تاج على الماشى ..

بسم الله نفتتح الجلسه وندعى على لا قصدى ندعى للولد المصرى اللى مرر لى التاج وياريت كلكم تدعوا ع.. لا قصدى طبعا تدعوله
وندخل فى الاسئله وربنا يستر ..
1- لو اعطيتك 3 وردات من هم الاشخاص اللى تهدى لهم الورد ده ؟
بما انى عندى 3 قمرات ربنا يخليهم لى يبقى اكيد حعطى كل واحده فيهم ورده بس اكيد حاشترى لأمى باقة ورد اعطيها لها .
2-معاك 3 سطور اكتب اللى عاوزه ؟
اللهم با ارحم الراحمين الحمد لك انك انت ربى والحمد كل الحمد لانى انا عبد لك وحدك
وكفانى عزا ان تكون لى ربا وكفانى فخرا ان اكون لك عبدا ..
انت لى كما احب فوفقنى الى ما تحب .. وصلى اللهم وسلم وبارك على الحبيب المصطفى محمد عليه افضل الصلاه والسلام .
3- ما هو هدفك فى الحياه ؟
اتمنى ان يوفقنى الله فى رعايه بناتى وان يحققوا جميع احلامهم وان احسن ربايتهم وان اكون زوجه صالحه ثم ان احاول ان احقق ذاتى
و ان تصل كتاباتى يوم لكل الناس وطبعا ده حلم مش هدف .كما اتمنى ان اخرج من الدنيا برصيد يجعل لى مكان فى جنه الخلد ويبنى به لى الرحمن بيتا بجوار الحبيب المصطفى .يااااارب .
4- ان شاء الله بكره احسن من النهارضه . هل تصدق هذه المقوله ؟
ما دمنا قلنا ان شاء الله يبقى اكيد ان شاء الله حيكون بكره احسن . ياااارب
5- ما هى اجمل مقوله سمعتها ؟
لا اله الا الله محمد رسول الله
6- مين المغنى اللى بتحبه وايه اغنيتك المفضله ؟
عمر دياب ..... معظم اغانيه
7-غزه تمثل ايه فى حياتك ؟
مثال حى لتهاون العرب وتفرقهم وانهزامهم بسبب ضعفهم
8- تعطى كام فى الميه لانتمائك للوطن ؟
1000 %
9- لو تزوجت وانجبت قول اسماء الاولاد والبنات اللى بتحبهم ؟
البنات هما ياسمينه و هدير و مريم
اما الاولاد فانا بأحب اسم عبد الرحمن وايضا احمد و يوسف
10- عمرك ما غشيت وانت صغير ؟
بصراحه انا كنت فى مدرسه رهبات وكانت لغاية الاعدادى لحد ما طلعت منها ما كنتش عارفه يعنى ايه غش لحد بقى ما صدمت بس الحمد لله كنت بأغشش اكثر ما بأغش لانى اتربيت على انى اعتمد على نفسى وما اغشش .
11- لو اتعرضت عليك رشوه وانت فى زنقه تأخذها ؟
طبعا لا وعجبنى قوى تشبيه الولد المصرى فى السؤال ده
12-قول 3 صفات فى 3 كلمات توصف بهم شخصيتك ؟
بجد مش عارفه اوصف نفسى .. بس اقدر اقول وبصدق انى بأحب الله قوى ورسوله الكريم وجميع رسله وانبيائه وبأحب بيتى وعائلتى وبحب الناس قوى ...يعنى الحب هو اهم صفه فيه . ...... وكمان مبحبش النكد ابدا لكن بأحترم الحزن المبرر .
13-اول مرتب ليك ولو حتجيب حاجه لعائلتك حتجيب ايه لكل فرد؟
حاجيب لمريومه اللعبه اللى حتبقى عليها الدور وشبطانه فيها وحأجيب لاخوتها كتب وطبعا هما اللى حينقوها علشان يقروها وحأجيب لزوجى العزيز هديه بس حسب الاحوال ساعتها .
14- اهم صفه فى شريك حياتك ؟
المشاركه و تقديره ليه .
15- المجال اللى غير دراستك بتحبه حتى لو كنت بترسم على الحيط ؟؟
الادب والكتابه والشعر وبأحب الرحلات والسباحه وايضا رياضه الجرى .
16 - بتحب السفر طب ايه المكان اللى عاوز تروحه دلوقت من غير ما تفكر ؟؟؟؟
نفسى ازور اليونان واسبانيا .... وطبعا نفسى ازور بيت الله الحرام وازور كمان قبر الرسول عليه افضل الصلاه والسلام .
17- تمرر التاج لمين ؟؟
بصراحه الموضوع متعب وانا مش عاوزه حد يدعى عليا 17 سؤال يا مفترى يا لى فى بالى على كل حال انا عاوزه اعرف مين من الزوار الكرام اللى حتجيله الشجاعه وحياخذه وله منى تحيه ولما نشوف شجاعتكم بقى .
تم بحمد الله والحمد لله

ساعات بأحس .. ... .... .....

ساعات بأحس ان الزمان ما بيمشيش

وان السنين اللى عدت ما تعرفنيش

وان الحياه لساها سكر سنترفيش

حتى الاحلام اللى نسيتها القاها لسه ما نستنيش

وعجبى ..

* * * * * * * * *

لما الزمان الحلو يرجع تانى ...... راجع يجمع بينى وبين خلانى

و حتى الحبايب اللى فرقتنا موانى ...... وعيونى تلمع تانى بأحلى الامانى

عجبى ..

* * * * * * * * *

رجعنى تانى يا عمرى يا معدى ...... رجعنى تانى لو مره وهدى

لسه الامل جوايا ولسه بيه بأعيش ...... مقدرش اقوله لا ولا يوم حأقوله مفيش

لو عمرى اللى عدى ..عدى منى وفات حأقول للى جاى استنه ومتسبقنيش

و..عجبى ..

*****************************

علمتنى الحياه

علمتنى الحياه ان كل شىء فى اوله صعب .. لكن مع الوقت كل شىء يمر والامواج العاليه تهدأ
_علمتنى ان الفراق قاتل ولكن..مع مرور الايام يصبح مجرد ذكرى لجراح والام .
_والخيانه علقم امر من المر.. الا اننا يجب ان نستمر فى الحياه ..
ربما نغلق باب صديق خائن او صديقه خائنه .. ولكننا نفتح ابواب لاصدقاء جدد لتستمر الحياه .
_ المرض الم ومعاناه ولكنه ايضا ينتهى اما بالشفاء او بالموت ..فلا شىء يستمر الا لا منتهاه .
_من يقع يقف مره اخرى ليستمر ..
فلا بد للحياه ان تستمر ..
ما دمنا نحيا ونتنفس .. فعلينا الاستمرار .

حتى الموت وفقدان اغلى حبيب يبكيك يضنيك يؤلمك الام غير محتمله وتشعر بنيران مولعه بصدرك لكنك تسرع لمنقذك الواحد الاحد من بيده كل الامر ..تضرع اليه ليلهمك الصبر ..
وسبحان الله مع الوقت تهدأ النيران المشتعله وتتحول الالام المميته لبلسم دعاء للحبيب الراحل وتجد سلواك فى ذكرياتكم الجميله وتجد نفسك تتحدث عنه وتحكى لكل من تعرف او لا تعرف ..
ولكنك تريد ان تستمر فتتحول الالام والجراح الى ذكريات مدفونه بداخلك لا يراها غيرك .

فبعد الليل يأتى الصباح .. فاذا جاء الصباح انتظرنا الليل اللذى لا بد ان يأتى بعده مره اخرى الصباح .. وهكذا الحياه لا بد لها ان تستمر .
علمتنى الحياه اخر ما علمتنى .. ان ارادة الانسان هى التى تبقيه وان اليأس هو اول طريق للنهايه..
فأنه لا ييأس من رحمة الله سوى القوم الكافرون .. وما دمنا مؤمنين ونعلم ان الله رؤف بالعباد فلا بد ان نحيا ونستمر ولا نخشى الا الله
لانه وحده القادر وحده بيده الامر وحده ووحده فقط .. و ماذا نخشى وهو اقرب الينا من حبل وريدنا وهو احن من الأم على طفلها الرضيع
هو الحنان المنان الذى ابدا لن يضيعنا ..
فلنلجأ له وله وحده وهذا هو اهم درس علمته لى الحياه .. الله ثم الله ثم الله
لا اله الا الله .. محمد رسول الله والحمد لله .

____________________________________________________________________

احبائى فى الله ما زال التوقيع على الرابط ادناه فى البوست اللى فات مطلوب نتمنى ان يوفق الله صاحب مدونه قولا سديدا فى ما بدأه لنصره الاسلام والرسول المصطفى ولندعو جميعا معه كل بقدر استطاعته حتى ينصرنا الله جميعا و ينصر الاسلام بتا .. وفقنا الله.
جزاه الله وجزاكم خيرا .

الى احبائى فى الله ادعوكم لزياره هذا الرابط لنعمل سويا لنصره الحبيب المصطفى وديننا العظيم .

http://kawlansadida.blogspot.com/2008/04/blog-post_21.html

دعوة المقاطعه مستمره يااااامسلميين

ما زلنا فى حملة المقاطعه
هذه القوائم بالمنتجات المرجو مقاطعتها وقد
تناقلتها من موقع المقاطعة على الفيس بوك


اللهم انى ابلغت اللهم فاشهد

ارجو من كل من يستطيع نشر هذه القوائم
باى طريقه لديه فليساهم وفقنا الله جميعا
وجزاكم خيرا ان شاء الله وجعل مشاركتكم فى ميزان حسناتكم

ولنعلن للعالم كلمتنا ..
الا كتاب الله .. الا رسول الله
لا اله الا الله محمد رسول الله
لا نريد طعامكم ولو متنا جوعا
لا نريد حضارتكم ولو بها حياتنا
لا نريد منتجاتكم ولا حضارتكم
ولتذهبوا الى الجحيم يا من تجرأتم على كتاب الله وعلى نبيه المصطفى خير خلق الله واشرفهم .. محمد رسول الله
بابى انت وامى يا حبيبى يا رسول الله

لبيك يا رسول الله

لبيك يا رسول الله

لبيك يا رسول الله

ملحوظه .. لمن لا يعلم ارجو ان تدوس بالماوس على كل صوره على حده لتظهر المنتجات واضحه .. والله ولى التوفيق ..

لا الله الا الله محمد رسول الله

احبك يا الله .. احبك يا رسول الله واعلم ان نصر الله ان شاء الله لقريب وانه لا حول ولا قوه الا بالله

انى اكره هدا الرجل

حين يحولنى لمجرد لعبه يلهو بها حين يشاء .. فانى اكرهه

حين يرانى دميه جميله لا يعلم محتواها .. فانى اكرهه

حين يجعل خطواتى تتوه .. وحين يغلق امامى نافده الضوء

وعندما تخنقنى انانيته .. وتؤلمنى اكاديبه .. فانى حقا اكرهه

اه فؤادى اعلم انك اكبر من ان تكره

واعلم كم وددت الحب .. فكيف تكره؟؟ إإإإ

لكننا قد اتعبنا هدا الهوى واضنانا

ووجدتنى قد اجبرنى لاتعلم كيف اكره

نعم اكرهك يا من تمنيتك الحبيب

اكره خداعك وكدبك .. اكره انانيتك وضعفك

فقوتك فى حبك وعطائك واحترامك لى

لكنك تراها فى قهرك وسجنك وخداعك

اه يا من تمنيتك حبيب كم اكره ضعفك حين تكدب

وانا اعلم بكدبك واضحك منك وعليك .. وربما على نفسى

وكم اكره انانيتك حين لا تريد لى الحياه وكأنى خلقت فقط لأسعدك

لم يعرف قلبى يوم ان يكره ولكنك استطعت ان تعلمه وقد برعت

علمته واول ما علمته كان كرهك يا من احببت

علمتنى كيف اطوى جراحى وارحل بعيدا عنك ادا جرحت

علمتنى ان لا انتظر من قاتلى دواء وان لا اسال كم اعطيت

علمتنى ان تاخد وتاخد متى شئت ولاترى حقوق لى ولو سالت

وعلمتنى اخر ما علمتنى .. ان اكرهك .. لأصرخ باعلى صوت عله يصل اليك

بل اتمنى ان يصل صوتى الى العالم بأكمله ليعلم .... انى اكرهك

انى اكره فيك .. هدا الرجل

فانى اكره هدا الرجل .. اكره هدا الرجل

الا كتاب الله الا رسول الله ... قاطعوا هذه المنتجات يااا مسلميين

قاطعوهم واعلموا انكم ان تهاونتم

غدا ولو طال قريب وستسألوا

قاطعوا واعلنو رفضكم

دافعوا بالسلم عن دينكم

انه ابسط حقوقنا ..

ام ان حتى الرفض اصبح بعيد عن منالنا

ااكثير ان نقاطع !!!

انه ديننا وهذا الكريم محمد نبينا

وكلى فخر اننى مسلمه وانك يا حبيبى محمد نبينا

وصلى الله وسلم على الحبيب الصطفى .. شفيعنا