الجمعة، 2 مايو، 2008

ساعات بأحس .. ... .... .....







ساعات بأحس ان الزمان ما بيمشيش



وان السنين اللى عدت ما تعرفنيش



وان الحياه لساها سكر سنترفيش



حتى الاحلام اللى نسيتها القاها لسه ما نستنيش



وعجبى ..

* * * * * * * * *



لما الزمان الحلو يرجع تانى ...... راجع يجمع بينى وبين خلانى



و حتى الحبايب اللى فرقتنا موانى ...... وعيونى تلمع تانى بأحلى الامانى



عجبى ..


* * * * * * * * *


رجعنى تانى يا عمرى يا معدى ...... رجعنى تانى لو مره وهدى


لسه الامل جوايا ولسه بيه بأعيش ...... مقدرش اقوله لا ولا يوم حأقوله مفيش


لو عمرى اللى عدى ..عدى منى وفات حأقول للى جاى استنه ومتسبقنيش


و..عجبى ..

*****************************



هناك 34 تعليقًا:

ياسر يقول...

السلام عليكم ورحمة الله وبركاته
rovy
فرحان جدا لاني اول واحد
يعلقك علي المقال المسكر
دة علشان بس اعرفك اني
متابع المدونة بجد
تحياتي
ياسر

Gannah يقول...

حلوه الاحاسيس دى يا روفى و يا رب تفضل سكر على طول و كل احلامك تتحقق
على فكرة عجبنى جدا تعليقك على البوست بتاعى فى لولاكى و هارد ان شاء الله

اسمحيلى اقول لاخى الكريم ياسر
حاولت الدخول على مدونتك مرات عديدة و لكن بمجرد المحاولة يهنج الكمبيوتر و لا تفتح الصفحة و اضطر انى اعمل انهاء للاكسبلورر
مش عارفة السبب فيا ريت تتركلى العنوان فى مدونتى علشان احاول تانى وشكرا
تحياتى يا روفى

أسماء يقول...

السلام عليكم ورحمة الله وبركاته...
أنا كمان سعات بحس بنفس الاحاسيس دى خصوصا بعد الكليه وكمان بعد الغربه والسفر بس مش قدرت أعبر عنها زيييك كدا بأسلوب جميل....بجد كلامك جميل ورقيق وأسلوب أكثر من راثع...


سما

ghoneem يقول...

اهلاً بيكي

كلمات رقيقة متميزة

كلنا هنقول معاكي لأيامنا اللي جاية استني ماتسبقينيش

سعيد بمروري وقراءة البوست الرائع ده

تحياتي

بالتوفيق.........

مدينه الملائكه يقول...

هاي يا روفي احاسيس بنحسها كلنا ابدعتي
تقبلي تحياتي
مي

Eldebug يقول...

لما الزمان الحلو يرجع تانى ...... راجع يجمع بينى وبين خلانى

و حتى الحبايب اللى فرقتنا موانى ...... وعيونى تلمع تانى بأحلى الامانى

-------------------------

صدفة غريبة بصراحة ان يوم ماقريت الكلام ده قابلت ناس بقالى زماااااااان ماقابلتهاش

وعجبى....

الربان يقول...

تحياتي

ما شاء الله....كلمات جميلة مفعمه بالامل
شيء جديد في المدونات ان تجدي من يتحدث
بامل...

ربنا يسعد كل ايامك و ايام الجميع.

تحياتي و تقديري

تــــــــــ(حـنة)ـــــــر يقول...

صح ... وعجبي
الأحساس ده حاجة كبيره قوى
الحمد لله على هذه النعمه

بنات صاحبة الجلالة يقول...

rovy

بجد جميلة جدا كلماتك بيعجبني اوي رقتك وذوقك في اختيار كلماتك

لسه الامل جوايا ولسه بيه بأعيش ...... مقدرش اقوله لا ولا يوم حأقوله مفيش

انا كمان لسة جوايا الامل ولسة عايشة بيه

احيكي بجد علي موضوعك ياقمر

rovy يقول...

ياسر
عليكم السلام ورحمة الله وبركاته
انا كمان فرحانه وسعيده بتعليقك الجميل بس فرحانه اكثر لأنى سمعت منك اخيرا ولو على سبيل المجامله لي كلمة فرحان قوى ويارب تفرح دايما وتقدر تكسر حاجز الاحزان وتحس ان لسه فيه نعم كثير فى حياتنا لازم نحسها ونشكر ربنا عليها وفقك الله ودمت بسعاده وخير .
خالص تقديرى وتحياتى
rovy

rovy يقول...

اختى الحبيبه
gannah
ربنا يخليكى ويارب تحققى كل احلامك وتفضلى دايما منورانى بتعليقاتك الجميله والحكيمه .
بالنسبه لموضوع الاخ ياسر انا كمان بتعب قوى علشان اقدر ادخل والحكايه دى لاحظتها مع بعض المدونات . بس انا اتعلمت اصبر خالص لغاية لما الصفحه تفتح وبرضه بأدى كليك واحد للتعليق واروح اعمل شاى وارجع على بال مايفتح وعلى كل حال ياريت لو ياسر قرأ التعليقات ديه يكتب لك عنوان المدونه افضل .
خالص تقديرى وتحياتى
rovy

rovy يقول...

اسماء
حبيبتى انا سعيده قوى بوجودك معانا وبتعليقك اللى كله ذوق ورقه وحقيقى نفسى ازور مدونتك بس مش عارفه ادخل خالص . ياريت تفتحى من عندك لو كنتى غير سامحه لأحد بالمشاركه او لو ممكن تكتبى لى عنوان المدونه احاول ادخل منه
لغاية لما تعرفى تحلى المشكله .
وفقك الله ودمت بخير
تحياتى
rovy

rovy يقول...

ghoneem
انا سعيده بتعليقك الرقيق و بالامل اللى حساه فى كلماتك الجميله ويارب نقدر نخلى ايامنا فعلا متسبقناش .
اشكرك .. ولك خالص تقديرى وتحياتى
ROVY

rovy يقول...

مدينه الملائكه
اهلا بيكى واشكرك لتعليقك الرقيق
اسعدنى مرورك .. خالص تقديرى وتحياتى
rovy

rovy يقول...

eldebug
اهلا بيك اولا ثم ما تستغربش ولا حاجه على الصدفه دى .. ما الحياه الا مسرح كبير .. وعجبى .
بس حقيقى منورنى ويارب دايما نبشرك بصدف سعيده .
تحياتى
rovy

rovy يقول...

الربان
تحياتى لك وخالص شكرى لمرورك الكريم اللى بانتظره دائما ويا رب تكون ايامك كلها سعاده وامل .
بيتهيألى احيانا بنحتاج نخرج شويه من مود الملل والحزن اللى بقى مسيطر علينا والحمد لله اننا لسه بنقدر ساعات نحس بالامل وجمال الحياه ويارب يسعد كل الناس .. خالص تقديرى وتحياتى
ودمت بخير
rovy

rovy يقول...

تمر حنه
اهلا بيكى دايما ويارب يديم علينا جميعا نعمة السعاده ويارب تنورينى دايما
خالص تقديرى
تحياتى
rovy

rovy يقول...

بنات صاحبة الجلاله
يا رب يخليكو ليه وما يحرمنيش من تعليقاتكم الجميله والرقيقه ويارب يدوم الود والتواصل .
اتمنى ان تسعدوا دائما ويفضل دايما عندكم الامل لبكره وتحققوا جميع احلامكم
وفقكم الله دائما ودمتم بخير وسعاده .
تحياتى
rovy

امل يقول...

الله الله
حاسة ان الكلمات عامله زي الحلم الجميل اللي بيسرح بيه لبعيد
وبعدين كفايه ان الامل جوايا ولسه بيه بعيش مقدرش اقوله لا ولا يوم حأقوله مفيش

rovy يقول...

امل
ربنا يخليكى حبيبتى ويارب يكون الامل والسعاده دايما اصحابك فى دربك ولا تغيب عنكى ابتسامتك ابدا
دمت بخير وسعاده
تحياتى
rovy

zOzO يقول...

احساسك عااااالي اوي

ورقيق جدا

البوست حلو

تسلم ايديكي

معلشي انا عارفه اني مقصره معاكي بس والاله غصب عني عشان خلاص العملي مش عليه حاجه وبعده النظري كمان

لما هخلص هتلاقيني نايمه عندك

هههههههههههههههههه

تحياتي ليكي

Walad_Masry يقول...

جميلة جدا كالعادة ونفس إحساس الهدوء اللي بيجيني أول ما بادخل

كلمات رائعة وبتفكرنا باللذي كان واللي للأسف مش ممكن هيرجع تاني

الله يسامحك

rovy يقول...

zozo
حبيبة قلبى انت مش مقصره خالص بالعكس انتى دايما منورانى بتعليقاتك الجميلة والرقيقه ويارب نطمن عليكى وتنجحى ان شاء الله وتجيبى لنا تقدير حلو كمان وياريت فعلا الفتره الجايه تأخذى رست وتستعدى للأمتحانات ولو انك حتوحشينا لكن نستحمل علشان تفرحينا بنجاحك يارب .
وفقك الله ودمت بخير وسعاده ونجاح

تحياتى
rovy

rovy يقول...

walad masry
الحمد لله على الاحساس الحلو قوى ده اللى بتحسوا فى مدونتى ولو ان انا برضه والله بأضحك من قلبى لما بأدخل مدونة سيادتكم . يعنى خير سيادتك سابق .
بس ايه حكاية ربنا يسامحك علشان بأفكرك بالذى مضى .. الذكريات الجميله بتسعدنا لما بنفتكرها حتى لو مبنقدرش نرجعها بتعطينا حافز نعيشها تانى او حتى نعيش زيها او على الاقل نبحث عن السعاده علنا نجدها واتمنى حقيقى ان تجدها دائما يا رب .

وفقك الله ودمت بالف خير وسعاده
تحياتى
rovy

Walad_Masry يقول...

ما هو عشان كده بدعيلك إن ربنا يسامحك

مافيهاش حاجة يعني

ربنا يسامحنا كلنا قولي يا رب

rovy يقول...

walad masry
ييييييييييييييييييييييييارب
اكيد ملناش غيره واكيد مفيهاش حاجه طبعا مين فينا مش محتاج ربنا يسامحه .
ويارب منورنا دايما وولا يهمك
تحياتى
rovy

رئـــــيسـة حزب الأحلام يقول...

السلام عليكم
ساعات باحس ان الزمان مابيمشيش
كتير بيحصل معايا الاحساس دة والوقت يفضل واقف مش راضى يشى ماتعرفيش لية

Desert cat يقول...

انا كمان نفسى عمرى اللى فات ما يمشيش
مختارت جميلة روفى
دمتى بكل خير

namer يقول...

احساس على وأختيار موفق للكلمات
ويارب تفضلى ايامك كلهااحلى من العسل المكرر

rovy يقول...

desert cat
اهلا بيكى ويارب تحققى كل اللى بتتمنيه .
اسعدنى مرورك وتقبلى تحياتى
rovy

rovy يقول...

namer
اشكرك جدا لكلامك الرقيق ويارب كل ايامنا تكون حلوه وياريت تدخل على اعدادات من لوحة التحكم يمكن تقدر تسمح لنا بالدخول اكيد فيه امر مش مضبوط حقيقى حاولت ادخل لمدونتك كثير ومعرفتش .. اتمنى دوام التواصل .
خالص تقديرى وتحياتى
rovy

بنت النيل يقول...

rovy
احساس جميل بجد
لسه الامل جوايا ولسه بيه بأعيش ...... مقدرش اقوله لا ولا يوم حأقوله مفيش
اهم حاجة ان يكون فى امل من غير الامل منقدرش نعيش
تحياتى لكى
بنت النيل

rovy يقول...

بنت النيل
اهلا بيكى .. انا سعيده قوى بيكى وسعيده كمان ان ده رأيك وان لازم يكون فيه امل .
الحمد لله ودام التواصل
تحياتى
rovy

nado يقول...

ياسلام الله ايه ده يارباعياتك .......
لو عم جاهين كان عايش كان اتبناكى

بجد خطوه جديده عنيده