اليوم الاول لمريم فى الكى جى وان ..

اولا عاوزه اشكر اختى الحبيبه جنه لأنها طلبت منى انى اعمل بوست لمريم فى اول يوم لها بالمدرسه و اوصف احساسى و تصرفها ..
فى الصوره الاولى كانت لسه قلقانه شويه و ده الزى بتاعها كامل و اللى فى ايديها ده اللانش بوكس الصغير و اللى رجع تانى معاها ..
مريم هنا بدأت تتأقلم و تفرح لأنها رايحه المدرسه و حيكون عندها اصحاب كثير .. لبست و استعدت ما شاء الله عليها ..و كمان علقت الشنطه ..

ده طبعا كوب اللبن اللى عملت لها اراجوز علشان تشربه و برضه لم يشرب غير الشويه اللى شربتهم لزوم الصوره .. بالهنا و الشفا .. دى اول خطوه لها بالمدرسه اللهم باركها و احفظها و احرصها هى و كل اولادنا و بناتنا يااارب ..
هنا لما رجعت بالف سلامه و لله كل الحمد و الشكر و طبعا كانت فرحانه و سعيده لان اول يوم كله لعب فى لعب و كمان لانهم شخبطوا لها وشها زى ما انتم شايفين .. المهم انها رجعت و الحمد لله اصلها بجد وحشتنى قوى جدا خالص ..
***************************************

عاوزه اقول لجنه ان الفكره عجبتنى جدا و دايما افكار جنه بتعجبنى بجد ربنا ما يحرمنيش منها ابدا قولوا ان شاء الله .. و ده كان اول يوم لمريومه من اول ما صحت الصبح الى ان عادت ان شاء الرحمن بالسلامه لحضنى و للبيت ..

اما عن احساسى حقيقى بجد انا عارفه ان ده احساس كل ام طفلها بيروح اول يوم المدرسه بيكون احساس يشبه احساسها اول يوم فطام له .. بجد و الله حاسه بنفس احساسى لما فطمتها و انا باحن لها و كأن انا اللى محتاجه لأنها تفضل فى حضنى و يومها صممت انها تفضل نايمه فى حضنى و كأنى بأكد انها لسه طفلتى الحبوبه .. نفس الاحساس الغريب ده حسيته و انا مش فاهمه اذا كان خوف من عدم تحملى بعدها بعد ما اتعودت انها ما تفارقنى و لا ارتياحى لانها كبرت والحمد لله و انى اقدر اعود لممارسه حاجات كثير .. اقلها تحركى بحريه فى فترة وجودها بالمدرسه ..

المهم انه احساس متلغبط ما بين الخوف و الفرح و القلق و الارتياح .. فعلا هو احساس صعب اوصفه بس بيتهيألى وصل لكم ....

اما مريومه فكان يومها الاول طبعا كله لعب و احتفال و بونبون و شيكولاته .. و وحشتنى جدا و الحمد لله رجعت لى بالسلامه مبسوطه و فرحانه يارب دايما و الحمد لله سبحانه و تعالى كل الحمد ..

استحلفكم بأنكم تدعولها ربنا يحفظها ويبارك لى فيها و فى اخواتها ياارب .. و يبارك لكم كلكم فى اولادكم و يرزق اللى لسه ما عندوش اولاد ياااارب ..

اتمنى ان الفكره تكون عجبتكم و انى ما اكون ثقلت عليكم .. و كل عام و انتم بالف خير

عيد سعيد و مبارك ان شاء الله

كل سنه وانتم جميعا بخير و يا رب عيد سعيد على الجميع و ان شاء الله العام القادم نكون كلنا موجودين و موفقين
و يا رب كل احبابنا كمان يكونوا معانا و باحسن الاحوال ..

اطيب امنياتى لكم جميعا و خالص دعواتى لكم جميعا بعيد سعيد

كل سنه وانتم طيبين

كل عام و انتم بالف خير .... رمضان كريم

وحشتونى جدا كلكم .....
انا لسه راجعه و الحمد لله انى لقيت وقت اقولكم كل سنه وانتم طيبين قبل اجازتى الرمضانيه
ان شاء الرحمن نقدر نستغل الفرصه و نخرج فائزين من هذا الشهر المبارك الذى اهداه لنا
الرحمن .. هديه من رب العالمين لعباده المخلصين الذين جرفتهم الحياه و اتاهتهم الدنيا
ولكنه سبحانه اعلم بعباده ونواياهم .. فسبحان الكريم القريب المجيب .. اهدانا اجمل شهر لنجمع ما نستطيع من حسنات و نتوب الى الله من كل المعاصى و نشعر بلذه الايمان و حلاوته
و يمنحنا الكريم الرحيم رب العالمين الفرصه ليغفر لنا و يعفوا عنا جميعا بفضله الواسع .. بل يمنحنا الفرصه ايضا لبلوغ ليله القدر و ما ادراك ما ليله القدر .. ليله القدر خير من الف شهر .. سبحانك ربى .. كم هو كريم عطائك وكم انت رحيم يا ربى .. اللهم بلغنا ليله القدر و اخرجنا من هذا الشهر الكريم و قد اهديتنا جميعا لما تحب و ترضى .. واجعلنا ممن عفوت عنهم و فازوا برضاك وعفوك وغفرانك ربى و حبيبى و ملجأى و نصيرى .. يا ارحم الراحمين ياالله ..
اخواتى فى الله و احبائى ماذا ننتظر انها الفرصه التى ننتظرها كل عام لتعود صفحتنا نقيه و بيضاء ..
و لكنننا يجب دائما ان نتذكر ان رحمه الله الواسعا جعلتنا ندرك الشهر الكريم فى هذا العام والحمد لله و لكن من يضمن لنا ان نبلغه فى العام القادم .. ادعوكم جميعا وادعوا نفسى معكم لنستغل كل دقيقه به بل كل ثانيه ليتخيل كل منا انها الفرصه الاخيره وانه لا مفر من الفوز بها او خساره الى الابد و العياذ بالله .. و لندعوا الله ليوفقنا حتى نكون من عباده المخلصين .. اللهم امين ..امين .. امين

و كل عام وانتم جميعا بخير القاكم على خير بعد هذا الشهر الكريم

تحياتى لكم جميعا

حتوحشووووونى

حتوحشونى لأنكم غالين عليه

حتوحشونى كلكم و حياة عنيه

حتوحشونى .. وسامحونى حأبعد شويه

حأبعد حقيقى غصب عنى و مش بأديه

بأدعى يا رب ارجع لكم .. والقاكم تانى كلكم ..

وتكونوا بكل خير و ما ناسيتوش اختكم .. اللى اكيد بتحبكم ..

المقدمه دى علشان تفضلوا فاكرينى .. طبعا فاكرين انى مهاجره ولا حاجه !!!!

ابدا والله الحكاية كلها اجازه لاخر شعبان ان شاء الرحمن حأرجع اخر يوم تقريبا فى الشهر اتمنى القاكم كلكم على خير و ربنا يحفظكم جميعا يا رب .. وان شاء الله بعد عودتى سأدخل فقط للسلام و الاطمئنان عليكم ثم اجازه اخرى ان شاء الله تعالى لأخر رمضان .. اللهم بلغنا رمضان ان شاء الله على خير .. و كل عام وانتم بخير ..

سأترك التعليق مفتوح ان شاء الله .. و اتمنى ان اجدكم جميعا عند عودتى بخير حال ..

حقيقى حتوحشونى جدا و حتوحشنى المدونه و كل مدوناتكم احبائى و اخواتى فى الله .. ادعوا الله ان يحفظكم جميعا و ان يجمعنا دائما على الخير .. ودمتم جميعا بالف خير ...

السلام عليكم ..

كنت وعدت انى اجمع فى بوست واحد الواجبات و التاجات بس بجد لقيت المسأله صعبه فأعذرونى ..

الحقيقه انا عاوزه اتكلم فى البوست ده عن هروب المدونين من الساحه ..

اكثر من مدونه كانت حتغلق فى لحظة يأس او ضيق من صاحبها او صاحبتها و انا شخصيا مريت بالظرف ده فى لحظة غضب خصوصا ان عالم التدوين كان جديد عليه .. لكن الحمد لله بفضل الله و اختى الحبيبه الغاليه جنه ( لولاكى يا جارتى ) سابقا و ( جنه ) حاليا و ايضا الحبيبه الرقيقه امل ( شمس اللقاء ) الحقيقه مش حأقدر انسى وقفتهم بجانبى و قتها ربنا يكرمهم و يجازيهم خيرا .. و بعدها اتأكدت ان الانسان ما ينفعش يكون لوحده و ان احيانا كثيره بنحتاج حد يفكر معانا .. المهم المقدمه دى لأنى لقيت اثنين من المدونين الطيبين اغلقوا مدوناتهم.. amal و ساره البحر ..

اد ايه احزننى ان اثنين من الناس اللى حبتهم ينسحبوا من غير ما يودعونا حتى .. وايه اللى بيحصل لنا و ليه فجأه بنتخنق من التدوين اللى احيانا بيكون احلى حاجه فى حياتنا ,, ليه بتتحول النعمه لتقمه و ليه بنلاقى نفسنا عاوزين نهرب من ساحة التدوين ؟؟؟؟؟؟؟؟

اسئله كثير حيرتنى الفتره اللى فاتت و حبيت انى اشارككم معايا تساؤلاتى .. و اتمنى انى الاقى جواب ولو لبعض الاسئله

كمان عاوزه اقول لكم كلكم كل عام و انتم بخير بمناسبة نصف شعبان اللى قرب و كمان ان شاء الرحمن و ابلغنا رمضان الكريم .. فكل عام والجميع بخير و سعاده و ان شاء الله محققين احلامنا جميعا و احلام امتنا و بلادنا ..

دمتم جميعا بخير و سلام فى حفظ من لا يغفل و لا ينام

رحل ولم اعلم و كان فضله على بعد فضل الله كبيرا ..

رحمة الله عليك طبيبى الفاضل
ايها الطبيب و الانسان و الصديق
كنت طبيب ضميره حى فى زمن قل فيه وجود الضمير
كنت عالما متواضعا و لم تبخل يوما بمجهودك لمن احتاج اليك

فوجئت بخبر وفاة الدكتور الكبير الانسان دكتورسمير السهوى اد ايه كان انسان ارجوكم ادعوا له بالرحمه والمغفره

كنت مررت بتجربه مع احدى اخطاء الاطباء الذين لا يريدون سوى ان يدخلونا فى جراحات من اجل الماده
كنت حاملا و لم اكن قد عرفت و حدث ان تعبت واقر الطبيب عمليه فوريه لوفاه الجنين كما قال وادخلنى بعدها فى دوامه من الالم و المعاناه لانه كان قد كحت اكثر من اللازم كما فهمت من الرحم و لففت على اطباء مصر و عدت و رسيت عليه طبيبى الكبير سمير السهوى و بفضل الله وعدم جشع هذا الطبيب و ضميره الحى و اهتمامه بالحاله شفيت و اهدانى الرحمن بعدها بمريم واصبحت الان طبيعيه و الحمد لله ولا انسى ابدا يوم ان اخطأ طبيب اخر فى ولاده اختى بان تركها دون التنظيف بعد ولاده كيسريه وكانت فى حاله نزيف وعلى وشك ان نفقدها وكان يوم جمعه و اتصلت به اسأله المشوره وكان فى طريق عودته للاسكندريه من سفر واكيد مجهد واليوم اجازته لكنه حين علم بحالتها قال لى ان الحاله لا يمكن ان تنتظر وطلب ارسالها للمستشفى التابعه له و نزل اليها مخصوص بنفسه وهو الطبيب الكبير و كانت حقا فى حاله سيئه و انقذها بفضل الله .. رحمه الله واسكنه فسيح جناته ..

والله لا يتسع البوست ولا الوقت حتى احكى لكم عن هذا الطبيب الانسان ..

اكثر ما يؤلمنى انه رحل منذ15 يوم ولم اعلم كنت اتابع السؤال عليه فى مرضه ولكنى كنت اخجل من ان ارهقه بسؤالى احيانا وانا اعلم او احس انه عزيز النفس و كانت اخر مكالمه لى قبل وفاته و كان انسان متواضع كعادته .. اشعر بتأنيب الضمير لانى لم اسأل مده 15 يوم عنه و قد توقعت تحسنه و رجوعه للعمل كما ذكر فى اخر مكالمه .. اتمنى لو تابعته لاودعه و ادعوا له ..
اللهم اجعل مسواه الجنه و اجعل لقانا فى جنتك يارب ..
اللهم اغسله بالماء و الثلج والبرد و نقه من الخطايا كما ينقى الثوب الابيض من الدنس
اللهم ارحمه باوسع رحمه و مغفره فانك الغفور الرحيم .. ياالله ..

رحمه الله عليك يا طبيبى الغالى و يا من اشعرنى بعد والدى بالابوه التى لم امنحها لانسان من بعد ابى غيرك ..

الله يرحمك الله يرحمك

انا لله وانا اليه راجعون .....

انتقام الجبار ..

جلست امل وحيده فى شرفة حجرتها ، و نظرت الى السماء علها تجد فى شروق الشمس التى

اوشكت ان تشرق املا يشرق فى نفسها بعد ان تحطمت كل المعانى الجميله فى حياتها ..

و تذكرت وهى تنظر لحديقة منزلها الصغيره كيف كانت تلهو بها طوال اليوم مع اخيها احمد و جارهم

عمر .. قد كانت تظل تلعب معهم حتى اذا غربت الشمس نامت سريعا من شده اجهادها بعد يوم ملىء باللعب والمرح .. انها اليوم لا تعرف طعم ولا سبيل للنوم .. واخذت تحدث نفسها :

اه قلبى المجروح المسكين و تذكرت بعد رحيل ابيها وامها و زواج اخيها كان من السهل ان تتزوج من حب العمر - عمر- فلم يكن هناك مشكله فالمنزل الصغير الذى تركه والديها و تنازل اخاها عن نصيبه لها بعد ان علم بزواجها من عمر صديق عمره و الذى كان يعلم تماما بظروفه الماديه .. وتنهدت امل وتمتمت اه اخى الحبيب لم تشأ ان ابدأ حياتى بالديون و سهلت لنا كل العقبات و تزوجنا ..

اه كم كنت سعيده وكم حاولت ان اسعده ولكن من هذا ؟؟؟

اين عمر ؟؟ اين من ترعرعت معه وكبرت .. اين حب العمر

كيف لم اعرفه جيدا و قد نشأنا سويا ..

اه يا من تمنيتك حبيب و سعدت بك نصيب .. لماذا غابت احلامى عن دنياك .. لماذا بعدت ومن الذى انساك ..

فما بين غياب احلامى و وجودها معك غاب املى .. وتاهت احلامى ..

فهل تعلم كيف جعلتنى امرأة حزينه كارهه للحياه اه..و .. وقبل ان تستمر فى سرد الذكريات المؤلمه دق الهاتف و اخذتها رجفه .. ترى من المتصل ؟؟ الساعة الان لم تتجاوز السادسه صباحا .. و توجهت للغرفه .. تناولت سماعة الهاتف بيد مرتعشه .. و همست .. من ؟؟

جاءها الصوت من الجانب الاخر .. هل هذا يا سيدتى منزل المهندس عمر ؟

امل : نعم

الصوت : من انت

امل : زوجته .. من انت .. ماذا تريد ؟؟

الصوت : اسف سيدتى لكنىمضطر لأبلاغك

اجابت امل بصوتها الذى بدأ اكثر اضطرابا : تبلغنى بماذا تكلم ارجوك ..

اجاب الصوت بحزن : البقاء لله و ..

صرخت امل بشده و اخذ جسدها كله يرتجف .. من من الذى ..

الصوت : المهندس عمر يا سيدتى انقلبت به السياره و هو عائد من الاسكندريه .. كان حادث مروع .. و كانت معه سيده ما زلنا نحاول ان نجد معها ما يدلنا على شخصيتها .. اتعرفين من هى ..؟

امل : من .. و من ..ماذا قلت .. أحدث هذا !!!

الصوت : تشجعى سيدتى .. كان الله فى عونك والهمك الصبر و ...

لم تدعه امل يكمل شىء .. وضعت السماعه .. وخرجت الى الشرفه .. نظرت الى السماء وتمنت ان تمطر انها فى حاجه ماسه لغسل همومها .. انها تتمنى ان تبكى السماء بدل منها بعد ان جفت دموعها من كثرة بكائها و صرخت :

كم صعب هذا الحساس .. حتى حزنى عليك لا استطيع ان احزنه .. حتى فى موتك لم تدع لى الفرصه لأبكيك ..

ماذا اخذت من خيانتك و اهمالك لى .... تركتنى من اجل نزواتك .. فقتلتك تلك النزوات ..

و.. احست امل بقطرات تبللها و نظرت الى السماء و قالت : اه ربى سبحانك .. وحدك الباقى لا اله الا انت سبحانك

اسمع قطرات المطر تقول لى .. قضاء الله وقدره و لكن رحمته دائما ابدا

قضاء الله و قدره ولكن ابدا لا ينسى عبده

انه الحق العادل .. المنتقم الجبار .. انه الله .و وجدت نفسها تتمتم .. انا لله وانا اليه راجعون

انهمر المطر و انهمرت دموعها وعلا صوتها تردد .. انا لله وانا اليه راجعون

انا لله وانا اليه راجعون .

تمت بحمد الله