اننا الحمد لله بذرتنا كمصريين اصيله جداا و بتبان زى ما انت قلب وقت الشده ..
اشكرك جداا اخى الفاضل ..
بالنسبه لكلام موناليزا ربنا يستر ..
:)
ادعوا لك ائما بكل الخير

تحياتى دوما

سمكه واحده يقول...

ربنا يصونك يابلدي
ياحره يا ابيه

مهما كنا زعلانين من اوضاع كتير غلط في بلدنا ده ميمنعش حبنا ليها وعشقنا لتربها بنحبها بجد وبنغير عليها مش كلام وخلاص وده ملموس جدااا
وملحووظ اوي
بس هنعمل ايه بقي
ربنا يصلح احوالنا
وتفهمنا وتحس بيان وتعرف ان احنا بنحبها اوي وانها اغلي حاجه لينا

rovy يقول...

سمكه واحده
تأكدى ان بلدنا حاسه بينا جداا
و حتى لو فيه اوضاع مش عجبانا او رافضينها من بعض الافراد فيها ده مش معناه انها مش حتحس بينا و الحمد لله المره دى يمكن وجود اولاد الريس هناك و احساسهم بكل اللى الناس حسيت به اكيد جعل الوضع يختلف و الدليل كلام السيد علاء مبارك اللى برغم ان كلنا نعرف انه طول عمره بعيد عن السياسه لكن هو كأى انسان مصرى اتأثر جداا و ده انا حسيته من كلامه و صدقينى عسى ان تكرهوا شيئا و هو خيرا لكم ان شاء الله اللى حصل ده حيكون البدايه لتصليح امور كثير و ربنا معانا ياارب و يحفظ بلدنا الغاليه ..

وحشانى يا سمكمك يا رب تكونى بخير

تحياتى لكى غاليتى

همس الاحباب يقول...

بسم الله ماشاء الله
كلمات عذبة ورقيقة جدا
وكلها وطنية صادقة
حب الوطن من الايمان
ودى بلدنا وبنعشق ترابها
تحياتى

rovy يقول...

همس الاحباب

الله يكرمك يا ابو همس و يبارك لك فى اولادك يارب ..
اشكرك جداا و سعيدة لرأيك بالكلمات
و سعيده لأننا اتجمعنا كلنا على حب الغاليه مصر ..

خالص تقديرى و تحياتى لك دوما

Unknown يقول...

كل اولادك
يابلدى فى لحظه يحضنوكى
بالروح و الدم والله
و بالولد يفدوكى
و لا عمرهم يا حلوه
فى يوم حيزعلوكى
كلام جميل ياروفى
احييكِ عليه
المشكلة أن
اللى بيزعلوها
هم اللى واخدين خيرها
وأن اللى مستعدين يخدموها
للأسف لا يحصلون على شىءالأ المشاعر!

donya يقول...

مساء الخير
كلام جميل جدا صافي نابع من جوه جوه القلب

تحياتي

واحد من البلد دى يقول...

السلام عليكم

أنا كده راحت عليا يا أخت روفى

وطنية واضحة وأنا دائما أن أرى الإنتماءللغالية مصر التى أحبها فعلا من صميم فؤادى ولعل ذلك يظهر جليا فى كتاباتى..

أعذرينى لقلة زياراتى

ملحوظة..لقد أنعم الله على بمولودة جديدة هى التى أطارت النوم من عينى ولقد أسميتها(رقية)تيمنا ببنت رسول الله(صلى الله عليه وسلم)لتكتمل بها رباعية أبنائى وأظن أن (أبو الأربعة)يحتاج إلى العذر....وإلى الدعاء أيضا

دمتى بكل خير

حاجات جوايا يقول...

جميلة اوى يا روفى
وفيها لهجة اسكندرانية حلووة ههههههه
تسلم ايدك يا قمر

Beram ElMasry يقول...

العزيزة الغالية rovy
سلمت ألف ألف مرة من كل مكروه ودمت في سعادة وسرور وحفظ الله لك ولنا قلبك الطيب الكريم وكل عام وانتي في صحة وسلامة وسرور والسلام ولا سلام مع بني إسرائيل قتلة الأطفال والأنبياء .

كيكى عوووووو يقول...

يا بلدى يا جميله .. يا حره يا اصيله
كلامك حلو اوى ياروفى بجد
ماشاء الله عليكى يارب نفضل كدة دايما ونحبها بجد
وحشانى انتى ومريومة دة المعتاد بتاعى

المسلم الصغير يقول...

السلام عليكم ورحمة الله...
يا بلدى لو يحاولوا فى يوم يعكروكى
كل اولادك يابلدى فى لحظه يحضنوكى
بالروح و الدم والله و بالولد يفدوكى

كلامك حلو قوي وفيه احساس عالي قوي
بارك الله فيكي
كل سنة وانت طيبة وعيد سعيد عليكي وعلى الأمة الأسلامية
دومتي بخير

أ / أحمد عبد المنعم يقول...

كل عام وأنت بخير
وإلى الله أقرب

Unknown يقول...

كل سنة وأنتِ
بألف خير ياروفى
وربنا يفرحك ببناتك
دايماً ياأم ياسمين يارب

حـــــدوتـــــة يقول...

السلام عليكم

كل عام وانتم الى الله اقرب

وعيد اضحى مبارك

KHALED يقول...

عيد مبارك
كل سنة و انتي طيبة و عيد سعيد

كيكى عوووووو يقول...

كل سنه وانتى طيبة ياقمرى انتى ومريومة زمانك مشغولة مع الخروف ومريم راكبه عليه
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

micheal يقول...

كل سنة وانتي طيبة
عيد سعيد يا روفي
تحياتي

zOzO يقول...

انا جايه اسلم عليكي عشان وحشاني اوي
والله
واقولك كل سنه وانتي طيبه

والبوست بقي
ف كالعاده حلو اوي
تسلم ايديك وزي ما موناليزا قالتلك
ههههههههههههههه
خدي بالك بقي

الملاك يقول...

السلام عليكم ورحمة الله وبركاته

أختى فى الله روفى
كل عام وانت وأمتنا الإسلامية بخير حال

حفظنا الله جميعا وبلادنا وأمتنا الإسلامية من كل من يحاول النيل منا ومن وحدتنا


دمت برعاية الله

احمد عبد السلام يقول...

كل سنة وانتى طيبة

وعيد سعيد على كل المسلمين

وعلى مصر والمصريين التعبانين

تحية طيبة

doctor mohamad يقول...

أم مريم:كلماتك عفوية و معبرة .. وإن كانت الصور تقليديه..لكنها تلقائية و حارة.. أحسنتى .. ف أغنية شيرين فيه مقطع معبر جدا .."يمكن ناسى لإنك فيها... لكن اللى مجرب وفارقها قال ف الدنيا مافيش بعديها" ..مصر بجد أجمل و أحلى وأروع لما تشوفها من بعيد.."كل سنة وإنت طيبه"

Beram ElMasry يقول...

العزيزة الغالية والأبنة الحبيبة rovy الجميلة
وعليكم السلام ورحمة الله وبركاته ظهورك في مدونتي عيد والحمد لله أن أمورك قد أنصلحت وإن شاء الله تزدادين خيرا بما في قلبك من خير وطيب المعاني وصدقيني عزيزتي كنت سأبحث عنك لو تأخرتي يوما آخر وأعلمي أني أكتب لأرى وجوه بعض الأصدقاء المميزين عندي لترتاح نفسي ويزداد سروري لك كل المحبة والود والسلام ولا سلام مع بني إسرائيل قتلة الأطفال والأنبياء .

Unknown يقول...

ايه دا كل دا حب لمصر

امال بيقولوا ليه محدش بيحب مصر

لجين أبو الدهب يقول...

جميلة ياروفى ماشاء الله ..

دام قلمك

يارب تكونى بخير ياحبيبتى ..

فشكووول يقول...

السلام عليكم روفى هانم

طبعا يا هانم الكلام كويس والاحساس طالع عالى قوى منك وباين حبك لمصر فى الكلام زى ما يكون عايز ينط ويقول بحبك يا مصر.

بس عايز اقول حاجه .. هما اللى مش مصريين ما بيحبوش بلدهم .. بيحبوا بلدهم اكتر ما احنا بنحب بلدنا ويعنى مصر مش ام الدنيا ولا اخت الدنيا ولا اخ الدنيا .. هى بلد زى اى بلد وكمان بلد بتاكل ولادها وبتظلمهم وطول التاريخ بتاعها بتعمل كدا مع ولادها ولا شفناش منها حاجه حلوه ابدا وطول عمرها مشحططانا فى كل حته والدنيا كلها سبقتها وهى اتأخرت .. انا مش حاسس باحساسه يا روفى هانم.

اشكرك على تعليقك وطبعا الله يكون فى عونك كان العيد داخل ومسئولياته كتيره وكان الله فى العون والحمد لله الموضوع فات على خير

تحياتى روفى هانم

rovy يقول...

norahaty

وحشانى جداا يا دكتوره و كل كلامك صح ..
لكن حبنا لبلدنا لازم يخلينا نغير و نتغير لازم نحاول ..مين عارف ..؟
دايما منورانى و دايما حساكى شايله هم الغلابه ربنا قادر يصلح الاحوال ..
تحياتى لكى دوما


=================================================

دنيا

مساء الفل يا دنيا
ربنا يكرمك يارب و يبارك فيكى ..
اشكرك غاليتى و يارب دايما تنورينى ..

تحياتى لكى

=============================================

واحد من البلد دى ..
و عليكم السلام و رحمة الله و بركاته

اهلا اهلا بأخى الغالى ..الحمد لله اننا اطمنا عليك ..
مين اللى يقدر يخليها نروح عليك ؟! حضرتك شاعر عظيم و متمكن .. ما شاء الله عليك .. احنا بنتعلم من سيادتك يا فندم ..
الف مبرووك للمولوده الجميله رقيه حفظها الرحمن و بارك بها و بأخواتها ياارب و حقظكم جميعا من كل سؤ .
اكيد عذراك و زى ما قلت لك فى التعليق عندك انا كمان مقصره جداا لكن انا كمان معايا عذرى لأنى ام لثلاث قمرات .. حفظهم الرحمن و حفظ اولادك و اولاد المؤمنين جميعا ياارب ..

دمت اخى الكريم بكل الخير

تحياتى لك دزما

rovy يقول...

حاجات جوايا ..
انتى اللى جميله بجد .. وحشااانى ..
مكنتش واخده بالى من حكاية اللهجه دى .. :)

تسلمى غاليتى ياارب دايما انتى و كل احبابك ..

مودتى و خالص تحياتى لكى

=================================================

بيرم المصرى ..

الله عليك اخى و استاذى العزيز .. كلماتك دائما كالبلسم .. ادعوا الله ان يتقبل دعواتك الجميله و ان يجازيك مثلها و يجازيك بكل الخير دائما و يحفظك يارب دوما من كل شر و يمتعك بوافر الصحة و يمنحك كل السعاده ..
كل الشكر و التقدير لك

تقديرى و تحياتى دوما

===============================================

كيكى

انتى كمان وحشاانى جداا و سامحينى لأنى مررت ببعض الظروف اللى بعدتنى شويه و ده خلانى مقصره مع الكل جداا ..
انتى اللى حلوه بجد يا قمر و نفسى بقى اشوفك يارب قريب ..
مريومه باعته لك بوووسه كبييييره جداااا ..

تحياتى لكى حبيبتى

==============================================

المسلم الصغير

و عليكم السلام و رحمة الله و بركاته

بارك الرحمن بك ولك دائما ياارب
اشكرك و كل عام وانت بالف خير و سامحنى لتأخرى فى الرد لأنى كنت غير متواجده الفتره السابقه ..
دمت بكل الخير فى حفظ الله

تحياتى

rovy يقول...

أ/ احمد عبد المنعم

كل عام وانت بالف خير و كل اسرتك الكريمه اخى الفاضل ..

خالص امتنانى لك و تقديرى الدائم

تحياتى

===========================================

norahaty

كل سنه و انتى بالف خير
بارب يا نورا يتقبل منك حبيبتى و يبارك فيكى و يكرمك و يجازيكى كل الخير يارب ..
اسفه لتأخرى فى الرد ..
دمتى بكل الود

تحياتى و خالص تقديرى و مودتى لكى

==========================================

حدوته ..
عليكم السلام و رحمة الله و بركاته اخى الفاضل ..
كل عام وانت بالف خير و يارب تكون كل ايامك اعياد سعيده ..
اعتذر لتأخر ردى لعدم تواجدى الفتره الماضيه لبعض الظروف الخاصه فأرجو المعذره ..

تحياتى لك دوما

rovy يقول...

خالد

عيد سعيد دائما عليك اخى الفاضل و كل عام وانت بالف خير
تحياتى دوما

===============================================

كيكى ..
و انتى بالف خير يارب ..
ابدا انا كنت مشغوله بحاجات تانيه بعدتنى عنكم شويه فسامحينى لأنى قصرت معاكم و اتأخرت عليكم ..
تحياتى لكى يا احلى كيكى

=================================================
مايكل

و انت طيب يارب يا مايكل .. ربنا يكرمك و بأشكرك جدااا اخى الكريم

تحياتى و امتنانى لك

==========================================

زوزو

والله العظيم وحشااانى جداااا و كنت بأفكر فيكى و اقول البنت دى مختفيه فين .. يارب تكونى بخير حبيبتى و سامحينى لأنشغالى بظروف فى العيد بعدتنى و معيدتش عليكى لكن حأجيلك حالا اسلم
كل سنه وانتى بالف خير وسعاده ياارب

مودتى و تحياتى لكى

rovy يقول...

الملاك
اختى الحبيبه الملاك .. وحشانى غاليتى و سامحينى لأنى مقصرة جداا الفتره دى ..
كل عام وانتى بالف خير و يارب تكون ايامك كلها سعيده و ربنا يحمى المسلمين جميعا من شر الفتن و يحفظنا جميعا ياارب

تحياتى لكى

=================================================

احمد عبد السلام

كل سنه و انت طيب يا احمد .. ربنا يحفظ مصر و المصريين يارب ..

تحياتى لك

============================================

دكتور محمد ..
كل الشكر لك و لمتابعتك الكريمة ..
كل عام و انت بالف خير و ربنا يحفظك فى غربتك و يوفقك دائما يارب ..

خالص تقديرى و تحياتى لك

rovy يقول...

بيرم المصرى ..
ادمعت عيناى و انا اقرأ تعليقك الكريم و اسعدتنى كثيرا بأن تصفنى بأبنتك .. لا اجد كلمات توفيك حقك و تعرفك منزلتك عندى و عند الجميع كما اشعر و لا يوجد اجمل من نفسك و لا اطيب من قلبك ..
ادامك الرحمن لنا و حفظك من كل شر و ادام قلمك المبدع و لا حرمنا منك ابدا يارب ..

كل الشكر و خالص التقدير لسيادتك ابى الغالى و اخى الاكبر و صديقى العزيز ..
تحياتى دوما

================================================

العيسوى الصغير ..

اهلا بك اولا ..
مين قال محدش بيحب مصر ؟؟
قول مين يقدر ميحبهاش ؟؟
دى مصر بلدنا و وطنا اللى ملناش غيره و لا ايه ؟

تحياتى لك .. و تحيا مصر :)

rovy يقول...

لجين ابو الدهب ..
اهلا بيكى غاليتى .. وحشااانى .. فينك ؟
انا كمان مقصره جداا معاكى سامحينى .. معلش غصب عنى كانت ظروفى ملغبطه شويتين

انا الحمد لله بخير حبيبتى و يارب تكونى فى خير الاحوال ..
دمتى بكل الود و الخير دائما

تحياتى

=============================================

فشكووول

استاذى العزيز مصر بلدنا احنا و لازم نحبها و كمان اللى مش مصرين لازم يحبوا بلدهم ده الطبيعى .. لكن لازم نقدر بعض و نحترم بعض ..واضح انك زعلان جدا من مصر .. و الله العظيم مصر مظلومه و ملهاش دعوه الحق علينا احنا و كمان بنلومها على سلبيتنا .. لو كنت عرفت تحبها صح و تحس بها و تعرف ان مالكش وطن غيرها كنت اكيد حتغير رأيك و تحاول تساعدها علشان تنقذها من المفسدين و المخربين و كل اللى بيحاول يشوه صورتها الجميله ..مصر جميله اوى كبلد و خيرها كثييير و الله بس الناس هما اللى وحشييين اوى و خيرها لغيرنا علشان احنا اللى فرطنا و شفنا غلط بيجر غلط و سكتنا..
مصر محتاجه لك اوى و محتاجه لكل اولادها علشان ينقذوها ..اوعى تتخلى عنها ..

تقديرى و تحياتى لك دائما