الثلاثاء، 3 أغسطس، 2010

أفهم مره ..!!





لما تكون محتاج لصديق وقت الضيق ..

لما تدور ياما عليه علشان فى حضنه تترمى ..

محتاج أنك تبكى و تحكى و لا تشكى ..

محتاج له يسمعك .. و تدور ما تلاقيه ....

..لما تلاقى أعز حبايبك ..وحدك سايبك ..

و يا دموعك و يا مخاوفك ..

..و لو حتلاقى الناس الغاليه باعوا فى ثانيه ..

يبقى بجد فاضلك أيه ..

ممكن تانى حتبكى عليه ..

مش محتاج لصديق يا قلبى ..

و لا محتاج لحبيب يفهمنى ..

ليه أحتاج لى ..ليه لوحدى ..

أوعى لغيرى يوم تستنى ..أو تتمنى ..

أنه ياقلبى يحس بهمى ..

.. أنسى يا قلبى الله يخليك

و أفهم أن ما لك يوم غيرى ..

أفهم مره الله يهديك ..

هناك 7 تعليقات:

حنان الشافعي يقول...

حلو ه قوي

قوليله يفهم والنبي

جوجو يقول...

السلام عليكم
كلماتك رائعة بجد اثرت فيا قوى
تحياتى

جنّي يقول...

السلام عليكم

ما اجمل نظم الكلمات ..

ولكن اكيد ها تلاقي صديق وفي وهم كثر ..

وكل عام وانتي بكل خير ومبارك عليكم رمضان

اميرات الاسرار يقول...

بجد كلمات رائعة جدا انا اول مرة ادخل المدونة لكن اوعدك مش اخر مرة لانها مدونة جميلة وموضوعك في منتهى الروعة كلمات تحمل معاني العصر فعلا
تقبلي مروري

ليس فقيرا من يحب يقول...

حلوة اووووووى ياروفى

كل سنه وانتى طيبه يا حبيبتى

رمضان كريم ويارب يعود عليكى الايام وانتى بالف سعاده وراحه بال

rovy يقول...

خالص تقديرى و جزيل الشكر لكم جميعا ..

غير معرف يقول...

الله الله مايمسح دمعتنا غير ايدينا
متابع جيد