حبيبى يا رسول الله
من زمن الضياع بناديك
الفرقه شتتنا .. ضعفتنا و ضيعتنا
حبيبى خير خلق الله
من زمن الضياع بناديك اغيثنا ..و بنادى عليك
من زمانى زمن الالم
زمن الجيل اللى اتظلم
و المسلم اللى ما سلم
حتى من ناسه اللى معاه
حبيبى يا رسول الله
زمانى زمن الضياع
فيه عشرة سنين تتباع
زمن الضياع و زمن الخوف ياما يجرى فيه و ياما بنشوف
حبيبى يا رسول الله
حبيبى خير خلق الله
حبيى يا رسول يا كريم .. ذنوبنا كثير و الحمل ثقيل
و فى زمن الضياع احساسى تايه بين نفسى و بين ناسى
الخوف بيكتف مبادئنا و الظلم على بلادنا راسى
زمنى مليان الغام
فتن و رذيله و اوهام
الباطل لابس ثوب حق
و الحق قليل لو لقيناه
فى زمن الضياع و الاه
حبيبى يا رسول الله
يا ريتنى اتولدت هناك
فى زمانك وكنت القاك
و اهتدى بنورك حبيبى
و يا بخت اللى كانوا معاك
ادعيلنا و سامحنا يا غالى
قصرنا و ضيعنا و ضعنا
و هدايتك دى كل امالى
يا نور ملا الكون و الدنيا
يا هدايه للعالم كله
يا حبيبى من التوهه رجعنا
خايفين ... تايهين و اليك محتاجين
ادعى الرحمن يغيثنا .. يرحمنا و يوحدنا
ادعى الرحمن يغيثنا .. يرحمنا و يوحدنا
الفرقه شتتنا .. ضعفتنا و ضيعتنا املنا كله نورك .. يهدينا و يساعدنا
حبيبى يا رسول الله
حبيبى و خير خلق الله
حبيبى و خير خلق الله
بحبك يا رسول الله و مالى غير حبك نجاه
حبيبى .. يا رسول الله
اغيثنا يا رسول الله
حبيبى يا خير خلق الله
حبيبى يا رسول الله
**********************************************************************
كل سنة وأنت طيبة
ردحذفودايماً قلبك عامر
بحب الله ورسوله
وكان الله في عوننا جميعاً
تحياتي
وليد
اللهم صلى وسلم وبارك على سيدنا محمد
ردحذفجميلة قوى يا روفى
الباطل لابس ثوب حق
و الحق قليل لو لقيناه
فى زمن الضياع و الاه
حبيبى يا رسول الله
الجزء ده يوجع بس حقيقى جدااا
ربنا ينجينا من زمن الفتن والضياع ويكرمنا بشربه من يد الرسول صلى الله عليه وسلم على حوض الكوثر
آمين
تحياتى
علي فكره
ردحذفانا جتلك والله عشان اقلك كل سنه وانتي طيبه يوميها ومكنتش نسياكلي خالص وربنا عالم بس دوخت وعرفتش اوصلك وعماله افتح صفحه تطلعي صفحه تانيه
وبردو بقلك كل سنه وانتي بالف خير انتي والاسره الكريمه يارب
وتحققي كل اللي تتمنيه وربنا يرضي عنك ويراضيكي ديما
اللهم امين
اللهم صلي وسلم وبارك عليه
ردحذفربنا يعفينا يارب الهم امين
ويرضي عنا ومنتفتنش
السلام عليكم
ردحذفازيك ياروفى وحشتينى جدا جداا يارب تكونى بخير حمدلله على سلامتك
جميل اوى البوست ياروفى وكل سنة وانتى طيبة
تحياتى
السلام عليكم
ردحذفكل عام وأنت بخير غاليتي وربنا يتقبل منك وييسر لنا أصلاح أنفسنا لنستحق ان نكون من أمة المصطفى صلى الله عليه وسلم,,أسأل الله أن يجمعنا دائما على حبه وعلى حب رسول الله
كل عام وأنت وأحبتك جميعا بخير
روفى ياجميلة
ردحذفتسلم ايدك
تعرفى عزائى الوحيد انى ماكنتش موجودة فى زمنه ايه؟
انه قال صلى الله عليه وسلم "اشتقت الى اخوانى فقال الصحابة ألسنا إخوانك قال لا انتم اصحابى اما اخوانى فهم قوم يأتون من بعدى يصدقوننى دون ان يرونى"
ملحوظة:مش متأكدة هل هل الكلمة الصحيحة إخوانى ام احبائى
اللهم بيض وجوهنا يوم العرض عليك
اللهم اجعل نبيك محمد صلى الله عليه وسلم يتباهى بنا يوم العرض العليك
اللهم صلى وسلم وبارك عليك يارسول الله
اللهم اسقنا من يده الشريفة شربة هنيئة لا نظمأ بعدها ابدا
كل عام والامة الاسلامية جميعا بخير
ايوة كده متعينا بما تكتبى:)
اللهم صلي وسلم وبارك على محمد وعلى آله وصحبه أجمعين ومن تبعه بإحسان إلى يوم الدين
ردحذفدي أول زيارة ليا لمدونتك يا روفي
ربنا يسلم لسانك على كلامك الرائع عن سيدنا وحبيبنا وشفيعنا
لا حرمك الله من رؤيته وتناول شربة ماء من يده الشريفة لا تظمئي بعدها ابدا
ونكون صحبة كلنا اللهم آمين
خالص مودتي وتحياتي
اللهم صلى وسلم وبارك على سيدنا محمد
ردحذفتحياتي
ردحذفاللهم صل و سلم و بارك علي محمد و آل محمد...في الاولين و الاخرين و كل وقت وحين.
جزاك الله الخير كله للتذكرة و الذكر.
تحياتي و تقديري
كل سنه وانتى طيبه ويارب دايما تحققى احلامك
ردحذفاللهم صلي وسلم وبارك على سيدنا محمد خاتم النبيبن
اللهم ااامين
جميله....صلى الله عليه وسلم
ردحذفكل عام وانتم الى الله اقرب وعلى اعته ادوم
ردحذفتركت لكم تعلق على مدونتكم الاخرى
واتمنى ان تروه
دى اول زياره لمدونتكم المحترمه
ردحذفوانا للاسف دخلت على التعليقات مباشرتا
والمواضيع فبأذن الله هتابعها
لانى جيت هنا لمهمه محدده
اشكركم واعتزر لكم
اشكركم على تعاطفكم معى
واعتزر لكم عن طريقه رد مصريه صاحبة مدونه ففروا الى الله
واللى بسببها انا فى حاله نفسيه يرثى لها حتى الان
وقررت انى اقفل المدونه بتاعتى نهائيا وقد كان
ولكن بعد اصرار والحاح من اصدقائى عدت مره اخرى وفتحتها
ولكن ليس بنفس الحماس
الموضوع انى عملت مقلب فى كيارا صاحبه مدونه عالم مولان
وفهمتها انى عملت حادثه
والله ماكنت اقصد انى اتسبب لها فى صدمه ولا اى شئ من الكلام ده
(انا وكيارا اتصالحنا )
وعلاقتنا اصبحت اشد من ما كنا عليه
وانا اعتذرت بما فيه الكفايه
وحسيت بغلطتى وعاقبت نفسى
وقسيت عليها جدااااااا
لدرجه انى لمده اكتر من يومين متواصلين لم اكل ولم اشرب
اسفه جدا
انا لا استدر عطفكم
ولكن والله هو ده حالى
والانسانه دى اذتنى نفسيا جداااااااا
منها لله
بكرر اسفى
انكم بسببى تعرضتم لاسلوب فى الحوار لا يليق مع روح الاسلام
ولو كنت فظا غليظ القلب لانفضوا من حولك
الله يرضى عنك وعنا ويعفينا وجزاك الله
ردحذفكل خير عنا الهم صلى وسلم عليه
صلى الله على محدمد ألف صلاة وسلام
ردحذفأهلا بيكي يا ستي تاني عندي فينك وفين أيامك والله زعلت جدا لما فجأة لقيتك بطلتي تيجي عندي كده
ربنا يكرمك ويحشرك مع النبي صلى الله عليه وسلم في أعلى عليين
مودتي
العزيزه روفى .. تحياتى
ردحذفلا اله الا الله .. محمد رسول الله حبيب الامه والذى بعثه الله لهدايتنا.
تحياتى وكل عام وانت بخير
ربنا يعزك
ردحذفاللهم صلى وسلم وبارك عليك ياحبيبى يارسول الله
صلى الله عليه وسلم
ماما روفى
ردحذفربنا يجزيكى خير على
البوست الجميل ده
ويعمر قلبك اكتر واكتر
بحب خير خلقه سيدنا محمد صلى الله
عليه وسلام
تحياتى
رومانسى مشاكس
ما شاء الله ..
ردحذفكلماتها بسيطة بس حسيت بصدقها جدا ..
جزاكِ الله خير حبيبتى على القصيدة الجميلة دى ..
دمتِ بخير ..
اللهم صلى وسلم وبارك على خير خلق الله سيدنا محمد بن عبد الله وعلى آله وصحبه وسلم تسليما كثيرا
ردحذفلو رأى حالنا
لحزن منا
وعلينا
كل عام حبيبتى روفى وانتى إلى الله اقرب وعلى طاعته ادوم
اليكم جميعا اصدقائى و اخواتى
ردحذفاشكركم جدا لكلماتكم الرقيقه و تعليقاتكم العطره التى تزين مدونتى
كل عام و انتم بالف خير جميعا..
احبكم فى الله
ارق تحياتى لكم جميعا و خالص تقديرى و امتنانى
حبيبي يا رسول الله ازكى السلام وافضل الصلاة عليك يا خير خلق الله
ردحذف************
سيدتي عيد مولد نبوي شريف
اتمنى انك تشرفني في مدونتي
مودتي
كل سنه وانتى طيبه بمناسبة المولد النبوى الكريم
ردحذفاللهم صلى وسلم وبارك على سيدنا محمد وعلى اله وصحبه وسلم
السلام عليكم ورحمة
ردحذفالله تعالى وبركاته
(يا ريتنى اتولدت هناك
فى زمانك وكنت القاك
و اهتدى بنورك حبيبى )
إن لم يكن لنا نصيب فى
أن نولد فى زمانه صلى
الله عليه وسلم فندعو الله
ان نعمل بأمواره ونواهيه
حتى يجمعنا الله به يوم القيامة
ونمر بحوضه الكريم ونشرب شربة
من يده الكريمة لا نظمأ بعدها ابداً
اللهم أمين يارب العالمين.