لمــــاذا أنت .. يــااا أنـــــت !؟؟

بقلمي.. ميرفت عبدالله 

ما بين الم و امل .. أحتاجك أنت 

و حين يطول ليلى .. انادى شمسك أنت ..

أتوه عن كل الدروب .. و يبقى دربك أنت .. 

و أنسى كل الأسامى .. إلا أسمك أنت .. 

فمالى لا أجد قمرا فى ليلى .. سواك أنت 

و كلما حاولت الهروب منك ..

أجدنى حين أعود أعود أليك ..

و إن ذهبت .. عنوانى هو أنت ..

و يبقى سؤالى دائما ..

لماذا ؟؟
لماذا دائما أنت

 ؟؟
لماذا أنت يا .. أنت ..؟؟!

مــــــــحـــــتـــاجة عــــــودة حــقيقية .. يا رب أقدر .. دعواتكم ..

أخيرا أخذت أجازة من الفيس و أقفلت حسابى و بأحاول أتعود على أنى أبعد و أكتفى بحساب تانى عدده محدود جدا من الأصدقاء ..تعبت جدا من الحساب اللى الأصدقاء فيه أكثر من 4000 و طبعا أنا ما أعرفهم و مش عارفة حتى وصلم للعدد ده  أزاى .. فجأة ممكن ألاقى تعليق عجيب  أو ربما جارح أو أو ......... و طبعا غير الرسائل أللى ما بفتحها حتى  لأنى ببساطة لما بأفتح رسالة لحد لا أعرفه حتى لو كان موجود فى قائمة الأصدقاء إلا أنها دائما بتكون رسالة سخيفة  أو فيها  تطفل أو أو ............ !!
علشان كده حتى لو وحشنى الحساب  ده مش عاوزة أفتحه إلا  لو كان عندى وقت أغربل الأصدقاء فيه و أكتفى بالناس أللى عرفتهم و وثقت فيهم ..
المهم  أن أهم  حاجة أنى حيكون عندى وقت أكثر و حافز أكبر للمدونة حبيبتى أللى بجد وحشتنى أوى و بجد ندمت على بعدى عنها و ساعات بأحس أنى ندمانة من  الأصل أنى رحت رحلة الفيس أللى  ما عرفت أرجع منها  و بعدتنى عن بيتى و أجمل و أروع  أصحاب عرفتهم ..
محـــتاجة أقفل على نفسى شوية كثير و أعيد حسابات كثيـر متلغبطة و أبعد عن المدعو فيس  حتى  عن الحساب الأخر .. محتاجة  أحس بدفء المدونة و سحر الكتابة فيها و أهل التدوين أللى لما بيزروها بيعطروها .. مــــــــحـــــتـــاجة عــــــودة حــقيقية .. يا رب أقدر .. دعواتكم ..