يا مصر يا ابيه ...

يا مصر يا ابيه يا اغلى من عنيه

يا ساكنه فى الفؤاد يا ام الدنيا ديه

يا اغلى من حياتى و من كل اللى ليا

يا حضن كبير و دافى .. يا حلوه يا صبيه

يا بلدى يا جميله .. يا حره يا اصيله

بيغييروا من جمالك و سحرك يا صبيه

بيغييروا و يحسدونى لانك أم ليه

يا بلدى لو يحاولوا فى يوم يعكروكى

كل اولادك يابلدى فى لحظه يحضنوكى

بالروح و الدم والله و بالولد يفدوكى

و لا عمرهم يا حلوه فى يوم حيزعلوكى

و لا يقدروا يا بلدى فى ليله يبيتوكى

حزينه او بتبكى لاننا حنفدوكى

بكل حاجه فينا و عمرنا بنهدوكى
يا بلدى يا حبيبه خدينى بين ايدكى

و انا و كل ولادك حالفين حنفرحوكى

سامحينا لو سهينا عنك بالانانيه

سامحينا يا اغلى مالينا يا ام الدنيا ديه

سامحينا لو سهينا لكن ابدا ما نسينا

و لا نقدر يوم يا بلدى ننساكى لو شويه

ربى يصونك يا بلدى يا حره يا ابيه

يا اغلى من عيونى يا ام الدنيا ديه

من قال انى قد نسيت هواك

من قال اننى قد نسيت هواك ..

من قال اننى قد سئمت لقاك

احقا انا قلت ؟؟ و حتى ان قلت .. كيف تصدق ؟؟

كيف حبيبى لهرائى الكاذب قد صدقت ؟؟

تعلم انك منى .. وانى غيرك يوما ما احببت ..

تعلم كم اهواك .. و اعلم .. غيرى يوما ما احببت ..

لحظة جنون بها صرخت .. انى سئمتك .. انى كرهتك !!

و قلبى ينهرنى و يضيق بصدرى .. يريد ان يقفز منى اليك ..

قلبى يردد انى احبك ..

انى احبك منذ لحظات لقاؤنا الاولى و الى ان اترك الدنيا

و ليتنى اتركها حبيبى هنا .. ما بين يديك

فدعنى احيا هنا فى عينيك الساحرتين

بل فى صدرك الحنون و دعنى اختبىء بين جفون عينيك

من قال انى قد نسيتك .. و كيف ؟كيف تصدق حبيبتك المجنونه بك ..؟

كيف تصدق اننى قد نسيتك ؟

انسيتنى يوما برغم جنونى ..

و هل انساك عنادى عيونى ..

انسيتنى يوما ؟؟ان حدث ..

فصدق اننى لحبك قد نسيت

لكنى اعلم كم تهوانى .. فأعلم انت كم اهواك ..

وادنو حبيبى و اقترب .. دعنى احبك ..

دعنى اردد انى احبك فى كل ليلة .. و مع كل مساء

انى احبك .. يسمعها النجم فى السماء

فكيف لا تشعر بها .. و تصدق لحظات كذب و افتراء

من قال انى قد نسيتك قد كذب حتى و ان كنت انا من قلت هذا الهراء ..

لو حسيت ..

لو حسيت ان الدموع اتحجرت جوه فى عيونك

و ان صوتك اتحبس و انكسر نبض قلبك بين ضلوعك

لو حسيت انك فى خدعه عشت عمرك

ان احساسك اللى ياما هربت منه و من الحقيقه اترسم ما بين جفونك

لو فى لحظه واحده ضاعت كل احلام السنين و الامل و الامنيات ..

كله اتحول للألم ..مليان انين

راجع تدور وسط احلام السنين على طوق نجاه .. ينقذك من الغرق وسط اوهام السنين

راجع تدور عن حتى شمعه يمكن تنور بها مرة ليلك الحزين

لو حسيت ان الاحبه بينك و بينهم جفا و غربه

لو حسيت ان الحياه اتحولت فجأة لتربه

و اللى دفنك و انت حى اقرب اللى كانوا ليك ..لو زاد قوى الالم و انت تايه وسط ليلك

لو ضاع شطك و غرقت بين اوهام استسلامك

لو يا صاحبى بكل ده و اكثر مريت ..

افتكر ان الليالى الحزينه مهما طالت جى فجر

و ان مهما الشر سايد لازم الخير ينتصر

و ان حبايبك لو خدعوك .. يبقى اكيد هما خسروك

اوعى تسلم للاحزان اوعى تكون للأه اعلان

ارفع رأسك و ابتسم

ده الليالى بتترسم
من دموع اللى اتظلم من نبض الأه و الالم و بتتحول لطوق نجاة ينجدك ..

بس للظالم يا صاحبى بالطوق ده لازم يتخنق ..

عذرا .. فأنا فى حاجة الى الصمت الأن ..

عندما اجد الكلمات تضيع منى .. و الافكار تتزاحم فى رأسى .. فكيف اجد ما اكتبه ؟

و عندما تضيق دائره من النفاق حولى .. و اجدنى اخشى من ان تخنقنى .. فكيف لا اهرب منها ؟

احاول ان ابتعد بقدر المستطاع حتى اجد نفسى و لا تذوب منى وسط افكار و صراعات لا اتحملها و لا اعترف بها ..

تلك الافكار التى تتزاحم بل و تتشاجر معا حتى عدت لا احتملها و لا احتمل اصواتها المتناقضه ..

اتسأل عن مبادئى و ما قضيت العمر اؤمن به .. لماذا كل شىء اختلت موازينه ؟؟

اين ذاتى منى الأن .. اين انا ؟؟ ترانى لا اجدنى ؟؟ احقا يمكن للانسان ان يتوه حتى عن ذاته ؟؟

ايمكن ان تندثر الافكار و تموت المبادىء .. كما تموت فى زماننا هذا الصداقه و تضيع المرؤه ؟؟

اصبحنا فى زمن المظاهر و التظاهر .. زمن ضاع فيه الانسان حتى عن نفسه ..
فهو يمثل طوال الوقت و لا يمل دوره الذى اصبح يتقنه ..

امتلأت الوجوه بالاقنعه .. و لا توجد للحقيقه فى زماننا هذا مكان ..

تائهه منى نفسى و تائهه من نفسى انا ..

تتعثر الكلمات .. و تتوه المعانى بين سطورى كلما حاولت ان أكتب جمله مفيده يمكننى فهمها .. او ربما فهم نفسى ..

لذا لا يمكننى الأن الا ان اصمت .. فى محاولة منى للفهم .. ربما اذا هدأت افكارى فى رأسى يمكننى ترتيبها من جديد و ربما امكننى ان افهمها او اتفهمها .. فعذرا ان صمت قليلا فمن منا لا يحتاج للحظات من الصمت و الهدؤ حتى يستعيد نفسه و يستطيع ان يستمر ..

مدونتك حتنقذ طفلك ..

ادعوا الله ان يحفظنا جميعا و اولادنا من شر المرض .. امين ..

الاخ الفاضل طهر فؤادكhttp://rasoulallah1.blogspot.com/

دعانى مشكورا للمشاركه فى حملة مدونتك ستنقذ طفلك .. كما يدعوكم جميعا و قد أتى الينا بهذا الثواب العظيم و اتمنى ان نستغل الفرصه جميعا و نشارك بقدر استطاعتنا سائلين المولى عز وجل ان يحمينا و اولادنا و احبابنا جميعا من شر هذا المرض و جميع الامراض .. امين

و سأنقل لكم من مدونته الرائعه اهم الاجزاء التى تعرف و تساعد للاشتراك بالحمله ..

هنســـــــــــاعدهم ازاى :---
- ان شاء الله الفكرة ببساطة اننا عاوزين كل المدونات الى هتشترك معانا فى الحملة دى هتحط شعار المستشفى واللينك الخاص بالمستشفى على المدونة الخاصة بكل واحد هيشترك بأذن الله معانا وكمان فوق الشعار هتكون كلمة( اتبرع وانت فى بيتك ولو بجنية او دولار من هنا ) والناس الى مبتدئين فى المدونات هشرح لهم بطريقة مختصرة ازاى هيحطوا الصورة واللينك وهى( انكوا تفتحوا صفحة التخطيط فى مدونتكم وبعدين اضافة اداة وبعدين نختار من اضافة اداة اختيار اضافة صورة وبعد كدة لما تفتح نحط فى خانة اسم النموذج الكلام الى اتفقنا علية وهو" اتبرع وانت فى بيتك" وفى خانة وصل هنحط اللينك بتاع موقع مستشفى 57357 والى هو http://www.57357.com/Default.aspx?PageContentID=8&tabid=155
وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا ) علشان فية ناس كتيرة متعرفش عن طرق التيرع الى هى كتيرة ومش معروفة وممكن تحقق عائد كبير جداا جداا ومش متركز عليها فى اعلانات التلفزيون والراديو ووسائل الاعلام وهدفنا فى الحملة دى اننا نوضح طرق التبرع المتعددة الى بدورها هتجيب عائد اكبر واكتر لو كل واحد استخدم ولو طريقة واحدة وهو فى بيتة وهقولوكوا نبذة عن طرق التبرع دلوقت :- ....
1 - البنوك :- (ودى متركز عليها كتير فى وسائل الاعلام ومش هنخوض فيها ) .
2- انترنت الخير (هنركز اكتر عليها ):-يمكنك التبرع من خلال أستخدام ارقام انترنت الخير : 07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...
3- التليفون (هنركز اكتر عليها ):- يمكنك الاتصال برقم 1468 أو 2357 من اي تليفون محمول او برقم 09009555 أو 09000957 و التبرع لصالح المستشفى اثناء استماعك للرسالة الصوتية . سعر الدقيقة جنيهان

- بطاقة الائتمان (هنركز اكتر عليها ):- خدمة جديدة تقوم بها مستشفى 57357 لتسهيل التبرعبالتعاون مع بنك مصر و شركه Verisign العالمية لتأمين المواقع على الانترنت. يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار و ستقوم مؤسسه فيزا و ماستر كارد بتحويلها إلى دولار .فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .
5 - البريد المصرى (هنركز اكتر عليها ):- يمكن التبرع فى اى فرع من فروع مكاتب البريد المصرى لحساب رقم 26386
**** حملتنا على ال facebook ( ودى اهداء من مدونة قطرات ندى . جزاها الله خيرا ) :-
- احب قبل وماكتب لينك الجروب علشان ان شاء الله تشتركوا معانا فية احب اشكر المدونة وربنا يجزيها خير ودة مثال حى للعمل الجماعى و ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .واليكم لينك الجروب على الفيس بوك :-

- http://www.facebook.com/group.php?gid=139959994897&ref=search&sid=100000133813777.2100342868..1
**** وبعد ياجماعة ماستعرضنا كل حاجة عن الحملة عاوزين بقى ان شاء الله نبدأ بقى بأذن الله وتكون على خطوتين ان شاء الله :-
1- ان كل صاحب مدونة او اى حد يقدر يساعد او اى حد يعرف صاحب مدونة يقولة على الموضوع والى معندوش مدونة ومشترك فى موقع يقدر يحط الموضوع ويبقى عمل خير ربنا يجزية علية بأذنة تعالى وبعد كدة نرجع للمدونين نحط زى ماتفقنا الصورة الى موجودة بالاعلى واللينك زى ماشرحنا عن سابق ... وتخيلوا ان شاء الله لو كل مدونة زارها فى اليوم 100 شخص او 200 شخص وضغط على اللينك وعرف طرق التبرع واتبرع تخيلوا الخير الى هيعم شكلة اية يأذن الله تعالى وان شاء الله ربنا هيوفقنا علشان نيتنا خير ان شاء الله وصدقة جارية كمان فى مدونتكوا ان شاء الله.. بقول رسول الله صلى الله عليه و سلم : « إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ : صَدقَةٍ جارية ، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ » - رواهُ مسلمٌ .
2 - نحدد يوم نحط الموضوع دة كلة بكامل تفاصيلة على المدونات الى هتشترك معانا فى الحملة ويكون يوم موحد ان شاء الله لكل المدونات وهنعرف اليوم دة من خلال تعليقاتكوا على الموضوع علشان يقرا اكبر عدد وتعم الفايدة والخير علينا كلنا بأذن الله وربنا يكرمكوا يارب ويوفقكوا ويثبتكوا على العمل الصالح وعلى شكرة وحسن وعبادتة اللهم امين ... ومستنى ردود فعلكوا ومشتركين ان شاء الله فى الحملة بأذن الله تعالى وانا واثق ان اهل الخير كتير والمدونات برضوا عددها كبير وان شاء الله الخير قادم بأذن الله ..
والسلام عليكم ورحمة الله وبركاتة ... وكل سنة وانتم طيبن .

اتمنى من الجميع المشاركه بجديه فى الحمله من اجل اطفالنا الغالين .. ربنا يشفيهم يارب و يحميهم من كل شر .. اللهم امين .. امين .. امين

سمعونى احلى زغروده لأحلى و اجمل جنه .. عروستنا الجميله

الف مبرووووووووووك .. يا احلى و اجمل و اعز صديقه و حبيبه لقلبى ..

جايه النهارده لكم بخبر جميل جداا و متأكده ان كلكم حتفرحوا جداا و تباركم من قلبكم لأختنا الجميله جنهhttp://just4girls-only.blogpost.com/ اختى الحبيبه الغاليه دكتوره جنه الرقيقه الحنونه .. الف الف مبروك زفافك السعيد و يارب تكونى اسعد عروسه فى الدنيا و ربنا يرزقك بالذريه الصالحه يارب و يبارك لكى فى زوجك المحظوظ باجمل و ارق و احن القلوب .. قلبك ..

بارك الرحمن لكما و فيكما و جمع بينكما فى الخير ياارب و عاوزه الكل يبارك هنا و هناك .. دى جنه الحبيبه الرقيقه يا جماعه يعنى مش محتاجين اعرفكم بها ..

ياريت تدعوا من قلوبكم لها و يارب يسعدها و يسعدكم جميعا ..

ما عدت اشعر معك بالامان

ما عدت اشعر معك بالامان ..

تائهه فى بحر بلا شطأن ..

تجرفنى امواج و تتخبطنى امواج

و ما زلت ابحث عن لحظات الامان

عن انسانيتك يا انسان ..

ما عدت اشعر يا زمانى بالامان

و هل شعرت به يوم مما كان !!

هل كان يوما صاحبى الحب او رفيقى الامان !!

اترانى قد وجدته ثم اضعته فى لحظة نسيان ..؟

ام اننى ابدا لم اجد يوما الحب و لم يحتوينى الحنان ..

اه منكى ايامى و من سباقك الرهوان ..

واه منكى احلامى حين يخنقكى الزمان ..

ترى متى يا عمرى يكون الاوان ؟

و كيف يكون و قد ضاع الامان ..

فما عدت اشعر فى عينيك صدقا .. وما عدت اجد بين راحتيك عشقا ..

و ما عدت اعلم لحلمنا عنوان ..

ما عدت احلم معك حلم زمان ..

نعم .. ما عدت اشعر معك بالامان ..