الاثنين، 8 مارس 2010

تعمل ايه ؟؟؟؟

تعمل أيه .. لو اتأكدت أن حياتك كلها كدبه ما تتصدقش ..
تعمل أيه .. لو فجأه لقيت أن الحلم اللى أنت حلمته ما بيكملش ..
تعمل أيه لو كل يوم بيفوت بيعرى جزء من الحقيقه
اللى ياما غمضت عينيك لأجل تهرب لو دقيقه
بس هى حقيقه واضحة مش حتقدر منها تهرب
أيوه واضحة بص شوفها تانى نفسك مش حتكدب
تعمل أيه .. تعمل أيه ؟؟
تغمض عيونك و تكمل الأحلام ..
تعيش بس يومك .. زى ما يكون و السلام ..
و لا تهد المعبد هد .. على راس الخداع و الكدب
ترفض تانى تكمل عمرك و أنت فى عقر دار الذئب
تعمل أيه ؟؟؟؟؟؟؟؟؟؟؟

هناك 8 تعليقات:

هيوووم يقول...

عزيزتى روفى كل منا لابد ان يمر بهذه الأوقات ولكن لو كنت مكانك لن ادعها تاخذمن وقتى الكثير فالحياة قصيره واليوم افضل من الأمس لأننا مازلنا نستطيع العطاءوأجمل ما فى الحياة هى نعمة العطاء التى لا يعرفها الكثيرون وكما ان فى الحياة كذب وخاع وشر وذئاب فأن الحياة لا تخلو من الحب والخير والصدق والأصدقاء

اميرات الاسرار يقول...

بوست جميل وواضح فيه الحزن
بس الحياه علمتنا انها مش بتقف عند حد معين واننا نقدر نحلم تانى وتالت

تقبلى مرورى
زهراء

KHALED يقول...

أفكر بعقلى مش بقلبى .......

فى فرق كبير بينهم


وردة بيضاء

طوبه فضه وطوبه دهب يقول...

عارفه بحط نفسى كتير اوى فى الموقف دا وبرضو ما ببقاش عارفه ايه اللى ممكن يتعمل ممكن تتنازل عشان بتحب ولا لانك بتحب لازم تبعد ممكن تتاطى عشان الحياه تمشى والمركب ما تقفش ولا لازم توقفها لانها ما ينفعش تمشى بنفس الطريقه وفى الاخر بتكون نفس الاجابه مش عارفه ممكن يكون الحل ايه

Unknown يقول...

جيدين نحن فى
النصيحة ونحن
بعيدون عن المشكلة
ولكن لا أدرى ما يكون
اختيارى أن كنت بقلب
المشكلة.كان الله بعون
صاحبة هذه المشكلة
الأمر يعتمد على
اشياء كثيرة
أهمها طبعاً
الأبناء!!
أن كانوا موجودين.

rovy يقول...

شكرا لمشاركتكم الرقيقه الرائعه ..
تحياتى لكم جميعا

كلمات من نور يقول...

أحيانا كتير من كتر ما بنصمت ونصبر بننفجر و الإنفجار بيكون ضدنا مش لمصلحتنا ..لازم أكون إيجابية و أفكر و أخطو للأمام مبتعدة عن كل ما به هوان للنفس والروح فكل هذه محبطات مثبطات ...تسلم إيدك

حنان يقول...

ماذا بيدك أن تعملي
احمدي الله تعالى
وابتسمي
فرب حلم ..
يستتر وراءهـ سرابــ من الآلام
ورحمة بنا عشناه حلما لاواقع
:)

دومت مبتسمهـ