كفايه وفوق الله يخليك يا انسان فى كل مكان
و يا بن بلدى كفايه حرام شبعنا ذل وضعف وهوان
مش بس بلدك محتاجه ليك 00 لا دى الأمه بحالها كمان
دينك 00 ارضك 00 عرضك 00 وطنك
لو هانو عليك اتمادى كمان 0
0
فاكرها شطاره 00 وتبدأ بسجاره
وتروح لصديق السؤ باشاره
تتحول حرامى ومجرم شيطانى
لو ضاعت بلادك تقول وانا مالى
وتضيع وتضيعنا 00 وانت اللى كنت امالنا
الحق وارجع وساعد امك واختك واخوك
الحق وادينا ايديك نساعدك وتساعدنا
قبل الأوان ما يفوت قبل الطريق ما يضيع
محتاجه اليك بلادك 00 ووطنك المجروح
محتاج اليك الأقصى 00 بينادى بصوت منبوح
محتاجين ليك ولادنا واخواتنا وعمامنا 00 واملنا المذبوح
صدقنى محتاجين لك 00
ارجع حاول وااقدر 00
مفيش وقت تفكر 0000 حاول ولازم تقدر
ايدينا وايدك 00 ومش حنسيبك
بالحب والايمان 00
حنقضى على الادمان 00
وحيعود الانسان 00 انسان
هناك 10 تعليقات:
الحب الانسان الايمان كلمة حق فى
كل مكان
تفتكرى ان العاده السيئه بس الممكن تكون ادمان:..... انا مؤمنه كمان ان الخير ادمان واتمنى انها تكون بدل لسيجاره والمخدارات اتمنى ان يكون صلتنا بالله ادمان اتمنى بايمان الخير الجونانرتقى نتامل يارب خوفنا على بعض يكون ادمان مسعدتنا للمحتاج ادمان انا معاكى اننا لازم نقف ايد واحده ونحضن ماوجعنا بيدنا ونداويها
ونبتدى بسم الله
يا رب نقدر نفوق قبل فوات الاوان وندمن الحب زى ما قلتى ولو انى كرهت كلمة ادمان 00
اشكر مرورك واهتمامك وربنا يخليكى ليه ودايما تسعدينى بتعليقك الجميل
rovy
شكرا على زيارتك لمدونتا. شرفتينا. احنا صحيح متغربين بس لسه مصر جوانا و حاسيين بمشاكلها و همومها زى اللى موجودين فيها. الادمان موضوع لازم نتكلم فيه و منبطلش كلام. تصورى ان منظمة الصحة العالمية بتوصى باعطاء دروس فى المدارس للاطفال من سن السادسة لتعليمهم يعنى ايه مخدرات و ازاى يرفضوها لو حد عرضها عليهم. يا ريت فعلا نفوق من كل ادمان و يا ريت منعتبرش المدمن مجرم و نمد ادينا ليه و الا مش حيلاقى ادامه غير المدمنين امثاله و ها تكون نهاتيه واحده من 3 اما السجن او تاجر مخدرات او اسم فى شهادة وفاة. اكيد لسه فيه امل ويا ريت تكررى الزيارة
gannah
سعيده جدا بتشريفكم وسعيده اكثر بأحساسكم ومشاعركم ويارب يوصل احساسكم لكل مصرى ومصريه 00
عندى امل كبير فى بكره بكل الى زيكم لازم حيكون احسن كثير واكيد حنحقق المستحيل 00
اشكركم واكيد ان شاء الله بنا زيارات جايه كثير 0 دعواتى لكم بالتوفيق وربنا معاكم 0
ROVY
أول مرة أزوركم مدونة جميلة وموضوعاتها هادفة جدا واسمحيلي أشارك معاكي ببتين كتبتهم بعد ما قرأت كلامك الجميل
نوّر في ضُلمة ليلك ألف شمعة وشمعة
إبكي وفجّر بكل سيجارة شربتها دمعة
دا اللي خلقك سواك وإداك صحتك نعمة
لاجل تصون مش تهدم بشمة ورا شمة
وان يوم تبت بدموع كانت لفعلتك نادمة
إوعاك تحن للماضي الكئيب وتعمل أزمة
دا ماضي غبت فيه عن دنيتك وعن الأمة
ينحسب عمر ضايع ويكون مالوش لازمة
شكرا ليكى وبمرورك للمدونة صعب انتى اتحول من اسير الجراح الى اسير الحب صدقينى انا اخلصت لحبى لكن للاسف راح منى بكل سهولة تحياتى ليكى يا انا لازم اتعرف عليكى انا اسمى احمد وياريت نكون اصدقاء بس على فكرة لو قدرتى تقولى لسة فى اخلاص فى الزمن دة ولا مفيش بجد الجراح بقت حاجة مقدسة عندى تحياتى ليكى (اسير الجراح)
walad-masry
اشكرك جدا على كلامك الحلو ده وعلى تشريفك مدونتى المتواضعه وياريت تشرفنى
دايما بزيارتك 00
وتحيه كبيره منى واكيد من كل اللى حيقرأ
ابيات الشعر الجميل ده 00 حقيقى موهوب وربنا يوفقك
rovy
اسير الجراح
اشكرك الف شكر لانك قبلت دعوتى بالزياره مره اخرى واشكرك اكثر لان
لسه فى ناس زيك بتعرف تحب وتخلص وده اكبر دليل على ان لسه فيه حب 00
وصدقنى لو لجأت للرحمن بصدق اكيد حتلاقى الفرج وربنا ان شاءالله يعوضك وبكره الايام حتثبت لك ان حب الله هو الابقى واللى منه بيكون حبنا للبشر 00
انا معرفش ليه حبك ضاع 00بس لو هى اللى باعت يبقى ده مش حب ولو ملهاش ذنب وفيه عقبات فى طريقم يبقى ده اختبار لازم تنجحوا فيه علشان يكون حب حقيقى 00الجأ لله واكيد مش حتندم
حاتابع مدونتك واتمنى الاقى فى يوم فيها ابتسامة
ربنا يوفقك
rovy
موضوع
يستحق التوقف والتامل
شوية المخدرات 90 في
المية من اصابتها بيجي
من اصدقاء السوق ودة
الا لازم البيوت تشدد عليها
الرقابة علي اولادهم بالذات
في سن المراهقة لان الشاب
او الفتاة بيحس انة بيتحول
من طفل الي راجل او بنوتة
صغنتتة تحس انها بقت فتاة
بالغة او عروسة فهنا الرقابة
تكون من الوالدين ومشاكل
الادمان بيكون اسبابها ساعات
اولياء الامور والد مقيم بالخارج
ومفيش اي رقابة في البيت
او انفصال الاب والام ودي اسباب
فعلاا لازم اولياء الامور يعالجوة
وتبتداء الماساة للشباب مقيم
وحدة او مع احد افراد الاسرة
معاملة سيئة للشاب او الفتاة
يغضب يخرج يدور ان يبات عند
احد اصدقائة واللة اعلم بصديقة
بقي حرامي او بتاع خمور او مخدرات
فرجاء من اولياء الامور رقابة علي اولادهم
لان الشباب دول هما مصر الجاية محاربة
الفكر الغربي وافتخار بي اسلامنا وعروبتنا
وتقبلي تحياتي
اخى ياسر
اشكر مرورك وتعليقك ..
كلامك اكيد صح وياريت كل اب وام يقرؤه
وياريت كل فرد فينا يحاول يعمل اللى يقدر عليه ويتابع اقاربه , اصحابه ,
اولاده , جيرانه ..
لازم نفوق ونفوقهم هو ده الامل الاخير علشان يكون فيه امل ونقدر بكره نكون حاجه ونعمل حاجه ..
ربنا يخليك و تتابعنى دايما بكلامك واسلوبك الهادف الحكيم وجزاك الله خيرا
تقبل احترامى وتقديرى
تحياتى
rovy
إرسال تعليق