قولى ليه بتبكى
الجرح هو الجرح
و ايه زاد النهارده !!
..
ضايع طعم الفرح
و عيونى مني شاردة ..
حسانى واحدة تانية
حاسة انى مش انا
حاسة احساس واخدنى
و حاجة بتعاندنى
بترفض انى اروح و تقول خليكى هنا !
....
ايه جرى لك يا أنا
و فين ضيعتى حلمنا
ليه الدنيا وخداكى
منى و لا مرجعاكى
عودى بحتاجك انااا
يا انا .. اتاجك انا ..
...............
شىء نادانى و خادنى
لبعيد و ما بيرجعنى
بأحاول أنما .. التيار شديد
و أحاول بينما ..بلقانى رايحة بعيد
انا خايفة يا أنا .. اتوه منى أناااا
كل ما احاول الاقى شىء أوى يمنعنى ..
...........
لا يا أنا .. مش حأبعد عنى أنا
حأرجع و أخدك فى حضنى
و أداوى جرحنا ..
عنى مش تتوهى و لا عنك تانى أتوه
نقدر نرجع و ممكن تانى الحياة تروق
و كفاية جراح تعبنا .. من ألم جرحنا ..
..............
أنا خايفة يا أنا ..أنا تايهة يا أنا
........ أنا زيك كلى خوف .. لكن بأقدر و أشوف
مش عاوزة اسمح لخوف و جبن يضيعنى
..
حسانى واحدة تانية
حاسة انى مش انا
حاسة احساس واخدنى
و حاجة بتعاندنى
بترفض انى اروح و تقول خليكى هنا !
......
لااااااااااا عودى يا أنا .. عودى لى هنا .. عودى لى أنا ..
هناك 7 تعليقات:
عودى فالعود احمد باذن الله
حالة من الشجن وكلمات مناسبة جدا تلك الحالة
حمدلله على السلامة
تحياتى
كلمات جميلة
فيها نوع من الحزن
من الاستفهام
تقبلي مروري ^_^
كلمات بجد جميله ,انتي مش شايفه انها ممكن تكون مشروع اغنيه
تحياتي لجو المدونة الهادي الجميل وتحياتي لكلماتك الرقيقة الشجية
سعدت لمروري هنا
تقديري واحترامي
السلام عليكم
كيف حالك يا روفي؟
لأني مريت بالمرحلة دي فأنا حاسة جدا باللي كتبتيه
فأنا لم أكن أنا وتخبطت كثيرا ولكن لأن جذوري كانت ثابتة لم تقتلع رغم العصف الشديد, استعيني بالله وسوف يرد إليك نفسك من حيث لا تحتسبي لأن فجأة ستجدي أن أنت أصبحت أنت , متى وكيف !!! سبحان الله , لأن الله يجيب دعوة الداعي إذا دعاه, وأعلم أنك تفعلي , لكن صبرا جميلا
عندي لك تاج ( تاج الثورة) منذ فترة وجيزة وأظنك لم تعرفي بأمره , هو إهداء مصالحة لتقصيري معك فأرجو أن تقبليه
مايميز حرفكِ هو الصدق
وهو جميل يرتدى ثوب الابداع
مودتى
جميله كعادتك اختى العزيزه
والمدونه ايضا جميله جدا وفيها ابداعات فيمه
أتمنالك كل خير وسعاده وتوفيق
تحياتى لكى عزيزتى الفاضله
إرسال تعليق