الأحد، 19 سبتمبر 2010

تقدرى ..



حتقدرى .. مين اللى قال ما تقدربش
خطى ..كملى المشوار و متضعفيش
مهما كان الحمل حاولى متستسلميش
و تقدرى ..
تنورى ليلك بضى الأمل
تمسحى من عينك دمع الألم
و تخطى تانى تكملى .. ماتستنيش
حتقدرى
و لا بد لازم تقدرى
أياكى لو تستسلمى
بكره اللى جاى حيسألك
امبارح ليه ضيعتيه و محاولتيش
تقدرى ..
حتقدرى و حتوصلى
لو بالأيمان تتسلحى
و عالرحمن تتوكلى ..
فى كل لحظه و ماتنسيش
ان انتى لازم تقدرى
لا بد لازم تقدرى
و متستسلميش ..
تقدرى ..

هناك 12 تعليقًا:

جوجو يقول...

السلام عليكم
يارب نقدر فعلا الاستسلام شئ سلبى
كلامك جميل
تحياتى

موناليزا يقول...

أهو أنا كنت محتاجة حد يقولى الكلمتين دول:)
تسلم ايدك يا حبيبتى

أبو كريم يقول...

حتقدرى

و لا بد لازم تقدرى

تتغيرى

طول ما الأمل فعنيكى ضيه
طول ما العمل فإديكى طيه
فتحررى

rovy يقول...

جوجو
و عليكم السلام و رحمة الله حبيبتى ..
إن شاء الرحمن نقدر ..
لكى دائما أرق تحياتى

rovy يقول...

موناليزا ..
انتى تؤام روحى حبيبتى دائما بنحتاج لنفس الكلام .. :)
ربنا يقدرك يا غاليه و يقويكى و ينصرك
تسلمى يا رب دائما
مودتى الدائمه لكى ..

rovy يقول...

أبو كريم ..
إن شاء الرحمن كلنا نقدر و نحقق كل أحلامنا ياارب ..
تحياتى لك أخى و لعطر مرورك الكريم ..

طهر فؤادك يقول...

السلام عليكم ورحمة الله وبركاتة

كلامك جميل ويدعوا للتفائل بارك الله فيكى

تقبلى مرورى

ادم المصرى يقول...

لا يغير الله ما بقوم حتى يغيرو ما بانفسهم

مشاء الله كلماتك جميله فعلا

donya يقول...

كنت بقول لنفسي كلام زيه لما كنت في



حاله نفسيه مشابه

كلامك حلو بيريح

كل سنه وانتي طيبه

* تحياتي

انترنتاوي يقول...

شكرا على الكلام الرقيق

Mona Hekal يقول...

مدونة رائعة كلمات رقيقة احساس عالي
بجد ربنا معاكي
ارجو زيارة مدونتي المتواضعة و ابداء رأي
هل اكمل التجربه ام لا
http://3aklwqalb.blogspot.com/

rovy يقول...

طهر فؤادك
ادم المصرى
انترنتاوي
donya
Mona Abo - Elso3od
خالص تقديرى و جزيل الشكر لكم جميعا أصدقائى الأعزاء ..
تحياتى لكم جميعا ..