الاثنين، 5 مايو، 2008

تاج على الماشى ..

بسم الله نفتتح الجلسه وندعى على لا قصدى ندعى للولد المصرى اللى مرر لى التاج وياريت كلكم تدعوا ع.. لا قصدى طبعا تدعوله
وندخل فى الاسئله وربنا يستر ..
1- لو اعطيتك 3 وردات من هم الاشخاص اللى تهدى لهم الورد ده ؟
بما انى عندى 3 قمرات ربنا يخليهم لى يبقى اكيد حعطى كل واحده فيهم ورده بس اكيد حاشترى لأمى باقة ورد اعطيها لها .
2-معاك 3 سطور اكتب اللى عاوزه ؟
اللهم با ارحم الراحمين الحمد لك انك انت ربى والحمد كل الحمد لانى انا عبد لك وحدك
وكفانى عزا ان تكون لى ربا وكفانى فخرا ان اكون لك عبدا ..
انت لى كما احب فوفقنى الى ما تحب .. وصلى اللهم وسلم وبارك على الحبيب المصطفى محمد عليه افضل الصلاه والسلام .
3- ما هو هدفك فى الحياه ؟
اتمنى ان يوفقنى الله فى رعايه بناتى وان يحققوا جميع احلامهم وان احسن ربايتهم وان اكون زوجه صالحه ثم ان احاول ان احقق ذاتى
و ان تصل كتاباتى يوم لكل الناس وطبعا ده حلم مش هدف .كما اتمنى ان اخرج من الدنيا برصيد يجعل لى مكان فى جنه الخلد ويبنى به لى الرحمن بيتا بجوار الحبيب المصطفى .يااااارب .
4- ان شاء الله بكره احسن من النهارضه . هل تصدق هذه المقوله ؟
ما دمنا قلنا ان شاء الله يبقى اكيد ان شاء الله حيكون بكره احسن . ياااارب
5- ما هى اجمل مقوله سمعتها ؟
لا اله الا الله محمد رسول الله
6- مين المغنى اللى بتحبه وايه اغنيتك المفضله ؟
عمر دياب ..... معظم اغانيه
7-غزه تمثل ايه فى حياتك ؟
مثال حى لتهاون العرب وتفرقهم وانهزامهم بسبب ضعفهم
8- تعطى كام فى الميه لانتمائك للوطن ؟
1000 %
9- لو تزوجت وانجبت قول اسماء الاولاد والبنات اللى بتحبهم ؟
البنات هما ياسمينه و هدير و مريم
اما الاولاد فانا بأحب اسم عبد الرحمن وايضا احمد و يوسف
10- عمرك ما غشيت وانت صغير ؟
بصراحه انا كنت فى مدرسه رهبات وكانت لغاية الاعدادى لحد ما طلعت منها ما كنتش عارفه يعنى ايه غش لحد بقى ما صدمت بس الحمد لله كنت بأغشش اكثر ما بأغش لانى اتربيت على انى اعتمد على نفسى وما اغشش .
11- لو اتعرضت عليك رشوه وانت فى زنقه تأخذها ؟
طبعا لا وعجبنى قوى تشبيه الولد المصرى فى السؤال ده
12-قول 3 صفات فى 3 كلمات توصف بهم شخصيتك ؟
بجد مش عارفه اوصف نفسى .. بس اقدر اقول وبصدق انى بأحب الله قوى ورسوله الكريم وجميع رسله وانبيائه وبأحب بيتى وعائلتى وبحب الناس قوى ...يعنى الحب هو اهم صفه فيه . ...... وكمان مبحبش النكد ابدا لكن بأحترم الحزن المبرر .
13-اول مرتب ليك ولو حتجيب حاجه لعائلتك حتجيب ايه لكل فرد؟
حاجيب لمريومه اللعبه اللى حتبقى عليها الدور وشبطانه فيها وحأجيب لاخوتها كتب وطبعا هما اللى حينقوها علشان يقروها وحأجيب لزوجى العزيز هديه بس حسب الاحوال ساعتها .
14- اهم صفه فى شريك حياتك ؟
المشاركه و تقديره ليه .
15- المجال اللى غير دراستك بتحبه حتى لو كنت بترسم على الحيط ؟؟
الادب والكتابه والشعر وبأحب الرحلات والسباحه وايضا رياضه الجرى .
16 - بتحب السفر طب ايه المكان اللى عاوز تروحه دلوقت من غير ما تفكر ؟؟؟؟
نفسى ازور اليونان واسبانيا .... وطبعا نفسى ازور بيت الله الحرام وازور كمان قبر الرسول عليه افضل الصلاه والسلام .
17- تمرر التاج لمين ؟؟
بصراحه الموضوع متعب وانا مش عاوزه حد يدعى عليا 17 سؤال يا مفترى يا لى فى بالى على كل حال انا عاوزه اعرف مين من الزوار الكرام اللى حتجيله الشجاعه وحياخذه وله منى تحيه ولما نشوف شجاعتكم بقى .
تم بحمد الله والحمد لله

هناك 56 تعليقًا:

bar2ash يقول...

ازيك يا احلي rovy
ايه الاجابات دي
ماشاء الله من غير مجامله والله شخصيتك شفافه
ربنا يخليلك التلات قمرات
ويخلي زوجك العزيز

ويوفقك في حياتك
تعليقك عندي بجد اسعدني
اشكرك

bar2ash يقول...

اه rovy
نسيت اقولك اني فرحاااااااان اني اول حد بيعلق علي التاج الجميل ده
بس يا خساره كده بقي تاني تعليق هههه
تتعوض
سلامووووز

zOzO يقول...

وااااااااااو

اجابات كلها

حلوه حلوه حلوه

تلاته حلوه

ههههههههههههههههه

معلشي تهييس امتحانات بقي

تحياتي وحبي

Walad_Masry يقول...

معلش تعيشي وتاخدي غيرها

بس رجاءا أنا مش حمل دعوة من أي حد

ويا بخت من بات مغلوب ولا باتش غالب

إعتذراتي

Gannah يقول...

Rovy
اجاباتك جميلة و اسماء البنات ما شاء الله جميلة جدا و ليها معانى حلوة
ربنا يباركلك فى زوجك و اولادك

انا ادين لك بالشكر على تعليقك على موضوع التعدد فى المدونة و الحقيقة انا مالقيتش كلام يتقال بعد كلامك
انا بس طماعة شوية و عايزة لما يكون عندك وقت تكتبى لينا قصة من المأسى اللى سببها التعدد و هانشرها عندى كبوست
انا زنانة بس ده عشم يا جميل

بصراحة انا فى موضوع انى اخد التاج ده هعمل قطة و اقول بمعرفش اتكلم عن نفسى

تحياتى لليكى و لبناتك الحلوين

الربان يقول...

تحياتي

بجد اجابات جميلة و رزينة...يشعر القاريء من خلالها بكمية الحب التي بداخلك...
بارك الله فيك وزادك من نعمائة..و بارك لك في أمك و زوجك و القمرات الثلاث...

واضح مدي حبك لله و رسوله و أسألك الدعاء لي و للمسلمين كافة.

تحياتي و تقديري

ghoneem يقول...

اهلاً بيكي

هااااااايل التاج ده جميل جدااااااا

الردود كلها ممتعة وموفقة ربنا يبارك فيكي

ربنا يخليلك ال 3 قمرات ويفضلو ينور الدنيا كلها

ربنا يحقق ليكي كل ماتتمني انت كتاباتك بجد ماشاء الله قيمة فعلاً وتستحق القراءة

ربنا يبارك ليكي في زوجك وأهلك

التاج كبير شوية بس هرد عليه مرة تانية ان شاء الله

بس قبل ماأختم موضوع عمرو دياب ده فكري فيه كويس ....بس عشان غير عمرو كويس
لأ...عشان كلهم مش كويسين
.................

تحياتي

بالتوفيق..........

حسن محمد توفيق يقول...

rovy

مبروك عليك التاج ومش هندعى عليه ولا لاعليك .. اجابات متميزة وبالمناسبة انا
ايضا عندى ثلاث قمرات وطبعا ربنا يخليننا القمر الكبير بتاعتنا كلنا امهم
سعيد بزيارتى

monaliza يقول...

اختى الحبيبة:ربنا يباركلك فى قمراتك ويقدرك على تربيتهم وتنشأتهم فى جو اسلامى جميل
بالتوفيق دائما ودمتى بكل خير

rovy يقول...

bar2ash
الحمد لله يا احلى برقش وربنا يخليك بجد متشكره على ذوقك ودعوتك الجميله يارب يتقبل منك ..
انا كمان تعليقى عندك احساس صادق مش مجامله .. ادام الله التواصل .
خالص تقديرى
تحياتى
rovy

rovy يقول...

zozo
والله انت اللى حلوه وزى العسل
ربنا ينجحك يارب وتحققى كل احلامك
وتخلصى الامتحانات على خير و ربنا يوفقك
دمت بخير وسعاده
خالص تحياتى
rovy

rovy يقول...

walad masry
والله انا بأهزر واكيد طبعا مش ممكن ادعى عليك .. ربنا يخليك ويوفقك وتعيش وتدينا مقالب ولا يهمك ..
خالص تقديرى وتحياتى
rovy

rovy يقول...

gannah
اختى جنه ربنا يخليكى يا رب ويخلى لك كل الناس اللى بتحبيهم وما يحرمك من حبيب ابدا ..
انت تأمرى والله فى اقرب فرصه حأكتب لك اللى ربنا يقدرنى عليه.
متشكره على الكلام الجميل ده ويارب يتقبل دعوتك ولكى مثلها .. امين
خالص تقديرى و امتنانى
تحياتى
rovy

رئـــــيسـة حزب الأحلام يقول...

تاج جميل وربنا يسعدك ويخليلك بناتك يارب وتشوفيهم باحسن حال يارب امين
وتحياتى لكى

rovy يقول...

الربان
مش لاقيه رد بعد الكلام الحلو قوى ده اللى يارب اكون باستحقه ..
ربنا يبارك فيك ويبارك لك ولا يحرمك ابدا من غالى او حبيب يا رب ويوفقك فى كل حياتك .
اشكرك وربنا يتقبل دعائنا جميعا ويغفر لنا وللمسلمين جميعا .
خالص تقديرى وتحياتى
rovy

امل يقول...

روفي اجاباتك جميلة قوية
مش عارفه حسيت براحة شديدة وانا بقرأها
انا كده هدعي للي مررها لك مش هدعي عليه
ربنا يكرمك ويحقق لك كل اللي بتتمنيه ويبارك في بنوتاتك

مجداوية يقول...

السلام عليكم

لن أكون ممن لديهم الشجاعة فى هذه المواقف الجبن سيد الأخلاق


عندى انطباع بان نثرك وما تكتبيه بطريقة الراوى له أسلوب مميز أكتر من محاولاتك الشعرية او الزجليه

وهو بالطبع انطباع شخصى بحت لكن عموما كل ما تخرجيه من داخلك بعفوية يصل الى قلوب الناس فحافظى على هذا الصدق وهذه العفوية الجميلة

شرفتينى بزيارتك عزيزتى وسعدت بالتعرف على مدونتك

rovy يقول...

ghoneem
اشكرك جدا كلامك الجميل ده يا رب اكون استحقه وربنا يخليك ويخلى كل اللى بتحبهم .. مرورك دايما بيسعدنى ويارب يدوم التواصل .
اما حكايه عمرو دياب فأنا مش عارفه قصدك ان الجيل كله ما يتسمعش ولا علشان انه اصلا الغناء حرام .
انا عاوزه اقولك ان احيانا بتسمع اغنيه بتفكرك بذكرى غاليه او صحبه حلوه او حتى احيانا ذكرى حزينه لكن بتلاقى نفسك محتاج تسمعها .. بس انا ضد الفيديو كليب وبأحس انه هو اللى خلى الاغنيه تبقى حرام لكن انا مع الوسطيه فى كل شىء فديننا دين الوسطيه واللى بيقرأ القرأن بيحس فى اكثر من سوره بتنبه لان نكون وسطيين .
المهم ان نستفتى قلبنا ونعلم ان الله شاهدا علينا و يارب يهدينا جميعا لما فيه الصواب وما فيه خير هذه الامه .
وفقك الله ورعاك
لك خالص تقديرى و تحياتى
rovy

rovy يقول...

ghoneem
نسيت احيى شجاعتك لانك عند استعداد تأخذ التاج يالا ورينا الهمه عاوزين قريب نقرأه عندك و من غير ما تدعى عليا اكيد .
تحياتى
rovy

rovy يقول...

استاذى حسن محمد توفيق
انا سعيده جدا بزيارتك و سعيده ايضا بتعليقك واشكرك والله يبارك فى سيادتكم
ربنا يخلى لك الثلاث قمرات يارب ويخلى القمر الكبير مامتهم ويا رب يفضلوا منورين حياتك على طول وانت كمان تنور حياتهم . دمت بخير وسعاده واتمنى دوام التواصل .
خالص تقديرى وتحياتى
rovy

rovy يقول...

monaliza
اختى الحبيبه ربنا يبارك فيكى وفى كل احبائك و اهلك ويتقبل دعوتك الجميله يارب . وان شاء الله تكونى بقيت احسن حالا وصديقتك العزيزه ويارب يطمنك عليها . وفقك الله وجزاك خيرا
ودمت بخير وسعاده
تحياتى
rovy

rovy يقول...

رئيسة حزب الاحلام
يارب يخليكى وما يحرمنيش من زيارتك ودعواتك الحلوه و يارب تحققى كل احلامك وربنا يوفقك . بس عاوزه اعرف فين شجاعة رئيسة الحزب ليه ما اخذتيش التاج .!!. على كل حال فكرى يمكن تلاقى عندك وقت وتاخذيه .
ودمت بالف خير
تحياتى
rovy

rovy يقول...

امل
اختى الحبيبه ربنا يكرمك ويخليكى ويخلى كل اللى بتحبيهم ويسعدك دائما يا رب
وتحققى كل اللى بتتمنيه .
اشكر مرورك الكريم وتعليقك الجميل
خالص تقديرى وتحياتى
rovy

rovy يقول...

الاخت مجداويه
اهلا بيكى .. سعدت بتشريفك و مرورك الكريم . دام التواصل وتقبلى شكرى وتحياتى .
rovy

Desert cat يقول...

اجابات جميلة وتدل على شخصية اجمل
وربنا يخلى لك القمرات الثلاث
قبلاتى ليهم

مشتاق لله يقول...

السلام عليكم اختي الفاضلة اولا اتمني من الله ان يبارك في بناتك وعمرك حتي تربيهن علي طاعة الله ورسوله واتمني من الله ان يبدلك حب سماع القراءن بدلا من عمرو دياب واخيرا مدونتك جميله ولك التحية

rovy يقول...

desert cat
اشكر مرورك الكريم وتعليقك الرقيق
ودعوتك الجميله يارب يتقبلها و يخلى ليكى كل اللى بتحبيهم ..
خالص تقديرى وتحياتى
rovy

rovy يقول...

اخى الفاضل : مشتاق لله
عليكم السلام ورحمة الله وبركاته
اشكرك جدا على تعليقك ودعواتك الجميله ويارب يتقبل منك و يمنحك كل خير ويبارك فيك ولك .
اما حكاية عمرو دياب فانا اؤكد لك انى والحمد لله احب قرأة القرأن الكريم واشعر بكل الراحة حين اقرأه بل هو ملاذى فى وقت حاجتى للقوه وطبيبى فى وقت احتياجى للدواء والحمد لله . ولكن لم يمن الله بعد عليا بأن ازهد الدنيا كليا
وانا لست مسرفه فى سماع الاغانى ولكنى لست متزمته واشعر ان الوسط هو خير الامور ولو قرأت اجابتى على تعليق الاخ الفاضل غنيم ربما تفهم قصدى وعلى كل حال اسأل الله ان يهدينا جميعا لما فيه الصواب و ان نفعل ما فيه الخير لنا ولامتنا.. وارجو ان لا تنسانى بالدعاء فلعلنى فى حاجه لان يأخذ بيدى الرحمن الى اقرب طريق اليه .
خالص شكرى وتقديرى ودمت سالما
تحياتى
rovy

مشتاق لله يقول...

السيده الفاضلة احترم رايك وشكرا لزيارة مدونتي - ازلا طاعة الله ليست تزمتا يااختي وانا اعلم ان اخوتنا في ارض مصر يحبون الغناء كثيرا جدا وخرجت فتاوي من مشايخ نحبهم ونحترمهم تتحدث عن الوسطية في الغناء -انا احترم كل هذا ولكن عن نفسي يااختي حينما استمع للغناء صدقيني لابد لي ان افعل شيئا يغضب الله في ذلك اليوم ربما الامر شخصي جدا لكني لاامن علي بناتك من الفيدو كلب لعمرو دياب وغيره وانت اعلم -ملاحظة اعلم ان اهل مصر يحبون كتاب الله كثيرا وانت منهم ان شاء الله -ولك التحية

rovy يقول...

اخى الفاضل مشتاق لله
اولا اشكر اهتمامك و تعليقك لانى اعلم انك تقصد كل الخير لى ولجميع المسلمين ان شاء الله ولكن يعلم الله انى ما قصدت ابدا ان اسمى طاعة الله بالتشدد ولكنى احاول ان اكون وسطيه خصوصا فى تربية بناتى حتى اعبر بهم الى شاطىء الامان وانا لا احترم الفيديو كليب لانه يؤذى البصر ولكنى قصدت بسماع الاغانى الكاسيت او السى دى وليغفر الله لى ويهدينى اذا كنت على خطأ فانا اضعف بكثير من ان اصل للمثالية فلتدعوا لى ولبناتى وبنات المسلمين جزاك الله خيرا
ووفقك دائما وبارك خطواتك .
خالص شكرى وامتنانى
تحياتى
rovy

Miss. Sosa يقول...

اجابات التاج في منتهي الجمال خاصة السطور الثلاثة

rovy يقول...

miss. sosa
اهلا بيكى .. نورتى يا قمر واشكر زيارتك الكريمه وتعليقك الرقيق .
خالص تقديرى
تحياتى
rovy

bar2ash يقول...

rovy
وحشتني زياراتك يا جميل
مستنيكي في البوست الجديد
يارب يعجبك

رئـــــيسـة حزب الأحلام يقول...

تعالى شوفى التاج يارفى

ياسر يقول...

السلام عليكم ورحمة الله وبركاته
صراحة اجابة كلها صريحة
وسعدت لما قراءتها
وبالنسبة لعمر دياب
اعتقد ان دي حرية شخصية
كل واحد منا بيسمع الا بيحبة
واشكرك علي صراحتك وربنا
يباركلك في اسرتك يارب
علي فكرة دي مش اول
مرة اقراء التاج بتاعك بس
صفحة النت الا بفتح فيها
الكيبورد كانت اتمسحت من
الكمبيوتر واسف علي التاخير
فائق احترامي وتحياتي

rovy يقول...

الاخت الغاليه
رئيسة حزب الاحلام
اقر واعترف بأنك تستحقين رياسة الحزب عن جداره ودون منافس ..
لكى منى كل التحيه والاحترام لقبولك التاج بشجاعة فائقه .
خالص تقديرى
تحياتى
rovy

rovy يقول...

اخى الفاضل ياسر
اصبحت الان لما تتاخر علينا اعلم انه
مشكلة الكيبورد والتمس لك العذر ولو انى اريد ان اطمئن انك بخير دائما ..
اشكرك لكلامك الجميل كعادتك ودعواتك الغالية يارب يتقبلها ولك مثلها ان شاء الله .
والله حكاية عمر دياب عملت قلق على الفاضى . انا بحب اسمع ناس تانيه كثر كويسين بس فعلا لعمر دياب معايا ذكريات حلوه مصاحبه لبعض اغانيه واحيانا مجرد ذكرى ممكن تكون مش حلوه بس اثرت فيك وارتبطت باغنيه معينه واللى حصل معايا انه صادف ان له معايا فى الحالتين ذكرى .. مش عارفه حتفهمنى ولا لا بس والله انا مكنتش متصوره وجه الاعتراض ده كله ..
على كل حال شرفتنى بزيارتك واسعدتنى كالعاده ويارب ماتتأخرش علينا تانى .
خالص تقديرى وتحياتى
rovy

ياسر يقول...

ممكن لو سمحتي تمرريلي التاج
والله احنا هنا سبت وحد والاتنين
اجازة يعني اكل وشرب وكمبيوتر
وربنا يقوينا بقي ههههههههههه
تحياتي

rovy يقول...

اخى ياسر
انت تأمر وبعدين انا كان نفسى امرره لك بس خفت لأحسن تدعى عليا ..
انا سعيده جدا بمرور التاج ليك واكيد لك منى تحيه كبيره قوى زى ما وعدت .
الحقيقه لغاية دلوقت انت و رئيسة حزب الاحلام اللى اخذتم التاج بمنتهى الشجاعه وانا بجد بأحيكم جدا جدا
خالص تقديرى واحترامى
rovy

ياسر يقول...

السلام عليكم ورحمة الله وبركاته
شكرا علي التاج وفعلاا عملتة
ونشرتة
فائق احترامي وتحياتي

rovy يقول...

ياسر
ما شاء الله عليك ايه الهمه دي كلها ربنا يوفقك دائما
ويارب منورنى دايما
تحياتى
rovy

la3lahakhier يقول...

السلام عليكم
ربنا يخليلك التلات قمرا يارب ويجعلهم ذرية صالحة اللهم امين
اجابات رائعة ويارب ربنا يحقق حلمك اختى الكريمة كل تحياتى

rovy يقول...

la3lahakhier
اهلا بيكى و يا رب دائما تنورينى بمرورك الكريم .
اشكر دعواتك الجميله ويا رب يجازيكى كل الخير وتحققى كل امنياتك .
وفقك الله ودمت بخير وسعاده
خالص تقديرى وتحياتى
rovy

بحبها يقول...

يا استاذة الاجابات حلوة كتير ربنل يوفقك يا ريت تزورى البوست بتاعى من فترة وانتى ما شرفتنيش محتاج اراءك القيمة

كيكى يقول...

وعليكم السلام ورحمة الله وبركاتة..برد على سلامك عندى فى المدونة..مع انى رديت هناك ..يلا زيادة الخير 2 خير ههههههه....تعليقتك صافية وناقية جدا...يبخت بناتك يبكى..5و5 قبل ما 5 فى وشى...باى ياجميل..وابقى عدى تانى

كيكى يقول...

وعليكم السلام ورحمة الله وبركاته..برد عليكى السلام2 رغم انة رديت عندى فى المدونة..يلا زيادة الخير 2خير ...تعليقتك صافية اووووووووووووى...باى ياجميل ..وابقى تعالى عندنا..انا ببقى هناك علطول..ههههه

rovy يقول...

بحبها
اشكر مرورك وتعليقك الكريم واكيد يشرفنى زياره مدونتك .. اسفه اذا كنت قصرت اليومين اللى فاتوا .. دام التواصل ودمت بخير و سعاده .
خالص تقديرى وتحياتى
rovy

rovy يقول...

كيكى
شرفتينى يا قمر بجد ونورتى ..
اشكرك على تعليقك الجميل اللى دمه زى العسل زيك واكيد مش حيلزق وحتى يا ستى ولا يهمك .
دام التواصل ودمت بخير وسعاده
تحياتى
rovy

.:.-=- ELGaZaLy-=-.:. يقول...

اجباتك صريحة وجميل اوى...بجد


حلوة اوى

rovy يقول...

elgazaly
اهلا بيك .. شرفنى مرورك وتعليقك
خالص تقديرى
تحياتى
rovy

shaimaa samir يقول...

اناجيت اسلم عليكى
لانك وحشتينى
وبقولك ادعيلى كتييييييييييييير

rovy يقول...

shimaa samir
انت كمان يا حبيبة قلبى وحشتينى والله امبارح جيتى على بالى ومريت عليكى ..
يارب يدوم المحبة والتواصل ويارب تكونى فى احسن حال .
ربنا يوفقك ويحميكى وتحققى كل احلامك
اللهم امين
تحياتى لكى ودمت بخير وسعاده
rovy

حبيبـــــــة القمـــــر يقول...

الجميله روفي السلام عليكم
دي اول زيارة ليا وبجد مدونه جميله ووجدت فيها متعه وافاده اكيد دى مش اخر زيارة اسمحيلي اجي مرة تانى عشان افصصها
تحياتى ليكى ياقمر وقبلاتى للزهرات الثلاثه
ربنا يبارك فيهم

rovy يقول...

حبيبة القمر
اهلا بيكى فى اى وقت نورتينى و كلامك وسام عل صدرى.. يا رب اكون باستحقه
جميل اننا بنشوف بعض من خلال الكلمه وبنقدر نحس بجمال ارواحنا .. اكيد انتى اجمل واجمل .. ادام الله التواصل و بارك فيكى ولكى .
دمت بخير وسعاده
خالص تقديرى واحترامى
rovy

نهر الحب يقول...

اجاباتك كلها جميلة
وصادقة
وبها فكر ومسئولية
فكر لانك لديك قلب وعقل مفكرين
ومسئولية تجاه اسرتك ووطنك
الله يوفقك يارب


كل الود روفى

rovy يقول...

نهر الحب
سعيده لانك علقتى على البوست ده وسعدت كمان برأيك و يا رب اكون عند حسن ظنك بيه .
دام التواصل ودمت بخير وسعاده دائما
خالص تقديرى وتحياتى
rovy