الاثنين، 23 أغسطس 2010

بياع كلام

بياع كلام و عدى من هنا و سلم ..

وقال كثير من الكلام .. حريف بيتكلم

طاير ما بين القلوب ينحنى .. و يسلم

قلوب بحبه تدوب و تبوح و تتكلم

و قلوب تبات مجروحة من الجرح تتألم

و هو فرحان سعيد و لا يوم بيتألم

حلفت أخلى عيونه من البكا تعلم

و اخلى ليله نهاره و نهاره يبقى مضلم

و لو هو بياع و شاطر و الله منا ليتعلم

اصل الكيد للنسا .. و مهما كنت معلم

حتلاقى نفسك فى لحظه بتبكى و تسلم

و بينى و بينك غدا و بعده .. نتكلم ..

هناك 9 تعليقات:

KHALED يقول...

هههههههههههههههههههههههه

بجد أنا اتخضيت لما دخلت ولقيت مسدسات و ضرب نار

إية دة و تهديد ووعيد

كدة الواحد يخاف ييجى هنا لاتتطولة رصاصة طايشة

رمضانك كريم من غير طبنجات

واحد من البلد دى يقول...

السلام عليكم

كل سنة وحضرتك بخير وكيف حال القمرات الثلاثة بنات حضرتك

القصيدة جميلة بحق وفيها بعض الكلمات تفوقتى فيها على نفسك...

لكن هناك كلمة تقيلة جدا ماقدرتش اعديها..(ونهاره يبقى مضلم)..كلمة مضلم دى بصراحة تقيلة اوى وحاسس انها مكتوبة لحشو القصيدة فقط

واجمل ما فيها الخاتمة...عجبتنى جدا

دمتى فى حفظ الله

rovy يقول...

صباح الخير اخى خالد .. :))
كده تتخض من كلمتين هزار .. :)
ما تقلقش المسدس مش متعمر .. و رمضان كريم عليك و على الجميع يارب ..

أرق تحياتى لك

rovy يقول...

واحد من البلد دى ..
و عليكم السلام و رحمة الله و بركاته اخى الفاضل ..
كل سنة و انت طيب و كل اسرتك الكريمه يااارب ..
اشكرك جدااأخى و معلش كلمة مضلم ممكن تكون تقيله شويتين بس هى اللى عطيت المعنى من غير ما تكسر الوزن :)
سعدت بوجودك الكريم و تعليقك و توجيهك الذى يسعدنى كثيرا ..
خالص تقديرى و ارق تحياتى

اقصوصه يقول...

رمضان كريم

وكل عام وانتم بخير :)

كتكوته يقول...

هههههههههههههههه تجنن خاصه في الثقه اللي في الكلام
واحشاني يا روفي اد كل حاجه حلوة في قلبك

rack-yourminds يقول...

جميله جدا وعجبني روح التحدي

بس اعرفي انه فيه بياع كلام وايضا فيه بياعات كلام ههههه

تحياتي

*همسة حب * زوزو يقول...

ازيك يا روفي كل سنة و انتي طيبة و الى الله قريبة
بوست جميل و ليه معنى تسلم ايدك
تحياتي

زوزو

doctor mohamad يقول...

fekra helwa geddan ya omm mariam .. yabdo en elsettat etghayyaro keteer .. rabbena yostor ..-smile-.. el hob labod laho men kowwa tehmeeh.