ذكرونى .... اذا نامت عيونى.. تذكرونىاذاهدأت انفاسى وتلاشت شجونى
... تذكرونى
حين يمضى قطارى مودعا
سلام لكل من احبونى
تذكرونى
حين يذبل زهرى وحين تجف اوراق غصونى
تذكرونى
وعندما اسافر بلا عوده
انتظر ولا اعلم متى ستأتونى
تذكرونى
عندما افارق وليس بيدى حيله
فلتدعوا لى .. احبابى .. وتذكرونى
تذكرونى
فانا منكم وبكم .. .. احببتونى واحببتكم ..
فاذا غابت غدا شمسى ..
عدونى ان لا تنسونى .. وبين الحين والحين .. تتذكرونى
و.......تذكرونى ......
.................... تذكرونى ..............................
هناك 51 تعليقًا:
عاوزه اعتذر لكل اللى اتضايق او حس بتشاؤم فى البوست ده والله انا فعلا مش عاوزه حد يتضايق بس احيانا بتجيلى فكره لاغنيه او بيتين شعر منغير ما اكون عرفه الوحى ده جه ليه وامتى
وياحس انى عاوزه اكتب الكمات اللى بتدفق فى عقلى و خلاص ..
ما اخبيش عليكم انا حسيت بخوف بعد ما كتبت البوست ده و بصيت لمريم بنوتى الصغيره و دعيت ربنا يدينى العمر و اربيها يا رب ..
مش حاطول عليكم ومتزعلوش وعمر الشقى بقى .. بس انتم ادعوا لى وما تدعوش عليا ..
ياحبيبتى كده تخضينا عليكى
ايه بس مالك يا روفى ايميلى معاكى كلمينى عليه عشان اطمن عليكى
ربنا يخليكى ويبارك فى عمرك يارب ومايحرمناش منك ابدا
روفى هستناكى تطمنينى عليكى يارب تكونى بخير
واحب اطمنك ان اللى يعرفك لا يملك الا انه يدعيلك لانك بجد ونعم الاخت والصديقةولديك قدرة فائقة(ماشاء الله)على التأثير فى الاخرين وزرع حبك فى قلوبهم
عايزة افكرك بحاجة كمان "الابذكر الله تطمئن القلوب"
اللهم ارزقك راحة البال والاطمئنان وحلاوة الايمان وجعل كل اعمالك طاعة ورزقكى الفردوس الاعلى بلاحساب امين يارب العالمين
monaliza
حبيبتى امه الله والله العظيم انا بخير والحمد لله ومفيش اى حاجه حصلت .. اسفه قوى لأنى قلقتك والله ما كنش قصدى انا بعد ما كتبت البوست نعيت همك انتى بالذات وعلشان كده كتبت اول تعليق اطمنكم فيه .. ياسمين وهدير زعلوا منى لما قرأوا البوست و حسسونى بالذنب والله مش عارفه انا ليه حسيت بالكلام ده وكتبته .. ان شاء الله خير .. وبعدين انا ياما كتبت حاجات حزينه زمان والحمد لله ما حصليش حاجه و زى ما قلتلك عمر الشقى بقى .. مجرد ابيات اوحيت بها فكتبتها ولو استنيت شويه كنت حأنساها .. اسفه .. اسفه جدا لقلقك .
انا ضيفتك على الايميل فى الياهو عندى بس انتى لسه ما ضفتنيش اعمليلى ادد
عندك .. ان شاء الله حنتكلم قريب .
ارجوكى سامحينى ومتحسسنيش بالذنب انتى كمان ..
كل الود والتقدير
rovy
روفى........
انا جيت والله من امبارح بفكر فيكى...اجى القى تذكرونى....من فكركى من غير حاجة ....المهم انا جاية اقولك خبر حلووووووووو...انا النهاردة حليت حلو فى الامتحان..بعد الامتحان الخامس والعشرون.لولىوووووووووو...قلت افرحك....يلى زغردى....واشترى جورنال الجمهورية حلو اوووى لبتدائى.....يلا بقى نرقص ونغنى بامناسبة السعيدة دى...حليت...حليت. واييييييييييييييية
كيكى
انا فرحانه قوى علشانك وعلشان انتى فرحانه ربنا يفرحك دايما وان شاء الله
تحلى فى كل المواد اللى جايه حلو ويارب تنجحى انتى وبناتى وكل ولاد وبنات المسلمين ... قولى امييين .
دمت بخير حبيبتى
rovy
روفى
هو فيه ايه؟ هو ده اختبار اعصاب ولا ايه؟ لو كده فانا سقطت بالثلث.
فيه ايه يا روفى؟ انت يا بنتى مش شايفة المدونات اللى حواليكى كلها اكتئاب و دموع و كان املنافى الله ثم فيكى.
بقولك ايه شوفى انت اكلتى ايه ولا شربتى ايه غلط النهاردة و ظبطى امورك.
اذكرونى ايه يا بنتى يا حبيبتى ربنا يبارك فى عمرك و يخليكى لبناتك.
لما عقلك يتدفق فيه الافكار اللى زى دى اشربيلك كوباية ميه ساقعة وهى تروح.
وبعدين البوست الجميل ده كفايه عليه يومين ولا ثلاثة مش لازم تخليه اسبوع ماشى ولا مش ماشى
اتفقنا...
انا ماشية وابقى اذكرينى:)
تحياتى
gannah
اسفه والله العظيم اسفه جدا حقك عليا .
اوعدك ان شاء الله ان البوست الجاى حيجى بسرعه و حيكون متفائل ..
بس عارفه رغم انى حسيت بالذنب بس فرحت قوى لما هدير قالت لى :ايه يا مامى هما بيحبوكى قوى كده ساعتها حسيت والله ان ربنا سبحانه وتعالى اكرمنى بيكم اخر كرم ربنا يخليكوا ليه
وما يحرمنيش منكم وخصوصا انتى و امة الله . حقك عليا بقى ما تزعليش .
واكيد طبعا انى اذكرك دوما .. فلا تقلقى ههههههه .
دمتى بخير و سلام
rovy
كلنا فداك يا اختاه وربنا يخليلك مريم
زيارتي الاولي للمدونة واول موضوع اقراه يكون تذكروني
رغم انه بيحمل بعض الحزن الا انه من نظرة تانية واقعي وفيه حب وولاء , ومش لازم تكون الذكري بعد الرحيل الاجمل انها تكون موجودة في القلب في كل وقت
لكل منا كيان ووجود وذات يضيع كل هذا وتبقي الذكريات
تقبلي مروري
drpharma
حقيقى مش عارفه اقولك ايه ..
بأرحب بك اولا و بجد نورتينى واسعدتنى زيارتك .
اشكرك جدا على رقتك وزوقك وانسانيتك
وبعد الشر عنك وعن كل زوارى الكرام .
دمت بخير ودام التواصل ان شاء الله .
تحياتى
rovy
سنووايت
معلش والله لو اعرف انك حتشرفينى اكيد ما كنش ممكن انزل البوست اللى واضح انى فى الاخر حأضرب عليه ..
وطبعا عندك حق فى الكلمتين الحلوين اللى رفعتى بهم معنوياتى .
اسعدنى مرورك الكريم و دمتى بخير
دام التواصل ان شاء الله
تحياتى
rovy
عندما افارق وليس بيدى حيله
فلتدعوا لى .. احبابى .. وتذكرونى
تذكرونى
ساعات كتير الانسان مننا بيطلب
فعلاا من احبابة واهلة ان يتذكروة
ويدعون لة بالخير تذكروني
بجد ياروفي كل بوست بتكتبية
اقوي واجمل واروع من الذي سبقة
دومتي مبدعة وصاحبة كلمات فعلاا
تتحس
تحياتي
السلام عليكي روفي الحبيبة
انتي من الاشخاص الذين احببتهم
في عالم التدوين اعرف ان هذه الكلمات
لا تقصدين بها شيئا ولكنها احزنتني قليلا
ربنا ما يحرمنا من طلتك الجميلة علينا
ويبارك في عمرك وتشوفي بنوتاتك الجميلات
عرايس واذا كانت الكلمات دي عشان اختبار حبك عندنا يبقى ماشي سماح المرة دي لانك غالية عندنا
ربنا يفرح قلبك ويرزقك من فضله
ياسر
اسعدتنى بتعليقك كثيرا .. ربنا يخليك .
الحقيقه انا بعد ما حسيت انى من غير ما اقصد فيه ناس بحبهم جدا زعلوا وانا عارفه ان ده لانهم بيحبونى والحمد لله ..
فكرت انى الغى البوست .. تعليقك خلانى غيرت رأى لانك حسيت يعنى ايه تحس انك عاوز تكتب حاجه حاسسها فتكتبها ..
والله ما كان قصدى اختبر حبهم او اقلقهم لانى فعلا بحبهم قوى ..
اشكرك كثيرا .. جزاك الله خيرا ودمت اخا وصديقا مخلصا تساندنى وربنا يخليك ليه .
عاوزه اقولك ان ربنا ما عطنيش اخ وانى بجد حسيتك اخويا .. اتمنى ان يحفظك الله .. خالص تقديرى وتحياتى .
rovy
امل الحبيبه
انا حاسه بحبكم والله وده لأنى انا كمان بحبكم قوى وحسيت ان ربنا اهدانى ناس حلوه قوى ناس عرفتها بأحساسى وروحى ودى اعلى درجات المعرفه وحبيتكم وحبتونى من غير اى مصلحه ودى اهم حاجه .
اسفه لو زعلتك من غير ما اقصد ..لان والله انا ما كنش قصدى اختبر حبكم لانى حساه والحمد لله . ربنا يخليكوا ليه وما يحرمنيش منكم ابدا يااااارب .
اشكرك على رقتك ودعواتك الجميله و عوزاكى تعذرينى لانك اكيد عارفه ان الالهام ما لوش وقت وانك احيانا بتحسى بأنك عاوزه تكتبى حاجه فبتكتبيها .
دمت بخير ودمت اخت لى
كل الود والتقدير والاعتذار
تحياتى
rovy
هو انا ممكن اقولك حاجه
بس تصدقينى
البوست ده رائع جدا جدا
انتى عارفه انا مبعرفش اكتب شعر ولا حتى بقدر اعبر عن اللى جوايا
بس اللى انتى كتباه ده هو هو نفس اللى انا حساه ونفسى اقولوا لكل حبايبى و اصدقائى
روفى البوست اللى فات حسيت انك بتكلمينى انا والبوست ده حسيت انى انا اللى بتكلم
والله كلامى صحيح
كان ليا خاله بحبها جدا وتوفت ولكنها كان تأثير كبير عليا جدا فى طفولتى وشبابى والى الان وبعد وفاتهادائما اتذكرها واترحم عليها ودايما بسأل نفسى يا ترى ممكن حد يحبنى ويترحم عليا ويتذكرنى بعد وفاتى
فبوست ده نفس الكلام اللى بيدور فى مخيلتى
بارك الله فيكى يا روفى واسعد ايامك ويخليكى لبناتك الحلوين
السلام عليكم
على الرغم من تعارض وجهات النظر حول الشعر الحر والشعر المقفى الا اننى اجد نفسي متحيزاً دوماً للشعر المقفى
الموسيقى والروح فيه بتكون اروع على الرغم ممن يقولون انه اصبح موضة قديمة وعلى الرغم من حبي للشعر الحر
كى لا اكون ممل قصيدتك فى منتهى الجمال
والموسيقى جعلتنى اقرأ كل النص واستمتع به كاملاً
دام لنا قلمك ايتها الشاعرة الكبيرة
خالص تحياتى واحترامى
هانىيس
دنيتى الجميله
انتى فعلا جميله قوى .. ربنا يخليكى ..
بجد كلامك حلو قوى ودايما بيسعدنى تعليقك .
بأعزيكى مره ثانيه فى خالتك العزيزه رحمها الله واسكنها فسيح جناته وغفر لها ولنا وللمسلمين كافة ان شاء الله .
بارك الله فى حياتك وعمرك ورزقك عمرا مديدا ان شاء الله ويا رب يخليلك كل احبابك ويبارك فيهم .
دمتى بخير وسعاده اختى الحبيبه ودام التواصل ان شاء الله .
تحياتى
rovy
hany yassin
عليكم السلام ورحمة الله وبركاته
الحقيقه مش عارفه اقولك ايه .. مش لاقيه كلام اعبر به عن امتنانى لتعليقك الكريم .. حقيقى كلامك اخجلنى جدا واكيد من كرمك الكبير وصفك ليه بأنى شاعره كبيره .. فانا ما زلت احاول و كل ما اتمناه ان يوفقنى الله بقراء كرام مثلك .. جزاك الله خيرا ووفقك دائما .
خالص شكرى وامتنانى
تحياتى
rovy
جميل قوي البوست واحساسك عالي فيه
ونغمة الغربة والسفر تقريبًا ليها نفس الايقاع في النفس
فكرة الهجرة من زمان مكانتش محبّبة وبسببها فرض القتال على المسلمين
بحييكي على البوست
واسلوبك جميل
السلام عليكم
روفي
لا تعتذري
فالأدب حالة تترجمها الكلمات
وأعجبني كلامك
ولكنا لن نتذكرك
لأنا لا ننساكي
تحياتي
آدم
اهلاً بيكي
يافندم حضرتك تحدثتي عن هادم اللذات الذي اذا ذكر في ضيق وسعه واذا ذكر في واسع ضيقه
تحدثتي عنه بحرفية عالية وبأسلوب راقي يشير اليه بشجن من بعيد لبعيد
طريقة التحدث عن الموت اوالفراق تثير الشجن والخوف ....وطريقة حضرتك بالتحدث عنه تحيي القلوب
اللهم أحيي قلوبنا ولا تتوفانا الا وانت راضي عنا....
آمين آمين آمين
تحياتي
بالتوفيق............
ايه يا روفي حرام عليكي انا كان قلبي هيوقف
ليه كدا قبضتي قلبي وفكرتيني بان ماما كمان تعبانه
ربنا يديكي الصحه وتربي مريومتك وتجوزيها كمان
ربنا يكرمك انتي بجد نعم الصديقه ونعم الاخت الكبيرة ومش بتنسي حد
وكلامك بيدخل القلب علي طول
خدي بالك من نفسك عشان بناتك وعشانا احنا كمان انتي بتدينا امل في الحياه والله مش مجامله
دمتي بالف صحه وسعادة
اختك مي دة بعد اذنك يعني
وصحيح انا بحاول اضيفك علي Google talk نفسي بجد اكلم معاكي
ارجو ان يتذكروكي ومازال الندي في اوراقك -التحية
احساسك جميل جدا وعالى برغم التشاءم الفظيع
فيروز
حرام عليكى ومش عايزه الناس تتخض عليكى ايه يابنتى كنت بتتفرجى على فلم اذكروينى ده مايمنعش ان احساسك كالعاده حالم
كوارث
اهلا بيك
اشكر مرورك وتعليقك الكريم
دمت بخير ودام التواصل
تحياتى
---------------------------------------
adam
اشكرك جدا على الكلام الرقيق ده
ربنا يخليك بجد مش لاقيه رد يعبر عن امتنانى .
دمت بخير ودام التواصل
خالص تقديرى وتخياتى
---------------------------------------
ghoneem
دايما بيأسرنى ذوقك فى التعليق لكن المره دى كلامك الراقى والمشجع قوى ده مش ممكن الاقى رد يوفيه .
كل الشكر والامتنان
خالص تقديرى وتحياتى
==========================================
مدينة الملائكه
الف بعد الشر على قلبك ربنا يخليكى ويخليلك ماما .. وبجد حقك عليا ...
مجرد خواطر سطرت كلمات فى ذاكرتى فنقلتها و ما كنش قصدى ابدا انى اقلق حد . كده الجنس الناعم كله اثبت انه رقيق جدا ومش حمل اى حاجه ..
انتى كمان من الناس اللى قابلتهم فى التدوين وحسيت بهم وحبتهم ...
اشكرك جدا على كل الكلام الحلو ده
بالنسبه لحسابى فى جوجل عندى مشكله مش عارفه ادخل عليه خالص ..
لو ما عرفتش احلها حأغير الاميل اللى مكتوب واحوله لحسابى فى الياهو او الهوت
وان شاء الله اكلمك قريب جدا واكيد ده حيسعدنى .
دمت بخير ولكى كل الود
تحياتى
----------------------------------------
مشتاق لله
اشكرك جدا لتعليقك الرقيق والمتميز
وانا كمان ارجوا هذا ..
كل الامتنان والتقدير
تحياتى
rovy
nado
معلش يا قمر جنون الادب بقى
ربنا يخليكى و ميحرمنيش منك
==================================
فيروز
سغيده قوى بتعليقك يا قمر
ربنا يخليكوا ليه وميحرمناش من بعض ابدا ..
كل الود لكى اختى الحبيبه
rovy
أدام الله قلبك قلب ود
وحب لا يداهمه فراقا
ولا أبكى لكى أختاه عينا
لديكى نحن أصحابا رفاقا
ف حى على الصلاة أختاه و قومى
فى الله حبك بيننا فاق النفاقا
...لم أتعود منكى هذا القتوم أختاه ..
بعد أن تصلى كما طلبت منكى فى بيت شعرى-أرجو أن يكون عجبك-تعالى إلى مدونتى لترفهى عن نفسك.....قليلا
أراح الله قلبك و نفث همك و غمك و أبدلكى بالحزن سعادة و أتاكى الحسنى و زيادة..
دمتى بخير
اية ياقمر مالك
وربنا يديكى طولة العمر وتفرحىبعيالك
عارفة لو كنتى جيتى حفلة اول امبارح اكيد كنتى هتبقى مبسوطة
على فكرة انا كنت عمالة ادور عليكى
ماجتيش لية
النوبة الجاية اوعى ماتجيش
تحياتى لكى
العزيزة
rovy
لماذا هذا الشعر الحزين
ربنا يمد فى عمرك وتشوفى مريم دكتورة وتجوزيها كمان
لابد لنا ان نتذكر الموت كل لحظة لنعمل من اجل لقاء الله ونعمل على مرضاته فقط
لا ان نتشائم وننتظره
روفى
كلمات تستحق النظر فيها بعمق
والتفكير فيما سنكون عليه فيما بعد
واعتقد ان الذكرى الطيبه افضل مايتبقى لنا
ربنا يديلك طوله العمر وتشوفى مريم احلى عروسه
تحياتى لكى
دا مقلب جامد
دمتي بخير دائما يا أم مريم.
......تحياتي.......
واحد من البلدى
اشكرك جدا .. حقيقى ابيات من شاعر وانسان . - اكيد عجبتنى - ..
تقبل الله دعواتك ولك مثلها ان شاء الله اخى الفاضل ..
اشكر لك نصيحتك الغاليه و اؤكد لك اننى والحمد لله فى خير حال وانها مجرد كلمات فى ابيات احسستها وكتبتها ..
لك كل الشكروالامتنان .
دمت بخير .. خالص تقديرى وتحياتى
rovy
رئيسة حزب الاحلام
انا بخير يا قمر والحمد لله
اسفه انى ما جيتش الحفله اللى فاتت عندك .. وعاوزه اقولك ان لو حصل واتأخرت عليكى تعرفى انها اكيد ظروف منعانى بس مش ممكن اكون نسياكى .
دمت بخير حبيبتى ودام التواصل ان شاء الله .
كل الود والتحيه
rovy
استاذ حسن محمد توفيق
استاذى الفاضل لم اقصد التشاؤم ابدا ولكنها مجرد ابيات اوحيت لى واحسستها
فكتبتها فعذرا اذا كنت قد احزنتكم
اشكر لك سيدى مرورك الكريم وتعليقك المتميز . دمت بخير وسعاده وهناء
خالص تقديرى
تحياتى
rovy
الحالة دى بتجيلى كتير على فكرة
ولعجائب القدر عندى النهارده
قاعده أبص لابنى وساكتة واقول ده من غيرى ممكن يعمل ايه ؟
ربنا يخليلنا اولادنا ويخليهم لنا طول مهم محتاجينلنا
أول زيارة وان شاء الله تتكرر
دمتى بخير أختى
سالى
ra7eel
اهلا بيكى
اشكر مرورك وتعليقك الكريم
نورتينى يا قمر ..
دمت بخير ودام التواصل
تحياتى
rovy
الهدهد الطائر
مقلب ايه لا سمح الله ..
بجد مش فاهمه بس على كل حال نورتنى
واسعدتنى زيارتك
تحياتى
rovy
sally
اهلا بيكى فى اول زياره ... نورتينى بجد
ربنا يخليلك ابنك ويخليكى لهو يارب ما يحرمكوش من بعض ابدا ..
اشكر مرورك الكريم و دام التواصل
دمت بخير وسعاده
تحياتى
rovy
تحياتي
اه ، لقد اثرتي اشجاننا...و ذكرتينا برحيلنا....فعلنا نعمل صالحا قبل ان تأتي محطتنا و يتوقف قطارنا و ننزل...
و عسي الله ان يرحمنا
و الانسان مخلد بأعمالة الطيبة...تقف
شاهدا لنا...
تحياتي و تقديري
بالعكس كلماتك حلوة اوي وجميلة جدا انا بيعجبني اسلوبك اوي بجد مشاء الله عليكي وبعدين الواحد اكيد بيمر عليه لحظة بيشعر انه متضايق الكلام بيخرج منه حسب حالته مستنين جديدك دايما ياقمر
خالص تحياتنا
يا خبر ياروفى
كل دا الم وحزن بداخلك؟؟
مش عارفة اقولك اية بس بجد بوست مؤلم وحزين للغاية
والمنى شخصيا
اوقلك انا بعمل اية فى المواقف دى
بعد اللجوء لله عز وجل
انى احاول اشوف الالم الاخرين
واساعد اللى اقدر عليه
او حتى انى اسمع مشاكل غيرى وان قدرت اساعدهم
توكلى على الله واعلمى ان اشد الناس ابتلاء هم الانبياء والصالحين
ونرجوا ان نكون منهم
كل الود
وربنا يفرج همك وحزنك
ونتنظرى للدنيا بتفائل اكبر
روفي الجميله
حقيقي كلماتك جميله وتأثرت بيها جدا
بجد خلتني اخاف وافكر
ياترى بكرة فيه ايه
وبعد الرحيل هيحصل ايه
بجد سلمت يداك
الربان
اسفه لاثارة اشجانك ولكن الانسان احيانا يحتاج قليلا منها ليشعر بالحياه
مرورك وتعليقك الكريم يسعدنى دائما .
اشكرك كتيرا وادعو الله ان يحفظك و يجعلك من اهل الجنه بعد عمر مديد ان شاء الله
خالص تقديرى وتحياتى
rovy
بنات صاحبة الجلاله
كلماتكم اسعدتنى والحمد لله ..
اشكركم كثيرا وربنا ما يحرمنيش منكم .
كل الشكر والامتنان
تحياتى
=================================================
نهر الحب
اختى الحبيبه انا فغلا لم اقصد ان اشعرك بأى الم.. وصدقينى لو قلتلك مهما مر بى فأنا دائمة التفاؤل منذ تعلمت ان الجأ للرحمن وللرحمن وحده لا شريك له مهما حدث فى حياتى والحمد لله من وقتها عرفت طريق السعاده .
وصدقينى دى مجردابيات او خواطر لكى ان تسميها كما شأتى .
اشكرك حبيبتى على نصائحك الغاليه وعلى دعواتك الثمينه ولكى مثلها ان شاء الله .
دمت بخير حبيبتى و دمتى اخت غاليه
تحياتى
rovy
حبيبه القمر
سعيده بيكى جدا لانك حسيتى بالرساله وفهمتيها ..
ربنا يوفقك ويبارك فى عمرك وايامك
دمت بخير ودام التواصل
تحياتى
rovy
السلام عليكم
إيه الكسل ده..؟؟
ملحوظة..هوه ماحدش بيسأل ليه عن الأخت مكسوفة..
أنا ملاحظ غيابها من فترة..
لو حضرتك تعرفيها يا ريت تطمنينا..
تحياتى لحضرتك
واحد من البلدى
انا مش كسلانه انا بس مش فى المود ومش قادره اكتب اللى وعدت به .. ادعيلى
بالنسبه للاخت مكسوفه انا اسفه لانى فعلا مش عارفاها .. اتمنى انها تكون بخير ولو عرفت اسأل حد حأبقى اطمنك .
دمت بخير
تحياتى
rovy
وعندما اسافر بلا عوده
انتظر ولا اعلم متى ستأتونى
تذكرونى
الموضوع لمس معايا قوي يمكن علشان مسافر .. احتمال
الكلام جميل ومعبر جدا
تحياتي
walad masry
اشكرك على تعليقك الكريم اللى خلانى اسامحك على التأخير .
خالص تقديرى وتحياتى
rovy
إرسال تعليق