برغم انى عارفه ان الظروف ما تسمحش اننا نحتفل الا ان فيه دين لمى اختى الصغيره الحبيبه عندى و اللى بتحسسنى ساعات كثير انى مامتها بجد .. مى صاحبة مدونة مدينة الملائكة ( حبيبة الروح ) .. اصرت انها تحتفل بعيد ميلادى من حوالى اسبوع فى مدونتها رغم انى كنت رافضه لكن هى كان رأيها لازم نعيش و نساند بعض علشان نعدى المحنه و ما ينفعش نستسلم للحزن و اصرت تحتفل بيه فى مدونتها الجميله و الرقيقه زيها علشان كده لازم النهارضه فى عيد ميلادها اقو لها كل سنه و انتى طيبه يا احلى مى و يارب السنه الجايه تكونى حققتى اجمل و احلى امنياتك ..
دى تورته مريومه ليكى و هى اللى مختاراها لكى بنفسها
و ده طبعا العصير و لازم يكون طازج و يارب تكونى بتحبى البرتقال
الهدايا دى منى و من مريم و طبعا اللى جواها مفاجأه !!!
اكيد مريم مش ممكن تنسى البونبون .. اتفضلى و كل الاصحاب بالف هنا و شفا يارب
حبيبتى مى الجميله كل سنه وانتى اطيب و اطيب و يارب عقبال مليون سنه
اتمنى لكى عمر مديد سعيد و يا رب تحققلا كل احلامك حبيبتى و ربنا يرزقك بكل السعاده
===================================================================
تحديث سريع جدا
===================
يا جماعه معلش الحفله جت بدرى شويه عيد ميلاد مى يوم السبت الجاى و الحقيقه انا اللى مريومه لغبطتنى كالعاده و فهمت من مى انه بكره .. معلش يا مى حقك عليا و فرصه انى و كل اصحابك المدونين بقولوا لك كل سنه وانتى طيبه طول الاسبوع و نبقى اول ناس قلنا ها لك
معلش حقك عليا و ان شاء الله السنه الجايه نضبط الميعاد اكثر
و كل سنه وانتى بالف خير
*********************************************************************************
***********************************************************
*********************
