بحق كل شهيد

بحق كل شهيد دمه بيصرخ هنا

بحق كل وليد بالغدر قتله عدونا

و بحق صرخة كل ام .. بحق حرقة قلبها

و نارها الايده فى جنبها

و بحق سكوت العالم على الظالم و المظالم

و بحق الحلم اللى حلمناه و بحق الامل اللى عشقناه

بسلام لاولادنا و ما لقيناه

بحق الظلم اللى تظلمناه

بحق الحق ذاته و الله الحق ذاته و لا يرضى بظلمنا

لنجيب عليها واطيها و بناركم نحرقكم و حتشربوا من كأسكم

و لا بد نذوقكم من كل اللى شفناه و بكل عذاب عشناه

النصر لا بد اتى .. لا بد لنا نلقاه

الحق معانا و بكره لا بد شمسه تشرق بالعدل لخلق الله

ليه قتلتم حلمنا .. ليه اغتصبتم ارضنا و ليه استبحتم عرضنا

قتلتم اهلنا و نكرتم حقنا فى وجودنا بالحياه ..

بحق كل اللى كان و اللى شفناه منكم على مر الزمان

بحق كل شهيد دمه ما راح هدر و صرخة كل وليد كان حلم و كان امل

و بحق دموع اطفالنا و الامهم

و سكوت العالم كله و شايفين ده ادامهم

بحق صوت الحق الاعلى من اى صوت

صوتنا ابقى و صوتنا اعلى و لو طال السكوت

حيرجع حقنا و نحقق حلمنا و يعينا ربنا

يجمع شملنا و يوحد صفنا و ايمانا يهزنا

نعود لحلم واحد و الحلم يضمنا

ياعرب و يا موحدين بالله من كل دين

البقاء للحق و الحق فى صفنا

بس لو ان الاوان و اتوحدنا كمان

الله علينا و احنا ايد واحده كلنا بنرجع حقنا

يارب يا رحمن قادر يكون الحلم حقيقه مش احلام

قادر الحق يرجع و تنتقم من كل ظالم و ملياه الاثام

قادر يا رحيم تهدينا للى يرضيك علينا

و تأيدنا بنصرك اللى به وعدتنا

يارب عجل به و ارحم ضعفنا و لغيرك يا رحيم ابدا ما تذلنا

ارجوك يا رحمن يا رحيم ويا عادل و يا منتقم جبار

انصرنا على العدو الظالم يارب طال الانتظار

و ما لنا غيرك يا حنان تنصرنا على الاشرار

و الحق يعود لنا يا رب يا الله رجع لنا حقنا يا الله يا الله ياالله .