السبت، 9 يناير 2010

معا.. من اجل النصر و العزه


( اولا احب ان اشير انى كتبت هذا البوست منذ عام تقريبا و لكنى اردت ان انزله الان بعد تلك الاحداث المؤسفه و الجريمه البشعه التى حدثت لأخواتنا المسيحين بداية لحمله اتمنى ان بشاركنى بها كل قلم واعى و متحضر من اجل التصدى لكل فكر متطرف او ارهابى و العوده الى سماحتنا و اخوتنا و ارتباطنا ببعض جدا كما كنا كمصريين مهما كانت ديانتنا فلنرفع مجددا شعار الدين لله و الوطن للجميع و لنتصدى لتلك الفتنه الدخيله علينا )------------------------------------------------------------------------------------------------------------------------------

تقابلت معها صدفه .. كنت لم اراها من زمن .. كانت صديقة دراسه و كانت من الاصدقاء المقربين لقلبى برغم انها مسيحيه نعم هى مسيحيه و هى انسانه قلبها كبير و تعرف معنى الصداقه و كم من مرات وقفت بجوارى بحب و شهامه و انسانيه

سلمت علي بحراره و اخذت تذكرنى بايام الدراسه و البنات و المدرسين و أخذنا نتحدث فى اشياء كثيره ثم انتقل الحديث الى غزه فوجدت عينيها تترقرق بالدموع نعم بكيت مثلما نبكى جميعا لما نراه .. و اخذت تسألنى الى متى يجب ان نصمت ولما و لماذا لا نفعل شىء ايجابى لنردع به الصهاينه

واذ بى ابتسم برغم هذا الحديث المؤلم عن غزه و الضحايا .. تعجبت منى و سألتنى فى حيره لماذا تبتسمين ؟؟؟

فأجبتها سامحينى لم اقصد ان ابتسم من الالام بالطبع و لكنى ابتسم لأنى سعيده بكى لم اكن اتوقع ان تتأثرى الى هذا الحد بما يحدث فى غزه اجابتنى و لما .. و قبل ان اجيبها سارعت تقول لى .. اه فهمت .. لأنى مسيحيه أليس كذلك ؟؟

لا يا صديقتى الحبيبه لم ولن اقصد ان اقلل من انسانيتك .. فسامحينى .. قلت لها هذا و انا اشعر بالخجل من نفسى و من ابتسامتى البلهاء نظرت لى نظرة عتاب كم نظرتها لى ايام صداقتنا الجميله بالمدرسه .. ثم قالت لى اسمعينى كويس .. احنا عرب وده و طنا حتى لو كنا مسيحين .. احنا مش صليبين و الدليل ان جيش صلاح الدين اللى حرر القدس زمان كان فيه مسيحين ابطال ضحوا بحياتهم علشان يرجعوا القدس لأهلها و لنا .. امثال عيسى العوام .. مضبوط ..اكملت ابتسامتى البلهاء فى خجل و قلت لها نعم و لكن كنت اظن ان الهم همنا فقط اقصد .. فأكملت تقصدى كمسلمين اسمعينى .. احنا بشر كلنا بشر فينا الخير و فينا الشرير .. فينا المخلص و فينا الغادر احكمى عليا كأنسان و لا تجعلى دينى يحكم عليا ما دمت اؤمن بالله و رسله و ملائكته و اليوم الاخر فأرجوكى يا صديقتى الحبيبه دعى ما اختلفنا فيه لله يفصل فيه يوم القيامه كما قال ..

و صدقينى لن نقوى و لن تحرر ارضنا ما داموا استطاعوا ان يفرقونا و يمزقونا ما بين فتح و حماس و ما بين مسلمين و مسيحين كلنا واحد و قضيتنا و احده و لن نخطوا نحو النصر الى اذا تحررنا من قيود التفرقه التى قيدنا به العدو على مدى سنين و هو يخطط و يعمللتحقيق اكبر اهدافه ليضعفنا انها الوقيعه .. فرق تسد ..

لا يجب ان نمكنهم من ذلك فلنتوحد جميعا و نحارب الظلم و نقاوم ما خططوا له تمسكوا بأسلامكم و تعاليمه السمحه و سنتمسك بتعاليم ديننا المتسامحه ايضا و لنبحث عن النقاط المشتركه بيننا و نترك كما قلت لكى ما اختلفنا فيه ليفصل فيه الله يوم القيامه اليس هذا ما كتب فى القرأن ؟؟اجبتها بكل الحب و الاحساس بالأمل فى غد مشرق تشرق علينا به شمس الوحده الوطنيه ..

نعم صديقتى الغاليه سنعيد توحد الهلال و الصليب كما فعل اجدادنا و زعيمنا الراحل سعد زغلول .. و سنتمسك كمسلمين بديننا الحنيف وتمسكنا به لا يعنى ان لا نرى سوانا بالعكس فالاسلام دين البشريه كلها و قد اوصانا بالتقارب و التعارف .. اوصانا بحسن المعامله و ان نقول لأهل الكتاب تعالوا لنتفق على ما نتفق عليه ان لا اله الا الله و ان نؤمن برسله و كتبه و ملائكته و اليوم الاخر .. و لندع ما اختلفنا فيه فلا نتناقش به و لا نسمح لأحد ان يوسع الفجوه بيننا و قد امرنا الله سبحانه ان نترك ما اختلفنا فيه ليفصل فيه سبحانه بيننا يوم القيامه ..

تركتها بعد ان سلمت عليها بكل حب و مضيت فى طريقى و انا اتسائل ماذا يحدث لو فكرنا جميعا هكذا .. بالتأكيد سوف تتغير اشياء كثيره اولها ان نكون اقوى و ان لا يحاول العدو ان يضعفنا من الداخل نحن نطالب فتح و حماس بالمصالحه و نطالب الدول العربيه و الاسلاميه ايضا بأن تكون على كلمة و قلب رجل واحدفكيف سيكون هذا اذا لم نتوحد نحن كوطن واحد .. فلنعود اخوه .. ارجوكم من اجل بلادنا و من اجل تحقيق احلامنا و من اجل ان يكون الانسان انسان ..و ينتصر الحق و تعلو رايات نصرنا ..

اعلم ان هناك من سيختلف معى و كل ما ارجوه ان لا تجعلوا الخلاف يفسد للود قضيه و ان نتحاور بتقدم و حضاره و انسانيه و ان نكون جميعا معا .. من اجل النصر و العزه .. و كرامة الانسان ..

هناك 19 تعليقًا:

rovy يقول...

ايه الحكايه .. واضح ان الموضوع صعب جداا .. غريبه ان مفيش و لا تعليق عليه من امبارح لدلوقت :)
اللهم اجعله خير يارب

micheal يقول...

بالتأكيد الخلط بين حادث رفح وموقفنا تجاه أهالي غزة خطأ كبير
يعني اه أنا ضد حماس ونفسي تختفي بس طبعا متعاطف قلبا وقالبا مع سكان غزة وأتمنى ميكونش فيه حرب تانية
تحياتي

rovy يقول...

الله يفتح عليك يا مايكل ..
اخيراااا ..
كنت حاسه ان البوست ده كأنه لغم و اى حد خايف يقرب لحسن يتنسف ..!!
الغريبه انى كتبت البوست نفسه من حوالى عام و كان عليه تعليقات عادى و مفيش اى مشكله .. بجد مش فاهمه فيه ايه ؟؟
بالنسبه لكلامك يا مايكل طبعا انا موافقه عليه حماس مش هى فلسطين ..لكن انت برضه ما اتكلمتش فى موضوع البوست برغم انى عارفه رأيك بس كنت احبك تكتبه ..
على كل حال اشكرك جداا لمشاركتك و يا رب تكون فاتحة خير على البوست المسكين ده :)
خالص تحياتى لك

Unknown يقول...

الكلام فى الحاجات دى يزودها

يعنى لو رايح تضرب واحد هتقوله ثانية قبل مااضربك قولى انت مسلم ولا مسيحى

ولو سايق العربية وواحد مار ادامك هتوقف وتساله وحسب الاجابة هتقرر تخبط ولا لا


والعيش
المسيحين بياكلوا ابو زجاج و المسلمين بياكلوا ابو خشب

والمسلمين بيركبوا طيارات والمسيحين بيركبوا مواصلات
ما كلنا فى ازازة وحداة

بالنسبة لفسطين بردوا نفس القصة الرصاص مش بيسال على الجنسية قبل ما يقتل ولا الصاروخ بيفرق بين مسلم ومسيحى ولا حتى يهودى
علما انى مش ضد اليهودية بس ضد الصهيونية

سمكه واحده يقول...

انا مقرتش بصراحه
بس جيتي علي بالي
حبيت اسلم واقلك مفتقدهو وجودي عند حضرتك ومفتقده تعليقك عندي
وهرجع اعلق تاني لما اقري
وحشتيني
اخبارك ايه

الفقيرة إلى الله أم البنات يقول...

بصى ياروفى
زى ما فى مسلمين متطرفين فى نصارى متطرفين
المهم اننا نعرف انه زى ما عندنا عندهم
الاهم ان العاقلين هنا وهناك يوقوا القرف ده
الناس اللى بتسخن من برة مصر
(مسلمين ونصارى
يعنى اللى خارج مصر وعايز يولها
والحكايه مش مسيحيه واسلام
موضوع سياسى اكبر بكتيير من مجرد مسلم ونصرانى
ياريت الناس تفهم وتعرف ان المسلمين متنيل اكتر واسمحى اقولك كده علشان مش النصارى اللى مضطهدين
احنا المسلمين الحكةومه ماسح بينا الارض فا من الاخر الهم طايل الكل

وياريت الناس مسلمه ونصرانيه تفهم المقاله بتاعتك

!!! عارفة ... مش عارف ليه يقول...

والله افتكر إن عدم وجود تعليقات مش لحساسية الموضوع علشان متقلقيش ولا حاجة

لأن الناس الحمد لله بخير ومستوعبة ومتفهمة أوووي ده

وافتكر لو سبتي البوست شوية ممكن يكون رد الفعل عليه أكبر بكتير مما تتخيلي

على أي حال مش ده موضوعنا وموضوعنا هو شكل العلاقة والحمد لله افتكر والله إنها بخير بغض النظر عن اللي حصل

وبغض النظر عن بعض السلوكيات اللي ممكن تكون غير مسئولة أو نقدر نقول إنها مش في سياقها الطبيعي

فلكل مقام مقال لأن في البعض مع الأسف مننا تناول الحديث عن تلك النقطة بشكل جانبه التوفيق فيه مع الأسف الشديد

وطبعا مش هقول مين لأن كده ممكن أكون بساهم في نشر الفكرة ، لكن في كمان ناس كتير زيك كده شايفه النص المليان من الكوباية والحاجات اللي بتجمعنا أكتر من الحاجات اللي تفرقنا

وفي بوست في مدونة سووو
أفتكر أنه من البوستات الجميلة اللي اتكتبت في الإطار ده وفعلا هو حالة

http://soooo-30.blogspot.com/2010/01/blog-post.html

ونسأل الله العفو والعافية

rovy يقول...

العيسوى الصغير

مش دايما الكلام فى الحاجة بيزودها ..
فيه حاجات لازم نتكلم فيها علشان نصحح اوضاع و مفاهيم غلط ..حاولت فى البوست انى اقرب الفكره و اوضح زى ما انت قلت ان كلنا فى الهم سوا و ان الوطن ده وطنا جميعا مسلمين و مسيحين و كلنا مسؤلين اننا نحافظ عليه و على امنه و بعدين انا مش حأحكم على الانسان بديانته لأن ربنا هو اللى بيحاسب انا كل اللى يهمنى انسانيته و معاملته و اخلاقه بغض النظر عن نوعه او جنسيته حتى او ديانته ..
سعدت برأيك و مشاركتك ..

و اشكرك جداا و يا ريت كل شبابنا بيفكر مثلك ..
تقديرى و تحياتى لك

Unknown يقول...

ربنا يهدى الناس
أجمعين سلمين ومسيحين
أردت السلام عليكِ
وصباح الفل
منى اليكِ ياروفى
فى هذا الصباح الجميل.

rovy يقول...

سمكه واحده
ازيك يا قمر ؟..
انتى كمان وحشانى و مفتقداكى ..
استنيت رأيك فى البوست .. اتأخرتى ليه ؟؟
انا بخير و الحمد لله و مستنياكى تقرأى و ترجعى ..

تحياتى لكى

rovy يقول...

الفقيره الى الله ام ابنات

سعدت بتواجدك و تعليقك اختى الكريمه ..
عجبنى كلامك و اشكرك جداا لمشاركتك
دمتى دائما فى حفظ الله

تقديرى و تحياتى دوما

rovy يقول...

عارفه... مش عارف ليه !!!

و الله اتمنى يا وليد .. لكن بجد انا حسيت ان فيه ناس كثير التزمت الصمت تجاه الاحداث اللى حصلت مش بس معلقتش على البوست و مع الاسف اللى تحدث منهم فى الموضوع يا ريته ما تحدث.. لو يدرى انه بيوسع الفجوه بتزمته هذا ما فعل
مش فاهمه ليه فيه ناس مصره تشوف الموضوع من وجهة نظرها هى و بس و رافضه تشوف اى وجهة نظر تانيه ..!!
سعدت كثيرا برأيك و تعليقك اخى الفاضل وليد .. حقيقى شكرا لك

خالص تقديرى و تحياتى لك

rovy يقول...

norahaty

اللهم أمين يا رب يا دكتوره
اللهم أهدينا جميعا للحق ..
سعدت كثيرا بكرمك و سلامك العطر اختى الغاليه ..
و أحلى صباح يا رب دايما فى كل يوم تشوفه عيونك الحلوين غاليتى ..

صباح الورد و الفل و الياسمين و الحب و الجمال و الامل ...

خالص مودتى لكى دوما

KHALED يقول...

الموضوع بسيط جداً لكن فى ناس معندهاش تقدير للعواقب فتصعد الأمور لحد مايخلقوا مشكلة من لا مشكلة

ببساطة شديدة

rovy يقول...

خالد ..
اخى الفنان الجميل سعدت كثيرا بتواجدك و تعليقك على هذا البوست ..
كلامك صح هى حاجات بسيطه لكن فى ناس متخصصه فى انها تكبرها و تشعل نيران الفتنه و التفرقه و لا ادرى ايدرون ام انهم لا يدرون لمصلحة من هم ينفخون فى النيران و لا يريدونها ان تخمد ابداا

تحياتى دائما لك و يارب دائما منورنى :)

لمسة حنان يقول...

اظن ان الناس كلها عارفة ان الاسلام دين السلام والرحمة

وكان رسول الله يوصي الجيش قائلا

لاتقتلو طفلا ولا امرأة ولا شيخا

ولا تقطعوا شجرا ولا تهدموا صومعة

ولا يقاتلوا الا من وقف معاندا في وجه انتشار النور

لا يقاتلوا الا من كل ظالم فقط

rovy يقول...

لمسة حنان

اللهم صلى و سلم و بارك على الحبيب المصطفى محمد عليه افضل الصلاة و السلام

صدقت و الله ..
دمت فى رعاية الله

تحياتى

غير معرف يقول...

الدين لله و الوطن للجميع
والله كلنا مصريين وسواء مسلم او مسيحي
فا هو مصري اعتقد في الثورة اوفي الاحتلال الانجليزي
كنا بنهتف عاش الهلال مع الصليب
وصدقيني كان عندي اصدقاء من سنين معرفشي
غير بعد فترة كبيرة جدا انهم مسيحين لان الدين لله والوطن للجميع
مثل ما ذكرتي يا جماعة كلنا كلنا مصريين ياريت سم الصهاينة
ما ياثر علينا ويزرع بنا الفتنة زي ما حصل في لبنان وبغداد وبيبخوا
سمهم الان في فلسطين ومصر
مشكورة لي أهمية الموضوع يا أم مريم
متابع جيد لقلمك

rovy يقول...

غير معرف
حيرتنى فى أمرك ؟!!
ليه دايما غير معرف ؟! اذا كنت متابع لقلمى الذى تشرف بمتابعتك الكريمه فياريت اعرف مين حضرتك أليس من العدل أن اعلم من أنت كما تعلم من أنا ؟
اشكرك جدا لمشاركتك المفيده و الكريمه و أشكر لك متابعتك و كلماتك التى هى أكبر من أن أستحقها حقا .. لك منى جزيل الشكر

تحياتى