ساعات بأحس .. ... .... .....

ساعات بأحس ان الزمان ما بيمشيش

وان السنين اللى عدت ما تعرفنيش

وان الحياه لساها سكر سنترفيش

حتى الاحلام اللى نسيتها القاها لسه ما نستنيش

وعجبى ..

* * * * * * * * *

لما الزمان الحلو يرجع تانى ...... راجع يجمع بينى وبين خلانى

و حتى الحبايب اللى فرقتنا موانى ...... وعيونى تلمع تانى بأحلى الامانى

عجبى ..

* * * * * * * * *

رجعنى تانى يا عمرى يا معدى ...... رجعنى تانى لو مره وهدى

لسه الامل جوايا ولسه بيه بأعيش ...... مقدرش اقوله لا ولا يوم حأقوله مفيش

لو عمرى اللى عدى ..عدى منى وفات حأقول للى جاى استنه ومتسبقنيش

و..عجبى ..

*****************************