لا مش كلنا خاينين
ولا كلنا 
ناسيين
ناسيينلسه فينا امل ..رغم عذاب السنين
لسه فينا ناس للخيانه رافضين
لسه فيه ناس للعهود صاينين
مش كلنا يا ناس للعشره ناسين
ولا كلنا بالذل و الخداع راضين
لسه فينا ناس للحب و الاخلاص عايشين
لسه فينا ناس للخير و الحب مصدقين
صدقونى لسه فينا الخير و ليوم الدين
لسه فينا ناس للحب و للوفا عاشقين
ومهما طال ليل الاسى و الظلم الحزين
مهما اتخدعنا من ناس كنا لهم عايشين
و حتى لو زاد غدر و اسى الخاينين
و حتى لو زاد غدر و اسى الخاينين
و باعوا الاحبة رخيص و اختلت الموازين
و مهما زاد الالم لجرح المجروحين
لازم نلاقى الدوا فى وجود المخلصين
لازم نلاقى ناس بالحب مليانين
صدقونى يا ناس مش كلنا خاينين
و لا كلنا ابدا ممكن نكون ناسيين
مش كلنا خاينين .. لا .. و لا كلنا ناسين
هناك 44 تعليقًا:
اكييييييييييييييييييييد صح ياروفي
هييييييييييييييييييييييه بقالي كتير اوي مش اخدت اول تعليق عند حد
حظي بقي :)
كيارا
اهلا يا قمر ..فعلا او تعليق له طعم تانى ..
ربنا ما يحرمنى من مروك العطر و يا رب يكون حظك دايما حلو فى كل حاجه و
دمتى بكل الود
تحياتى
الخيانة صعبة ..
و أكيد بتكون أصعب لما بتيجى من ناس حطينا فيهم ثقتنا و مستعدين نعمل علشانهم أى حاجة
بتكون الخيانة وقتها زى السكين إللى بينغرز فى القلب
للأسف أنا زمان مريت بالتجربة الأليمة دى بس لما تعافيت منها
قررت إنى مامرش بيها تانى عارفة إذاى
إنى ماحطش ثقتى فى حد إلا لما أحطة فى مئات الإختبارات
علشان كدة إمتنعت عن دة للأبد لإنة من الصعب تنفيذة و حسيت إن الموضوع حايقلب معايا لحرب
ففضلت إنى أحط كل الناس فى موضع الشك
لقيتنى حاتعب .. قمت قلبت الموضوع و قررت إنى أتعامل بحسن نية إلى ان يثبت العكس .. بدون وضع أى ثقة
رغيت أنا مش كدة
يمكن حسيت إنى عايز أرغى
يابنتى انا بعتلك رقم موبايلى مرتين على الماسنجر و انتى و لا حس و لا خبر
المهم حلو اوى البوست و فيه مشاعر صادقه كعادتك
و بدام فيه روفى لإكيد النيا فيها خير و سلام و نقاء
تحياتى يا قمر
khaled
اكيد عندك حق فى ان الخيانة صعبة جداا
خصوصا لو من ناس قريبين مننا و حطينا فيهم ثقتنا .. بس ده مش معناه انهم علشان خاينين يبقى كل الناس زيهم مش ممكن نسمح لهم يجرحونا طول العمر و نفضل عايشين بجرحهم وفاقدين الثقه فى كل الناس بسببهم هما اكيد اقل من اننا نعمل لهم حساب و نعيش فى الم طول العمر بسببهم ..
الحل الاخير اللى ذكرته انت هو الصح
اننا نتعامل بحسن النيه الى ان يثبت العكس ..
طبعا مفيش اى رغى .. )
كلامك كله صح و انا بأحترم احساسك جدا
و اكيد لما نحس اننا عاوزين نتكلم ابسط شىء نتكلم مع بعض لأننا اكيد هنا علشان بعض .. )
اهلا بك اخى الكريم فى اى وقت ..
المدونه مدونتك .. ))
دمت بكل الخير
ارق تحياتى
الجواز و سنينه
اختى الغاليه .. اللى لسه برضه لا اعلم اسمها .. ))
و الله العظيم لم يصلنى اى شىء و الحقيقه ان النت كان الفتره اللى فاتت فاصل و كنت احيانا بادخل عن طريق التليفون العادى على النت علشان اطمن عليكم و احاول اطمنكم عنى و كتبت اوف لاين لناس كثير و اكتشفت انه لم يصل لأى احد و اكيد بالتالى لما كنت بأفتح الماسنجر
ما كنش بيوصل اى اوف لاين ..
واضح ان اى اوف لاين بيضيع لو دخلنا عن طريق التليفون ده اللى فهمته و مش عارفه السبب بس يمكن لأنه بيكون النت ضعيف جدا .. على كل حال .. سامحينى و الله العظيم بجد ما وصلنيش
النت الحمد لله اتصلح ممكن تبعثيه دلوقت و انا ان شاء الله حأكلمك اكيد ..
ربنا يكرمك على الكلام الحلو ده عنى و يارب اكون بأستحقه ..
دمتى غاليتى بكل الود فى رعاية الرحمن
تحياتى
السلام عليكم ورحمة
الله تعالى وبركاته
يقول رسول الله
صلى الله عليه وسلم
(الخير فىّ وفى أمتى الى يوم الدين)
او كما قال عليه الصلاة والسلام
وفعلا الخير حيفضل فينا نحن المسلمون
مهما حصل ومهما كان بنعود لقيمنا
الاسلامية الاصيلة.
norahaty
و عليكم السلام و رحمة الله و بركاته
اختى الحبيبه نورا
صدق رسولنا المصطفى عليه افضل الصلاة و السلام ..
اكيد لازم يفضل الخير موجود فى قلوب المومنين و امتنا ليوم الدين
اكرمكى الرحمن غاليتى و منورانى دايما
ارق تحياتى
حبيبتي روفي
كلام جميل جدا و اجمل ما فيه انه طالع من القلب مش مجرد كلام مزوق
ادام الله عليك رقة المشاعر
العزيزه روفى
تحياتى
رفضك للخيانه والنسيان هو رفضنا جميعا لمثل تلك الاعمال الغير سويه لكن فينابعض الخاينين وفينابعض الناسيين ولكن معظمنا مطمئنين وللعهود حافظين
تحياتى
جزاكى الله خيرا
كلماتك صادقة جدا
فعلا مش كلنا خاينين ولا ناسيين
اكيد فينا الخير والشر
ولكن الخير باق وسينتصر فى النهاية
تسلم الايادى
تحياتى
روفى الجميلة:)
عودا احمدا
ووحشتيييييييينى جدا
تعرفى انى بصبر نفسى بالكلام ده رغم انه لغاية دلؤتى الواقع بيقول غير كده
فعلا يا روفي مش كلنا بس في كتير اوي اوي كدا
وده الي معذبنا وده الي كسرنا وده الي بينهي حياتنا
وحشتيني يا روفي
معلش مش معايا رصيد باذن الله اشحن واكلمك
اموااااااااااااااااة كبيرة اوي ليكي يا حبيبتي
ام احمد المصريه
ربنا يكرمك حبيبتى و بيارك لك فى اولادك و تفضلى منورانا دايما و متغبيش عننا تانى ابدا ..
دمتى بكل ود فى رعاية الله
ارق تحياتى
ماشاء الله
كلامك جميل جدا
فعلا مش كل الناس كده
اكيد هنقابل ناس تعوضنا عن غدر الايام والسنين
بس الصبر
عجبتني القصيده جدا
وعجبني فيها الصبر الجميل علي المصيبه
والامل الجميل في اللقاء بمن هم جديرين بانهم يبقوا بني ادميين
ومهما طال ليل الاسى و الظلم الحزين
الخيانة هى اقسى شىء على الانسان لانها تأتى ممن نتوقع منهم قمة الوفاء
لكن فعلا مش كل الناس خاينين
تحياتى دوما واعتذارى عن الغياب ولكنك تعلمين الامتحانات ومشاغلها
طبعا
الخيانة شئ بيوجع جدا
لكن معتقدش انها موجودة بكثرة حتي و ان قابلتي بعض النماذج المريضة
تحياتي
ياااااااااااة ياروفى
وحشتينىىىىىىىىىىىىىىىىى
بجد اوى وبوستاتك دى ايوة كدة
****************
ايوة مش كلنا
مش كلنا طبعاااااااااااااا
روفى ادعيلى كتيرررررررررررر
دخلينا على امتحانات
وانتى عارفة بتفأل بيكى جدااااااااااا
بوسيلى مريومة كتير
عوووووووووو
فشكوول
اهلا استاذنا العزيز و الله حضرتك بتنور المدونه كلها لما بأشوف تعليقكك الغالى
فعلا عند حضرتك كل الحق لسه فينا اللى للعهود صاينين و الحمد لله ..
ربنا يكرمك و دايما منورنا
دمت بكل الخير فى رعاية الله
ارق تحياتى
فعلا مهما ازداد الظلم ومهما ازدادت الخيانة ..
فلسه فى خير ومش كلنا خاينين ..
بسيطة .. جميلة .. معبرة ..
دمتِ بخير حبيبتى روفى ..
ايه ياعم الكلام الجامد قوى ده بس بجد بجد فى تقدم مستمر والى الامام دائما يا اجمل اخت
احم احم
ممكن ادخل
اهلا بيكي واخبار حضرتك ايه واخبار البنات الحلوين ايه
اعتذر عن تقصيري انا منقطع من فترة ومش بدخل غير موبايل لان المكان اللي فيه من القرون الوسطي لسه مش فيه نت
اشكرك جدا جدا جدا لسؤالك ولا املك لاجلك الا الدعاء
ربنا يحفظك من كل خاىن
تحياتي
بالتوفيق
مس الاحباب
اهلا وسهلا اخى الكريم استاذ خالد
جزاك الرحمن كل الخير و اشكرك جدا لتعليقك الكريم
الحمد لله لوجود الخير و الناس الطيبين و اكيد فعلا لابد من انتصار الخير
دمت اخى الفاضل بكل الخير
تحياتى
موناليزا
اختى الجميله الحبيبه
الله يكرمك ياارب و يعزك
انتى كمان وحشااانى جدااااااا
لازم تصبرى حبيبتى و تثقى ان مهما كان الامتحان صعب فكرم ربنا سبحانه و تعالى الواسع جدا ات لا محاله
ربنا يسعدك و يعوضك يارب عن كل لحظة الم و يأخذ بثأرك من كل ممن ظلموكى
خالص ودى و دعواتى
و ارق تحيانى
فتاه حالمه
وحشانى يا قمرى
لا حبيبتى مادمنا مؤمنين اننا مش كلنا خاينين و ان فينا لسه الخير يبقى ندور عنه و ان شاء الله نلاقيه
اوعى تيأسى فى انك تلاقى الانسان الوفى
ربنا يسعدك ياااارب و يرزقك بكل الخير
و يارب ما اتحرم من طلتك الجميله دى ابدا
ودى و تحياتى
rovy
يارك الله فيك وشكرا علي جميل مشاعرك وودك الطيب وحفظك الله من كل مكروه واسعدني زيارتك
الحمد لله والشكر لله
مش كلنا خاينين
نفسى اعرف ليه الخيانة بقت سهلة اوى والجرح بقى شئ عادى
ليه بقينا بنقتل بعض ببطء ومنحسش اد ايه الجرح ده بيموت حاجات كتير فى اللى بنجرحه
موضوع رائع كعادتك حبيبتى
حفظك الله من كل الجراح ومن الخائنين
--------------
ليكى تاج عندى يا قمر
فى انتظارك لاستلامه
من الوردة المهانة عند موناليزا الى مش كلنا خاينين عندك تكتمل الصورة
حلوة اوى اوى ياروفى
طبعا لسه فى أمل ومش كل الناس خاينين
موفقة
اكيد طبعا فى ناس رائعه ويا بخته اللى يقابلهم المهم يكون يستاهل
وسمكن الوجوه السيئه دى هى اللى بتحسسنا بقيمه الناس الطيبه
تحيااتى
شمس النهار
ما شاء الله عليكى انتى غاليتى
اهلا بالشمس و نورها و الامل الجميل اللى بيجى معاها ..
اسمك لوحده فعلا بيعطى تفاؤل و امل جميل
اشكرك جدا لكلامك الجميل
اكرمك الرحمن و بارك لكى و فيكى
دمتى بكل الخير
تحياتى
الازهرى
صدقت اخى الفاضل الخيانه شىء صعب جدا جدا
ربنا يحفظك من الخيانه و الخائنين يارب
لا داعى لأى اعتذار .. المهم انك بخير و ربنا يطمنا عليك و ان شاء الله موفق فى الامتحانات .. ربنا يعينك اخى العزيز
تحياتى و دعواتى لك دوما
المعلم محمد صاحب المطعم .. طعميه سخنه
اهلا بك اخى الفاضل
الحقيقه كل ما بأشوفك تعليقك الكريم نفسى بتنفتح للطعميه السخنه و بتوحشنى و بأحس ان اسمك ده عذاب لنا خصوصا لو كنا جوعانين .. ))
عندك حق طبعا هناك نماذج خائنه و لكن الحمد لله لأن مش كل الناس كده .. ودهذا ما اردت قوله ..
اسعدنى مرورك جدا و اشكرك لتعليقك الكريم
حفظك الرحمن من كل خائن
تقديرى و تحياتى
كيكى
وحشااانى جدااا جدااا بجد
ربنا يكرمك يارب حبيبتى
ربنا معاكى و يارب تنجحى و بتقدير امتياز يااارب ..
ربنا يحفظك من كل سؤ
مريومه بتبوسك بووووسه كبيره جدااا
و بتقولك عاوزه اشوفك قريب ان شاء الله ..
دمتى حبيبتى بكل الود
ارق تحياتى
لوجين ابو الدهب
اهلا لوجين الغاليه ..
الله يكرمك يارب ..
اشكرك جدا لتعليقك الذى اسعدنى حقا
حفظكى الرحمن من كل خائن
دمتى بكل خير
ارق تحياتى
نادو
نادو الغاليه حبيبة قلبى
و الله انتى اللى اجمل اخت ربنا يفرحنا بيكى ياارب دتئما حبيبتى و ما يحرمنا منك ابدااا
بحبك جداا
ghoneem
اهلااااا دكتور غنيم
اخيرا نورت المدونه ..
الحمد لله اننا اطمنا عليك اخى الفاضل
و بعدين اكيد تتفضل من غير استئذان المدونه مدونتك .. ))
انا الحمد لله بخير و البنات بخير حال و لله كل الحمد ..
اشكرك كثيرا على دعواتك الجميله و الغاليه و ربنا يحفظنا جميعا يااارب من كل خائن ..
دمت بكل الخير
ارق تحياتى
بيرم المصرى
اهلا اهلا استاذ بيرم
سعيده جدا بتشريف حضرتك و يارب تكون بخير حال ان شاء الله
ربنا يطمنا على حضرتك دايما و يباركك و يحفظك من سؤ ..
لا شكر على واجب حضرتك غالى عندنا جميعا و اكيد سؤالنا عن حضرتك ده اقل ما يمكننا فعله ..
حفظك الرحمن و دمت سالما
ارق تحياتى
حاجات جوايا
سالى الجميله نورتينى حبيبتى و اكيد الحمد لله مش كلنا خاينين
اما عن باقى اسئلتك ..ليه بنخون و ليه بنهون و .... كل تساؤلاتك صعب جدا اننا نعرف الاجابه يمكن تكون عند الخاينين لكن الحمد لله انها مش عندنا و مش عاوزين نعرفها و لا نعرفهم .. ربنا يكفينا شر الخيانه و الخائنين
ربنا يكرمك ياااارب
و ادعوه ان يحفظكى ايضا غاليتى من الجراح و الخائنين و من كل مكروه
شكرا على التاج يا قمر
ارق تحياتى
الطائر الحزين
اهلا بك اخى الكريم
فعلا .. هكذا تكتمل الصوره و احييك على قوة الملاحظه ..
دمت بكل خير و دام التواصل ان شاء الله
تحياتى
arsenalwy
اسعدتنى زيارتك الكريمه و كلماتك الرقيقه ..
خالص امتنانى و تقديرى
تحياتى
منى
اهلا يا منى وحشااانى اختى الغاليه
اكيد حبيبتى عندك حق و فعلا وجود الخاينين بيعرفونا بقيمة الاخلاص و المخلصين ..
دمتى بكل الخير
ارق تحياتى
إرسال تعليق